San Juan 1:29 - Nuevo Testamento Uwotjüja

²⁹ Jua̧u̧ o'ka'a kkoro mo̧ro̧, Ju̧a̧-mä̧ chutä ü̧ja̧'a̧ku̧ Jesú icha'a topü pä'inü̧: Täkü ichü Dio äji mü̧ä̧ya̧ oweja, pi̧jä̧ ttü̧ja̧ suronä̧ jȩttü̧ si'epü ikumä̧.

TÄ̧DO Ä̧CUÄ̧ I̧HUȨNȨ

²⁹ Ja̧u̧nu̧ o'come mo̧ro̧, Juan Jesúsru topinödo. Jesús Juanrö tö'cönänö ichinödo. Juan pä'inödo: —Topätucui, pidemä Dios I̧tti̧, oveja ji̧'qui̧cha̧hua̧, Cordero pättäcu, jä̧'i̧nö̧'a̧nö̧ hua̧. Pide pi̧jä̧ ttö̧ja̧ suronä jȩttö̧ jȩpö̧ i̧cuä̧cua̧.

San Juan 1:29 Iomraidhean Croise

San Mateo 1:21

Juäju María-mä̧, kki̧tti̧ uborü kkuwäbekuäkuaju, jua̧u̧ i̧mi̧mä̧ Jesú pä'ü okuarüjä̧, jua'amä̧ awaruwärü suronä̧ jȩttä̧'i̧jü̧ttü̧ rä'epü i̧kuä̧kua̧ ja̧'a̧ttü̧.

San Mateo 20:28

Ttü, Ubo I̧tti̧ chüta'anü̧, ttümä̧ weda pä'ümä̧ ichokü pinü̧sä̧, pärokua'aku ttu̧mü̧wä̧ya̧ jü̧nä̧tä̧, rekuätürü ppä'ädü iku cha̧'kua̧rü̧ iyäu ichinü̧sä̧.

San Juan 1:35

Ja̧'wa̧ta̧nü̧ kkoro mo̧ro̧ Ju̧a̧-mä̧ u̧wo̧juȩtä̧u̧ ta̧ju̧ku̧ kki̧nü̧.

San Juan 1:36

Ja̧'wa̧nü̧ ja̧'a̧, Ju̧a̧-mä̧ Jesú 'kuäopa'a topü pä'inü̧: —¡Chujua ja̧'a̧, Dio äji oweja mü̧ä̧ya̧mä̧!

San Juan 1:43

Ja̧'wa̧ta̧nü̧ kkoro mo̧ro̧, Jesú-mä̧ Galirea rȩjȩra̧'a̧ 'chi̧nü̧. Jua'attü Felipe-rü po̧kui̧pü̧ pä'inü̧: —Ttüku ichi.

San Juan 2:1

Wäbodäkuä mo̧ro̧ päi'omȩnä̧ Galirea rȩjȩttü̧, Caná ütawiyättü ya̧tȩ ü'käu pä'käri kki̧na̧'a̧. Ja̧'wa̧nü̧ ja̧'a̧, Jesú ja̧ju̧'i̧nä̧ juȩnȩtä̧ kki̧nä̧ju̧.

San Juan 3:16

Isopäi'ünä̧ Dio-mä̧ pi̧jä̧ ttü̧ja̧rü̧ rü̧ȩnä̧ repea'attü̧; Ttü i̧tti̧ chu̧'ä̧kua̧rü̧ iyinä̧u̧jä̧. O'katoi'ünä̧ Ttürü esetätümä̧ 'korujuottächü juiyäkua'anü̧; pärokuä kkä̧kuä̧wä̧ i'kotä ttu̧ju̧nä̧rä̧kua̧'a̧nü̧.

San Juan 4:42

Ja̧'wa̧nü̧ esetü juäjuru pä'inä̧tü̧: —Jitämä̧, suro ukú jikuäwäja'atämä̧ esetokotüjä̧, jua'a yabo ujututä ta̧mü̧nä̧ ä̧ju̧kuä̧jä̧'kotü esetätüjä̧, isopäi'ünä̧ Jua̧u̧tä̧ ja̧'a̧ pi̧jä̧ ttü̧ja̧rü̧ ra̧wä̧pi̧jü̧ttü̧ ttü̧ji̧pü̧nä̧ ppä̧dä̧kua̧mä̧ pä'ü.

San Juan 6:51

Jua̧u̧ kuäkuäwä a̧'kua̧rü̧mä̧, mo̧ro̧jä̧ra̧'a̧ttü̧ mȩyȩwi̧nü̧mä̧ Ttütäsä; jua̧u̧ kuäkuäwättü kumä̧, 'kuäopünä̧tä̧ ü̧jä̧kua̧. Jua̧u̧ kuäkuäwä chi̧yä̧kuȩmä̧, ttütä chidepä jä̧kua̧'a̧. Jua̧u̧mä̧ pi̧jä̧ ttü̧ja̧ tta̧'kua̧rü̧ kka̧ pä'ü chi̧yä̧kua̧sä̧.

Hechos 13:39

Ja̧'wa̧nü̧ ja̧'a̧ttü̧ Moisé weinü̧ jäwänä̧, adiwä jueiku juo'ächokotü pinä̧tü̧mä̧, Jua̧u̧nä̧tä̧ ja̧'a̧ surojüttü adiwä jueiku ttü'ärowächa'amä̧.

Hechos 8:32

Wȩyu̧kuo̧mȩ ukuokuinomȩmä̧ pa̧'a̧nü̧ päina̧'a̧: Oweja-rü kuä'ü ikuäwomȩku̧, kuä'ü ttikua pä'ü ttȩpa̧'a̧ 'kua̧rü̧nä̧ ttȩpi̧nä̧ku̧; Oweja i̧tti̧rü̧ uwo'che 'kuitta'anä̧, ttä'kattü 'korunä̧ ü̧ja̧'a̧ jä̧'i̧nü̧'a̧nü̧, ämä̧ yä'epokü pinü̧.

1 Corintios 15:3

Ä̧kuo̧mȩnä̧mä̧, ttü chȩmi̧nü̧'a̧kuä̧tä̧, chu̧wo̧juȩtinä̧u̧jä̧: Crito-mä̧ 'korujuo'ächinü̧, ujutu suronä̧ jȩtä̧'i̧jü̧ mikuäwächünä̧ pä'ü, wȩyu̧kuä̧ wȩnȩ päü'a̧kuä̧;

2 Corintios 5:21

Surojü jȩpo̧kü̧ pinü̧rü̧mä̧, ujutu jäwänä̧; surojü jȩpä̧tü̧ 'kua̧rü̧nä̧ jȩi̧nä̧ku̧; jua'amä̧ Dio adiwomȩnä̧ jȩü̧mä̧, Crito-nä̧tä̧ adiwä isotü päti'a pä'ü.

Gálatas 1:4

Jä'o Dio-rü pä̧wä̧rü̧jo̧mȩnä̧, suronä̧ jȩtü̧ mikuäwächünä̧, pi̧jä̧ surojüttü rä'epü ikua pä'ü a̧mü̧nä̧ pa̧ja̧tü̧ iyäwinü̧rü̧tä̧,

Gálatas 3:13

Crito-mä̧ weäwä wȩnȩ ukuotokü, usurä ȩmä̧wa̧jü̧ juei usurä ȩmä̧wi̧nü̧ ujutu jäwänä̧, ja̧'wa̧nü̧ jȩpü̧tä̧ ȩmi̧nä̧u̧jä̧. Wȩyu̧kuä̧ wȩnȩmä̧ pä'a: «Dio-mä̧ suronä̧ pä̧kua̧, ü̧jo̧kä̧ jäi daunä̧ 'korujuo'ächürümä̧.»

1 Timoteo 2:6

Ja̧'wa̧ta̧nü̧ jua̧u̧mä̧ wa'arera̧'a̧ iyäwinü̧, o'katoi'ünä̧ pi̧jä̧ ttü̧ja̧ ra̧wä̧pi̧jü̧ttü̧ ttü̧ji̧pa̧ pä'ümä̧ Jua'atäku chutä ütü'kü ji'äkuäwinü̧ u̧mo̧ro̧ mo̧ro̧ päi'omȩnä̧.

Tito 2:14

Ja̧u̧ ji̧na̧'a̧ ujutunä̧ o'kajuiyünä̧ surojüttü rä'epü iku tükü ikua pä'ü wa'arera̧'a̧ iyäwinümä̧, ja̧'wa̧nü̧ jȩpü̧ chutä pojopü ȩmi̧nä̧u̧ päti'ünä̧ pärotinü̧, pojopü ȩmi̧nä̧u̧ adiunä̧ jȩä̧kuä̧wä̧ amükuädätü jü̧nä̧tä̧.

Hebreos 1:3

Jua̧u̧tä̧ ja̧'a̧, i̧wȩnȩ ujurunä̧nä̧tä̧ 'chü̧ä̧rä̧kuä̧wä̧ i̧sa̧, uruwo kkȩdȩpa̧mä̧, ja̧'wa̧ta̧nü̧ Dio a̧'kua̧juä̧mä̧. Jua̧u̧mä̧ suronä̧ jȩtü̧ tükü ikuinü̧ o'ka'amä̧, mo̧ro̧jä̧nä̧ pä̧mä̧di̧nü̧, Dio uruwo dȩä̧kä̧ u̧wo̧jua̧'a̧ku̧nä̧.

Hebreos 2:17

Ja̧'wa̧nü̧ jȩa̧ pä'ümä̧ o'kajuiyünä̧tä̧ ü̧jä̧wa̧tü̧ ttomȩbü wa̧ pä'i'inü̧, Dio-ttü sacerdote-tü̧ ttu̧ru̧wa̧ päi'a pä'ü'i̧nä̧, re kkä̧kuä̧wä̧ i̧sa̧ päi'a pä'ü'i̧nä̧, jü̧nä̧; ja̧'wa̧ta̧nü̧ ttü̧ja̧ suronä̧ jȩttä̧'i̧jü̧ usurä ȩmä̧u̧ mitäu iku iso juo'epinü̧.

Hebreos 9:28

Ja̧'wa̧ta̧nü̧ Crito'i̧nä̧ ya'utenä̧tä̧ usurä ȩmä̧u̧ iyäwinü̧, rekuätü suronä̧ jȩttü̧ jȩpü̧ ikua pä'ümä̧. Juȩnȩ o'komȩnä̧mä̧ i̧chä̧kua̧, täkü surojü jȩpü̧ ikumä̧kü̧, Churutä tta̧'a̧rä̧tü̧rü̧ rä'epü iku ichütä.

1 Pedro 1:19

Ja̧'wa̧nü̧ ja̧jü̧jueimä̧ Crito ukuojanä̧ cordero jä̧'i̧nü̧'a̧nü̧ surojü'i̧nä̧ jui̧'a̧nä̧, surojuoepü'i̧nä̧ wokütä sacrificio jü̧nä̧ iyäwinü̧.

1 Pedro 2:24

Crito-mä̧ chutätä surojü jȩtä̧'i̧jü̧mä̧ ja̧ttä̧pä̧ya̧ ü̧jo̧kä̧ jäinä̧ ȩpi̧nü̧, ujutu surojünä̧ 'korujuo'ächi'ü'kotü a̧'kua̧rä̧kuä̧wä̧ra̧'a̧ ttü̧ja̧kua̧ pä'ümä̧. Crito-mä̧ ta'ü ttikuinä̧ku̧ ukutu ku̧'ȩji̧'ä̧tu̧kua̧ pä'ümä̧.

1 Pedro 3:18

Isopäi'ünä̧ Crito-mä̧ chutä a̧mü̧nä̧ pa̧ja̧tü̧ ujutu suronä̧ jȩtä̧'i̧jü̧nä̧, ya'utenä̧tä̧ 'korujuo'ächü usurä ȩmä̧wi̧nü̧, Jua̧u̧mä̧ surojümä̧ jȩpo̧kü̧ja̧'a̧nä̧ surojü jȩpä̧tü̧nä̧ usurä ȩmä̧wi̧nü̧, ukuturu Dio ü̧ja̧'a̧ku̧ ȩpa̧ pä'ü. Idepänämä̧ 'korujuoächina̧'a̧nä̧ Epíritu jäwä a̧'kua̧rä̧kuä̧wä̧mä̧ tto'ächinü̧.

1 Juan 2:2

Jua̧u̧tä̧tä̧ ja̧'a̧, sacrificio pättünä̧ usurä ȩmä̧wi̧nü̧mä̧, suronä̧ jȩtä̧'i̧jü̧ mikuänä̧. Suro ujutu suronä̧ jȩtä̧'i̧jü̧ jäwänä̧tä̧mä̧kü̧, pi̧jä̧nä̧ kka̧kuä̧tü̧mä̧ o'katoi'ünä̧ suronä̧ jȩttä̧'i̧jü̧ jäwänä̧.

1 Juan 3:5

Ja̧'wa̧ta̧nü̧ wo̧juä̧tü̧jä̧, Jesucrito-mä̧ ttü̧ja̧ suronä̧ jȩttü̧ si'epü ikua pä'ü ichinü̧, pä'ü. Jua'amä̧ Chutä'i̧nä̧ surojü jui̧'a̧ ja̧'a̧ttü̧.

1 Juan 4:10

Pi̧yȩ ja̧'a̧, eseu repe'ü jȩi̧nü̧mä̧: Ji̧nä̧somä̧, ä̧kuo̧mȩnä̧mä̧ ujutumä̧, Dio-rü eseu repe'okotü pinä̧tü̧jä̧; pärokua'aku chutätä ujuturu eseu repe'ü, I̧tti̧rü̧ we'inü̧, jua̧u̧ usurä ȩmä̧u̧ ji̧yȩnä̧tä̧ ujutu suronä̧ jȩtü̧ mikuäwächa pä'ü.

Apocalipsis 1:5

Ja̧'wa̧ta̧nü̧ Jesucrito, jueü wȩnȩ jiäkuäwä i̧sa̧, wa'inä̧tü̧ttü̧ ä̧kuo̧mȩnä̧ tto'ächinü̧ ja̧'wa̧ta̧nü̧ pi̧jä̧ ruwotü'i̧nä̧ ttu̧wä̧mȩnä̧ wa̧ ȩmi̧nä̧u̧jä̧. Jua̧u̧tä̧ ja̧'a̧ ujuturu repe'ü, suronä̧ jȩtü̧'i̧nä̧ ukuojanä̧ tükü ikuinü̧mä̧.

Apocalipsis 12:11

Ja̧'wa̧ta̧nü̧ tawaruwä ti̧jä̧wa̧tü̧mä̧ abó 'kuätto'inä̧ku̧, oweja mü̧ä̧ya̧ jü̧nä̧ wa̧ ukuoja erinoyanä̧ ja̧'wa̧ta̧nü̧ jittäwinü̧ wȩnȩnä̧; wa'ü ttikua'anä̧'i̧nä̧, ye'ekuokotü pinä̧tü̧, jua'a yaboku, wä̧i̧nä̧ wa'ü ttikuatä pä'inä̧tü̧.

Apocalipsis 13:8

Ja̧'wa̧nü̧ ja̧'a̧ttü̧, pi̧jä̧ ä̧kuo̧mȩnä̧ adikui'ino̧mȩttü̧ päi'ünä̧, usurä ȩmä̧u̧ to'e'ächinü̧, oweja mü̧ä̧ya̧ wa̧ üäre kuyäru'tä kkä̧kuä̧wä̧ kkä'tänä̧ tti̧mi̧ jui'ätümä̧, jua̧u̧ru̧ ttiwe'kiyunä̧ pȩjä̧mü̧ eseäkuäwinä̧tü̧.

Apocalipsis 14:1

Jua̧u̧nü̧ o'ka'a topinü̧sä̧ oweja mü̧ä̧ya̧ jü̧nä̧ wa̧rü̧, Sión mü̧ä̧'ka wä̧mȩ ü̧ja̧'a̧. Jua̧u̧ku̧mä̧ ttü̧ja̧kua̧'a̧ topinü̧sä̧, ciento cuarenta y cuatro mil jo̧mȩnä̧ ttü̧ja̧rü̧, tti'änä̧ oweja mü̧ä̧ya̧ wa̧ i̧mi̧'i̧nä̧, Jä'o i̧mi̧'i̧nä̧ wȩyu̧kua̧'a̧ rü̧tä̧rä̧tü̧rü̧.

Apocalipsis 14:10

Dio-mä̧ rü̧ȩnä̧ ra̧wä̧ri̧pü̧nü̧ pä̧i̧ku̧nä̧ ro̧ȩpä̧kua̧ ja̧'wa̧nü̧ wa̧rü̧mä̧. A̧'u̧ku̧nä̧tä̧mä̧ ro̧ȩpo̧kä̧kua̧, okuränä̧'i̧nä̧, azufre-nä̧'i̧nä̧, á̧gȩrȩ tä'kattü ja̧'wa̧ta̧nü̧ oweja mü̧ä̧ya̧ jü̧nä̧ wa̧'i̧nä̧ ä'kattü.

Apocalipsis 14:4

Pitümä̧, kkorotü ttü̧ä̧nä̧wo̧tü̧ yaparewätuku surojuottekuoka'a, suro ya̧tȩ Dio-rütä esetinä̧tü̧ ji̧na̧'a̧. Juätümä̧ o'katoi'ünä̧, oweja mü̧ä̧ya̧ jü̧nä̧ wa̧ i̧'cho̧mȩmä̧ o'ka'anä̧ 'chä̧tü̧ ji̧na̧'a̧. Juätümä̧, pi̧jä̧ ttü̧ja̧ ttü̧'kä̧tȩ jo̧mȩttü̧, surojüttü ȩmi̧nä̧u̧ ji̧na̧'a̧, ä̧kuo̧mȩnä̧ jäwä ofrenda, Dio-rü'i̧nä̧, oweja mü̧ä̧ya̧ jü̧nä̧ wa̧rü̧'i̧nä̧ iyäwä päi'ünä̧.

Apocalipsis 15:3

Ja̧'wa̧nü̧ ja̧'a̧, jua̧u̧nä̧tä̧ 'porü ra̧'i̧nä̧tü̧, Dio u̧mü̧wä̧ya̧ Moisé Dio-rü ra̧wi̧nü̧'i̧nä̧ ja̧'wa̧ta̧nü̧ oweja mü̧ä̧ya̧ jü̧nä̧ wa̧rü̧ ra̧wi̧nü̧mä̧, pa̧'a̧nü̧ o'ä'chü: «Tu̧ru̧wa̧ Dio o'kajuiyünä̧ kkujuru kku̧nä̧rü̧ kuaditäwämä̧, adiwä juei, rü̧ȩnä̧ jü̧tä̧ ja̧'a̧; ku̧mä̧nä̧mä̧ isopäi'ünä̧tä̧, jueünä̧tä̧ jä̧mä̧ ja̧'a̧, surojü jui'ätü ttu̧ru̧wa̧ Rey-jä̧ ukumä̧.

Apocalipsis 17:14

Juätümä̧ ttürowäwäkuotü, oweja mü̧ä̧ya̧ jü̧nä̧ wa̧ku̧; ja̧'wa̧nü̧ ja̧'a̧nä̧ jua̧u̧mä̧, umüwäyotüku abo 'kuäo'ä̧kua̧; jua'amä̧ ukuo isotü'i̧nä̧ ttu̧ru̧wa̧ ja̧'a̧ttü̧ ja̧'wa̧ta̧nü̧ ruwotü'i̧nä̧ ttu̧ru̧wa̧ ja̧'a̧ttü̧. Jua̧u̧ku̧ kka̧kuä̧tü̧mä̧ woinä̧u̧tä̧, ȩmi̧nä̧u̧tä̧, ukuotätütä jä̧kua̧'a̧.

Apocalipsis 19:7

Rü̧ȩnä̧ teseäkuäwätukuarü, jua̧u̧tä̧ jäwätä ja̧'a̧, tesewarü pä'ümä̧; oweja mü̧ä̧ya̧ jü̧nä̧ wa̧ ü'käu mo̧ro̧ rȩbȩä̧kuä̧wa̧'a̧. Irekua ȩmä̧kua̧ju̧mä̧, jo̧mȩnü̧tä̧ kkä̧ju̧:

Apocalipsis 19:9

Ja̧'wa̧nü̧ ja̧'a̧ á̧gȩ-mä̧ päinä̧ku̧sä̧: «Wȩyu̧ti̧: Eseäkuäwä kka̧'a̧, jua̧u̧ oweja mü̧ä̧ya̧ jü̧nä̧ wa̧ ü'käu pä'kärinä̧ i̧'cha̧ pä'ü ä̧tȩkuo̧tü̧rü̧mä̧.» Yabonü̧ päinä̧ku̧sä̧: «Pi̧yȩ ja̧'a̧ Dio i̧wȩnȩ, jueü wȩnȩmä̧.»

Apocalipsis 21:14

Ja̧'wa̧ta̧nü̧ ütawiyä tto̧ȩpäräbä 'chu̧ä̧ro̧mȩ kkada'kamä̧ ttü̧jä̧pü̧ttü̧ todäre jäwä jo̧mȩnä̧ i̧nä̧wiyä jȩpü̧ kku̧nä̧wi̧na̧'a̧, jua̧u̧ owänä̧mä̧ oweja mü̧ä̧ya̧ jü̧nä̧ wa̧ umüwäyotü apótore, ttü̧jä̧pü̧ttü̧ todäre jo̧mȩnä̧ wotü tti̧mi̧pi̧yä̧ wȩyu̧kua̧'a̧ pȩji̧na̧'a̧.

Apocalipsis 21:27

Juȩnȩmä̧, yorisotä surojümä̧ doächoka'a jä̧kua̧'a̧, ya̧tȩ surojü jȩpü̧'i̧nä̧, yapareu'i̧nä̧ do'ächokü jä̧kua̧, jua̧u̧ ja̧jü̧ jueimä̧ kkä̧kuä̧wä̧ kuyäru'tä, oweja mü̧ä̧ya̧ jü̧nä̧ wa̧ üäre'tänä̧ i̧mi̧ rü̧tä̧rü̧tä̧ do̧ä̧chä̧kua̧.

Apocalipsis 21:9

Ja̧'wa̧ta̧nü̧ kko̧ro̧mü̧ttü̧nü̧ ta̧ju̧ wotü á̧gȩrȩ-ttü̧ ya̧tȩ, kko̧ro̧mü̧ttü̧nü̧ to̧'ta̧rȩ copa o̧'ta̧, kko̧ro̧mü̧ttü̧nü̧ todäre jo̧mȩnä̧ rüjí mo̧ro̧ usurä ȩmä̧kuä̧wä̧ su̧'pȩnü̧ ȩka̧'a̧, 'chu̧ä̧rä̧nü̧ ichi'ü, päinä̧ku̧sä̧: «ichi'i poku, oweja mü̧ä̧ya̧ jü̧nä̧ wa̧ ü'käwäkuajuru, chi̧jȩpa̧ku̧.»

Apocalipsis 5:6

Ja̧'wa̧nü̧ ja̧'a̧, ruwo dȩä̧kä̧'i̧nä̧, pa̧ja̧kuä̧nü̧ wotü a̧'kua̧rä̧tü̧'i̧nä̧, a̧ci̧a̧nu̧tu̧'i̧nä̧ ttü̧'kä̧tȩ kkä'ko ü̧ja̧'a̧ topinü̧sä̧, ya̧tȩ oweja mü̧ä̧ya̧ mikuäwächünä̧ kuä'ü ttikuinä̧ku̧, 'kua̧rü̧nä̧ wa̧ ü̧ja̧'a̧. Jua̧u̧mä̧ ä̧ja̧wi̧yä̧ okämä̧ kko̧ro̧mü̧ttü̧nü̧ tokäre jo̧mȩnä̧ kki̧nä̧ku̧ ja̧'wa̧ta̧nü̧ ü'äriyämä̧ kko̧ro̧mü̧ttü̧nü̧ torere jo̧mȩnä̧ kki̧nä̧ku̧, juätütä ji̧na̧'a̧ kko̧ro̧mü̧ttü̧nü̧ ta̧ju̧ jo̧mȩnä̧ Dio isotü epíritu-tu̧ pi̧jä̧ra̧'a̧ o'kajuiyünä̧ wȩi̧nä̧u̧mä̧.

Apocalipsis 5:8

ja̧'wa̧nü̧ juä'tä, jua̧u̧ ȩmo̧mȩnä̧, pa̧ja̧kuä̧nü̧ wotü a̧'kua̧rä̧tü̧mä̧ ja̧'wa̧ta̧nü̧ veitikuatro-nü̧ wotü a̧ci̧a̧nu̧tu̧mä̧ jua̧u̧tä̧ ä'kajo̧mȩ ttiwe'kiyunä̧ kka̧kuä̧mi̧nä̧tü̧. Juätü yotukunä̧ Arpa pättü 'chu̧'ä̧ri̧nä̧tü̧ ja̧'wa̧ta̧nü̧ copa pä̧ttä̧'ta̧ i̧so̧'ta̧ oro-ttü a̧di̧kuo̧'ta̧nä̧ incienso pättü su̧'pȩnü̧ ȩki̧na̧'a̧, jua̧u̧mä̧ Dio i̧tti̧mü̧ Dio-rü ttukuokuä'ijü ji̧na̧'a̧.

Apocalipsis 6:1

Jua̧u̧nü̧ o'ka'a topinü̧sä̧, oweja mü̧ä̧ya̧ jü̧nä̧ wa̧mä̧ kko̧ro̧mü̧ttü̧nü̧ todäre sello jü̧ttü̧, ä̧kuo̧mȩnä̧ sello bawepomȩnä̧, pa̧ja̧kuä̧nü̧ wotü a̧'kua̧rä̧tü̧ttü̧ ya̧tȩ i̧wȩnȩ rä̧mi̧pi̧na̧'a̧, ku'upä kürüächa'a 'kua̧rü̧nä̧: ¡poku ichi'i!, jü̧nä̧.

Apocalipsis 6:16

Ja̧'wa̧nü̧ jȩpü̧, müä'kiyurü'i̧nä̧, inä̧wiyärü'inä̧ pä'inä̧tü̧: ¡Ujutu tu̧wä̧mȩ, ma̧'ä̧mi̧tü̧, ruwo deäkänä̧ pü̧ toü juiyatü ja̧'wa̧ta̧nü̧ oweja mü̧ä̧ya̧ jü̧nä̧ wa̧ ro̧ȩpü̧ juiyatü!

Apocalipsis 7:14

Päku aditinü̧sä̧: Chu̧ru̧wa̧, ukutäjä̧ wo̧jua̧mä̧. Pädomȩnä̧, päinä̧ku̧sä̧: Jitüjamä̧ rü̧ȩnä̧ usurä ȩmä̧kuä̧wa̧'a̧ttü̧ ichinä̧tü̧, ttü̧'ka̧tä̧wä̧ti̧yu̧ oweja mü̧ä̧ya̧ wa̧ ukuojattü teünä̧ tükäu ikuinä̧tü̧ ja̧'a̧.

Apocalipsis 7:17

Jua'amä̧ oweja mü̧ä̧ya̧ wa̧mä̧, ruwo deäkänä̧ pü̧mä̧, Ttu̧ru̧wa̧ pató ja̧'a̧ttü̧, Jua̧u̧tä̧tä̧ ȩpä̧kuä̧u̧ ajiya kkä̧kuä̧wä̧ kkoya beipokomȩku̧mä̧, ja̧'wa̧ta̧nü̧ Dio-tä tti̧'chȩrȩja 'ka̧wä̧kua̧mä̧.