Gálatas 4:9 - Nuevo Testamento Uwotjüja

⁹ Ja̧'wa̧nü̧ ja̧'a̧nä̧ jitä Dio-rü ku̧wo̧juä̧chi̧nä̧tu̧kua̧'a̧mä̧, ja̧'wa̧nü̧ pä'ü jui'ü'i̧nä̧ Dio u̧wo̧juä̧u̧ kuätukua'amä̧ ¿tta̧'a̧nü̧ pä'ü ppa̧kuä̧chä̧tu̧kua̧'a̧jä̧ttü̧ ttü̧ä̧nä̧wo̧tü̧ juiyupätürü, mikuäwokotürü, kukuotätukua pä'ümä̧?

TÄ̧DO Ä̧CUÄ̧ I̧HUȨNȨ

⁹ Ja̧'hua̧nö̧ ja̧'a̧nä̧ ucutu Diosrö cu̧huo̧juä̧tu̧cua̧'a̧nä̧, ja̧'hua̧ta̧nö̧ chutä'inä ucuturu u̧huo̧jua̧'a̧nä̧ ¿tta̧'a̧nö̧ pä'ö pä'äji ta'anö cuamöcuädätucuättö ja̧u̧ juruhuocö huȩnȩ, usurä huȩnȩ, pä'äji ta'anö ja̧u̧ huȩnȩ päö ta'anö jȩcu̧'ä̧tu̧cua̧ pä'ö?

Gálatas 4:9 Iomraidhean Croise

San Mateo 11:27

Kka̧ku̧ o'kajuiyünä̧tä̧, Chä'ottümä̧ iyäwi'inä̧ku̧sä̧. Isopäi'ünä̧ i̧tti̧rü̧ wo̧jua̧mä̧ jä'otä ja̧'a̧, pärokua'aku jä'orü wo̧jua̧mä̧ I̧tti̧tä̧ ja̧'a̧ ja̧'wa̧ta̧nü̧ I̧tti̧ i̧jȩpä̧ku̧tä̧ ja̧'a̧ wo̧jui̧'ü̧mä̧.

San Lucas 5:38

Ja̧'wa̧nü̧ jü̧ ja̧'a̧ttü̧ vino isoya jareoyamä̧ ji̧yȩta̧'a̧kuä̧ odres isäba jareäbanä̧ 'karü kku̧nä̧wä̧ ja̧'a̧.

San Juan 10:14

Ttütäsä ji̧nä̧so adiwänä̧ oweja-tü̧ ttu̧ru̧wa̧mä̧; chä̧ji̧mü̧ oweja-tü̧rü̧mä̧ wo̧jua̧sä̧, pärokua'aku ttürü'i̧nä̧ wo̧juä̧tü̧,

San Juan 10:27

Ttü chä̧ji̧mü̧ oweja-tü̧mä̧, chi̧wȩnȩ ä̧ju̧ku̧mä̧ wo̧juä̧tü̧, pärokua'aku ttü'i̧nä̧ chu̧wo̧juä̧u̧ ja̧'a̧ttü̧ cho'ka'anä̧ ichätü.

San Juan 17:3

Ja̧'wa̧ta̧nü̧ pi̧yȩ ja̧'a̧ kkä̧kuä̧wä̧ i'komä̧: Isopäi'ünä̧tä̧ wa̧, uku ya̧tȩtä̧ Dio-rü ttu̧wo̧jui̧po̧mȩnä̧ ja̧'wa̧ta̧nü̧ Jesucrito-rü wekuinä̧ku̧ru̧'i̧nä̧ ttu̧wo̧jui̧po̧mȩnä̧.

Romanos 8:29

Isopäi'ünä̧ ä'kanä̧ u̧wo̧jui̧nä̧u̧ru̧mä̧, ä'kojitä jȩpü̧ u̧ju̧ni̧nä̧u̧ I̧tti̧ jü̧ta̧'a̧nü̧ juottächa pä'ü, jua̧u̧ru̧mä̧ juätümä̧ ttä'kanä̧ ttubüo jü̧nä̧tä̧ jä̧kua̧'a̧nü̧.

Romanos 8:3

Isopäi'ünä̧ weäwä wȩnȩnä̧mä̧ weyekuina̧'a̧, ttü̧ja̧ ta̧mi̧ 'kuättomȩttü̧ ja̧'wa̧nü̧ ji̧yä̧ku̧ Dio-mä̧, Chutä I̧tti̧rü̧ we'inü̧ ujutu jü̧ta̧'a̧nü̧ idepänä̧ kkü̧rü̧, ja̧'wa̧nü̧ ja̧'a̧ttü̧ jua̧u̧nä̧tä̧ kkä̧nü̧ ukuotäkuäwokü weä'ijümä̧ usurä ȩmä̧u̧nä̧ ro̧'ȩpü̧ üta pä'ü amükuädinü̧.

1 Corintios 13:12

Jitämä̧ tti'ä toäkuäwodänä̧ jä̧'i̧nü̧'a̧nü̧tä̧, seppanü̧ topätüjä̧ Dio-rümä̧; ja̧'wa̧nü̧ ja̧'a̧nä̧ o'kajuiyünä̧ jo̧mȩnü̧ päi'omȩnä̧ totäkuotüjä̧ Dio-rümä̧ wäjuönä̧. Jitämä̧ jü'totä wo̧jua̧sä̧, ja̧'wa̧nü̧ ja̧'a̧nä̧ jo̧mȩnü̧ päi'omȩnä̧ Churutä chu̧wo̧juä̧kua̧sä̧, pärokua'aku ttürü u̧wo̧juö̧ta̧'a̧nü̧.

1 Corintios 15:34

Porächätukui, suronä̧ jȩ'kuä̧'i̧jä̧tu̧ku̧ käkuädächätukua pä'ü rekuä rü̧ja̧'a̧; ukututtü yotüte Dio-rü jerupätü kka̧kuä̧tü̧ pätta'a ä̧ju̧ku̧sä̧, dä'ä ttukuätukunä̧ pädäu̧jä̧.

1 Corintios 8:3

Ja̧'wa̧nü̧ ja̧'a̧nä̧, ya̧tȩ Dio-rü eseu repe'ümä̧, Dio-tä u̧wo̧juä̧ku̧.

2 Corintios 11:20

Ukutumä̧ ja̧'a̧tä̧ topätüjä̧ esclavo jü̧nä̧ wetta'anä̧'i̧nä̧, kkoro juei 'chottipa'anä̧'i̧nä̧, ttüyaparewa'anä̧'i̧nä̧, ttüjü'koka'anä̧'i̧nä̧, kui'ätukunä̧ kuättaja pä'ü'i̧nä̧.

2 Corintios 4:6

Isopäi'ünä̧ Chutä Dio-tä, yo̧mȩttü̧ tȩya̧u̧ kkä̧dȩpa̧ pä'ü jȩpi̧nü̧tä̧ ja̧'a̧, tta̧mi̧'iso'kinä̧ tȩya̧u̧ kkä̧dȩpa̧ pä'ü'i̧nä̧ jȩpi̧nü̧mä̧, jua'amä̧ Jesucrito-nä̧tä̧, Chutä Dio ü̧rü̧ä̧ tu̧wo̧jui̧ya̧rü̧ pä'ü.

Gálatas 3:3

¿Yoriso amükuädokotüjä̧ tä̧jí̧? Epíritu jäwänä̧ kkä̧mä̧di̧nü̧'kotü'i̧nä̧, ttidepä jäwänä̧ käkuädäkuäwätukua'amä̧.

Gálatas 4:3

Ja̧'wa̧nü̧ jü̧ta̧'a̧nü̧ 'kuäopa'a ujuturu'i̧nä̧: ji̧nä̧ ta̧'u̧kuä̧i̧mä̧, pi̧jä̧nä̧ weünä̧tä̧ kka̧kui̧nä̧tü̧jä̧.

Efesios 1:17

Tu̧ru̧wa̧ Jesucrito jä'o Dio-rü, ja̧'wa̧ta̧nü̧ ukuou'i̧nä̧ jä'orü jä'epüsä, wo̧juä̧wä̧ iyü kkä̧nü̧ ja̧'wa̧ta̧nü̧ churutä ku̧wo̧juä̧chä̧tu̧ku̧nä̧ jiäwätukuaku pä'ü.

2 Timoteo 2:19

Ja̧'wa̧nü̧ ja̧'a̧nä̧ Dio-mä̧ kkada'ka adiu 'kiyünä̧ 'chu̧ä̧ro̧mȩ jȩpü̧ kku̧ni̧nü̧, juȩnȩ wȩyu̧kuä̧mä̧ pä'a: Tü̧ä̧nä̧wa̧mä̧ chutäku todepätürü wo̧jua̧; ja̧'wa̧ta̧nü̧ «o'katoi'ünä̧ tü̧ä̧nä̧wa̧ i̧mi̧nä̧ jä'epätümä̧ surojüttü 'kȩ'i̧pä̧chi̧nä̧tü̧».

Hebreos 7:18

Ja̧'wa̧nü̧ ja̧'a̧ttü̧, ä'koji weäwä wȩnȩ ji̧nü̧mä̧ siekuächa'a, ppädü juiyünä̧'i̧nä̧, ujuru'i̧nä̧ juiyinü̧ ja̧'a̧ttü̧.

2 Pedro 2:20

Ja̧'wa̧nü̧ ja̧'a̧ttü̧ tu̧ru̧wa̧ Jesucrito surojüttü tü̧ji̧pü̧nä̧ jȩpü̧rü̧ wo̧juä̧chi̧'ä̧tü̧mä̧, pi̧jä̧ jäwä surojüttü tü'ipächü ttü̧ja̧kui̧na̧'a̧nä̧, ja̧u̧nä̧ jerupächi'ü pä'äjita'anü̧ iyäwätümä̧, jua̧u̧tä̧tä̧ wȩä̧ro̧mȩnä̧, ä'koji suro ttino̧mȩttü̧'i̧nä̧ yabonä̧nü̧ wotü.

1 Juan 5:20

Ja̧'wa̧ta̧nü̧ wo̧juä̧tü̧jä̧ Dio I̧tti̧ ichinü̧'ka̧, ji̧nä̧so Chutä Dio-rü jo̧mȩnü̧ tu̧wo̧jua̧ pä'ü u̧wo̧juȩti̧na̧'a̧mä̧. Ujutumä̧ I̧tti̧ Jesucrito-nä̧ ji̧nä̧ ji̧yȩtȩ wotüjä̧; jua̧u̧tä̧ ja̧'a̧ ji̧nä̧so Chutä Dio-mä̧, jua̧u̧nä̧ kka̧'a̧ kkä̧kuä̧wä̧ i'komä̧.