San Juan 11:8 - Nuevo Testamento Uwotjüja

⁸ Pä̧u̧ u̧wo̧juȩtä̧u̧mä̧, pättinä̧ku̧: —Wo̧juȩkuä̧ i̧sa̧, ni̧po̧ ji̧nü̧mä̧ judío-mä̧, i̧nä̧ o'kinä̧ ikuäu kuä'ü ttikua pättäja'anä̧ ¿Pä'äjita'anü̧ kui̧'cha̧ päkua'a tä̧jí̧?

TÄ̧DO Ä̧CUÄ̧ I̧HUȨNȨ

⁸ Ja̧'hua̧nö̧ päomenä, u̧huo̧juȩtä̧u̧ ädätinätödo: —Huo̧juȩcuä̧ I̧sa̧, ni̧po̧ ja̧'a̧cu̧ juhua'attö judíos ttö̧ja̧ ido'qui icu, ucuru cuä'ö tticua pä'inätödo. ¿Jitämä pä'äji ta'anö juhua'atä cui̧'cha̧ pä'öjä tä̧ji̧?

San Juan 11:8 Iomraidhean Croise

San Mateo 23:7

Ja̧'wa̧ta̧nü̧ ttu̧kuȩ ȩmä̧wo̧mȩttü̧mä̧ ukuotünü̧ te'äu kkä̧nü̧'i̧nä̧, wo̧juȩkuä̧ isotü, wo̧juȩkuä̧ isotü ottatü pä'ätü.

San Mateo 23:8

Ja̧'wa̧nü̧ ja̧'a̧nä̧ ukutumä̧ wo̧juȩkuä̧ isotü pä'ü ottünä̧mä̧ jȩ'kuä̧tu̧kuä̧, ukutumä̧ o'katoi'ünä̧ kuawaruwä kui̧jä̧wa̧tü̧ wotütä kuätukua'attü. Ja̧'wa̧ta̧nü̧ wo̧juȩkuä̧ i̧sa̧rü̧mä̧ ya̧tȩrü̧tä̧ kku̧nä̧rä̧tü̧jä̧, Crito-rütä.

San Juan 10:31

Päomȩnä̧, judío-mä̧ pä'äjita'anü̧ i̧nä̧ o'ki ȩmo̧po̧'i̧nä̧tü̧ ikuäu ttikuarü pä'ü.

San Juan 10:39

Päomȩnä̧, pä'äjita'anü̧ 'chuttädarü pä'ü jȩtti̧pa'anä̧, ttu̧mü̧ttü̧ tiro'kui'ü Jesú-mä̧ tüipächini̧yä̧u̧.

San Juan 11:19

Ja̧'wa̧nü̧ ja̧'a̧, rekuätü judío-mä̧, Marta-rü'i̧nä̧, kkijäwaju María-rü'i̧nä̧, tti̧jä̧wa̧ Rázaru 'korujuoächäja'a ttajäkuäwiyä̧u̧ do'ächü tti̧'chä̧ja̧'a̧ ji̧na̧'a̧.

San Juan 4:31

Ja̧'wa̧nü̧ ja̧'a̧nä̧, u̧wo̧juȩtä̧u̧mä̧, —Chu̧ru̧wa̧, ¡isoo! ku̧kuȩ kuiti pä'ü, ttu̧kuo̧kuä̧ri̧nä̧ku̧.

San Juan 8:59

Päomȩnä̧, juätü judío-mä̧ inä̧du ȩmi̧nä̧tü̧ ikuäu ttikuarü pä'ü; ja̧'wa̧nü̧ ja̧'a̧nä̧ Jesú-mä̧, ttü̧ja̧ ttü̧'kä̧tȩ jo̧mȩnä̧ dajawächü Dio-rü ukuokuäkuäwodettümä̧ rä'opächinü̧.

Hechos 20:24

Ja̧'wa̧nü̧ ja̧'a̧nä̧, cha̧'kua̧rü̧mä̧ ukuo te'äwoküsä, Chu̧ru̧wa̧ttü̧ chȩmi̧nü̧ chaditäwä, eseunu̧ kädäda pä'ütä amükuädüsä, Dio rettü iyinü jareü wȩnȩ ji'äunu̧.