Efesios 3:10 - Nuevo Testamento Uwotjüja

¹⁰ Jua'amä̧ jȩpi̧nü̧ Dio rü̧ȩnä̧ u̧wo̧juö̧ iäre igresia-nä̧tä̧ i̧jȩkuä̧cha̧ pä'ü, tturuwo kku̧nä̧rä̧tü̧rü̧'i̧nä̧, mo̧ro̧jä̧nä̧ tturuwo kku̧nä̧rä̧tü̧rü̧'i̧nä̧, jü̧nä̧.

TÄ̧DO Ä̧CUÄ̧ I̧HUȨNȨ

¹⁰ Ja̧'hua̧nö̧ 'cuäopina'ado jitä o'ca toi'önä pi̧jä̧ isoppanä ka̧cuä̧tö̧ hue'ähuotömä Diosrö esetätörö topö, ttu̧huo̧jua̧ pä'ö o'ca juiyönä Dios u̧huo̧ju̧mä̧.

Efesios 3:10 Iomraidhean Croise

Romanos 11:33

¡Isoo Dio-mä̧, juiyo uruwo'i̧nä̧, u̧wo̧juö̧'i̧nä̧ rü̧ȩnä̧tä̧ wa̧ tä̧jí̧! ¡Ya̧tȩ'i̧nä̧ toa'a jua̧u̧ jȩü̧'i̧nä̧, aditäwä'i̧nä̧ wo̧juö̧nä̧ ji'äumä̧!

Romanos 8:38

Ja̧'wa̧nü̧ ja̧'a̧ttü̧ wo̧jua̧sä̧, Dio repeüttümä̧, wa'are'i̧nä̧, a̧'kua̧rä̧kuä̧wä̧'i̧nä̧, á̧gȩrȩ'i̧nä̧, pi̧jä̧ttü̧ ttukuo'i̧nä̧, ukuo jäwä'i̧nä̧, jitä kka̧ku̧'i̧nä̧ ja̧'wa̧ta̧nü̧ rȩbȩä̧kuä̧wä̧kuȩ'i̧nä̧,

1 Corintios 1:24

Ja̧'wa̧nü̧ ja̧'a̧nä̧, Dio woinä̧u̧ru̧mä̧, judío já̧ pä'ü'i̧nä̧ ja̧'wa̧ta̧nü̧ grecia ttü̧ja̧ já̧ pä'ü'i̧nä̧, Crito-mä̧ Dio ujurutä, Dio u̧wo̧juö̧tä̧ wa̧ ja̧'a̧.

1 Corintios 2:7

Ja̧'wa̧nü̧ ja̧'a̧ttü̧ ukuokuätüjä̧, Dio jäwä wo̧juä̧wä̧ wȩnȩ wo̧jui̧'ä̧kuä̧wo̧kü̧. Mo̧ täbokütä päi'ünä̧ ttieruwomȩnä̧ amükuädü u̧ju̧ni̧nü̧ chutä uruwo ujuturu iya pä'ü.

Efesios 1:21

O'katoi'ünä̧tä̧ ruwotürü'i̧nä̧, tturuwo kku̧nä̧rä̧tü̧rü̧'i̧nä̧, ttujuru kku̧nä̧rä̧tü̧rü̧'i̧nä̧, we'ü 'chu̧'ä̧rä̧tü̧rü̧'i̧nä̧, kkorotürü'i̧nä̧ tti̧mi̧nä̧ jä̧ttȩpä̧'i̧jä̧u̧ru̧mä̧ ttu̧wä̧mȩnä̧ jü̧nä̧ ütinä̧ku̧, suro jitä ttü̧ja̧ku̧ pä̧nä̧tä̧mä̧kü̧, ja̧'wa̧ta̧nü̧ yodoji ttü̧jä̧kuȩ pä̧nä̧'i̧nä̧.

Efesios 1:23

Ja̧'wa̧ta̧nü̧ igresia-mä̧ Crito jä̧ttä̧pä̧ya̧ jü̧nä̧ ja̧'a̧, jua̧u̧mä̧ jo̧mȩnü̧tä̧ wa̧ o'kajuiyünä̧tä̧.

Efesios 1:3

Tu̧ru̧wa̧ Jesucrito, Jä'o Dio-rü tesewätukua, Jua̧u̧ Crito-nä̧mä̧ epíritu jäwä mo̧ro̧jä̧ra̧'a̧ttü̧ i'chächü iyinä̧u̧ ta'attü̧.

Efesios 1:8

Dio-tä rü̧ȩnä̧ iyinä̧u̧jä̧ wo̧juȩku̧nä̧ o'kajuiyünä̧ u̧wo̧jua̧'a̧ttü̧.

Efesios 6:12

Isopäi'ünä̧ ujutumä̧, pi̧jä̧ ttü̧ja̧ jü̧'a̧nü̧ ttidepä'i̧nä̧, ttiwe'kiyu'i̧nä̧ kku̧nä̧rä̧tu̧ku̧mä̧ rowäwokotüjä̧, pärokua'aku ruwo we'ätuku, ttujuru kku̧nä̧rä̧tu̧ku̧, ja̧'wa̧ta̧nü̧ pi̧jä̧ttü̧ yo̧ä̧jä̧nä̧ we'ätuku, epíritu wotü suropätü mo̧ro̧jä̧nä̧ we'ätuku rowäwätüjä̧.

Colosenses 1:16

Isopäi'ünä̧ Dio-mä̧ Jua̧u̧nä̧tä̧ uwäbe'inü̧ o'kajuiyünä̧, pi̧jä̧nä̧ kka̧ku̧'i̧nä̧, mo̧ro̧jä̧nä̧ kka̧ku̧'i̧nä̧, tottünä̧ jü̧'i̧nä̧, tottü juiyünä̧ jü̧'i̧nä̧ jü̧nä̧, epíritu-tu̧ pä̧ttä̧u̧ isoppa wotü ttujuru kku̧nä̧rä̧tü̧rü̧'i̧nä̧, ruwo we'ätürü'i̧nä̧, tturuwo kku̧nä̧rä̧tü̧'i̧nä̧. O'kajuiyünä̧tä̧ Jua̧u̧nä̧tä̧ uwäbe'inü̧, Chutä üäre jü̧nä̧tä̧.

Colosenses 2:10

Ja̧u̧nä̧tä̧ ujurumä̧ o'kajuiyünä̧ kka̧kuä̧mü̧ topü Dio-mä̧, ja̧'wa̧ta̧nü̧ Crito-tä ja̧'a̧, o'katoi'ünä̧ epíritu-tu̧ juruwätü'i̧nä̧, pi̧jä̧nä̧ttü̧ ruwo we'ätü'i̧nä̧ ttu̧wä̧mȩnä̧ wa̧mä̧.

Colosenses 2:15

Dio-mä̧ ttujuru jȩpü̧ ikuinü̧ isotü uwäpokotü ttukuo kku̧nä̧rä̧tü̧rü̧mä̧, ja̧'wa̧ta̧nü̧ Jesucrito-nä̧tä̧ o'katoi'ünä̧ ttä'ka jo̧mȩttü̧ i̧jȩpü̧ ikuinü̧, ü̧jo̧kä̧nü̧ jäinä̧ 'korujuoächomȩnä̧ juätüttü'i̧nä̧ ttu̧wä̧mȩnä̧ pä'i'inü̧.

1 Timoteo 3:16

Jeruwoka'a ttesetinü̧ttü̧mä̧ isopäi'ünä̧ jü̧ i̧jȩkuä̧chü̧mä̧ ji̧yȩtȩ rü̧ä̧u̧ jäwä ja̧'a̧: Crito-mä̧, pi̧jä̧ra̧'a̧ ichümä̧ ttü̧ja̧sa̧ jü̧nä̧tä̧ ichinü̧, Epíritu ji̧na̧'a̧ surojümä̧ jui̧'a̧ pä'ü ji'äwinü̧mä̧ Ja̧'wa̧ta̧nü̧ á̧gȩrȩ'i̧nä̧ tottinä̧ku̧. Ruwäkuiyä pa̧ja̧ku̧nä̧ i̧wȩnȩ jittäwomȩnä̧ Pi̧jä̧ ttü̧ja̧mä̧ esetinä̧tü̧, ja̧'wa̧ta̧nü̧ mo̧ro̧jä̧ra̧'a̧ kä'ekuächinü̧.

1 Pedro 1:12

Ja̧'wa̧nü̧ ja̧'a̧nä̧, Dio-mä̧, jittäu jitütä jäwämä̧ jo̧ka̧'a̧ pä'ü ttu̧wo̧juö̧nä̧ jȩi̧nä̧u̧, ja̧'wa̧nü̧ ja̧jü̧ jueimä̧ ukuturu ppädomȩnä̧tä̧, ja̧'wa̧nü̧ ja̧'a̧ttü̧ pi̧yȩ ja̧'a̧ Epíritu Sa̧tu̧ mo̧ro̧jä̧nä̧ttü̧ wȩ'ä̧wa̧ ujurunä̧ jareü wȩnȩ jiäwinü̧mä̧. ¡Pi̧yȩmä̧ á̧gȩrȩ'i̧nä̧ jȩtta̧ pä'ü tta̧mü̧kuädü ja̧'a̧!

1 Pedro 3:22

mo̧ro̧jä̧ra̧'a̧ kä'ekuächü Dio u̧wo̧jua̧'a̧ku̧nä̧ pä̧mä̧di̧nü̧nä̧tä̧, ja̧'wa̧ta̧nü̧ á̧gȩrȩ ttukuo'i̧nä̧ ttujuru'i̧nä̧ kku̧nä̧rä̧tü̧tä̧ tta̧ttä̧rä̧ku̧nä̧tä̧.