Efesios 1:4 - Nuevo Testamento Uwotjüja

⁴ Dio-mä̧ pi̧jä̧ uwäbe'äkua'a ä'kanä̧, Crito-nä̧mä̧ pojopü ȩmi̧nä̧u̧jä̧, chutä ä'ka jo̧mȩ surojü juiyünä̧, chutä üjü'komȩnä̧ tü̧ja̧kui̧ya̧rü̧ pä'ü. Rȩrü̧jü̧ toa'attü̧,

TÄ̧DO Ä̧CUÄ̧ I̧HUȨNȨ

⁴ Dios pi̧jä̧ juiyäi'inä, Cristonä ȩmi̧nä̧u̧jä̧, chutä ä'ca jo̧mȩttö̧ yoröiso surojö juiyönä, adiunätä tö̧ja̧cua̧ pä'ö.

Efesios 1:4 Iomraidhean Croise

San Mateo 24:22

Ja̧'wa̧nü̧ ja̧'a̧nä̧, ja̧'wa̧nü̧ jä̧kuȩ mo̧ro̧ Dio be'ädü iku juiyüttümä̧, ya̧tȩ'i̧nä̧ surojüttümä̧ ü̧ji̧pü̧ juiya'anü̧ ja̧'a̧; ja̧'wa̧nü̧ ji̧yä̧ku̧ jua̧u̧ mo̧ro̧mä̧ ȩmi̧nä̧u̧ru̧ rettü be'ädü i̧kuä̧kua̧.

San Mateo 24:24

Ja̧'wa̧ta̧nü̧ Crito i̧mi̧nä̧, profetas wotü tti̧mi̧nä̧ yaparewätü ttichäkuotü ja̧'wa̧nü̧ jȩpü̧ jȩtto̧kü̧ jä̧'i̧jü̧ jȩpä̧'chü̧, Dio ȩmi̧nä̧u̧ttü̧'i̧nä̧ ttesetünä̧ jȩttä̧kuo̧tü̧,

San Mateo 24:31

Ja̧'wa̧ta̧nü̧ jua̧u̧mä̧ umüwäyotü á̧gȩrȩ-rü wȩä̧kua̧, trompeta-ku pä̧i̧ku̧nä̧ rä̧mi̧pü̧nä̧ ȩmi̧nä̧u̧ru̧, pi̧jä̧ pa̧ja̧ku̧nä̧ ttü̧ka̧ka̧ta̧ pä'ü.

San Mateo 25:34

Ja̧'wa̧nü̧ ja̧'a̧ Ru̧wa̧ Rey-mä̧ u̧wo̧jua̧'a̧ku̧nä̧ kka̧kuä̧tü̧rü̧ pä̧kua̧: Ichätukui Chä'o ppädinä̧u̧mä̧, pi̧jä̧ adikui'ino̧mȩttü̧ päi'ünä̧ ukuturu wekuätukua pä'ü jo̧mȩnü̧ jȩpü̧ u̧ju̧ni̧nü̧ kuȩmä̧tu̧kua̧.

San Juan 10:16

Ja̧'wa̧ta̧nü̧, kkorotü oweja-tü̧ po̧ka̧nä̧ kka̧kuo̧ko̧tü̧rü̧'i̧nä̧ kku̧nä̧rü̧sä̧; juätürü'i̧nä̧ chi̧'chä̧chä̧kua̧sä̧, chi̧wȩnȩ ttä̧ju̧kua̧'a̧ttü̧; ja̧'wa̧nü̧ jo̧mȩnä̧ oweja-tü̧mä̧, ji̧nä̧ yo̧mȩtȩ ttu̧ru̧wa̧ku̧ ttü̧ja̧kuä̧kuo̧tü̧.

San Juan 15:16

Ukutumä̧ ttürümä̧ pojopü ȩmo̧ko̧tü̧ pinä̧tü̧jä̧, ttütätä ji̧na̧'a̧ ukuturu pojopü ȩmi̧nü̧mä̧ ja̧'wa̧nü̧ jȩpü̧ wedinä̧u̧jä̧ u̧wä̧ju̧ rü̧ȩnä̧ ȩpü̧ kuiyätukua pä'ü, jua̧u̧ u̧wä̧ju̧ toe'ächoka'a kka̧ pä'ü. Ja̧'wa̧nü̧ ja̧'a̧, o'kajuiyünä̧ ttü chi̧mi̧nä̧ Chä'orü jäkuepätukumä̧, iyäkua'anü̧.

