San Juan 1:34 - Nuevo Testamento Uwotjüja

³⁴ Ja̧'wa̧nü̧ tochina̧'a̧ttü̧ pä'üsä, jua̧u̧tä̧ ja̧'a̧ Dio i̧tti̧mä̧, jü̧nä̧.

TÄ̧DO Ä̧CUÄ̧ I̧HUȨNȨ

³⁴ Ttömä ja̧u̧ru̧ topinösä. Ttö huo̧jua̧sä̧, ja̧u̧mä̧ Dios I̧tti̧do jidähuäcua'a̧nö̧, —pä'inödo Juan.

San Juan 1:34 Iomraidhean Croise

San Mateo 11:27

Kka̧ku̧ o'kajuiyünä̧tä̧, Chä'ottümä̧ iyäwi'inä̧ku̧sä̧. Isopäi'ünä̧ i̧tti̧rü̧ wo̧jua̧mä̧ jä'otä ja̧'a̧, pärokua'aku jä'orü wo̧jua̧mä̧ I̧tti̧tä̧ ja̧'a̧ ja̧'wa̧ta̧nü̧ I̧tti̧ i̧jȩpä̧ku̧tä̧ ja̧'a̧ wo̧jui̧'ü̧mä̧.

San Mateo 16:16

Päomȩnä̧, Simón Peduru-mä̧ päinä̧ku̧: —Ukumä̧, Crito-jä̧, a̧'kua̧rü̧ kkä̧ku̧ Dio weinä̧ku̧.

San Mateo 17:5

Peduru-mä̧ ji̧nä̧ ukuoku ü̧ja̧'a̧nä̧, ajiya isoppa kkȩdȩpoppa juätü ttu̧wä̧mȩ jo̧mȩ mȩyȩwi̧a̧'a̧ttü̧, juoppattü ya̧tȩ i̧wȩnȩ rȩmi̧pi̧na̧'a̧: «Pidemä̧ ttü chi̧tti̧ rü̧ȩnä̧ eseu repedäku: Jua̧u̧ru̧mä̧ ä̧ju̧kuä̧tu̧kui̧», jü̧nä̧.

San Mateo 26:63

Ja̧'wa̧nü̧ pä'anä̧ Jesú-mä̧ ädätokoku, sacerdote ttu̧ru̧wa̧mä̧ jua̧u̧ru̧ pä'inü̧: —Dio kkü̧ i̧mi̧nä̧ wedäkujä̧, isopäi'ünä̧ Dio i̧tti̧ Jesucrito kuttümä̧ jikuäwatü pä'üsä.

San Mateo 27:40

pä'inä̧tü̧: —¡Uku Dio-rü ukuokuäkuäwode pparopü ikuipü wäbodäkuä mo̧ro̧tä̧ kuaditäkua̧jä̧ päkuina̧'a̧mä̧! ¡Isopäi'ünä̧ Dio I̧tti̧ kuttümä̧ kua̧mü̧nä̧ pa̧ja̧tü̧ kki̧'ä̧kuä̧u̧ ü̧jo̧kä̧ jäittü mȩyȩwä̧chi̧!

San Mateo 27:43

Dio I̧tti̧sä̧ pä'ä'ijü, wä̧i̧nä̧ Dio-tä ppädäku: ¡isopäi'ünä̧ Dio repeäku jü̧ttü̧mä̧, Dio wa'arettü ü̧ji̧pü̧nä̧ ppä̧dä̧kua̧!

San Mateo 27:54

Su̧ro̧do̧u̧ ttu̧ru̧wa̧'i̧nä̧ ja̧'wa̧ta̧nü̧ jua̧u̧tä̧ku̧ Jesú-ru to̧pä̧rü̧ tta̧'a̧rü̧ kka̧kuä̧tü̧'i̧nä̧ terremoto pättü juei o'kajuiyünä̧ 'kuäopa'a topü rü̧ȩnä̧ ye'ü pä'inä̧tü̧: —¡Isopäi'ünä̧ pidemä̧ Dio I̧tti̧ jä̧'i̧ja̧'a̧dä̧!

San Mateo 3:17

Ja̧'wa̧nü̧ päi'omȩnä̧, mo̧ro̧jä̧ra̧'a̧ttü̧ i̧wȩnȩ ji̧yȩtȩ rä̧mi̧pi̧na̧'a̧: «Pidemä̧ chi̧tti̧ rü̧ȩnä̧ rȩni̧'a̧, jua̧u̧ru̧ juiyo eseusä.»

San Mateo 4:3

Ja̧'wa̧nü̧ ja̧'a̧ Äwettämä̧ kka̧kuä̧mü̧ toa pä'ü, Jesú ü̧jo̧mȩku̧ ichi'ü päinä̧ku̧: —Isopäi'ünä̧ Dio I̧tti̧ kuttümä̧, pi̧yȩ inä̧du kuäkuäwä päi'ünä̧ pärowächünä̧, pä'i.

