San Juan 10:27 - Nuevo Testamento Uwotjüja

²⁷ Ttü chä̧ji̧mü̧ oweja-tü̧mä̧, chi̧wȩnȩ ä̧ju̧ku̧mä̧ wo̧juä̧tü̧, pärokua'aku ttü'i̧nä̧ chu̧wo̧juä̧u̧ ja̧'a̧ttü̧ cho'ka'anä̧ ichätü.

TÄ̧DO Ä̧CUÄ̧ I̧HUȨNȨ

²⁷ Chä̧ji̧mö̧ o̧vȩja̧stö̧ chi̧huȩnȩ huo̧juä̧tö̧. Ttö'inä jahuätörö huo̧jua̧sä̧. Ttö cho'ca'anä cue'ächätö.

San Juan 10:27 Iomraidhean Croise

San Mateo 16:24

Jua̧u̧nü̧ o'ka'a, Jesú-mä̧ u̧wo̧juȩtä̧u̧rü pä'inü̧: —Ya̧tȩ cho'ka'anä̧ icha pä'ümä̧, a̧mü̧nä̧ jäwämä̧ u̧ni̧chi'ü, ü̧jo̧kä̧jäi ȩmi̧pü̧tä̧, cho'ka'anä̧ ichi.

San Mateo 17:5

Peduru-mä̧ ji̧nä̧ ukuoku ü̧ja̧'a̧nä̧, ajiya isoppa kkȩdȩpoppa juätü ttu̧wä̧mȩ jo̧mȩ mȩyȩwi̧a̧'a̧ttü̧, juoppattü ya̧tȩ i̧wȩnȩ rȩmi̧pi̧na̧'a̧: «Pidemä̧ ttü chi̧tti̧ rü̧ȩnä̧ eseu repedäku: Jua̧u̧ru̧mä̧ ä̧ju̧kuä̧tu̧kui̧», jü̧nä̧.

San Mateo 25:12

Pättäku jua̧u̧mä̧ ädätinä̧u̧: «Isopäi'ünä̧ pädäu̧jä̧, ukuturumä̧ jȩru̧pa̧sä̧.»

San Mateo 7:23

Ja̧'wa̧nü̧ pättomȩnä̧ chä̧dä̧tä̧kuä̧u̧: Yoriso chu̧wo̧juo̧ko̧u̧ pinä̧tü̧jä̧; ¡surojütä jȩä̧kuä̧wä̧ isotümä̧, ttüttümä̧ 'kȩ'i̧pä̧chä̧tu̧kui̧!

San Marcos 10:21

Pä'anä̧, Jesú-mä̧ topü eseunu̧ päinä̧ku̧: —Ji̧nä̧, ji̧yȩtȩ jui̧'a̧jä̧: ku̧ju̧nä̧rü̧ o'kajuiyünä̧ mikuä pä'ü iyä'chü ikuäji, rekuä rü̧jä̧u̧ru̧ kuiyäkua'anü̧. Ja̧'wa̧nü̧ jȩ'kuo̧mȩnä̧ mo̧ro̧jä̧ra̧'a̧ttü̧ pärätä ku̧ju̧nä̧rä̧kua̧jä̧. Ja̧'wa̧nü̧ jȩpü̧, ü̧jo̧kä̧nü̧ ȩmi̧pü̧, cho'ka'anä̧ ichi.

San Marcos 8:34

Jua̧u̧nü̧ o'ka'a Jesú-mä̧, u̧wo̧juȩtä̧u̧rü'i̧nä̧, ttü̧ja̧rü̧'i̧nä̧ wopo'ü, pä'inü̧: —Ya̧tȩ cho'ka'anä̧ icha päüttümä̧, kua̧mü̧nä̧ jäwämä̧ unichi'i, mo̧ro̧ ji̧nü̧ a̧'u̧kuä̧ ü̧jo̧kä̧jäi ȩmi̧pü̧ täi ja̧'wa̧nü̧ jȩpü̧ cho'ka'anä̧ ichi.

San Lucas 13:27

Päkuiyätukuäku, pä̧kuä̧u̧jä̧: yoriso ukuturumä̧ jȩru̧pa̧sä̧; ttüttümä̧ 'kȩ'i̧pä̧chä̧tu̧kui̧ o'katoi'ünä̧tä̧ suronä̧ jȩä̧kuä̧wä̧ isotüjä̧.

San Lucas 9:23

Ja̧'wa̧ta̧nü̧ o'katoi'ünä̧rü̧ pä'inü̧: —Ttü cho'ka'anä̧, ya̧tȩ icha päüttümä̧, a̧mü̧nä̧ pa̧ja̧tü̧ repeü kä'ädi'ü, mo̧ro̧ ji̧nü̧ a̧'u̧kuä̧, ü̧jo̧kä̧nü̧ jäi, (cruz) pättäi ȩmi̧pü̧, cho'ka'anä̧ ichí.

San Juan 10:14

Ttütäsä ji̧nä̧so adiwänä̧ oweja-tü̧ ttu̧ru̧wa̧mä̧; chä̧ji̧mü̧ oweja-tü̧rü̧mä̧ wo̧jua̧sä̧, pärokua'aku ttürü'i̧nä̧ wo̧juä̧tü̧,

San Juan 10:16

Ja̧'wa̧ta̧nü̧, kkorotü oweja-tü̧ po̧ka̧nä̧ kka̧kuo̧ko̧tü̧rü̧'i̧nä̧ kku̧nä̧rü̧sä̧; juätürü'i̧nä̧ chi̧'chä̧chä̧kua̧sä̧, chi̧wȩnȩ ttä̧ju̧kua̧'a̧ttü̧; ja̧'wa̧nü̧ jo̧mȩnä̧ oweja-tü̧mä̧, ji̧nä̧ yo̧mȩtȩ ttu̧ru̧wa̧ku̧ ttü̧ja̧kuä̧kuo̧tü̧.

San Juan 10:8

Isopäi'ünä̧ ttü chä'kanä̧ ichinä̧tü̧mä̧, nä̧u̧kuä̧rä̧kuä̧wä̧ isotü ji̧na̧'a̧ ja̧'wa̧nü̧ ja̧'a̧ttü̧ oweja-tü̧mä̧ ttä̧ju̧kuo̧ko̧u̧ pinä̧tü̧.

San Juan 12:26

Ya̧tȩ ttü wedü jȩpü̧mä̧, cho'ka'anä̧ ichi; jua̧u̧mä̧ ttü chi̧'cho̧mȩmä̧ i̧'chä̧kua̧. Ttü wedü jȩpü̧rü̧mä̧, Chä'o'i̧nä̧ esewä̧kua̧.

San Juan 21:22

Päiyäku, Jesú-mä̧ ädätinä̧ku̧: —Jua̧u̧mä̧ ttü ppa̧dä̧chomȩbü päi'ünä̧ ü̧ja̧ pädüttümä̧ttü̧, ¿ja̧'wa̧nü̧ ja̧'a̧nä̧ ukú jäwämä̧kü̧? Ukumä̧, cho'ka'anä̧tä̧ ichi.

San Juan 5:25

Isopäi'ünä̧ pädäu̧jä̧: Täkü mo̧ro̧ rȩbȩä̧kuä̧wa̧'a̧, jua̧u̧ mo̧ro̧mä̧ jitätä ja̧'a̧; wa'inä̧tü̧ Dio I̧tti̧ i̧wȩnȩ ttä̧ju̧kuä̧kuo̧mȩmä̧; ja̧'wa̧nü̧ ja̧'a̧ttü̧ ä̧ju̧kuä̧tü̧mä̧ tta̧'kua̧ri̧'ä̧kuo̧tü̧.

San Juan 8:12

Jesú-mä̧ pä'äjita'anü̧ ttü̧ja̧rü̧ pä'inü̧: Ttütäsä pi̧jä̧ttü̧ tȩya̧u̧mä̧; ttüku ichümä̧, yo̧ü̧nä̧mä̧ kue'ächokü jä̧kua̧, pärokuä tȩya̧u̧ tta̧'kua̧rü̧tä̧ u̧ju̧nä̧rä̧kua̧.

San Juan 8:43

¿Tta̧'a̧nü̧ pä'ü ttü chukuokumä̧ wo̧jui̧'o̧ko̧tü̧jä̧ttü̧? Jua'amä̧ chi̧wȩnȩ kuä̧ju̧kuä̧tu̧ku̧ juiyünä̧ ja̧'a̧ttü̧.

Hechos 3:23

Ja̧'wa̧nü̧ ja̧'a̧ttü̧, o'katoi'ünä̧ jua̧u̧ profeta-rü ä̧ju̧kuo̧kü̧mä̧, juätü ttü̧ja̧ttü̧ rä'epü i̧kuä̧wä̧kua̧.

1 Corintios 8:3

Ja̧'wa̧nü̧ ja̧'a̧nä̧, ya̧tȩ Dio-rü eseu repe'ümä̧, Dio-tä u̧wo̧juä̧ku̧.

Gálatas 4:9

Ja̧'wa̧nü̧ ja̧'a̧nä̧ jitä Dio-rü ku̧wo̧juä̧chi̧nä̧tu̧kua̧'a̧mä̧, ja̧'wa̧nü̧ pä'ü jui'ü'i̧nä̧ Dio u̧wo̧juä̧u̧ kuätukua'amä̧ ¿tta̧'a̧nü̧ pä'ü ppa̧kuä̧chä̧tu̧kua̧'a̧jä̧ttü̧ ttü̧ä̧nä̧wo̧tü̧ juiyupätürü, mikuäwokotürü, kukuotätukua pä'ümä̧?

2 Timoteo 2:19

Ja̧'wa̧nü̧ ja̧'a̧nä̧ Dio-mä̧ kkada'ka adiu 'kiyünä̧ 'chu̧ä̧ro̧mȩ jȩpü̧ kku̧ni̧nü̧, juȩnȩ wȩyu̧kuä̧mä̧ pä'a: Tü̧ä̧nä̧wa̧mä̧ chutäku todepätürü wo̧jua̧; ja̧'wa̧ta̧nü̧ «o'katoi'ünä̧ tü̧ä̧nä̧wa̧ i̧mi̧nä̧ jä'epätümä̧ surojüttü 'kȩ'i̧pä̧chi̧nä̧tü̧».

Hebreos 3:7

Ja̧'wa̧nü̧ ja̧'a̧ttü̧ wȩyu̧kuä̧ wȩnȩnä̧ Epíritu Sa̧tu̧ pä'inü̧: «Jitä pi̧yȩ mo̧ro̧ Dio ukuokua'a kuä̧ju̧kuä̧tu̧ku̧ttü̧mä̧,

Apocalipsis 14:4

Pitümä̧, kkorotü ttü̧ä̧nä̧wo̧tü̧ yaparewätuku surojuottekuoka'a, suro ya̧tȩ Dio-rütä esetinä̧tü̧ ji̧na̧'a̧. Juätümä̧ o'katoi'ünä̧, oweja mü̧ä̧ya̧ jü̧nä̧ wa̧ i̧'cho̧mȩmä̧ o'ka'anä̧ 'chä̧tü̧ ji̧na̧'a̧. Juätümä̧, pi̧jä̧ ttü̧ja̧ ttü̧'kä̧tȩ jo̧mȩttü̧, surojüttü ȩmi̧nä̧u̧ ji̧na̧'a̧, ä̧kuo̧mȩnä̧ jäwä ofrenda, Dio-rü'i̧nä̧, oweja mü̧ä̧ya̧ jü̧nä̧ wa̧rü̧'i̧nä̧ iyäwä päi'ünä̧.

Apocalipsis 3:20

Ttümä̧ äpatenä̧ kkä̧nü̧ wopüsä; ya̧tȩ wochü ä̧ju̧ku̧ äpate bawepüttümä̧, jua̧u̧ ojusodenä̧ do'ächü, jua̧u̧tä̧ku̧ yo̧mȩtȩnä̧ chu̧kuä̧kua̧sä̧.