Efesios 3:2 - Nuevo Testamento Uwotjüja

² Täkü wo̧juä̧tü̧jä̧ 'kua̧ra̧'a̧, Dio ukuturu rettü chaditiyarü pä'ü ttürü we'ü u̧ju̧ni̧nü̧mä̧.

TÄ̧DO Ä̧CUÄ̧ I̧HUȨNȨ

² Täcö huo̧juä̧tö̧jä̧ ucutu, Diosrö pä̧huä̧ rö̧jo̧mȩnä̧ ttörö hueinäcusä adihuä huȩnȩ jidähua pä'ö ucuturu.

Efesios 3:2 Iomraidhean Croise

Hechos 13:2

Ya'utenä̧ Dio-rü ukuoku kkä̧nü̧, ttu̧kuȩ'i̧nä̧ tta̧do̧chä̧ja̧'a̧, Epíritu Sa̧tu̧ päinä̧u̧: «Bernawérü'i̧nä̧, Sauro-rü'i̧nä̧ 'kȩ'ȩpi̧yä̧tu̧kui̧ttü̧, ttadita pä'ü wochinü̧ wedatü.»

Hechos 13:46

Ja̧'wa̧nü̧ pä̧tti̧yä̧u̧, Pauru-mä̧, Bernawé-ku pä̧i̧ku̧nä̧ pättinä̧u̧: —Isopäi'ünä̧, ä̧kuo̧mȩnä̧mä̧ ukutu judío-rü, Dio i̧wȩnȩ jitäwa pä'ü ji̧na̧'a̧nä̧; kkü'kü jui'ü ya'oku kkä̧kuä̧wä̧ i'ko'i̧nä̧ kuȩma̧ päkuätukuoka'attü̧, judío pokotürütä ji'äu 'chä̧tü̧jä̧.

Hechos 22:21

Päda'anä̧ Chu̧ru̧wa̧mä̧ päinä̧ku̧sä̧: Täkü täi, judío pokotü tti̧rȩjä̧ra̧'a̧, otó wedäkujä̧.

Hechos 9:15

Ja̧'wa̧nü̧ pä'anä̧, Tu̧ru̧wa̧mä̧ päinä̧ku̧: Täkü täi, jua̧u̧mä̧ ttü chȩmä̧jä̧ku̧ ttü chi̧mi̧ ȩpa̧ pä'ü, judío pokotürü'i̧nä̧, ruwotürü'i̧nä̧ ja̧'wa̧ta̧nü̧ Irae ttü̧ja̧rü̧'i̧nä̧, jü̧nä̧.

Romanos 1:5

Ja̧'wa̧nü̧ ja̧'a̧ttü̧, jua̧u̧ Jesucrito-nä̧ re ü̧ja̧'a̧ttü̧ apótore päi'ünä̧ jȩi̧nä̧u̧jä̧; Jua̧u̧ru̧ esetü o'katoi'ünä̧ tta̧'kua̧ wȩnä̧rü̧ ttü̧ja̧ pä'ü.

Romanos 11:13

Ja̧'wa̧nü̧ ja̧'a̧nä̧ ukutu judío pokotürü pä'üsä: Ttü ukutu judío pokotürü Dio-mä̧ i̧wȩnȩ jidäwiyarü pä'ü weinä̧ku̧ cha'attü, jua̧u̧ juiyo eseusä.

Romanos 12:3

Dio re kkä̧nü̧ apóto jü̧nä̧ ü̧ji̧ni̧nä̧ku̧ pä'üsä, ukuturu'i̧nä̧ Dio mippoünä̧ iyinü̧ kka̧'a̧ttü̧, u̧wä̧mȩnä̧mä̧ kuamükuädäwätukuä. Yotukunä̧ jȩ'kuä̧tu̧kuä̧kuȩ Dio iyina̧'a̧ku̧tä̧, kua̧'kua̧ wȩnä̧rü̧ amükuädätukui.

1 Corintios 4:1

Ja̧'wa̧nü̧ ja̧'a̧ttü̧, ujuturumä̧ Crito aditäwä ppä'ädä̧rä̧tü̧ jü̧nä̧tä̧ topätukuitü, Dio jäwä ttieruwü wȩnȩ adikuä isotü jü̧nä̧tä̧.

Gálatas 1:13

Isopäi'ünä̧ ukutumä̧ ä̧ju̧kui̧nä̧tü̧jä̧ judío jäwänä̧ kkä̧nü̧, ä'koji jȩchi̧nü̧mä̧ ja̧'wa̧ta̧nü̧ wo̧juä̧tü̧jä̧ Dio-rü esetätürü si'epü chikua pä'ü suronä̧ jȩchi̧nü̧'i̧nä̧.

Efesios 1:10

Mo̧ro̧ jo̧mȩnü̧ päi'omȩnä̧, Dio-mä̧ Jua̧u̧nä̧tä̧ o'kajuiyünä̧ ka̧ka̧tü̧ u̧ju̧nä̧kua̧. O'kajuiyünä̧ mo̧ro̧jä̧nä̧ kka̧ku̧'i̧nä̧, pi̧jä̧nä̧ kka̧ku̧'i̧nä̧, Crito-mä̧ u̧ru̧wa̧tä̧ päi'ünä̧.

Efesios 3:7

Jua̧u̧ jäwättütä chadita pä'ü iyäwi'inä̧ku̧sä̧, Dio rettü mipponä̧ iya'attü, chutä ujurunä̧tä̧.

Efesios 3:8

Ttümä̧ o'katoi'ünä̧ Dio pojopü weinä̧u̧ttü̧'i̧nä̧ tti̧dȩ'a̧nä̧ cha'anä̧, pi̧yȩ mippoünä̧ iyinä̧ku̧sä̧, judío pokotürü Crito ukuo jäwä jidäwiyarü pä'ü.

Efesios 3:9

Ja̧'wa̧ta̧nü̧ weinä̧ku̧sä̧ o'katoi'ünä̧ ttu̧wo̧juä̧chi̧'ü̧nä̧ jidäwa pä'ü, Dio amükuädü u̧ju̧ni̧nü̧, mo̧ täbokütä päi'ünä̧ yä̧wä̧i̧nä̧ chunä̧tä̧ kka̧kui̧nü̧, pi̧jä̧ ruwäkuiyä adikuä i̧sa̧nä̧.

Efesios 4:21

isopäi'ünä̧ ukutumä̧ ä̧ju̧kui̧nä̧tü̧jä̧ Jua̧u̧ ütü'kümä̧ ja̧'wa̧ta̧nü̧ wo̧juä̧tü̧jä̧ jua̧u̧ weünä̧ kkä̧kuä̧wä̧, Jesú u̧wo̧juȩti̧nü̧mä̧.

Efesios 4:7

Ujutu yotukunä̧rü̧mä̧ iyäwi'inä̧u̧jä̧ Dio jäwä, Crito mippoünä̧ iya päinü̧'a̧kuä̧.

Colosenses 1:4

Tu̧ru̧wa̧ Jesucrito-rü kua̧'kua̧ ku̧wȩnä̧rä̧tu̧ku̧'i̧nä̧, ja̧'wa̧ta̧nü̧ Dio i̧tti̧mü̧ wotürü repekuätukua'a'i̧nä̧ tä̧ju̧kui̧na̧'a̧ttü̧,

Colosenses 1:6

jua̧u̧mä̧ ukuturu'i̧nä̧ rȩbȩwi̧na̧'a̧. Jua̧u̧mä̧ rü̧ȩnä̧ yo'äwi'ü rü̧ä̧cha̧'a̧ pi̧jä̧ o'kajuiyünä̧. Ukuturu Dio rȩrü̧jü̧ toü kuä̧ju̧kui̧nä̧tu̧kuo̧mȩttü̧ kkä̧mä̧dü̧.

1 Timoteo 1:11

Pi̧yȩ ja̧'a̧ Dio eseäkuäwä kku̧nä̧rü̧ adiwäjuei wȩnȩ chu̧wo̧juȩta̧ pä'ü ttürü weinü̧mä̧.

1 Timoteo 1:4

täbokü wȩnȩ, tä̧do̧tü̧ mi̧nä̧ ttü̧ja̧kui̧nü̧ wȩnȩ'i̧nä̧, yotukunä̧ yapare wȩnȩ ttu̧wo̧juȩtü̧ juiyünä̧ jikuäwäkua'anü̧. Ja̧u̧mä̧ pä'ä'chäkuäu kkä̧kuä̧wä̧ra̧'a̧tä̧ oipü, ja̧'wa̧ta̧nü̧ Dio amükuädinü̧nä̧, tta̧'kua̧ wȩnä̧rü̧ kkä̧kuä̧wä̧ ttu̧wo̧jui̧pa̧ pä'ümä̧ ppädokü.

1 Timoteo 2:7

Pi̧yȩ jidäwa pä'ü, apóto pä'ü'i̧nä̧, jiäkuäwä i̧sa̧ pä'ü'i̧nä̧, o̧ä̧wa̧sä̧, chäditäwämä̧ Judío pokotürü isopäi'ünä̧ wȩnȩ tta̧'kua̧ wȩnä̧rä̧kuä̧wä̧ tü'kü jidäwa pä'ü ja̧'a̧, yaparewoküsä, Pi̧yȩ jidäumä̧ isopäi'ünä̧ ja̧'a̧.

2 Timoteo 1:11

Dio-mä̧ pi̧yȩ jareü wȩnȩ jidäwa pä'ü'i̧nä̧, apóto pättäku jü̧nä̧'i̧nä̧, judío pokotürü wo̧juȩkuä̧ i̧sa̧ jü̧nä̧'i̧nä̧ weinä̧ku̧sä̧.