Efesios 4:21 - Nuevo Testamento Uwotjüja

²¹ isopäi'ünä̧ ukutumä̧ ä̧ju̧kui̧nä̧tü̧jä̧ Jua̧u̧ ütü'kümä̧ ja̧'wa̧ta̧nü̧ wo̧juä̧tü̧jä̧ jua̧u̧ weünä̧ kkä̧kuä̧wä̧, Jesú u̧wo̧juȩti̧nü̧mä̧.

Efesios 4:21 Iomraidhean Croise

San Mateo 17:5

Peduru-mä̧ ji̧nä̧ ukuoku ü̧ja̧'a̧nä̧, ajiya isoppa kkȩdȩpoppa juätü ttu̧wä̧mȩ jo̧mȩ mȩyȩwi̧a̧'a̧ttü̧, juoppattü ya̧tȩ i̧wȩnȩ rȩmi̧pi̧na̧'a̧: «Pidemä̧ ttü chi̧tti̧ rü̧ȩnä̧ eseu repedäku: Jua̧u̧ru̧mä̧ ä̧ju̧kuä̧tu̧kui̧», jü̧nä̧.

San Lucas 10:16

«Ukuturu ä̧ju̧kuä̧tü̧mä̧, ttürü'i̧nä̧ ä̧ju̧kuä̧tü̧; ja̧'wa̧ta̧nü̧ ukuturu kkü'kokotümä̧, ttürü'i̧nä̧ kkü'kokotü; ja̧'wa̧ta̧nü̧ ttürü kkü'kokotümä̧, ttürü we'inü̧rü̧'i̧nä̧, kkü'kokotü.»

San Juan 1:17

Isopäi'ünä̧ weäwä wȩnȩmä̧ Moisé-nä̧ iyäwi'ina̧'a̧ttü̧; ja̧'wa̧nü̧ ja̧'a̧nä̧ re ü̧jü̧mä̧, isopäi'ünä̧ wȩnȩmä̧ Jesucrito-nä̧tä̧ ichina̧'a̧.

San Juan 10:27

Ttü chä̧ji̧mü̧ oweja-tü̧mä̧, chi̧wȩnȩ ä̧ju̧ku̧mä̧ wo̧juä̧tü̧, pärokua'aku ttü'i̧nä̧ chu̧wo̧juä̧u̧ ja̧'a̧ttü̧ cho'ka'anä̧ ichätü.

San Juan 14:17

isopäi'ünä̧ i̧sa̧ Epíritu-ru, Dio-rü esetokotümä̧ ttȩmü̧ juiyünä̧ wa̧rü̧. Topü'i̧nä̧ tottokoku, jerupü'i̧nä̧ ttieruwäku. Ja̧'wa̧nü̧ ja̧'a̧nä̧ ukutumä̧ ku̧wo̧juä̧tu̧kuä̧ku̧, ukututäku ü̧ja̧'a̧ttü̧.

San Juan 14:6

Päku, Jesú-mä̧ ädätinä̧ku̧: —Ttütäsä mä̧nä̧mä̧, ttütäsä isopäi'ünä̧mä̧ ja̧'wa̧ta̧nü̧ ttütäsä tta̧'kua̧rü̧mä̧. Chä'o ü̧ja̧'a̧mä̧, yoriso ya̧tȩ'i̧nä̧ ttü toünä̧mä̧ rȩbȩä̧kuä̧wo̧ka̧'a̧, ttünä̧tä̧tä̧ rȩbȩä̧kuä̧wa̧'a̧.

Romanos 10:14

¿Ja̧'wa̧nü̧ ja̧'a̧mä̧ toku jättepäkua'ajä̧ttü̧, ji̧nä̧ ttesetokokurumä̧? ¿Ja̧'wa̧ta̧nü̧ toku tesetäkua'ajä̧ttü̧, jua̧u̧ ütü'kü ttä̧ju̧kuo̧ko̧ku̧ru̧mä̧? ¿Ja̧'wa̧ta̧nü̧ toku ttä̧ju̧kuä̧kua̧'a̧jä̧ttü̧ ya̧tȩ ji'äu totta'anä̧mä̧?

2 Corintios 1:20

Ja̧'wa̧nü̧ ja̧'a̧ttü̧, o'kajuiyünä̧tä̧ Dio chi̧yä̧kua̧sä̧ päinü̧mä̧ ja̧'wa̧nü̧tä̧ 'kuäopa'a, chunä̧tä̧mä̧, ja̧'wa̧nü̧ ja̧'a̧ttü̧ Dio-rü tesewomȩnä̧, Crito-nä̧mä̧ «Amȩ́» pä'ätüjä̧.

2 Corintios 11:10

¡Crito jäwä jueü wȩnȩ ttünä̧ kka̧'a̧ttü̧!, Acaya rȩjȩ pünä̧ ji'äu cheseumä̧ 'chottipokoku chä̧kua̧sä̧.

Efesios 1:13

Ja̧'wa̧ta̧nü̧ Jua̧u̧nä̧tä̧ ukutumä̧ jueü wȩnȩ'i̧nä̧, surojüttü kki̧'ä̧kuä̧wä̧'i̧nä̧, kuä̧ju̧kui̧nä̧tu̧kua̧'a̧ttü̧ ja̧'wa̧ta̧nü̧ jua̧u̧ru̧tä̧ kuesetinä̧tu̧kua̧'a̧ttü̧, Epíritu Sa̧tu̧nä̧ sello-nä̧ i̧nȩpü̧ ttüta'a jä̧'i̧nü̧'a̧nü̧ jȩi̧nä̧u̧jä̧, päinü̧'a̧kuä̧.

Efesios 2:17

Ja̧'wa̧nü̧ jȩpü̧, wȩnȩ juiyünä̧ kkä̧kuä̧wä̧ ukuturu i'kächü iyinü̧, Churutä otó kka̧kuä̧'i̧jä̧tü̧rü̧'i̧nä̧, chutäku tü'kü kka̧kuä̧'i̧jä̧tü̧rü̧'i̧nä̧, jü̧nä̧.

Colosenses 1:5

mo̧ro̧jä̧ra̧'a̧ttü̧ ukuturu i̧yä̧wi̧'ä̧kuȩ tta̧kuä̧rä̧tu̧kua̧'a̧ttü̧. Jua̧u̧ ta̧kuä̧rä̧tu̧ku̧mä̧ ä̧ju̧kui̧nä̧tü̧jä̧ jueünä̧ jareü wȩnȩnä̧, Evangelio pä'ü mikunä̧,

Colosenses 1:6

jua̧u̧mä̧ ukuturu'i̧nä̧ rȩbȩwi̧na̧'a̧. Jua̧u̧mä̧ rü̧ȩnä̧ yo'äwi'ü rü̧ä̧cha̧'a̧ pi̧jä̧ o'kajuiyünä̧. Ukuturu Dio rȩrü̧jü̧ toü kuä̧ju̧kui̧nä̧tu̧kuo̧mȩttü̧ kkä̧mä̧dü̧.

Colosenses 2:7

Chuttutä kkada'ka jü̧nä̧ 'chu̧ä̧rü̧nä̧ kka̧kuä̧tu̧kui̧. Yabonü̧ kua̧'kua̧ wȩnä̧rä̧tu̧kui̧rü̧ ku̧wo̧jui̧'i̧nä̧tu̧ku̧'a̧kuä̧, 'kuäopünä̧ Dio-rü eseu.

1 Juan 5:20

Ja̧'wa̧ta̧nü̧ wo̧juä̧tü̧jä̧ Dio I̧tti̧ ichinü̧'ka̧, ji̧nä̧so Chutä Dio-rü jo̧mȩnü̧ tu̧wo̧jua̧ pä'ü u̧wo̧juȩti̧na̧'a̧mä̧. Ujutumä̧ I̧tti̧ Jesucrito-nä̧ ji̧nä̧ ji̧yȩtȩ wotüjä̧; jua̧u̧tä̧ ja̧'a̧ ji̧nä̧so Chutä Dio-mä̧, jua̧u̧nä̧ kka̧'a̧ kkä̧kuä̧wä̧ i'komä̧.