Gálatas 1:1 - Nuevo Testamento Uwotjüja

¹ Ttü Pauru, Apóto päi'ünä̧ wa̧, ttü̧ja̧ weäwänä̧'i̧nä̧, ttü̧ja̧nä̧'i̧nä̧ u̧ju̧no̧ko̧ku̧ pinü̧, Tu̧ru̧wa̧ Jesucrito-nä̧tä̧, jua̧u̧ru̧ wa'arettü tto'ädinü̧ Dio-tä weinä̧ku̧,

TÄ̧DO Ä̧CUÄ̧ I̧HUȨNȨ

¹ Ttö Pablo Jesucristo huȩ'ä̧hua̧sä̧. Ja̧'hua̧ta̧nö̧ Tä'o Dios, Cristorö 'corupä'i'inätö ttö̧'quȩtȩttö̧ tto'ädinö'inä, huȩ'ä̧hua̧sä̧. Pi̧jä̧ ttö̧ja̧mä̧ hue'ähuocösä.

Gálatas 1:1 Iomraidhean Croise

San Juan 10:30

Chä'oku, ttükumä̧ ji̧nä̧ ji̧yȩtȩ wotüjä̧.

San Juan 20:21

Ja̧'wa̧nü̧ ja̧'a̧, pä'äjita'anü̧ Jesú-mä̧ päinä̧u̧: —¡Wȩnȩ juiyü jäwä ukutunä̧ kka̧ pä'üsä! Chä'o ttürü weinüta'anü̧, ukuturu'i̧nä̧ ja̧'wa̧ta̧nü̧ we'üsä.

San Juan 5:19

Jesú-mä̧ päinä̧u̧: Isopäi'ünä̧ pädäu̧jä̧, I̧tti̧mä̧ a̧mü̧nä̧ pa̧ja̧tü̧mä̧ jȩpo̧kü̧, Jä'o jȩa̧'a̧ toütä jȩpü̧; ja̧'wa̧nü̧ ja̧'a̧ttü̧ Jä'o jȩa̧'a̧ toümä̧ o'kajuiyünä̧tä̧, I̧tti̧'i̧nä̧ jȩpü̧ yoräteunä̧tä̧.

Hechos 22:10

Ja̧'wa̧nü̧ jä̧ku̧ pä'inü̧sä̧: «¿Chu̧ru̧wa̧, däjé jȩchä̧kua̧'a̧jä̧ttü̧? Chu̧ru̧wa̧mä̧ ädätinä̧ku̧sä̧: Ä̧rä̧mi̧'ü̧, Damasco ütawiyänä̧ do'ächi. Jua'attü o'kajuiyünä̧ jiäkuäwäkua'a jȩ'kuä̧kuȩmä̧.»

Hechos 3:15

Ja̧'wa̧nü̧ jȩpü̧, tta̧'kua̧rü̧ iyäwä i̧sa̧rü̧mä̧ kuä'ü ikuinä̧tü̧jä̧ ja̧'wa̧nü̧ ja̧'a̧nä̧ Dio-mä̧ wa'arettü ttoädinä̧ku̧ ja̧'wa̧nü̧ 'kuäopa'a topinä̧tü̧mä̧ ujutujä̧.

Hechos 9:6

Päku ye'i'ü tti̧'ä̧u̧ kkä̧nü̧ pä'inü̧:] Chu̧ru̧wa̧, ¿däjé jȩchi̧ya̧ku̧ päkua'ajä̧ttü̧? jäepäku, Tu̧ru̧wa̧mä̧ päinä̧ku̧: Ä̧rä̧mi̧'ü̧ täi Damasco ütawiyämä̧ dokuächi'a, jua'attü jiäkuäwäkua'a jȩ'kuä̧kuȩmä̧.

Romanos 1:1

Ttü Pauru-mä̧, Jesucrito u̧mü̧wä̧ya̧ jü̧nä̧, apóto cha pä'ü, jareü wȩnȩ Dio jäwä ujuturu iyinü̧ jidäwiyarü pä'ü woinä̧ku̧sä̧.

Romanos 10:9

Isopäi'ünä̧ Jesú-mä̧ Chu̧ru̧wa̧ ja̧'a̧, kuänä̧ päkuttümä̧ ja̧'wa̧ta̧nü̧ Dio-mä̧ wa'arettü'i̧nä̧ tto'ädinä̧kü̧ pä'ü kua̧mi̧'iso'kinä̧ kuesetüttümä̧, ra̧wä̧pi̧jü̧ttü̧mä̧ ku̧ji̧pä̧kua̧jä̧.

Romanos 14:9

Isopäi'ünä̧ Tu̧ru̧wa̧ Crito-mä̧ pi̧yȩtä̧ ja̧'a̧tȩ'ü̧ 'korujuo'ächäji̧'ka̧, pä'äjita'anü̧ tto'ächinü̧: A̧'kua̧rä̧tü̧'i̧nä̧, 'korujuo'ächinä̧tü̧'i̧nä̧ Ttu̧ru̧wa̧ ja̧ pä'ü.

1 Corintios 1:1

Ttü Pauru, Dio-rü pä̧wä̧rü̧jo̧mȩnä̧, Crito apóto päi'ünä̧ woinä̧ku̧ cha'attü, cha̧wa̧ru̧wa̧ chi̧jä̧wa̧ Sóstenes-ku̧ te'äusä Corinto ütawiyättü Dio iäre igresia wotürü. Jesucrito, Dio-rü usäwäku 'kȩ'ȩpü̧ ȩmü̧, umüwäyotü jü̧nä̧ juoepinä̧u̧ru̧'i̧nä̧, ja̧'wa̧ta̧nü̧ jitü Tu̧ru̧wa̧ Jesucrito i̧mi̧nä̧ jä'epü ukuokuätürü'i̧nä̧, te'äusä, jua̧u̧mä̧ ujutu'i̧nä̧ Tu̧ru̧wa̧ ja̧'a̧nä̧, juätü'i̧nä̧ ttu̧ru̧wa̧ ja̧'a̧.

2 Corintios 1:1

Ttü pauru, apóto jü̧nä̧ Jesucrito ȩmi̧nä̧ku̧, Dio-rü pä̧wä̧rü̧jo̧mȩnä̧ ja̧'wa̧ta̧nü̧ cha̧wa̧ru̧wa̧ chi̧jä̧wa̧ Timoteo-ku te'äwätüjä̧, Dio-rü esetätü Corinto ütawiyänä̧ kkä̧tü̧rü̧'i̧nä̧ ja̧'wa̧ta̧nü̧ Acaya rȩjȩnä̧ kka̧kuä̧tü̧rü̧'i̧nä̧ o'katoi'ünä̧rü̧.

Gálatas 1:15

Ja̧'wa̧nü̧ ja̧'a̧nä̧, Chu, ttü cha̧ju̧ kküakuä jakuättü 'kȩ'ȩpü̧ ȩmi̧nü̧tä̧ woinä̧ku̧sä̧, eseunu̧ repea'attü̧.

Gálatas 1:17

ja̧'wa̧ta̧nü̧ Jerusarȩ́-ra̧'a̧'i̧nä̧, chä'kanä̧ Apótore-rümä̧ topü 'cho̧kü̧ pinü̧sä̧; ja̧'wa̧nü̧ jo̧ka̧'a̧ Arabia rȩjȩra̧'a̧tä̧ i̧u̧ i̧wi̧nü̧'ka̧, Damasco-ra̧'a̧tä̧ pä'äjita'anü̧ ppa̧'ä̧chi̧nü̧sä̧.