San Juan 17:24

Chä'o juätü ttürü kui̧yi̧nä̧u̧mä̧, ttü chü̧jo̧mȩ ttü̧ja̧kua̧ pä'üsä, ttürü kuiyinü̧ chukuo jäwä tottäkua'anü̧; Isopäi'ünä̧ ttürümä̧ pi̧jä̧ adikui'äkua'a ä'kojitä päi'ünä̧ eseu repe'inü̧jä̧.

Hechos 13:48

Pi̧yȩ pätta'a ä̧ju̧ku̧, judío pokotümä̧ rü̧ȩnä̧ eseäkuäwinä̧tü̧, Tu̧ru̧wa̧ i̧wȩnȩmä̧; Ja̧'wa̧ta̧nü̧ kkä̧kuä̧wä̧ i'ko tteseta pä'ü wotümä̧ esetinä̧tü̧.

Hechos 15:18

pä'ü Tu̧ru̧wa̧mä̧, pi̧yȩmä̧ mo̧ täbokütä päi'ünä̧, ttu̧wo̧juö̧nä̧ ukuokuinü̧ ja̧'a̧ttü̧.

Hechos 18:10

Isopäi'ünä̧ ttümä̧ ukutäku kkü̧sä̧, ya̧tȩ'i̧nä̧ ukurumä̧ suronä̧ jȩpo̧kü̧ jä̧kua̧; pi̧yȩ ütawiyänä̧mä̧ rekuätü ttü chȩmi̧nä̧u̧ru̧ kku̧nä̧rü̧sä̧.

Romanos 8:33

¿Ditä jä̧kua̧'a̧jä̧ttü̧ Dio pojopü ȩmi̧nä̧u̧ru̧, suronä̧ jȩpi̧nü̧jä̧ pä̧kua̧mä̧? Suronä̧ wotürü aditü ikumä̧, Dio-tätä ja̧'a̧mä̧.

1 Corintios 1:8

Dio-mä̧, ukuturumä̧ pi̧jä̧ beipächomȩbü päi'ünä̧ 'kiyünä̧ ku̧jä̧tu̧ku̧nä̧ tta̧wä̧rä̧kuä̧u̧jä̧, Tu̧ru̧wa̧ Jesucrito pä'äjita'anü̧ ichomȩnä̧, surojü jȩ'kuä̧tu̧ku̧mä̧, ya̧tȩrü̧'i̧nä̧ päwi'ü juiyäkua'anü̧.

Gálatas 5:13

Chawaruwä chi̧jä̧wa̧tü̧, 'chu̧ä̧rü̧ juiyünä̧ ku̧jä̧tu̧kua̧ pä'ü woinä̧u̧jä̧. Ja̧'wa̧nü̧ ja̧'a̧nä̧, jua̧u̧ 'chu̧ä̧ro̧kü̧nä̧ kkä̧nü̧mä̧ kuidepätuku wea'aku jȩpü̧ ku̧ja̧kuä̧tu̧kuä̧. Pärokuänä̧tä̧, yotukunä̧ eseu repe'äkuäutä kka̧kuä̧tu̧kui̧.

Gálatas 5:22

Ja̧'wa̧nü̧ ja̧'a̧nä̧ Epíritumä̧ iyü, eseu repeäkuäwä, eseäkuäwä, wȩnȩ juiyü kkä̧kuä̧wä̧, jurunä̧ woäkuäwokü, adiwä i̧sa̧, ppädäkuäwä i̧sa̧, jueünä̧tä̧ ukuoku,

Gálatas 5:6

Isopäi'ünä̧ Crito-nä̧ kkä̧kuä̧wä̧mä̧, circuncisión pättü jȩ'kuä̧kuä̧wa̧ja̧ pä'ü'i̧nä̧, jȩ'kuä̧kuä̧wuö̧ juiyaja pä'ü'i̧nä̧ mikuäwoka'a, ji̧nä̧somä̧ Crito-rü ta̧'kua̧ wȩnä̧rü̧ eseu jȩpü̧ tü̧jü̧tä̧ ja̧'a̧.

Efesios 2:10

Ja̧'wa̧nü̧ ja̧'a̧ttü̧ Dio-tä aditinä̧u̧jä̧: Crito-nä̧tä̧ aditinä̧u̧jä̧ adiwä juei jȩpü̧ tü̧ja̧kua̧ pä'ü, ä'kojitä päi'ünä̧ amükuädü kku̧ni̧nü̧ jua̧u̧ jȩpü̧ tü̧ja̧kuä̧kuȩmä̧.

Efesios 3:17

Kua̧'kua̧ ku̧wȩnä̧rä̧tu̧ku̧nä̧ ji̧yȩnä̧tä̧ Crito-rü kua̧mi̧ iso'kitukunä̧ ü̧ja̧ pä'üsä, kuesewätukumä̧ kkada'ka jü̧nä̧tä̧ 'chu̧ä̧rü̧nä̧.

Efesios 4:2

Ukuo tekuäwätukuoka'a, kurowäwätukuoka'a, kua̧mi̧ 'ki'ächi'ü, eseunu̧ repe'äkuäu ppä'ädäkuäwätukui;

Efesios 5:2

Eseäkuäutä kka̧kuä̧tu̧kui̧, Crito ujuturu esewinü̧ta'anü̧; ja̧'wa̧nü̧ repe'ümä̧, ujutu jäwänä̧ ofrenda jü̧nä̧, sacrificio jü̧nä̧, Dio-rü adiu a̧mȩu̧nä̧ iyäkuäwinü.

Efesios 5:27

Ja̧'wa̧ta̧nü̧ igresia-rümä̧ tȩya̧u̧nä̧tä̧ kkȩdȩpü̧nä̧ jȩpü̧ iku; Idikuomȩ'i̧nä̧, yü'kiwä jü̧'i̧nä̧, kkoro surojümä̧ juiyünä̧tä̧ jȩpü̧ iku ȩmi̧nü̧.

Filipenses 2:15

Ukuturu suronä̧ pättü juiyünä̧ kka̧kuä̧tu̧kui̧, pi̧jä̧ ttü̧ja̧ suropätü ttü̧'kä̧tȩnä̧ ku̧ja̧kuä̧tu̧kua̧'a̧ttü̧, ukutumä̧ Dio i̧tti̧mü̧jä̧, isopäi'ünä̧ ukutumä̧ pi̧jä̧ttü̧mä̧ tejäwore kkȩdȩpa̧'a̧ jä̧'i̧nü̧'a̧nü̧ kka̧kuä̧tu̧kui̧.

Colosenses 1:22

Ja̧'wa̧nü̧ jȩpü̧, Crito-mä̧ idepänä̧, wa'ü iku, surojü jui'ätü sa̧tu̧ jü̧nä̧, idiku juiyünä̧, ro̧ȩkuä̧ jui'ätü jü̧nä̧, juoepinä̧u̧jä̧ Dio ä'kattü.

Colosenses 2:2

Kua̧mi̧so'kitukunä̧ esewächi'ü, ji̧nä̧ yo̧mȩtȩnä̧ repe'äkuäu, jo̧mȩnü̧ 'kukuächi'ünä̧ ku̧wo̧juä̧chä̧tu̧kua̧ pä'üsä. Ja̧'wa̧nü̧ jo̧mȩnä̧ Dio yä̧wȩi̧nä̧ u̧ju̧nä̧ri̧nü̧ ku̧wo̧jui̧päkuo̧tü̧jä̧. Jua̧u̧mä̧ Crito ja̧'a̧.

Colosenses 3:12

Dio-mä̧ ukuturu repe'ü, ȩmi̧nä̧u̧jä̧ i̧tti̧mü̧ kuätukua pä'ü. Ja̧'wa̧nü̧ ja̧'a̧ttü̧ kkorotürü esewätukui, adiunä̧tä̧, ukuo tekuäwätukuoka'a, kua̧'kua̧pü̧nü̧ kkä̧nü̧ ja̧'wa̧ta̧nü̧ kua̧mi̧ 'ki'ächi'ü kka̧kuä̧tu̧kui̧.

1 Tesalonicenses 3:12

Ja̧'wa̧ta̧nü̧ Tu̧ru̧wa̧tä̧ ku'uttächätukunä̧, o'katoi'ünä̧ku̧ kuesewätukunä̧ ppädätukuaku pä'ü jä'epätüjä̧ Tu̧ru̧wa̧rü̧mä̧, pärokua'aku ukuturu tesewuöta'anü̧.

1 Tesalonicenses 4:7

Isopäi'ünä̧ Dio-mä̧ surojü jȩpü̧ tü̧ja̧kua̧ pä'ümä̧ wooko̧u̧ pinä̧tü̧jä̧, surojü kätädächa pä'ü woinä̧u̧jä̧.

2 Timoteo 1:9

Dio-mä̧ surojüttü tü̧ji̧pü̧nä̧ ppädinä̧u̧jä̧, ja̧'wa̧nü̧ ppä'ädü umüwäyotü surojü jui'ätü jü̧nä̧ woinä̧u̧jä̧, ujutu adiu jȩtü̧nä̧mä̧kü̧ ja̧'wa̧nü̧ ja̧jü̧ jueimä̧ Dio ä̧kuo̧mȩnä̧ttü̧ kkä̧mä̧dü̧ rȩrü̧jü̧ topü Jesucrito-nä̧ amükuädü uju̧ni̧nü̧'a̧kuä̧ ji̧na̧'a̧.

2 Timoteo 2:10

Ja̧'wa̧nü̧ jo̧mȩttü̧ o'kajuiyünä̧ usurä chȩmä̧u̧nä̧ Dio pojopü ȩmi̧nä̧u̧rü̧ adiwomȩnä̧ cha̧mi̧ 'ki'ächi'üsä, juätü'i̧nä̧ surojüttü kki̧'i̧kuä̧ra̧'a̧ rȩbȩu̧ Crito-nä̧ kkä̧kuä̧wä̧ i'ko ttȩmä̧kua̧'a̧nü̧.

2 Timoteo 2:19

Ja̧'wa̧nü̧ ja̧'a̧nä̧ Dio-mä̧ kkada'ka adiu 'kiyünä̧ 'chu̧ä̧ro̧mȩ jȩpü̧ kku̧ni̧nü̧, juȩnȩ wȩyu̧kuä̧mä̧ pä'a: Tü̧ä̧nä̧wa̧mä̧ chutäku todepätürü wo̧jua̧; ja̧'wa̧ta̧nü̧ «o'katoi'ünä̧ tü̧ä̧nä̧wa̧ i̧mi̧nä̧ jä'epätümä̧ surojüttü 'kȩ'i̧pä̧chi̧nä̧tü̧».

Santiago 2:5

Chawaruwä chü̧jä̧wa̧tü̧ pi̧yȩ adiu ä̧ju̧kuä̧tu̧kui̧: Dio-mä̧ pi̧jä̧nä̧ttü̧ usurä isotürü pojopü ȩmi̧nü̧ tta̧'kua̧ wȩnä̧rä̧kuä̧wä̧nä̧ ruwotü juotta pä'ü, ja̧'wa̧ta̧nü̧ eseu rȩpȩä̧u̧ru̧ Ru̧wa̧ Dio iäre ju'to uruwotü pätti'ünä̧, chi̧yä̧kua̧sä̧ päinü̧ ji̧nü̧ ttȩma̧ pä'ümä̧;

1 Pedro 1:2

Jä'o Dio amükuädina̧'a̧ku̧ mo̧tä̧ päi'ünä̧ pojopü ȩmi̧nä̧ru̧. Epíritu-nä̧ 'kȩ'ȩpü̧ u̧ju̧ni̧nä̧u̧jä̧ kukuotätukua pä'ü ja̧'wa̧ta̧nü̧ Jesucrito ukuojanä̧ tükü ikuätukuaku pä'ü. Mipponä̧ iyäwä rü̧ä̧chü̧'i̧nä̧, wȩnȩ juiyünä̧ kkä̧kuä̧wä̧'i̧nä̧ ȩmä̧tu̧kui̧.

1 Pedro 1:20

Crito-mä̧ pi̧jä̧ uwäbe'äkua'a ä'kanä̧ ja̧'wa̧nü̧tä̧ jȩa̧ päinä̧ku̧, ja̧'wa̧nü̧ ja̧'a̧nä̧ pi̧yȩ rüjí mo̧ro̧mä̧ ukuturu ppädünä̧tä̧ i̧jȩkuä̧cha̧'a̧.

1 Pedro 2:9

Ja̧'wa̧nü̧ ja̧'a̧nä̧ ukutumä̧ ya̧tȩ i̧tti̧mü̧ jü̧nä̧ ü'ojo'inä̧u̧jä̧, ru̧wa̧ Rey-rü ppädärä̧kuä̧wä̧ i̧sa̧ sacerdote jü̧nä̧'i̧nä̧, pi̧jä̧ ruwäkuiyä ttü̧ja̧ surojü jui'ätü jü̧nä̧'i̧nä̧, Dio aditäwä adiwäjuei jikuäwätukua pä'ü, yo̧mȩttü̧ rä'epü iku i̧tȩya̧u̧ra̧'a̧ku̧ wopinü̧rü̧.

2 Pedro 3:14

Ja̧'wa̧nü̧ ja̧'a̧ttü̧ chi̧jä̧wa̧tü̧, ji̧nä̧ pi̧yȩ tta̧'a̧rü̧ kkä̧nü̧, o'kajuiyünä̧ jȩ'kuä̧tu̧ku̧'a̧nü̧ jü̧mä̧ jȩpä̧tu̧kui̧, wȩnȩ'i̧nä̧ juiyünä̧, surojü'i̧nä̧ jȩpo̧ko̧tü̧ jü̧nä̧ ja̧'wa̧ta̧nü̧ idiku'i̧nä̧ juiyünä̧ Dio-mä̧ ü̧'o̧kui̧'ä̧kua̧'a̧nü̧.

1 Juan 4:16

Ja̧'wa̧nü̧ Dio ujuturu eseu repeü wo̧jui̧'i̧nü̧'kotümä̧, Jua̧u̧ru̧tä̧ esetinä̧tü̧jä̧. Dio-mä̧ eseu repeäkuäwätä wa̧ pä'ü. Ja̧'wa̧nü̧ ja̧'a̧ttü̧ eseu repeäkuäwänä̧ kkü̧mä̧ Dio-ku kkü̧ ja̧'wa̧ta̧nü̧ Dio'i̧nä̧ jua̧u̧nä̧tä̧ kkü̧.

Apocalipsis 13:8

Ja̧'wa̧nü̧ ja̧'a̧ttü̧, pi̧jä̧ ä̧kuo̧mȩnä̧ adikui'ino̧mȩttü̧ päi'ünä̧, usurä ȩmä̧u̧ to'e'ächinü̧, oweja mü̧ä̧ya̧ wa̧ üäre kuyäru'tä kkä̧kuä̧wä̧ kkä'tänä̧ tti̧mi̧ jui'ätümä̧, jua̧u̧ru̧ ttiwe'kiyunä̧ pȩjä̧mü̧ eseäkuäwinä̧tü̧.

Apocalipsis 17:8

Jua̧u̧ i̧sa̧ büó betia to'kuäjäkumä̧, ya̧tȩ kki̧nü̧ ja̧'a̧ ja̧'wa̧nü̧ ja̧'a̧nä̧ jitämä̧ täkü kko̧kü̧; ja̧'wa̧nü̧ ja̧'a̧nä̧, rȩjȩku̧ 'kuȩya̧ppa̧nü̧ ja̧'a̧ttü̧ räopä̧kua̧, jo̧mȩnü̧ kuä'ü ikuäwarü pä'ü. Pi̧jä̧ ttü̧ja̧, pi̧jä̧ uwäbeinomȩttü̧ kkä̧mä̧dü̧, kkä̧kuä̧wä̧ kuyäru'tänä̧ tti̧mi̧pi̧yä̧ jui'ätümä̧, jua̧u̧ i̧sa̧ büó betia, täbokü kki̧nü̧ ja̧'a̧nä̧, jitämä̧ kko̧kü̧rü̧, ja̧'wa̧ta̧nü̧ ü̧jä̧kua̧rü̧ topü, to̧o̧ to̧ttä̧rä̧kuo̧tü̧, jua̧u̧ru̧ topü.»