Efesios 2:3 - Nuevo Testamento Uwotjüja

³ Ujutu'i̧nä̧ juätü jü̧ta̧'a̧nü̧ o'katoi'ünä̧ jua̧u̧ tidepä kkü'kekunä̧tä̧, tidepä wea'akutä, ujututä tamükuädünä̧ jȩpü̧ kka̧kui̧nä̧tü̧jä̧ ji̧yȩnü̧ mo̧ro̧mä̧. Kkada'kattü päi'ünä̧ pä̧i̧ i̧tti̧mü̧ winä̧tü̧jä̧ kkorotü jü̧ta̧'a̧nü̧.

TÄ̧DO Ä̧CUÄ̧ I̧HUȨNȨ

³ Ujutu'inä o'ca toi'önä ja̧'hua̧nö̧ ka̧cui̧nä̧tö̧jä̧ pä'äjimä. Ujutu tamönä pä̧huä̧ rö̧jö̧nä̧'i̧nä̧, tamönä tamöcuädäu'inä, tamönä tu̧huo̧ju̧nä̧ jȩä̧cuä̧huä̧'i̧nä̧ ja̧'a̧tä̧ jȩpi̧nä̧tö̧jä̧. Ja̧'hua̧nö̧ ja̧'a̧ttö̧ Dios ujuturu'inä ro̧ȩpö̧ttö̧mä̧ adihua'a, korotörö ro̧ȩpö̧ ta'anö.

Efesios 2:3 Iomraidhean Croise

San Marcos 4:19

pi̧jä̧ttü̧ tta̧'kua̧ roekuäkuäwänä̧, ruwotü juoäwänä̧, yaparetä̧u̧ o'kajuiyünä̧ ttu̧ju̧nä̧ra̧ pä'ü amükuädäkuäwänä̧. Ja̧'wa̧nü̧ jo̧mȩnä̧ Dio i̧wȩnȩ ttä̧ju̧kuä̧ji̧mä̧ a̧ttä̧di̧'a̧'a̧, u̧wä̧ju̧ wȩjü̧ juiyünä̧tä̧.

San Juan 1:13

Ja̧'wa̧nü̧ ja̧'a̧ttü̧, juätümä̧ pi̧jä̧ ttü̧ja̧ ttukuojanä̧mä̧, ttidepä jäwänä̧mä̧ uwäbe'o̧ko̧u̧ pinä̧tü̧; pärokuä Dio jäwänä̧, Churutä pä̧wä̧rü̧jo̧mȩnä̧ uwäbe'i̧nä̧u̧.

San Juan 8:44

Ukutumä̧ kuä'otuku äwettä i̧tti̧mü̧jä̧; jua̧u̧ru̧ pä̧wä̧rü̧jü̧tä̧ jȩ'kuä̧tu̧kua̧'a̧ttü̧. Jua̧u̧mä̧ ä̧kuo̧mȩnä̧ttü̧tä̧ päi'ünä̧ kkä̧mä̧dü̧ ttü̧ja̧rü̧ kuäwä i̧sa̧ pinü̧. Jua̧u̧mä̧ isopäi'ünä̧ wȩnȩ jäwänä̧mä̧ kko̧kü̧ pinü̧, chunä̧tä̧ isopäi'ünä̧ wȩnȩ juiya'attü. Ja̧'wa̧nü̧ ja̧'a̧ttü̧ yapareu wȩnȩ ukuokuomȩnä̧mä̧, chuttutä rä'eku ukuoku; jua'amä̧ ya̧pa̧rȩwa̧ ja̧'a̧ttü̧ ja̧'wa̧ta̧nü̧ jua̧u̧mä̧ yapareäkuäwätä jä'o ja̧'a̧.

Hechos 14:16

Mo̧ täbokümä̧ Dio-mä̧, pä̧wä̧rü̧ja̧'a̧ku̧ jȩtta̧'a̧nä̧, ja̧'a̧tä̧ topinü̧.

Romanos 1:24

Ja̧'wa̧nü̧ jȩtto̧mȩnä̧ Dio-mä̧ tta̧mi̧so'ki pä̧wä̧rü̧jü̧ surojünä̧ ttü̧jü̧nä̧tä̧ iyipinä̧u̧ ja̧'wa̧nü̧ jo̧mȩnä̧ dä'ärü̧jü̧nä̧ tta̧mü̧nä̧ pa̧ja̧tü̧ ttidepä ttiyäkuäunä̧tä̧.

Romanos 11:30

Ja̧'wa̧ta̧nü̧ ukutu'i̧nä̧ täbokümä̧, Dio-rümä̧ ukuotokotü pinä̧tü̧jä̧ ja̧'wa̧nü̧ ja̧'a̧nä̧ jitämä̧ juätü ttukuotokomȩ ji̧no̧mȩttü̧, Dio-mä̧ rȩrü̧jü̧ toinä̧u̧jä̧.

Romanos 13:14

Pärokuänä̧ Tu̧ru̧wa̧ Jesucrito jäwänä̧ 'ka̧tä̧dä̧kuäwi̧'ä̧tu̧kui̧, kuidepä kkü'kekunä̧mä̧ kuiyäwätukuoka'a.

Romanos 2:14

Isopäi'ünä̧ judío pokotümä̧, Moisé weinü̧ wȩnȩmä̧ juitta'anä̧, ä̧tȩkuä̧nä̧tä̧ weäwä wȩnȩ weü jȩpä̧tü̧, jitünä̧tä̧ adiu'i̧nä̧, surojü'i̧nä̧ jȩpü̧ amükuädäkuäwä kka̧'a̧ttü̧,

Romanos 5:10

Isopäi'ünä̧ Dio-mä̧ aboiyotü ta'anä̧, i̧tti̧ wa'ü iku toe'ächinü̧ ji̧yȩnä̧tä̧ esekuinä̧u̧jä̧, juȩnȩ abonä̧nü̧ ja̧'a̧ esekuinü̧ o'ka'amä̧, jua̧u̧ a̧'kua̧ra̧'a̧ttü̧ surojüttümä̧ tü̧ji̧pä̧kuo̧tü̧jä̧.

Romanos 5:9

Jua'a yabonä̧, Jesucrito ukuojanä̧ adiwä isotü jü̧nä̧ jȩi̧nä̧u̧ ta'attü̧, jua̧u̧ Jesucrito-nä̧tä̧ ro̧ȩkuä̧kuȩttü̧mä̧ tü̧ja̧kui̧'ä̧kuo̧tü̧jä̧.

Romanos 6:12

Ja̧'wa̧nü̧ ja̧'a̧ttü̧, surojü ukuotäkuäwokü kuidepätukunä̧ wea'anä̧mä̧ ku̧ja̧kuä̧tu̧kuä̧ ja̧'wa̧ta̧nü̧ ji̧yȩtä̧ pä̧wä̧rü̧ja̧'a̧ku̧ oipa'anä̧mä̧.

Romanos 7:18

Ja̧'wa̧ta̧nü̧ ttü chidepänä̧mä̧ adiumä̧ kko̧ka̧'a̧ pä'ü wo̧jua̧sä̧; ja̧'wa̧nü̧ ja̧'a̧ttü̧ jakuänä̧mä̧ jȩcha̧ päda'anä̧, wä̧mȩnä̧mä̧ jȩchü̧ juiyünä̧ wa̧sä̧.

Romanos 9:22

Ja̧'wa̧nü̧ jü̧ta̧'a̧nü̧ jȩpi̧nü̧ Dio-mä̧. Ro̧ȩkuä̧ tü'kü u̧wo̧juȩta̧ pä'inü̧, Chutä ujuru o'katoi'ünä̧ ttu̧wo̧jui̧pi̧ya̧rü̧ pä'ü. Ja̧'wa̧nü̧ ja̧'a̧ttü̧ rü̧ȩnä̧tä̧ a̧mi̧'ki'ächi'inü̧, jitü ro̧'ȩpü̧ si'epü ttiku'anü̧ wotürü'i̧nä̧.

1 Corintios 4:7

Ja̧'wa̧nü̧ ja̧'a̧ttü̧ ¿Díjä̧ttü̧ ukuru, kkorotüttü'i̧nä̧ abonä̧nü̧ kua pä'ü iyinü̧mä̧? ¿Ja̧'wa̧ta̧nü̧ däjetäjä̧ttü̧ ukuru Dio iyokü ji̧nü̧mä̧? Jua̧u̧ o'kajuiyünä̧ Dio-tä iyinü̧ttü̧mä̧, ¿Tta̧'a̧nü̧ pä'ü kua̧mü̧nä̧ pa̧ja̧tü̧ ku̧'o̧kui̧'i̧nü̧ 'kua̧rü̧nä̧ ukuo te'äkuäujä̧ttü̧?

2 Corintios 7:1

Isopäi'ünä̧ chawaruwä chi̧jä̧wa̧tü̧ ja̧'wa̧nü̧ jua̧u̧ i̧yä̧kuȩ ukuokuina̧'a̧ttü̧, Dio ȩma̧tü̧ pä'ümä̧ surojümä̧ jȩtü̧ juiyü'anü̧ ja̧'a̧, surojüttü i̧mi̧ku̧nä̧ tü̧ja̧ pä'ü. Dio-rümä̧ eseu tukuotätukua, ye'ekunü̧ surojü juitächächünä̧; Chutä surojü jui̧'a̧ jü̧ta̧'a̧nü̧.

Gálatas 3:22

Wȩyu̧kuä̧ wȩnȩmä̧ pä'a, o'katoi'ünä̧rü̧tä̧ surojü pecado pättümä̧ kkȩdä̧rä̧u̧jä̧, ja̧'wa̧nü̧ ja̧'a̧ttü̧ Dio mippoünä̧ iya päinü̧mä̧ Jesucrito-rü tta̧'kua̧ wȩnä̧rä̧tü̧rü̧tä̧ ttȩma̧ pä'ü ja̧'a̧.

Efesios 2:2

Mo̧ täbokümä̧ jua̧u̧nä̧tä̧ kue'ächinä̧tü̧jä̧, pi̧jä̧nä̧ isoppanä̧ we'ü wea'akutä. Epíritu jü̧nä̧ uwäpokü jua̧u̧mä̧ jitä'i̧nä̧ ukuotokotürü we'ü.

Efesios 4:22

Ja̧'wa̧nü̧ ja̧'a̧ttü̧, ä̧kuo̧mȩnä̧ jȩpü̧ ku̧ja̧kui̧nä̧tu̧ku̧ttü̧mä̧ kko̧'ä̧dä̧kuä̧u̧ ikuätukui, surojü yapare wea'akumä jȩpü̧ ku̧ja̧kuä̧tu̧ku̧mä̧.

Colosenses 1:21

Ja̧'wa̧ta̧nü̧, ukutu'i̧nä̧, ji̧yȩnü̧ mo̧ro̧mä̧ kko̧ro̧jä̧ ttü̧ja̧ winä̧tü̧rü̧, kuamükuädätuku'i̧nä̧ aboiyotütä winä̧tü̧rü̧, surojütä jȩpü̧ kka̧kui̧nä̧tü̧rü̧ jitämä̧ eseku ikuinä̧u̧jä̧,

1 Tesalonicenses 4:13

Ja̧'wa̧ta̧nü̧ chawaruwä chi̧jä̧wa̧tü̧, 'korujuo'ächinä̧tü̧ ttütü'kümä̧ kuieruwätukuamä̧ pä'okotüjä̧. Kuieruwätukuttümä̧ kua̧'kua̧ tta̧kuȩkuä̧kuo̧tü̧jä̧, tta̧wä̧räkuä̧wä̧ wȩnȩ jui'ätü 'kua̧rü̧nä̧tä̧.

1 Tesalonicenses 5:6

Ja̧'wa̧nü̧ ja̧'a̧ttü̧, kkorotü jü̧'a̧nü̧mä̧ tä'eku juiyätukua. Pärokua'akutä, tta̧'a̧rä̧kuä̧u̧, ttu̧'ȩpä̧rü̧nü̧ to̧tä̧rä̧tu̧kua̧.

1 Timoteo 6:9

Ja̧'wa̧nü̧ ja̧'a̧nä̧ ruwotü juotta pä'ätümä̧ äwettä ma̧ttä̧cha̧ pä'ü jȩpü̧ u̧ju̧no̧mȩ ma̧'ä̧chä̧tü̧, ja̧'wa̧ta̧nü̧ tta̧mü̧kuädoka'a pä̧wä̧rü̧jü̧nä̧ surojuoepä̧u̧mä̧, surojuo'ächü to'epächätü.

Tito 3:3

Isopäi'ünä̧ ujutu'i̧nä̧ ä'kojimä̧, amükuädäwä̧mä̧ jui'inä̧tü̧jä̧ ja̧'wa̧ta̧nü̧ pä̧i̧kui̧nä̧tü̧jä̧; re'tewächinä'kotü kue'ächü kkä̧nü̧ tidepä weü ujuturu kkü'kekutä o'kajuiyünä̧ jȩpü̧ kka̧kui̧nä̧tü̧jä̧. Surojünä̧ kkä̧nü̧, kkorotü ttu̧ju̧nä̧ri̧yä̧u̧ kkü'kokotü pinä̧tü̧jä̧, ttüjü'koko̧u̧mä̧, kkorotüku pä'ä'chäkuäutä kka̧kui̧nä̧tü̧jä̧.

1 Pedro 1:14

Ukuotäkuäwä i̧tti̧mü̧ jü̧nä̧, Dio-rü ku̧wo̧juä̧tu̧kuä̧kua̧'a̧ ä'kanä̧ kkü'kekuinü̧nä̧mä̧ ku̧jä̧tu̧kuä̧.

2 Pedro 2:14

Isajuru ttüjü'kokokua jü̧nä̧mä̧ topokotü; surojü jü̧ttü̧'i̧nä̧ 'kuä'ächi'okotü. Tta̧'kua̧rü̧nä̧ jiyupätürü yaparewä'chätü; ruwotü juoäwätä wo̧juä̧tü̧; juätü ttü̧ja̧mä̧ kueyowächi̧nä̧tü̧.

2 Pedro 2:18

Kkorojueimä̧ pä̧i̧ku̧nä̧ pätta'anä̧ jui'ätü, ja̧'wa̧ta̧nü̧ ji̧yȩnä̧tä̧ juoächäkuäwänä̧, ttü̧ja̧rü̧ pä̧wä̧rü̧jü̧nä̧, suronä̧ jȩttü̧ttü̧ rättopächa pä'ü kka̧kuä̧tü̧rü̧ ttesetipünä̧ jȩpä̧tü̧.

1 Juan 2:16

Isopäi'ünä̧tä̧ pi̧jä̧nä̧ kka̧ku̧mä̧ o'kajuiyütä: tidepä kkü'kekumä̧, ti'äre jäepümä̧ ja̧'wa̧ta̧nü̧ pi̧jä̧nä̧ttü̧ tteseäkuäwümä̧, yorisotä Jä'o Dio-ttümä̧ ichokü ja̧'a̧nä̧, pi̧jä̧ttü̧tä̧ ichü ja̧'a̧.

1 Juan 2:8

Ja̧'wa̧nü̧ ja̧'a̧nä̧, jitä chi̧wȩyu̧tu̧mä̧ jareünä̧ weäwä wȩnȩ ja̧'a̧; Jua̧u̧ jueü wȩnȩmä̧ Chutä, Crito-nä̧tä̧ kka̧'a̧ ja̧'wa̧ta̧nü̧ ukutunä̧'i̧nä̧ kka̧'a̧; jua'amä̧ yo̧ü̧mä̧ täkü 'kuä'opächü beipächa'anä̧, täkü pärokuä tȩya̧u̧tä̧ isopäi'ünä̧ kkȩdȩpa̧'a̧.