San Mateo 4:6

päinä̧ku̧: —Isopäi'ünä̧, Dio I̧tti̧ kuttümä̧ rȩjȩku̧ tü'ächi; wȩyu̧kuä̧ wȩnȩmä̧ pä'ija'a: «Dio-mä̧ umüwäyotü á̧gȩrȩ-rü wȩä̧kua̧ 'chuttädaku pä'ü, i̧nä̧wänä̧ ppekuokuächü juiyünä̧.»

San Mateo 8:29

Juätümä̧ pä̧i̧ku̧nä̧ wopinä̧tü̧: —¡Dio I̧tti̧mä̧ toku pä'ü jȩ'kua̧'a̧jä̧ttü̧, ujuturumä̧! ¿Ji̧nä̧ rüjí mo̧ro̧, ro̧ȩkuä̧kuȩ mo̧ro̧ päi'oka'anä̧ usurä tȩmä̧u̧nä̧ ro̧'ȩpü̧ kuichäja'a tä̧jí̧?

San Marcos 1:1

Tü̧ä̧nä̧wa̧ Dio I̧tti̧, i̧chä̧kua̧ pä'ü ukuowinü̧, Jesú ütü'kü jäwä, jareü wȩnȩmä̧, pa̧'a̧nü̧ kkä̧mä̧di̧na̧'a̧.

San Marcos 1:11

Ja̧'wa̧nü̧ päi'omȩnä̧, ya̧tȩ i̧wȩnȩ, mo̧ro̧jä̧ra̧'a̧ttü̧ rä̧mi̧pi̧na̧'a̧: «Ukumä̧ ttü chi̧tti̧jä̧ rü̧ȩnä̧ rȩni̧'a̧, ukuru rü̧ȩnä̧ repe'üsä.»

San Lucas 1:35

Päjäku á̧gȩ-mä̧ ädätinä̧kua̧: —Epíritu Sa̧tu̧ ukuru ichü ü̧jä̧mä̧dä̧kua̧. Ja̧'wa̧nü̧ jo̧mȩnä̧ Mo̧ro̧jä̧ Ru̧wa̧ ujuru a̧'kua̧juä̧nä̧ 'ka̧tä̧chi̧'ä̧kua̧ju̧jä̧. Ja̧'wa̧nü̧ ja̧'a̧ttü̧ ji̧'ki̧cha̧wa̧ u̧wä̧pä̧chä̧kua̧mä̧ Dio i̧tti̧, surojü jui̧'a̧ pä'ü o̧ttä̧kua̧.

San Lucas 3:22

Epíritu Sa̧tu̧ i̧mȩyȩwi̧'i̧nä̧ku̧ unuku 'kua̧ra̧nä̧; ja̧'wa̧nü̧ päi'a'attü, ya̧tȩ i̧wȩnȩ, mo̧ro̧jä̧ra̧'a̧ttü̧ rä̧mi̧pi̧na̧'a̧: —«Ukumä̧ ttü chi̧tti̧jä̧ rȩni̧'a̧; ukuru rü̧ȩnä̧ eseusä.»

San Juan 1:18

Ya̧tȩ'i̧nä̧ Dio-rü topinü̧mä̧ toa'a; ja̧'wa̧nü̧ ja̧'a̧nä̧ Dio I̧tti̧ chu̧'ä̧kua̧, chutäku todeunä̧ kkü̧tä̧ ja̧'a̧, jua̧u̧ru̧ tu̧wo̧juö̧nä̧ i̧jȩpü̧mä̧.

San Juan 1:49

Päku, Natanael-mä̧ pä'inü̧: —Wo̧juȩkuä̧ i̧sa̧ ¡Ukumä̧ isopäi'ünä̧ Dio i̧tti̧jä̧, Irae ttü̧ja̧ ttu̧ru̧wa̧ Rey-jä̧!

San Juan 10:30

Chä'oku, ttükumä̧ ji̧nä̧ ji̧yȩtȩ wotüjä̧.

San Juan 10:36

Isopäi'ünä̧ Dio pätetü weinä̧ku̧ru̧mä̧, Dio-rü suronä̧ pä'ü pä'ätüjä̧, Dio i̧tti̧sä̧ pädomȩttü̧.

San Juan 11:27

Päomȩnä̧, kkädätinä̧ku̧: —A̧, chu̧ru̧wa̧; ukurumä̧ Crito-jä̧, Dio I̧tti̧, pi̧jä̧ra̧'a̧ i̧chä̧kua̧ pättinä̧ku̧ pä'ü esetäjusä.

San Juan 19:7

Judío tturuwotümä̧ ädätinä̧tü̧: —Ujutumä̧, weäwä wȩnȩ kku̧nä̧rä̧tü̧jä̧, jua̧u̧ pä'aku 'korujuoächa pä'ütä ja̧'a̧, Dio I̧tti̧ jü̧nä̧, a̧mü̧nä̧ päkuäwäja̧'a̧ttü̧.

San Juan 20:28

Päku, Tomá-mä̧ ädätinü̧: —¡Ukumä̧ Chu̧ru̧wa̧jä̧, chü̧ä̧nä̧wa̧ Dio-jä̧!

