Efesios 2:2 - Nuevo Testamento Uwotjüja

² Mo̧ täbokümä̧ jua̧u̧nä̧tä̧ kue'ächinä̧tü̧jä̧, pi̧jä̧nä̧ isoppanä̧ we'ü wea'akutä. Epíritu jü̧nä̧ uwäpokü jua̧u̧mä̧ jitä'i̧nä̧ ukuotokotürü we'ü.

TÄ̧DO Ä̧CUÄ̧ I̧HUȨNȨ

² Ja̧'hua̧nö̧ jȩpö̧ cuecuhuächätucuomenä, pi̧jä̧ ttö̧ja̧ jȩttö̧ jȩpi̧nä̧tö̧jä̧. Espíritu pi̧jä̧ isoppanä hue'örö pä̧huä̧ rö̧jo̧mȩnä̧ jȩpi̧nä̧tö̧jä̧. Ja̧u̧ espíritu Diosrö esetocotörö hue'ö, suronä jȩtta̧ pä'ö.

Efesios 2:2 Iomraidhean Croise

San Mateo 11:19

Jua̧u̧nü̧ o'ka'a ubo I̧tti̧ ichinü̧ u̧kuȩ'i̧nä̧ kuäkuäwä i̧sa̧ ja̧'wa̧ta̧nü̧ au'i̧nä̧ awäwä i̧sa̧ pä'ätü, ja̧'wa̧nü̧ ichina̧'a̧mä̧ pä'ä'ijätü: Pidemä̧ 'kuäopünä̧tä̧ kuäkuäwä i̧sa̧, vino-tä̧ awäwä i̧sa̧, suronä̧ jȩpä̧'i̧jä̧tü̧tä̧ ja̧'wa̧ta̧nü̧ pärätä ka̧ka̧tä̧'i̧jä̧tü̧tä̧ tta̧wa̧ru̧wa̧tä̧ wa̧, jü̧nä̧. Ja̧'wa̧nü̧ ja̧'a̧nä̧ Dio iyü wo̧juä̧wä̧ wȩnȩmä̧ jȩttü̧ttü̧tä̧ topü wo̧juä̧wä̧ ja̧'a̧.

San Mateo 13:22

Ja̧'wa̧ta̧nü̧ so̧ä̧'kua 'kä̧tȩ jo̧mȩ ma̧ä̧chi̧nü̧ u̧wä̧ju̧ jä̧ji̧mä̧, Dio i̧wȩnȩ ttä̧ju̧kua̧'a̧nä̧, pi̧jä̧ jäwänä̧tä̧, pärätä ruwonä̧tä̧ tta̧'kua̧ ro'ekuätürü wȩnȩkuä̧cha̧'a̧; ttä̧ju̧kuä̧ji̧mä̧ a̧ttä̧di̧'ä̧u̧ u̧wä̧ju̧ iyü juiyünä̧ wotürü.

San Mateo 13:38

pätta jä̧ji̧mä̧ pi̧jä̧ rȩjȩ ja̧'a̧. Adiwäjuei u̧wä̧ju̧ trigo jä̧ji̧mä̧ ru̧wa̧ Dio weünä̧ kka̧kuä̧tü̧ ja̧'a̧ ja̧'wa̧ta̧nü̧ surojü adiyä jä̧ji̧mä̧ su̧ro̧pa̧ i̧tti̧mü̧ ja̧'a̧.

San Marcos 4:19

pi̧jä̧ttü̧ tta̧'kua̧ roekuäkuäwänä̧, ruwotü juoäwänä̧, yaparetä̧u̧ o'kajuiyünä̧ ttu̧ju̧nä̧ra̧ pä'ü amükuädäkuäwänä̧. Ja̧'wa̧nü̧ jo̧mȩnä̧ Dio i̧wȩnȩ ttä̧ju̧kuä̧ji̧mä̧ a̧ttä̧di̧'a̧'a̧, u̧wä̧ju̧ wȩjü̧ juiyünä̧tä̧.

San Lucas 16:8

Ja̧'wa̧nü̧ ja̧'a̧ttü̧, suronä̧mä̧ jȩä̧'i̧ja̧'a̧nä̧ ja̧'wa̧nü̧ jȩä̧ji̧yä̧ku̧ u̧ru̧wa̧mä̧ rü̧ȩnä̧ esewinä̧ku̧. Isopäi'ünä̧ pi̧jä̧ jäwä i̧tti̧mü̧mä̧, jitütä ttaditäwä jo̧mȩnä̧mä̧, tȩya̧u̧ i̧tti̧mü̧ttü̧'i̧nä̧ abonä̧nü̧ ttawaruwärümä̧ adiwa'a, 'kua̧rü̧nä̧ jȩpä̧tü̧.

San Lucas 22:31

Ja̧'wa̧ta̧nü̧ Tu̧ru̧wa̧mä̧ pä'inü̧: —Simón, Simón Satanás-mä̧ trigo yȩ'ȩpü̧ ttikua'a jä̧'i̧nü̧'a̧nü̧ yȩ'ȩpü̧ ikuätukuaku pä'ü jä'epäji.

San Juan 12:31

Jitä porü kkä̧mä̧dü̧ pi̧jä̧ ttü̧ja̧rü̧ adiu jȩtta̧ja̧ pä'ü'i̧nä̧, surojü jȩtta̧ja̧ pä'ü'i̧nä̧ päwi'äkua'a; jitä kkä̧mä̧dü̧ pi̧jä̧nä̧ we'ä'ijürü rä'epü ikuäwächa'a.

San Juan 13:2

Ttu̧kuȩ ttukuomȩttü̧, äwettämä̧, täkü Juda Icariote, Simón i̧tti̧ a̧mi̧so'kinä̧, Jesú-ru iyü ikua pä'ü jȩpü̧ ü̧jü̧nä̧ ja̧'a̧ ji̧na̧'a̧.

San Juan 13:27

Juä̧si̧ kuä̧nü̧ kädüta'anü̧, yotäku Juda Icariote-rü Satanás-mä̧, a̧mi̧so'kinä̧ do'ächi'inü̧. —Ja̧'wa̧nü̧ ji̧yä̧ku̧ Jesú-mä̧ päinä̧ku̧: Jȩ'kua̧ päkuäjimä̧, jitätä jȩpi̧.

San Juan 14:30

Täkü ukutukumä̧, kkoro rü̧ȩnä̧mä̧ ukuokuoküsä, jua'amä̧ pi̧jä̧nä̧ we'ä'ijü icha'attü, Jua̧u̧mä̧ ttükumä̧ yoriso jui̧'a̧.

San Juan 15:19

Ukutu pi̧jä̧ ttü̧ja̧ kuätukuttümä̧, pi̧jä̧ ttü̧ja̧mä̧ eseu repe'ajatü; ja̧'wa̧nü̧ ja̧'a̧nä̧ ukutumä̧ pi̧jä̧ ttü̧ja̧ kuätukuoka'attü̧, pi̧jä̧ttü̧ pojopü chȩmi̧nä̧u̧ kuätukua'attü pi̧jä̧ ttü̧ja̧mä̧ ttüjü'koko̧u̧jä̧.

San Juan 16:11

Ja̧'wa̧ta̧nü̧ Dio ro̧ȩpä̧kuȩttü̧'i̧nä̧, pädümä̧, täkü pi̧jä̧nä̧ we'ä'ijürü ro̧ȩkui̧'ä̧kuȩ, päwi'a'a päda'attü.

San Juan 7:7

Pi̧jä̧ ttü̧ja̧mä̧, ukuturu ttüjü'koka'amä̧ jȩtto̧ko̧u̧jä̧; ja̧'wa̧nü̧ ja̧'a̧nä̧ ttürümä̧ kkü'kokotü, ukutumä̧ surojü jȩpä̧tü̧jä̧ pä'ü jidäwä̧u̧.

San Juan 8:23

Pättiyäku Jesú päinä̧u̧: Ukutumä̧ po rȩjȩtä̧ isotüjä̧, ttümä̧ ju'toju i̧sa̧sä̧; ukutumä̧ pi̧jä̧nä̧ ttü̧ja̧jä̧, ttümä̧ pi̧jä̧ ttü̧ja̧sa̧mä̧kü̧sä̧.

San Juan 8:44

Ukutumä̧ kuä'otuku äwettä i̧tti̧mü̧jä̧; jua̧u̧ru̧ pä̧wä̧rü̧jü̧tä̧ jȩ'kuä̧tu̧kua̧'a̧ttü̧. Jua̧u̧mä̧ ä̧kuo̧mȩnä̧ttü̧tä̧ päi'ünä̧ kkä̧mä̧dü̧ ttü̧ja̧rü̧ kuäwä i̧sa̧ pinü̧. Jua̧u̧mä̧ isopäi'ünä̧ wȩnȩ jäwänä̧mä̧ kko̧kü̧ pinü̧, chunä̧tä̧ isopäi'ünä̧ wȩnȩ juiya'attü. Ja̧'wa̧nü̧ ja̧'a̧ttü̧ yapareu wȩnȩ ukuokuomȩnä̧mä̧, chuttutä rä'eku ukuoku; jua'amä̧ ya̧pa̧rȩwa̧ ja̧'a̧ttü̧ ja̧'wa̧ta̧nü̧ jua̧u̧mä̧ yapareäkuäwätä jä'o ja̧'a̧.

Hechos 19:35

Juȩnȩ ütawiyä i̧sa̧, kuyäru wȩyu̧kuä̧ i̧sa̧, ttü̧ja̧rü̧ ttü'koruchi'ünä̧ we'ü pä'inü̧: Chawaruwä Éfeso ttü̧ja̧, ¿ditä jä̧ttü̧ tü̧ä̧nä̧wa̧ju̧ Artemisa-rü ukuokuäkuäwode tta̧tä̧ra̧'a̧'i̧nä̧ ja̧'wa̧ta̧nü̧ juäju kka̧'kua̧juä̧ mo̧ro̧jä̧ra̧'a̧ttü̧ ma̧i̧na̧'a̧ tta̧tä̧ra̧'a̧'i̧nä̧, jȩru̧pa̧mä̧?

Hechos 5:3

Ja̧'wa̧nü̧ jȩttä̧ji̧yä̧ku̧ Peduru-mä̧ päinä̧ku̧: —Ananía, ¿tta̧'a̧nü̧ pä'ü Satanás-mä̧ (äwettämä̧) wea'anä̧ kuiyäwäja'ajä̧ttü̧, kui̧rȩjä̧ mikuä ttimitäji ju'to ukutä ȩmi̧pü̧, Epíritu Sa̧tu̧rü̧ kuyaparewa pä'ümä̧?

Romanos 12:2

Jitä pä̧nä̧, pi̧jä̧ ttü̧ja̧ tta̧mü̧kuäda'akumä̧ ku̧ja̧kuä̧tu̧kuä̧; ja̧'wa̧nü̧ ja̧jü̧jueimä̧, pärokua'aku ku̧wo̧jui̧'ä̧tu̧kua̧'a̧ku̧tä̧ pärowächätukui, jȩpü̧ ku̧jä̧tu̧ku̧'i̧nä̧ pärowächünä̧ Dio-rü pä̧wä̧rü̧jü̧, Dio eseu, jo̧mȩnü̧ adiwä juei ku̧wo̧juä̧tu̧kuä̧kua̧'a̧nü̧.

1 Corintios 5:10

Ja̧'wa̧nü̧ pädäjimä̧, o'katoi'ünä̧ pi̧jä̧nä̧ttü̧ ttirekua pokajuku jepä̧'chä̧tü̧ttü'i̧nä̧, ruwotü juotta pä'ätüttü'i̧nä̧, nä̧u̧kuä̧rä̧tü̧ttü̧'i̧nä̧, ttü̧ä̧nä̧wo̧tü̧rü̧ kku̧nä̧rä̧'chä̧tü̧ttü̧'i̧nä̧ jo̧mȩnü̧ räkuächätukua pä'ümä̧ pä'okü pinü̧sä̧; ja̧'wa̧nü̧ jü̧ttü̧mä̧ pi̧jä̧ttü̧ räkuopächätukua pä'ütä ja̧'a̧.

1 Corintios 6:11

Iweye, ä'kojimä̧ yotukunä̧mä̧ ja̧'wa̧nü̧ kka̧kui̧nä̧tü̧jä̧; ja̧'wa̧nü̧ ja̧'a̧nä̧ jitämä̧ surojü juiyünä̧ aditü ikuinä̧u̧jä̧, adiwä isotü jü̧nä̧ jȩi̧nä̧u̧jä̧ Tu̧ru̧wa̧ Jesucrito i̧mi̧nä̧'i̧nä̧ ja̧'wa̧ta̧nü̧ Dio i̧sa̧ Epíritu-nä̧'i̧nä̧ jü̧nä̧.

2 Corintios 4:4

Ja̧'wa̧nü̧ ja̧'a̧ttü̧, esetokotürümä̧, pi̧jä̧nä̧ttü̧ ttü̧ä̧nä̧wa̧mä̧ ttu̧wo̧juö̧ juiyünä̧ ä̧to̧dü̧ ikuinä̧u̧, jareü wȩnȩ i̧tȩya̧u̧ Crito üadiwä kkä̧dȩpü̧ juiyatü pä'ü, jua̧u̧mä̧ Dio a̧'kua̧juä̧ ja̧'a̧ttü̧.

Gálatas 1:4

Jä'o Dio-rü pä̧wä̧rü̧jo̧mȩnä̧, suronä̧ jȩtü̧ mikuäwächünä̧, pi̧jä̧ surojüttü rä'epü ikua pä'ü a̧mü̧nä̧ pa̧ja̧tü̧ iyäwinü̧rü̧tä̧,

Efesios 1:21

O'katoi'ünä̧tä̧ ruwotürü'i̧nä̧, tturuwo kku̧nä̧rä̧tü̧rü̧'i̧nä̧, ttujuru kku̧nä̧rä̧tü̧rü̧'i̧nä̧, we'ü 'chu̧'ä̧rä̧tü̧rü̧'i̧nä̧, kkorotürü'i̧nä̧ tti̧mi̧nä̧ jä̧ttȩpä̧'i̧jä̧u̧ru̧mä̧ ttu̧wä̧mȩnä̧ jü̧nä̧ ütinä̧ku̧, suro jitä ttü̧ja̧ku̧ pä̧nä̧tä̧mä̧kü̧, ja̧'wa̧ta̧nü̧ yodoji ttü̧jä̧kuȩ pä̧nä̧'i̧nä̧.

Efesios 2:11

Ja̧'wa̧nü̧ ja̧'a̧ttü̧, amükuädätukui ji̧yȩnü̧ mo̧ro̧ ukutu judío pokotürümä̧, judío-mä̧ circuncisión pättü jȩpä̧kuä̧wo̧ko̧tü̧ pättinä̧u̧jä̧, ja̧'wa̧nü̧ miku ttu̧mü̧nä̧, ttidepänä̧ jȩpä̧kuä̧wä̧tü̧ tta'attü̧.

Efesios 2:13

Ja̧'wa̧nü̧ Dio-ttümä̧ otó kuinä̧tu̧kua̧'a̧nä̧, jitämä̧ tü'kü juo'ächinä̧tü̧jä̧ Crito Jesú ukuojanä̧tä̧.

Efesios 2:3

Ujutu'i̧nä̧ juätü jü̧ta̧'a̧nü̧ o'katoi'ünä̧ jua̧u̧ tidepä kkü'kekunä̧tä̧, tidepä wea'akutä, ujututä tamükuädünä̧ jȩpü̧ kka̧kui̧nä̧tü̧jä̧ ji̧yȩnü̧ mo̧ro̧mä̧. Kkada'kattü päi'ünä̧ pä̧i̧ i̧tti̧mü̧ winä̧tü̧jä̧ kkorotü jü̧ta̧'a̧nü̧.

Efesios 4:17

Ja̧'wa̧nü̧ ja̧'a̧ttü̧ ukuturu pä'üsä, Tu̧ru̧wa̧ i̧mi̧nä̧ jä'epünü̧: täkü, ukutumä̧ Dio-rü esetokotü ttü̧jü̧'a̧nü̧mä̧ ku̧ja̧kuä̧tu̧kuä̧, juätümä̧ ttamu̧kuäda'akutä surojü jȩpü̧ kka̧kuä̧tü̧,

Efesios 4:22

Ja̧'wa̧nü̧ ja̧'a̧ttü̧, ä̧kuo̧mȩnä̧ jȩpü̧ ku̧ja̧kui̧nä̧tu̧ku̧ttü̧mä̧ kko̧'ä̧dä̧kuä̧u̧ ikuätukui, surojü yapare wea'akumä jȩpü̧ ku̧ja̧kuä̧tu̧ku̧mä̧.

Efesios 5:6

Suräjuä wȩnȩnä̧ ttüyaparewa'anä̧ kuiyäwätukuä, isopäi'ünä̧ jua̧u̧ttü̧tä̧ ichäkua'a churutä ütäwe'ätürü Dio ü̧tä̧bo̧tü̧ wȩnȩmä̧.

Efesios 5:8

isopäi'ünä̧ ji̧yȩnü̧ mo̧ro̧mä̧ yo̧ü̧nä̧ kka̧kui̧nä̧tü̧jä̧, ja̧'wa̧nü̧ ja̧'a̧nä̧ jitämä̧, Tu̧ru̧wa̧nä̧mä̧ tȩya̧u̧ wotüjä̧; ja̧'wa̧nü̧ ja̧'a̧ttü̧ tȩya̧u̧ i̧tti̧mü̧ jü̧nä̧ kka̧kuä̧tu̧kui̧.

Efesios 6:12

Isopäi'ünä̧ ujutumä̧, pi̧jä̧ ttü̧ja̧ jü̧'a̧nü̧ ttidepä'i̧nä̧, ttiwe'kiyu'i̧nä̧ kku̧nä̧rä̧tu̧ku̧mä̧ rowäwokotüjä̧, pärokua'aku ruwo we'ätuku, ttujuru kku̧nä̧rä̧tu̧ku̧, ja̧'wa̧ta̧nü̧ pi̧jä̧ttü̧ yo̧ä̧jä̧nä̧ we'ätuku, epíritu wotü suropätü mo̧ro̧jä̧nä̧ we'ätuku rowäwätüjä̧.

Colosenses 1:21

Ja̧'wa̧ta̧nü̧, ukutu'i̧nä̧, ji̧yȩnü̧ mo̧ro̧mä̧ kko̧ro̧jä̧ ttü̧ja̧ winä̧tü̧rü̧, kuamükuädätuku'i̧nä̧ aboiyotütä winä̧tü̧rü̧, surojütä jȩpü̧ kka̧kui̧nä̧tü̧rü̧ jitämä̧ eseku ikuinä̧u̧jä̧,

2 Timoteo 4:10

ja̧'wa̧ta̧nü̧ Dema, pi̧jä̧ jäwä kkü'kekuienä̧ku̧'i̧nä̧ Tesalónica-ra̧'a̧ 'chä̧nü̧ kkatä u̧ju̧ni̧'i̧nä̧ku̧sä̧. Crecente-tä Galacia rȩjȩra̧'a̧ i̧'cha̧'a̧nä̧ Tito-mä̧ Dalmacia-ra̧'a̧ 'chi̧nü̧.

Santiago 1:27

Jä'o Dio-rü esetäwämä̧ churutä eseäkuäwä ja̧'a̧ ja̧'wa̧ta̧nü̧ adiu jȩä̧kuä̧wä̧mä̧ reyotü usurä ȩmä̧wä̧tü̧rü̧'i̧nä̧, rȩkua̧mü̧rü̧'i̧nä̧ ppädäkuäwä ja̧'a̧, ja̧'wa̧ta̧nü̧ pi̧jä̧ jäwä surojuo'epünä̧mä̧ kuiditäkuäwätukuä.

Santiago 1:7

Ja̧'wa̧nü̧ wa̧mä̧, chu̧ru̧wa̧ttü̧mä̧ ji̧yȩtȩ'i̧nä̧ chȩmä̧kua̧sä̧ pä'ümä̧ kuamükuädä.

Santiago 4:4

¡Ukutu ttü̧ja̧ ukuotokotümä̧! ¿Yoriso jerupätüjä̧, pi̧jä̧nä̧ jäwä awaruwä juo'ächätümä̧ Dio aboiyotü ja̧'a̧ pä'ümä̧? Ya̧tȩ pi̧jä̧ jäwä a̧wa̧ru̧wa̧ juo'ekumä̧ Dio a̧bo̧i̧ya̧ jü̧nä̧tä̧ juoächü.

1 Pedro 1:14

Ukuotäkuäwä i̧tti̧mü̧ jü̧nä̧, Dio-rü ku̧wo̧juä̧tu̧kuä̧kua̧'a̧ ä'kanä̧ kkü'kekuinü̧nä̧mä̧ ku̧jä̧tu̧kuä̧.

1 Pedro 4:3

Ukutumä̧ rekuo mo̧ro̧ judío pokotü jȩttä̧'i̧jü̧ jȩpi̧nä̧tü̧jä̧ ja̧'wa̧ta̧nü̧ kukuojatuku juoächünä̧tä̧, surojü kkü'kekunä̧tä̧, pä'kärinä̧tä̧, tä̧mä̧'chä̧kuä̧wä̧nä̧tä̧ ja̧'wa̧ta̧nü̧ kkü'käwokü tturuwo juoekuänä̧tä̧ kka̧kui̧nä̧tü̧jä̧.

2 Pedro 2:14

Isajuru ttüjü'kokokua jü̧nä̧mä̧ topokotü; surojü jü̧ttü̧'i̧nä̧ 'kuä'ächi'okotü. Tta̧'kua̧rü̧nä̧ jiyupätürü yaparewä'chätü; ruwotü juoäwätä wo̧juä̧tü̧; juätü ttü̧ja̧mä̧ kueyowächi̧nä̧tü̧.

1 Juan 3:10

Pa̧'a̧nü̧ jo̧mȩttü̧ Dio i̧tti̧mü̧rü̧'i̧nä̧, äwettä i̧tti̧mü̧rü̧'i̧nä̧ wo̧juä̧wa̧'a̧: o'katoi'ünä̧ adiwä juei Dio jäwä jȩpo̧ko̧tü̧mä̧, Dio i̧tti̧mü̧mä̧kü̧. Ja̧'wa̧ta̧nü̧ ttü̧jä̧wa̧tü̧rü̧ repe'okotü'i̧nä̧, Dio i̧tti̧mü̧mä̧kü̧.

1 Juan 3:8

Surojü jȩpü̧ kkü̧mä̧ äwettä i̧sa̧ ja̧'a̧; isopäi'ünä̧ äwettämä̧ ä̧kuo̧mȩnä̧ttü̧tä̧ päi'ünä̧ surojü jȩi̧na̧'a̧ttü̧. Isopäi'ünä̧ Dio I̧tti̧mä̧ ichinü̧, äwettä aditäwä si'epü ikua pä'ü.

1 Juan 4:4

Chi̧tti̧mü̧ wotü, ukutumä̧ Dio-ku kka̧kuä̧tü̧jä̧ ja̧'wa̧nü̧ ja̧'a̧ttü̧, täkü juätü yaparewätürümä̧ kkȩdü̧ ikuinä̧tü̧jä̧. Isopäi'ünä̧ ukutuku kkü̧mä̧, pi̧jä̧nä̧ kkü̧ttü̧'i̧nä̧ abonä̧nü̧ ujuru kku̧nä̧rü̧.

1 Juan 5:19

Ujutumä̧ Dio-ku ji̧nä̧ ji̧yȩtȩ wotüjä̧ ja̧'wa̧ta̧nü̧ pi̧jä̧ ttü̧ja̧mä̧ o'katoi'ünä̧ äwettä weünä̧tä̧ kka̧kuä̧tü̧.

1 Juan 5:4

O'katoi'ünä̧ Dio-ttü uwäpächinä̧tü̧mä̧ pi̧jä̧ jäwä surojü kkȩdü̧ ikuätü. Ja̧'wa̧ta̧nü̧ o'katoi'ünä̧ Jesucrito-rü tta̧'kua̧ wȩnä̧rä̧tü̧mä̧ pi̧jä̧ jäwä surojü abo 'kuä'o'ätü.

Apocalipsis 12:9

Ja̧'wa̧nü̧ ja̧'a̧ttü̧, jua̧u̧ dragó̧ pä'ü mi̧kua̧, mo̧ täbokü ä̧ka̧ pinü̧, äwettä, satanás, pättäku pi̧jä̧ o'kajuiyünä̧ yapareumä̧, umüwäyotü á̧gȩrȩ-ku̧ pi̧jä̧ rȩjȩra̧'a̧ kki'opü ikuinä̧u̧.

Apocalipsis 13:14

Pide i̧sa̧ büó betia-mä̧ ttü̧ja̧ rekuätürü yaparewinü̧, ä̧kuo̧mȩnä̧ i̧sa̧ büó betia ujuru iyinü̧nä̧. Jua̧u̧nü̧ o'ka'a ä̧kuo̧mȩnä̧ i̧sa̧ büó betia pinü̧ a̧'kua̧juä̧ isä'ka aditü kku̧ni̧nü̧, kurodättü toe'inomȩ ji̧no̧mȩmä̧ ü̧ji̧pi̧na̧'a̧ ji̧na̧'a̧.

Apocalipsis 13:8

Ja̧'wa̧nü̧ ja̧'a̧ttü̧, pi̧jä̧ ä̧kuo̧mȩnä̧ adikui'ino̧mȩttü̧ päi'ünä̧, usurä ȩmä̧u̧ to'e'ächinü̧, oweja mü̧ä̧ya̧ wa̧ üäre kuyäru'tä kkä̧kuä̧wä̧ kkä'tänä̧ tti̧mi̧ jui'ätümä̧, jua̧u̧ru̧ ttiwe'kiyunä̧ pȩjä̧mü̧ eseäkuäwinä̧tü̧.

Apocalipsis 16:17

Ja̧'wa̧ta̧nü̧ kko̧ro̧mü̧ttü̧nü̧ todäre päi'ünä̧ wa̧ á̧gȩ üäre copa i̧so̧'ta̧ juätoppanä̧ to'inü̧; ja̧'wa̧nü̧ toomȩnä̧ mo̧ro̧jä̧ Dio ü̧jo̧de, uruwo dȩä̧kä̧ttü̧ ya̧tȩ i̧wȩnȩ pä̧i̧ku̧nä̧ rä̧mi̧pi̧na̧'a̧: «Täkü jo̧mȩnü̧ päia'a.»

Apocalipsis 20:2

Ja̧'wa̧nü̧ ja̧'a̧ jua̧u̧ á̧gȩ-mä̧ dragó̧ pättäkuru, täbokü ä̧ka̧ pinü̧ pättäkuru, chutä äwettä, satanás-rü̧ 'chu'ädü mil años jo̧mȩnä̧ kä̧rȩnä̧sa̧nä̧ nü̧'kü rütinü̧.