Biblia Todo Logo
Bìoball air-loidhne

- Sanasan -




Gálatas 3:1 - Nuevo Testamento Uwotjüja

1 ¡Isoo, Galacia ttü̧ja̧, Kuamükuädü jui'ätüjä̧ttü̧! ¿Dí ji̧nä̧ttü̧ ukuturu märipänä̧ surojuo'epinü̧mä̧ jueü wȩnȩ kukuotätuku juiya pä'ümä̧? Ttütä wäjuönä̧ jidäwinä̧u̧jä̧ Jesucrito ü̧jo̧kä̧nü̧ daunä̧ kkä̧nü̧ 'korujuoächinü̧ wȩnȩmä̧.

Faic an caibideil Dèan lethbhreac

TÄ̧DO Ä̧CUÄ̧ I̧HUȨNȨ

1 Juiyo di̧ji̧ huo̧juä̧chi̧'o̧co̧tö̧jä̧, Gálatas ttö̧ja̧. ¿Dihuä ja̧'hua̧nö̧ jȩi̧nä̧tu̧cuä̧cu̧ iso päi'önä suronä jȩttö̧ jȩpö̧ icu huȩnȩ cuesetätucu juiyönämä? Adihuä huȩnȩ jitäumä, ucutu'inä ja̧u̧tä̧ Jesucristo daunä 'corupä'i'inörö tocu'ätucua pä'ö ji'ähuätöjä.

Faic an caibideil Dèan lethbhreac




Gálatas 3:1
38 Iomraidhean Croise  

Ja̧'wa̧ta̧nü̧ Crito i̧mi̧nä̧, profetas wotü tti̧mi̧nä̧ yaparewätü ttichäkuotü ja̧'wa̧nü̧ jȩpü̧ jȩtto̧kü̧ jä̧'i̧jü̧ jȩpä̧'chü̧, Dio ȩmi̧nä̧u̧ttü̧'i̧nä̧ ttesetünä̧ jȩttä̧kuo̧tü̧,


Ja̧'wa̧nü̧ ja̧'a̧nä̧ yotukunä̧ ttü pädü ä̧ju̧ku̧ ukuotokümä̧, ya̧tȩ wo̧juȩku̧nä̧ amükuädokü ojusodemä̧ rȩba̧nä̧ aditinü̧'a̧nü̧ wa̧.


Ja̧'wa̧nü̧ jitäwäku Jesú-mä̧ päinä̧u̧: —¡Isoo, ukutumä̧, ku̧wo̧jui̧pä̧tu̧kua̧ pä'ü'i̧nä̧ jui'ätüjä̧ tä̧jí̧, kuesetätukua pä'ü'i̧nä̧ kua̧mi̧ 'ki'ätüjä̧ tä̧jí̧, profetas jittäwinü̧mä̧!


Frigia rȩjȩnä̧'i̧nä̧, Galacia rȩjȩnä̧'i̧nä̧ 'kuättopomȩnä̧ Epíritu Sa̧tu̧mä̧, Dio i̧wȩnȩ jittäu juiyünä̧ päinä̧u̧ Asia-nä̧mä̧.


Ja̧'wa̧nü̧ ja̧'a̧mä̧, yabokutä Dio i̧wȩnȩmä̧ rü̧ä̧chi̧na̧'a̧, Jerusarȩ́-nä̧mä̧ Jesucrito-rü esetätümä̧ rekuächinä̧tü̧; ja̧'wa̧ta̧nü̧ rekuätü sacerdote'i̧nä̧ esetächinä̧tü̧, jua̧u̧ tta̧'kua̧ wȩnä̧rä̧kuä̧wä̧mä̧.


Ja̧'wa̧nü̧ ja̧'a̧nä̧, o'katoi'ünä̧mä̧ esetokotü pinä̧tü̧ jareü wȩnȩmä̧; Isaía-mä̧ pä'inü̧: Chu̧ru̧wa̧ ¿Ditäjä̧ttü̧ jitäu esetäkua̧mä̧?


Ja̧'wa̧nü̧ ja̧'a̧nä̧ jarodi'ü, tturuwonä̧ ukuo te'äkuäu, jueü wȩnȩ ukuotü jui'ü, suronä̧ jȩä̧kuä̧wä̧tä̧ ukuotätürümä̧ Dio-mä̧ rü̧ȩnä̧ ra̧wä̧rü̧ ro̧ȩpä̧kuä̧u̧.


Ja̧'wa̧nü̧ ja̧'a̧nä̧ Dio-rü esewätüjä̧, ä'kojimä̧ surojü jȩä̧kuä̧wä̧tä̧ umüwäyotü kuinä̧tu̧kua̧'a̧mä̧, kua̧mi̧'iso'kituku o'kajuiyünä̧ kukuotätukua'attü̧, kkä̧kuä̧wä̧ kuesetinä̧tu̧ku̧nä̧.


Ja̧'wa̧nü̧ ja̧'a̧ttü̧, 'kuäopünä̧tä̧ trigo i̧ri̧si̧, pi̧si̧ kukuätukuomȩnä̧mä̧ ja̧'wa̧ta̧nü̧ po̧'ta̧ isoya kuäwätukuomȩnä̧mä̧, Tu̧ru̧wa̧ 'korujuoächinü̧ ji'äwätüjä̧, Chutä ichomȩbü päi'ünä̧.


Ja̧'wa̧ta̧nü̧, ukutuku chü̧ji̧nü̧mä̧ kkoro juei ttukuokuajü jueimä̧, suro Jesucrito ütü'kütä, ü̧jo̧kä̧ jäinä̧ toe'ächinü̧tä̧ ji'äwinü̧sä̧.


ttü̧ja̧ ttu̧wo̧juö̧'i̧nä̧, Dio-rü wo̧jui̧'ü̧ jui'ü rowäwäkuäwä'i̧nä̧ o'kajuiyütä si'epü iku, 'chu'ädü rütü yaboku 'chä̧tü̧jä̧ Crito-rü ukuotümä̧,


Ja̧'wa̧nü̧ ja̧'a̧nä̧, yedekunä̧ jä̧ku̧sä̧, Ewa-rü ä̧ka̧ üyaparewinü̧ta̧'a̧nü̧, ukutu'i̧nä̧ Crito-rü eseunu̧ kukuotätukuttü 'kä̧kui̧pä̧chä̧tu̧ku̧'a̧nü̧ ji̧yä̧ku̧.


Te'äwuösä ji̧nä̧ yo̧mȩtȩnä̧, chawaruwä chi̧jä̧wa̧tu̧ku̧ ukuturu Galacia rȩjȩttü̧, igresia wotürü:


Rü̧ȩnä̧ chamükuädünä̧ jä̧ku̧sä̧, Jesucrito re ü̧jü̧nä̧ woinä̧u̧mä̧, jua̧u̧ttü̧ yotäku rä'opächü kkoro jareü wȩnȩnä̧ bokuipächäjiyätukuäku.


Ja̧'wa̧nü̧ jȩtto̧mȩnä̧, jareü wȩnȩ pä'aku jȩpo̧ko̧tü̧ pinä̧tü̧, ja̧'wa̧nü̧ ji̧yä̧ku̧ Peduru-rü, o'katoi'ünä̧ ttä'ka jo̧mȩttü̧ pä'inü̧sä̧: Ukú, judío i̧sa̧'i̧nä̧, judío pokotü 'kua̧rü̧nä̧ ku̧ja̧'a̧nä̧; ¿Tta̧'a̧nü̧ pä'ü judío pokotürümä̧, judío jȩttü̧ jäwänä̧ ttü̧ja̧kua̧ päkua'ajä̧ttü̧?


¿Yoriso amükuädokotüjä̧ tä̧jí̧? Epíritu jäwänä̧ kkä̧mä̧di̧nü̧'kotü'i̧nä̧, ttidepä jäwänä̧ käkuädäkuäwätukua'amä̧.


Ja̧'wa̧nü̧ ja̧'a̧nä̧ jitä Dio-rü ku̧wo̧juä̧chi̧nä̧tu̧kua̧'a̧mä̧, ja̧'wa̧nü̧ pä'ü jui'ü'i̧nä̧ Dio u̧wo̧juä̧u̧ kuätukua'amä̧ ¿tta̧'a̧nü̧ pä'ü ppa̧kuä̧chä̧tu̧kua̧'a̧jä̧ttü̧ ttü̧ä̧nä̧wo̧tü̧ juiyupätürü, mikuäwokotürü, kukuotätukua pä'ümä̧?


Chawaruwä chi̧jä̧wa̧tü̧, circuncisión pättü jȩttä̧kuä̧wa̧ pä'ü jidäwuttümä̧, chabo iyotümä̧ suronä̧ pä'ümä̧ ttusokoku pajüsä. Ja̧'wa̧ta̧nü̧ ü̧jo̧kä̧ jäinä̧ kkä̧nü̧ 'korupäi'inü̧ wȩnȩ tta̧mi̧ surunä̧ topokotü pa̧ja̧tü̧.


Ttümä̧ o'katoi'ünä̧ Dio pojopü weinä̧u̧ttü̧'i̧nä̧ tti̧dȩ'a̧nä̧ cha'anä̧, pi̧yȩ mippoünä̧ iyinä̧ku̧sä̧, judío pokotürü Crito ukuo jäwä jidäwiyarü pä'ü.


Ja̧'wa̧nü̧ jo̧mȩnä̧mä̧ ppo̧'ä̧tü̧ tta̧mi̧ 'kuä'ätü jä̧'i̧nü̧'a̧nü̧, kkoro ttu̧wo̧juȩtü̧ jü̧'a̧kuä̧mä̧ kue'ächü kko̧ko̧tü̧ täkuotüjä̧. Pi̧jä̧ ttü̧ja̧ tta̧mü̧kuäda'aku ma̧ttä̧chü̧nä̧ jȩpä̧'chä̧tü̧ku̧mä̧.


Ja̧'wa̧nü̧ ja̧'a̧ttü̧, tta̧'ä̧rä̧kuä̧u̧ kkä̧wi̧; tta̧mü̧kuädü jui'ätü ttü̧jü̧'a̧nü̧mä̧ kkü̧jä̧, pärokua'aku amükuädätü ttü̧jü̧'a̧nü̧tä̧ kkä̧wi̧.


Ro̧ȩpa̧ pä'ü i̧chä̧kua̧, Dio-rü ttu̧wo̧jui̧pa̧ pä'okotürü, ja̧'wa̧ta̧nü̧ ukuotokotürü adiwäjuei wȩnȩ Tu̧ru̧wa̧ Jesucrito ütü'kü.


Jua̧u̧mä̧ wo̧jua̧sä̧ pä'ü ukuo teäwa'anä̧ yoriso jȩru̧pa̧. Jua̧u̧ru̧ pä'chäkuäwämä̧ mä̧richei jä̧'i̧nü̧'a̧nü̧ wa̧ttü̧mä̧; kkü'käwokü, ra̧wä̧rä̧kuä̧wä̧tä̧, tta̧'kua̧ wȩnä̧rä̧kuä̧wo̧kü̧tä̧ icha'a,


A̧'kua̧ u̧wȩnä̧ro̧mȩttü̧, Abraha̧-mä̧ Dio woäkumä̧ ukuotü, rä'opinü̧ kui̧rȩjä̧ chi̧yä̧kua̧jä̧ päjäkumä̧. Ja̧'wa̧nü̧ ja̧'a̧ttü̧ i̧rȩjä̧ttü̧mä̧ rä'opinü̧, ieruwa'a päte'ü.


ja̧'wa̧nü̧ adiunä̧ jue'ekuächü, ra̧wä̧pi̧jü̧ttü̧ kki̧'ä̧kuä̧wä̧ ba'epü kku̧ni̧nü̧, o'katoi'ünä̧ jua̧u̧ru̧ esetü ukuotätürümä̧.


Jitä ukutumä̧ isopäi'ünä̧ wȩnȩ kukuotätukuomȩttü̧, kuawaruwärü kua̧'kua̧pü̧nü̧ kuesewätukua pä'ü tükü i̧kui̧nä̧u̧jä̧. Ja̧'wa̧nü̧ jo̧mȩttü̧ ukutumä̧ kkorotüku kua̧mi̧'iso'kituku surojü juiyünä̧, kujurutuku'i̧nä̧ o'kajuiyünä̧ kuesewätuku'anü̧ ja̧'a̧.


Täkü rȩbȩwä̧ja̧'a̧ pojokuä mo̧ro̧mä̧ chutä Dio i̧tti̧mü̧ttü̧ kkä̧mä̧dü̧, ja̧'wa̧nü̧ pojokuä ujutunä̧ kkä̧mä̧da̧'a̧mä̧ ¿Toku jä̧kua̧'a̧jä̧ttü̧ rüjí mo̧ro̧mä̧, jareü Dio i̧wȩnȩ ukuotokotürümä̧?


Kkorojueimä̧ pä̧i̧ku̧nä̧ pätta'anä̧ jui'ätü, ja̧'wa̧ta̧nü̧ ji̧yȩnä̧tä̧ juoächäkuäwänä̧, ttü̧ja̧rü̧ pä̧wä̧rü̧jü̧nä̧, suronä̧ jȩttü̧ttü̧ rättopächa pä'ü kka̧kuä̧tü̧rü̧ ttesetipünä̧ jȩpä̧tü̧.


Ja̧'wa̧ta̧nü̧ ruwäkuiyä pa̧ja̧ku̧nä̧, juäjutäku kkü̧ä̧nä̧wo̧tü̧rü̧ eseäkuäwinä̧tü̧; Ja̧'wa̧ta̧nü̧tä̧ pi̧jä̧nä̧ttü̧ ruwotü'i̧nä̧ jȩpi̧nä̧tü̧, «Pi̧jä̧ttü̧ ruwotümä̧ juäjuttütä ruwotü juo'inä̧tü̧, pä̧wä̧rü̧jü̧, ttidepä weü ȩmü̧, iso juottepa pä'ümä̧.»


Ja̧'wa̧nü̧ ja̧'a̧nä̧, ukuru chüjü'kokü ji̧yȩtȩ a̧'u̧ku̧nä̧ kku̧nä̧rü̧sä̧: Juäju profeta isajusä pä'äkuäwäju Jezabe-rü, chu̧wo̧juȩtä̧u̧rü yaparetü nä̧tü̧rü̧'i̧nä̧, u̧mä̧tü̧rü̧'i̧nä̧ jȩttä̧'chü̧nä̧ jȩpü̧ kkä̧nü̧'i̧nä̧, ttü̧ä̧nä̧wo̧tü̧rü̧ sacrificio pättü ukuoku jȩä̧kuä̧wä̧'i̧nä̧ ttukunä̧ jȩpä̧'chä̧ju̧ru̧ ja̧'a̧tä̧ to'kuomȩnä̧.


Lean sinn:

Sanasan


Sanasan