San Juan 20:31

Ja̧'wa̧nü̧ ja̧'a̧nä̧, pi̧yȩmä̧ wȩyu̧kui̧'i̧na̧'a̧, Jesú-mä̧ Crito ja̧'a̧, Dio I̧tti̧ pä'ü esetü, jua̧u̧ i̧mi̧nä̧ kkä̧kuä̧wä̧ i'ko ttu̧ju̧nä̧ra̧ pä'ü.

San Juan 6:69

Ja̧'wa̧nü̧ ja̧'a̧ttü̧, ujutumä̧ täkü esetinä̧tü̧jä̧, ukumä̧ Dio kkü̧ i̧tti̧jä̧ pä'ü.

Romanos 1:4

Jua̧u̧mä̧ Dio ujurunä̧, Epíritu Surojü jui̧'a̧ a̧'kua̧ iweyenä̧, Dio I̧tti̧ jü̧nä̧ i̧jȩpi̧nä̧ku̧ wa'arettü ttoächomȩnä̧.

2 Corintios 1:19

Isopäi'ünä̧, Dio I̧tti̧ Jesucrito, Silvano-ku̧'i̧nä̧, Timoteo-ku̧'i̧nä̧ ujutu, ukuturu jitäwinä̧ku̧mä̧, todärenä̧mä̧ ji'äwokü pinü̧, Ya'utekutä «A̧» pä'inü̧.

Hebreos 7:3

Jua̧u̧ awaruwä ttütü'kümä̧ yoriso jeruwäkuäwa'a, jä'orü'i̧nä̧, ja̧ju̧ru̧'i̧nä̧, ü̧tä̧mü̧mi̧nä̧rü'i̧nä̧ jü̧nä̧; ja̧'wa̧ta̧nü̧ uwäpächinomȩ'i̧nä̧, 'korujuoächinü̧'i̧nä̧ jeruwäkuäwa'a ja̧'wa̧nü̧ ja̧'a̧ttü̧mä̧ Dio I̧tti̧ 'kua̧rü̧nä̧tä̧ wa̧, 'kuäopünä̧ sacerdote jü̧nä̧tä̧ wa̧ ja̧'a̧.

1 Juan 2:23

O'katoi'ünä̧ I̧tti̧rü̧ ya'okuätümä̧, Jä'o Dio-rü'i̧nä̧ ya'okuätü; ja̧'wa̧nü̧ ja̧'a̧nä̧ I̧tti̧rü̧ esetätümä̧, Jä'orü'i̧nä̧ esetätü.

1 Juan 3:8

Surojü jȩpü̧ kkü̧mä̧ äwettä i̧sa̧ ja̧'a̧; isopäi'ünä̧ äwettämä̧ ä̧kuo̧mȩnä̧ttü̧tä̧ päi'ünä̧ surojü jȩi̧na̧'a̧ttü̧. Isopäi'ünä̧ Dio I̧tti̧mä̧ ichinü̧, äwettä aditäwä si'epü ikua pä'ü.

1 Juan 4:9

Dio, ujuturu eseu repeümä̧, I̧tti̧ chu̧'ä̧kua̧ Jesucrito-rü pi̧jä̧ra̧'a̧ we'inü̧. Jua'amä̧ o'katoi'ünä̧, jua̧u̧nä̧tä̧ kkä̧kuä̧wä̧ i'ko tu̧ju̧nä̧ri̧ya̧rü̧ pä'ü.

1 Juan 5:20

Ja̧'wa̧ta̧nü̧ wo̧juä̧tü̧jä̧ Dio I̧tti̧ ichinü̧'ka̧, ji̧nä̧so Chutä Dio-rü jo̧mȩnü̧ tu̧wo̧jua̧ pä'ü u̧wo̧juȩti̧na̧'a̧mä̧. Ujutumä̧ I̧tti̧ Jesucrito-nä̧ ji̧nä̧ ji̧yȩtȩ wotüjä̧; jua̧u̧tä̧ ja̧'a̧ ji̧nä̧so Chutä Dio-mä̧, jua̧u̧nä̧ kka̧'a̧ kkä̧kuä̧wä̧ i'komä̧.

2 Juan 1:9

Ya̧tȩ Crito u̧wo̧juȩti̧no̧mȩttü̧'i̧nä̧ abonä̧nü̧ amükuädümä̧ Dio-rümä̧ kkü̧nä̧ro̧kü̧; ja̧'wa̧nü̧ ja̧'a̧nä̧ u̧wo̧juȩti̧nü̧nä̧ kkü̧mä̧ Jä'orü'i̧nä̧, I̧tti̧rü̧'i̧nä̧ kku̧nä̧rü̧.

Apocalipsis 2:18

Tiatira-ra̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: ü'äriyä'i̧nä̧ okurä jä̧'i̧nü̧'a̧nü̧ wa̧mä̧, ü̧jä̧pi̧yä'i̧nä̧ bro̧ce pättü säruwächi'ünä̧ jȩpü̧ ikuäwa'a jä̧'i̧nü̧'a̧nü̧ wa̧, Dio i̧tti̧mä̧, pa̧'a̧nü̧ pä'ü: