Gálatas 1:8 - Nuevo Testamento Uwotjüja

⁸ Ja̧'wa̧nü̧ ja̧'a̧nä̧, ujututä ja̧ pä'ü'i̧nä̧, mo̧ro̧jä̧ttü̧ ichäkuäwa̧ á̧gȩ ja̧ pä'ü'i̧nä̧, jitäwä'ijü i̧mi̧ku̧nä̧ jareü wȩnȩ jittäuttümä̧, Dio-tä ro̧ȩpä̧kua̧.

TÄ̧DO Ä̧CUÄ̧ I̧HUȨNȨ

⁸ Ja̧'hua̧nö̧ ja̧'a̧ ya̧tȩ ucuturu u̧huo̧juȩtö̧ttö̧mä̧ koro huȩnȩ, suronä jȩttö̧ jȩpö̧ icu pättö huȩnȩ, ujutu tu̧huo̧juȩti̧nö̧ttö̧'i̧nä̧ i̧mi̧cu̧nä̧ jö̧, ja̧u̧mä̧ Diostä ö̧tä̧bo̧tä̧cua̧. Ttörötä jö̧ttö̧'i̧nä̧ huäinä jä̧cua̧'a̧. Ja̧'hua̧ta̧nö̧ mo̧ro̧jä̧ra̧'a̧ttö̧ ángel ichö jö̧ttö̧'i̧nä̧ huäinä jä̧cua̧'a̧.

Gálatas 1:8 Iomraidhean Croise

San Mateo 25:41

Jua̧u̧nü̧ o'ka'a Ru̧wa̧ Rey-mä̧ ü'owekunä̧ kka̧kuä̧tü̧rü̧ pä̧kua̧: Suropätümä̧, ttüttümä̧ 'kȩ'i̧pä̧chä̧tu̧kui̧; okurä na̧wi̧pokorära̧'a̧, äwettä umüwäyotü á̧gȩrȩ-ku̧ ttä̧tȩkuarä päi'ünä̧ jȩpü̧ kku̧nä̧warära̧'a̧tä̧ tätukui.

San Marcos 14:71

Ja̧'wa̧nü̧ pättäku, Peduru-mä̧, suronä̧ pä'ünü̧ Dio i̧mi̧nä̧ wȩnȩtü̧ pä'inü̧: —¡Jua̧u̧ ttü̧ja̧sa̧rü̧mä̧ jȩru̧pa̧sä̧!, jü̧nä̧.

Hechos 23:14

Juätümä̧, sacerdote-tü̧'i̧nä̧, a̧ci̧a̧nu̧tu̧'i̧nä̧ ttä'ka jo̧mȩ 'chä̧wi̧'ü̧, pä'inä̧tü̧: —Ujutumä̧, suronä̧ pä'äu kku̧nä̧jä̧tü̧jä̧, tu̧kuȩ ta̧do̧chi̧'a̧ pä'ü, Pauru-rü kuä'ü tikuomȩbü päi'ünä̧.

Romanos 16:17

Ja̧'wa̧ta̧nü̧ chawaruwä chü̧jä̧wa̧tü̧ ukuturu jä'epüsä, ttu̧'ȩpä̧rü̧nü̧ ku̧ja̧kuä̧tu̧kua̧ pä'ü ttü̧ja̧ ttiperekuächünä̧ jȩpä̧tü̧rü̧ ja̧'wa̧ta̧nü̧ kkä̧kuä̧wä̧ ku̧wo̧jui̧'i̧nä̧tu̧ku̧ to'ija̧'a̧ku̧ wo̧juȩtä̧tü̧rü̧. Juätüttümä̧ 'kȩkui̧pä̧chä̧tu̧kua̧ pädäu̧jä̧.

Romanos 9:3

Isopäi'ünä̧ chidepättü chawaruwärümä̧ rü̧ȩnä̧ repeda'amä̧, wä̧i̧nä̧ suronä̧ pättäku chüttü'i̧nä̧, Crito-ttü 'kȩdi̧pä̧chü̧ttü̧'i̧nä̧ wä̧i̧nä̧ wa̧sä̧ rettü chawaruwärü ppädäda pä'ümä̧.

1 Corintios 12:3

Ja̧'wa̧nü̧ ja̧'a̧ttü̧, ukuturu ku̧wo̧juä̧tu̧kua̧ pä'ü pä'üsä, ya̧tȩ'i̧nä̧ Dio i̧sa̧ Epíritu-nä̧mä̧, Jesú-ru su̧ro̧pa̧ päa pä'ümä̧ juiya'a; ja̧'wa̧ta̧nü̧ ya̧tȩ'i̧nä̧ toa'a, ¡Jesú-ru Chu̧ru̧wa̧! pä'ümä̧, Epíritu Sa̧tu̧ toünä̧mä̧.

1 Corintios 16:22

Ya̧tȩ, Tu̧ru̧wa̧ Jesucrito-rü eseu repe'okümä̧, su̧ro̧pa̧tä̧ wa̧. ¡Tu̧ru̧wa̧mä̧ täkü i̧chä̧kua̧!

Gálatas 1:9

Pädinü̧mä̧, pä'äjita'anü̧ pä'üsä: ya̧tȩ jareü wȩnȩ kkoromȩnä̧ jü̧ jiäuttümä̧, Dio-tä ro̧ȩpä̧kua̧.

Gálatas 3:10

Weäwä wȩnȩnä̧ tta̧'kua̧ wȩnä̧rä̧tü̧rü̧ surojü ma̧ä̧ma̧ pä'ü, pa̧'a̧nü̧ päwina̧'a̧ wȩyu̧kuä̧ wȩnȩmä̧: «surojütä ma̧ä̧mä̧kua̧'a̧ o'katoi'ünä̧ wȩyu̧kuä̧ wȩnȩnä̧ pȩjü̧ ukuotokürümä̧.»

Gálatas 3:13

Crito-mä̧ weäwä wȩnȩ ukuotokü, usurä ȩmä̧wa̧jü̧ juei usurä ȩmä̧wi̧nü̧ ujutu jäwänä̧, ja̧'wa̧nü̧ jȩpü̧tä̧ ȩmi̧nä̧u̧jä̧. Wȩyu̧kuä̧ wȩnȩmä̧ pä'a: «Dio-mä̧ suronä̧ pä̧kua̧, ü̧jo̧kä̧ jäi daunä̧ 'korujuo'ächürümä̧.»

Tito 3:10

Ya̧tȩ Dio-rü esetinä̧tü̧rü̧ 'kȩ'ttȩkuä̧chü̧nä̧ jȩpü̧rü̧mä̧, ya'utenä̧ jikuäu o'ka'a, todärenä̧ jikuäwomȩnä̧ üarodüttümä̧ juorümä̧ rä'epü ikuirü.

2 Pedro 2:14

Isajuru ttüjü'kokokua jü̧nä̧mä̧ topokotü; surojü jü̧ttü̧'i̧nä̧ 'kuä'ächi'okotü. Tta̧'kua̧rü̧nä̧ jiyupätürü yaparewä'chätü; ruwotü juoäwätä wo̧juä̧tü̧; juätü ttü̧ja̧mä̧ kueyowächi̧nä̧tü̧.