Efesios 1:22 - Nuevo Testamento Uwotjüja

²² Dio-mä̧, o'kajuiyünä̧tä̧ Crito weü jü̧nä̧tä̧ kku̧ni̧nü̧ ja̧'wa̧ta̧nü̧ igresia-rümä̧ kkorojuei o'kajuiyünä̧ u jü̧nä̧ kku̧ni̧nü̧.

TÄ̧DO Ä̧CUÄ̧ I̧HUȨNȨ

²² O'ca juiyönä Cristo ö̧jä̧pö̧ dȩa̧'a̧nä̧ rötinödo Dios. Ja̧'hua̧ta̧nö̧ ja̧u̧ru̧ esetätörö hue'inödo Cristorö ttu päi'önä ö̧ja̧ pä'ö.

Efesios 1:22 Iomraidhean Croise

San Mateo 16:18

Ukuru'i̧nä̧ pärokua'aku pä'üsä: Ukumä̧ Peduru-jä̧, jü̧nä̧, piwä i̧nä̧wänä̧ chiäre igresia-mä̧ cha̧di̧tä̧kua̧sä̧; ja̧'wa̧nü̧ ja̧'a̧ttü̧ wa'are äpatiyämä̧ kkȩdü̧ ikuokü jä̧kuȩ.

Hechos 20:28

Ja̧'wa̧nü̧ ja̧'a̧ttü̧ to̧pä̧rä̧kuä̧u̧ kka̧kuä̧tu̧kui̧, Epíritu Sa̧tu̧ igresia-nä̧ pató-tü̧ päi'ünä̧ tta̧kuä̧rä̧tu̧kua̧ pä'ü iyina̧'a̧mä̧, Tu̧ru̧wa̧ ukuojanä̧ i̧mi̧täwina̧'a̧ttü̧.

1 Corintios 11:3

Ja̧'wa̧nü̧ ja̧'a̧nä̧, ku̧wo̧juä̧tu̧kua̧ pä'üsä, Crito-tä ja̧'a̧ ttü̧ja̧ ttu̧ru̧wa̧mä̧ pä'ü, ja̧'wa̧ta̧nü̧ ubomä̧ isaju kku̧ru̧wa̧ ja̧'a̧ ja̧'wa̧ta̧nü̧ Dio-mä̧ Crito u̧ru̧wa̧ ja̧'a̧ pä'ü.

Efesios 3:21

Jua̧u̧ru̧tä̧ teseäkuäwätukua igresia-ttümä̧, Crito Jesú-nä̧tä̧ pi̧jä̧ ttü̧ja̧mä̧ o'katoi'ünä̧, mo̧ro̧ kki̧ä̧mü̧nä̧. Amȩ́.

Efesios 5:23

Isopäi'ünä̧ kkirekuomä̧, isaju kku ja̧'a̧, Crito-rü igresia u jä̧'i̧jü̧'a̧nü̧. Ja̧'wa̧ta̧nü̧ jättäpäyotürü ra̧wä̧pi̧jü̧ttü̧ ppä'ädümä̧ jua̧u̧ Crito-tä ja̧'a̧.

Colosenses 1:18

Ja̧'wa̧ta̧nü̧ Crito-mä̧ igresia u ja̧'a̧, igresia-mä̧ jä̧ttä̧pä̧ya̧ wa̧ jü̧nä̧ ja̧'a̧. Jua̧u̧mä̧ ä̧kuo̧mȩnä̧ i̧sa̧ winü̧, wa'inä̧tü̧ttü̧'i̧nä̧ ä̧kuo̧mȩnä̧ tto'ächinü̧, o'kajuiyünä̧tä̧ u̧wä̧mȩnä̧ wa̧ ja̧ pä'ümä̧.

Colosenses 1:8

Jua̧u̧tä̧ ja̧'a̧ ukutu 'kuäkuopätuku, Epíritu Sa̧tu̧ juȩpä̧ra̧'a̧nä̧ kuawaruwärü repe'ü jȩ'kuä̧tu̧ku̧ ujuturu ji'äwinü̧mä̧.

Colosenses 2:10

Ja̧u̧nä̧tä̧ ujurumä̧ o'kajuiyünä̧ kka̧kuä̧mü̧ topü Dio-mä̧, ja̧'wa̧ta̧nü̧ Crito-tä ja̧'a̧, o'katoi'ünä̧ epíritu-tu̧ juruwätü'i̧nä̧, pi̧jä̧nä̧ttü̧ ruwo we'ätü'i̧nä̧ ttu̧wä̧mȩnä̧ wa̧mä̧.

Colosenses 2:19

Juätümä̧ Crito-rü, igresia u päi'ünä̧ wa̧rü̧mä̧ todepokotü. Jua̧u̧nä̧ 'chu̧ä̧rü̧nä̧, todeunä̧ kkä̧nü̧ ttü̧jo̧mȩnä̧tä̧, Dio-rü pä̧wä̧rü̧jo̧mȩnä̧mä̧ büó juoäwa'a.

1 Timoteo 3:15

Rekuo mo̧ro̧ todeputtü'i̧nä̧, Dio 'kuäopünä̧ kkü̧ umüwäyotü igresia wotürü adiu juekuȩpä̧rä̧kua̧'a̧nü̧. 'Chu̧'ä̧rä̧kuä̧u̧ ja̧'wa̧ta̧nü̧ isopäi'ünä̧ wȩnȩ ja̧'a̧ pä'ätümä̧.

Hebreos 2:8

«Ukú kuaditäwänä̧ weta pä'ü kuiyinä̧u̧jä̧.» Isopäi'ünä̧ o'kajuiyünä̧ weta pä'ü turuwo iyinä̧u̧jä̧; ja̧'wa̧nü̧ Dio-mä̧ iyina'amä̧, aditäwättümä̧ Jua̧u̧ru̧ jarodümä̧ yorisotä juiya'a. Ja̧'wa̧nü̧ ja̧'a̧nä̧, ji̧nä̧ topokotüjä̧ o'kajuiyünä̧tä̧ pi̧jä̧ jäwä jua̧u̧ru̧ ukuota'amä̧.