San Juan 1:15 - Nuevo Testamento Uwotjüja

¹⁵ Ju̧a̧-mä̧, Jua̧u̧ ütü'kü ji'äu, pä̧i̧ku̧nä̧ pä'inü̧: Pide ja̧'a̧, ütü'kü pädinä̧ku̧mä̧: «Ttü cho'ka'anä̧ ichümä̧, ttü'i̧nä̧ chä'koji i̧sa̧ ji̧na̧'a̧; jua'amä̧ ttü'i̧nä̧ chä'koji kki̧nü̧ ja̧'a̧ttü̧».

TÄ̧DO Ä̧CUÄ̧ I̧HUȨNȨ

¹⁵ Juan, ja̧u̧ru̧ adiunätä ucuocu, pä'inödo: —Ttö cho'ca'anä ichömä, ttöttö'inä abonänö adihuä i̧sa̧do. Ja̧u̧tä̧ ttöttö'inä ä'canä ki̧nö̧do. Ja̧'hua̧nö̧ jidähuomenä, piderötä ji'ähuinösä, —pä'inödo Juan.

San Juan 1:15 Iomraidhean Croise

San Mateo 3:11

Isopäi'ünä̧ ttümä̧, Dio-ku ppa̧kuä̧chä̧tu̧kua̧'a̧ kui̧jȩkuä̧tu̧kua̧ pä'ümä̧ ajiyanä̧tä̧ bautizo jȩpü̧sä̧; ja̧'wa̧nü̧ ja̧'a̧nä̧ ttü cho'komȩnä̧ ichümä̧ Epíritu Sa̧tu̧nä̧'i̧nä̧, okurä jäwänä̧'i̧nä̧ bautizo jȩä̧kua̧. Jua̧u̧mä̧ ttüttü'i̧nä̧ abonä̧nü̧ ujuru kku̧nä̧rü̧, jua̧u̧ ü̧jä̧pü̧ isäya chȩpü̧ juiyü'anü̧'i̧nä̧ wa̧sä̧.

San Marcos 1:7

Jua̧u̧mä̧ pa̧'a̧nü̧, ji'äwinü̧: Ttü cho'ka'anä̧ ya̧tȩ ichü. Jua̧u̧mä̧ ttüttü'i̧nä̧ abonä̧nü̧ uruwo kku̧nä̧rü̧. Jua̧u̧ ü̧jä̧pü̧ isäya isappä'i̧nä̧ ja̧rȩyu̧ pä'i'ümä̧ chejädü juiyü'anü̧ wa̧sä̧.

San Lucas 3:16

Jua̧u̧ topü Ju̧a̧-mä̧ päinä̧u̧: Ttümä̧, isopäi'ünä̧ ukuturumä̧ ajiyanä̧tä̧ bautizo jȩpü̧sä̧; ja̧'wa̧nü̧ ja̧'a̧nä̧, ttüttü'i̧nä̧ abonä̧nü̧ ujuru kku̧nä̧rü̧ ichü; jua̧u̧ ü̧jä̧pü̧ isäya isappä chejädü juiyü'anü̧ wa̧sä̧. Jua̧u̧tä̧tä̧ jä̧kua̧'a̧ ukuturu Epíritu Sa̧tu̧nä̧'i̧nä̧, okuränä̧'i̧nä̧ bautizo jȩä̧kuä̧mä̧.

San Juan 1:27

Jua̧u̧ cho'ka'anä̧ ichümä̧; ttü'i̧nä̧ chä'kanä̧ i̧sa̧ ja̧'a̧; Jua̧u̧ ü̧jä̧pü̧ isäya isappä'i̧nä̧ ja̧rȩyu̧ pä'i'ü chejädü juiyü'anü̧ wa̧sä̧.

San Juan 17:5

Ja̧'wa̧nü̧ ja̧'a̧ttü̧, Chä'o jitämä̧, kuippeyänä̧ kukuo jäwä iyittü, pi̧jä̧ kkä̧kua̧'a̧ ä'koji kukuo jäwä chu̧ju̧nä̧ri̧nü̧ta̧'a̧nü̧.

San Juan 8:58

Jesú päinä̧u̧: —Isopäi'ünä̧ ukuturu pä'üsä: Abraha̧ ü̧jä̧kua̧'a̧'i̧nä̧, ä'kanä̧ ttümä̧ kki̧nü̧sä̧.

Colosenses 1:17

Ja̧'wa̧nü̧ ja̧'a̧ttü̧, Crito-mä̧ kkorojuei o'kajuiyünä̧ aditäkua'a ä'koji kki̧nü̧. Ja̧'wa̧nü̧ ja̧'a̧ttü̧ o'kajuiyünä̧ kka̧ku̧mä̧ chunä̧tä̧tä̧ 'chu̧ä̧ra̧'a̧.

Hebreos 13:8

Jesucrito-mä̧ pärowächokü: ni̧po̧'i̧nä̧, jitä mo̧ro̧'i̧nä̧, yodoji'i̧nä̧ 'kuäopünä̧tä̧ wa̧.

Apocalipsis 1:11

i̧wȩnȩ rä̧mi̧pü̧nä̧ pä'ümä̧, pä'inü̧: «Ukú to'kumä̧ wȩyu̧tu̧ we'í, kko̧ro̧mü̧ttü̧ todärenü̧ jü̧ igresia wotürü, Asia rȩjȩnä̧ kka̧kuä̧tü̧rü̧: Éfeso-ra̧'a̧'i̧nä̧, Esmirna-ra̧'a̧'i̧nä̧, Pégamo-ra̧'a̧'i̧nä̧, Tiatira-ra̧'a̧'i̧nä̧, Sadira̧'a̧'i̧nä̧, Firadefia-ra̧'a̧'i̧nä̧ ja̧'wa̧ta̧nü̧ Laodicea-ra̧'a̧'i̧nä̧,» jü̧nä̧.

Apocalipsis 2:8

Esmirna-ra̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: Ä̧kuo̧mȩnä̧tä̧ päi'ünä̧ kki̧nü̧mä̧, yodoji rüjí mo̧ro̧'i̧nä̧ ü̧jä̧kua̧mä̧, wa'ü'i̧nä̧ ikuina̧'a̧nä̧ tto'ächinü̧mä̧, pa̧'a̧nü̧ pä'ü: