Gálatas 4:12 - Nuevo Testamento Uwotjüja

¹² Chawaruwä chü̧jä̧wa̧tü̧, ukuturu jä'epüsä: ttü chüta'anü̧ ku'ärowächätukua pä'ü, ttü'i̧nä̧ ukutu jü̧ta̧'a̧nü̧ chü'ärowächina̧'a̧ttü̧. Ukutumä̧, ttürü suronä̧ jȩpo̧ko̧tü̧ pinä̧tü̧jä̧.

TÄ̧DO Ä̧CUÄ̧ I̧HUȨNȨ

¹² Chö̧jä̧hua̧tö̧, ttö pä'ösä ucuturu, ttö jö̧ ta'anö cu'ätucua pä'ösä. Ttömä ucutu jö̧ ta'anö hua̧sä̧. Ucutumä ttörö suronä jȩpi̧nä̧tö̧jä̧ pä'ömä pä'ocösä.

Gálatas 4:12 Iomraidhean Croise

Hechos 21:21

Ja̧'wa̧nü̧ ja̧'a̧nä̧ ukú kutü'kümä̧ ä̧ju̧kuä̧jä̧tü̧, kko̧ro̧jä̧ rȩjȩnä̧ kka̧kuä̧tü̧ judío-rü Moisé weäwä wȩnȩ ttukuotü juiyünä̧'i̧nä̧, tti̧tti̧mü̧rü̧ circuncisión jȩttü̧ juiyünä̧'i̧nä̧, ujutu judío jȩpü̧ tü̧jä̧'i̧jü̧'i̧nä̧ jȩttü̧ juiya pä'ü we'üdo pä'ü ukuowa'a.

2 Corintios 2:5

Ja̧'wa̧nü̧ ja̧'a̧nä̧, ya̧tȩ ttürü cha̧'kua̧ tta̧dȩku̧nä̧ jȩpi̧nü̧rü̧mä̧, ttürütämä̧ cha̧'kua̧ tta̧dȩku̧nä̧mä̧ jȩpo̧kü̧ pinü̧, ukuturu'i̧nä̧ o'katoi'ünä̧rü̧ (abo 'kuä'o'ümä̧ pädoka'anä̧) kua̧'kua̧ tta̧kuȩkuä̧tu̧ku̧nä̧ jȩpi̧nü̧.

2 Corintios 6:11

Chawaruwä chi̧jä̧wa̧tü̧, ukutu Corinto ütawiyä ttü̧ja̧rü̧mä̧, wäjuönä̧tä̧ ukuokuinä̧tü̧jä̧; ta̧mi̧'iso'ki'i̧nä̧ o'kajuiyünä̧ wäjuönä̧tä̧ ukuokuinä̧tü̧jä̧.

2 Corintios 6:13

Repettomȩnä̧mä̧, eseu repeäkuäwä. Ttä'o i̧tti̧mü̧rü̧ jäepa'a jä̧'i̧nü̧'a̧nü̧ jädepä̧u̧jä̧: ¡ukutu'i̧nä̧ repe'äkuäu kka̧kuä̧tu̧kui̧, ttü jü̧ta̧'a̧nü̧!

Gálatas 2:14

Ja̧'wa̧nü̧ jȩtto̧mȩnä̧, jareü wȩnȩ pä'aku jȩpo̧ko̧tü̧ pinä̧tü̧, ja̧'wa̧nü̧ ji̧yä̧ku̧ Peduru-rü, o'katoi'ünä̧ ttä'ka jo̧mȩttü̧ pä'inü̧sä̧: Ukú, judío i̧sa̧'i̧nä̧, judío pokotü 'kua̧rü̧nä̧ ku̧ja̧'a̧nä̧; ¿Tta̧'a̧nü̧ pä'ü judío pokotürümä̧, judío jȩttü̧ jäwänä̧ ttü̧ja̧kua̧ päkua'ajä̧ttü̧?

Gálatas 4:11

¡Ukuturu yȩ'ȩkua̧sä̧, yapare aditü chusuräwi̧nä̧u̧ ja̧'a̧ tä̧jí̧ pä'ü!

Gálatas 4:13

Ukutumä̧ wo̧juä̧tü̧jä̧, na̧dä̧chi̧pä̧jo̧mȩttü̧ ä̧kuo̧mȩnä̧ jareü wȩnȩ jidäwina̧'a̧mä̧.

Gálatas 6:14

Ja̧'wa̧nü̧ ja̧'a̧nä̧ ttümä̧, chesewä̧kua̧sä̧ Jesucrito 'korujuo'ächü i̧mi̧täwinü̧tä̧ esetü kkä̧nü̧. Ja̧'wa̧nü̧ ja̧'a̧ttü̧ Crito 'korujuoächinü̧nä̧tä̧ eseusä, pi̧jä̧ ttü̧ja̧ tta̧mü̧kuädümä̧ wä̧i̧nä̧ ja̧'a̧, pi̧jä̧nä̧mä̧ wa'ü chikuina̧'a̧ 'kua̧rü̧nä̧tä̧ jä̧ku̧sä̧.

Gálatas 6:18

Chawaruwä chi̧jä̧wa̧tü̧, Tu̧ru̧wa̧ Jesucrito ppädümä̧ o'katoi'ünä̧rü̧ kua̧'kua̧rä̧tu̧ku̧nä̧ kkä̧tu̧kua̧ku̧ pä'üsä. Amȩ́.