Efesios 3:8

Ttümä̧ o'katoi'ünä̧ Dio pojopü weinä̧u̧ttü̧'i̧nä̧ tti̧dȩ'a̧nä̧ cha'anä̧, pi̧yȩ mippoünä̧ iyinä̧ku̧sä̧, judío pokotürü Crito ukuo jäwä jidäwiyarü pä'ü.

2 Timoteo 1:1

Ttü Pauru Jesucrito u̧mü̧wä̧ya̧, Dio-rü pä̧wä̧rü̧jo̧mȩnä̧, Jesucrito-nä̧tä̧ kka̧ku̧ kkä̧kuä̧wä̧ i'ko chi̧yä̧kua̧sä̧ pä'inü̧ ji̧nü̧ jidäwa pä'ü wȩ'ä̧wa̧mä̧,

Tito 1:3

Ja̧'wa̧ta̧nü̧ jitämä̧, täkü päinü̧ mo̧ro̧ ja̧'a̧ttü̧, i̧wȩnȩmä̧ ttu̧wo̧jui̧pü̧nä̧ weäwi'ina̧'a̧ jittäu tä̧ju̧kuo̧mȩnä̧ tü̧ä̧nä̧wa̧ Dio ra̧wä̧pi̧jü̧ttü̧ tü̧ji̧pü̧nä̧ ppädäkuäwä i̧sa̧ weäwänä̧.

Hebreos 13:20

Jua̧u̧ Dio eseäkuäwä ru̧wa̧, Tu̧ru̧wa̧ Jesucrito-rü tto'ädinü̧, oweja-tü̧ ttu̧ru̧wa̧ ukuo i̧sa̧, ukuojanä̧tä̧ 'kuäopünä̧ jü̧nä̧tä̧ esekuinü̧tä̧,

1 Pedro 1:21

Ukutumä̧ Crito-nä̧ Dio-rümä̧ esetätüjä̧, 'koru pä'i'inä̧tü̧ttü̧ tto'ädü ukuo iyinü̧nä̧; ja̧'wa̧nü̧ ja̧'a̧ttü̧ kua̧'kua̧ ku̧wȩnä̧rä̧tu̧ku̧'i̧nä̧, tta̧'a̧rü̧ ku̧jä̧tu̧ku̧'i̧nä̧ Dio-nä̧tä̧ kka̧'a̧.

Apocalipsis 1:18

ja̧'wa̧ta̧nü̧ jitämä̧ a̧'kua̧rü̧sä̧, ya'utenä̧mä̧ 'korujuo'ächinü̧sä̧; ja̧'wa̧nü̧ ji̧na̧'a̧nä̧ jitämä̧, mo̧ro̧ kki̧ä̧mü̧nä̧ kkü̧sä̧. Ja̧'wa̧ta̧nü̧ wa'are ujuru u̧wä̧mȩnä̧ wa̧sä̧, chujurumä̧.

Apocalipsis 1:5

Ja̧'wa̧ta̧nü̧ Jesucrito, jueü wȩnȩ jiäkuäwä i̧sa̧, wa'inä̧tü̧ttü̧ ä̧kuo̧mȩnä̧ tto'ächinü̧ ja̧'wa̧ta̧nü̧ pi̧jä̧ ruwotü'i̧nä̧ ttu̧wä̧mȩnä̧ wa̧ ȩmi̧nä̧u̧jä̧. Jua̧u̧tä̧ ja̧'a̧ ujuturu repe'ü, suronä̧ jȩtü̧'i̧nä̧ ukuojanä̧ tükü ikuinü̧mä̧.

Apocalipsis 2:8

Esmirna-ra̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: Ä̧kuo̧mȩnä̧tä̧ päi'ünä̧ kki̧nü̧mä̧, yodoji rüjí mo̧ro̧'i̧nä̧ ü̧jä̧kua̧mä̧, wa'ü'i̧nä̧ ikuina̧'a̧nä̧ tto'ächinü̧mä̧, pa̧'a̧nü̧ pä'ü: