Efesios 1:15 - Nuevo Testamento Uwotjüja

¹⁵ Ja̧'wa̧nü̧ jo̧mȩttü̧, ttümä̧, Tu̧ru̧wa̧ Jesú-ru kua̧'kua̧ ku̧wȩnä̧rä̧tu̧kua̧'a̧'i̧nä̧, ja̧'wa̧ta̧nü̧ Dio u̧mü̧wä̧yotürü eseu repe'ü jȩ'kuä̧tu̧kua̧'a̧'i̧nä̧ ä̧ju̧kui̧nü̧'ka̧,

TÄ̧DO Ä̧CUÄ̧ I̧HUȨNȨ

^15-16 Ja̧'hua̧nö̧ ja̧'a̧ttö̧ ucutu Tu̧ru̧hua̧ Jesúsru cuesetätucu'inä, o'ca toi'önä Dios i̧tti̧mö̧rö̧ repecuhuätucu'inä chä̧ju̧cuo̧mȩnä̧, 'cuäopönä ucuturu eseunu amöcuädö ucuocusä Diosrö.

Efesios 1:15 Iomraidhean Croise

Hechos 20:21

Judío-rü'i̧nä̧, griego-rü'i̧nä̧, ji'äwä'ijüsä Dio-ku ppa̧'ä̧chü̧, Tu̧ru̧wa̧ Jesucrito-rü tteseta pä'ümä̧.

Romanos 1:8

Ä̧kuo̧mȩnä̧mä̧, Tu̧ru̧wa̧ Jesucrito-nä̧, Chä'o Dio-rü eseusä. Ukutu kuesetätuku wȩnȩ o'kajuiyünä̧ ütawiyä pünä̧ ukuowa'a ä̧ju̧ku̧.

Gálatas 5:6

Isopäi'ünä̧ Crito-nä̧ kkä̧kuä̧wä̧mä̧, circuncisión pättü jȩ'kuä̧kuä̧wa̧ja̧ pä'ü'i̧nä̧, jȩ'kuä̧kuä̧wuö̧ juiyaja pä'ü'i̧nä̧ mikuäwoka'a, ji̧nä̧somä̧ Crito-rü ta̧'kua̧ wȩnä̧rü̧ eseu jȩpü̧ tü̧jü̧tä̧ ja̧'a̧.

Efesios 1:1

Ttü Pauru, Dio üjü'komȩnä̧, Jesucrito-mä̧ apóto jü̧nä̧ weinä̧ku̧ cha'attü, Éfeso ütawiyä ttü̧ja̧rü̧ te'äusä, Jesucrito-rü esetätü, surojü jui'ätürü.

Efesios 3:18

Kkorotü Dio-rü esetätuku, Crito rȩrü̧jü̧ toinü̧, ü̧rü̧ä̧'i̧nä̧, üoto'i̧nä̧, ütäku'i̧nä̧, ükäwe'i̧nä̧ ku̧wo̧jui̧pä̧tu̧kuä̧kua̧'a̧nü̧;

1 Tesalonicenses 1:3

Tä'o Dio ä'ka jo̧mȩ tukuokuomȩnä̧mä̧ amükuädätü̧jä̧, kua̧'kua̧ wȩnä̧rü̧ kuaditä'ijätuku'i̧nä̧, eseu kuaditä'ijätuku'i̧nä̧ ja̧'wa̧ta̧nü̧ 'kiyünä̧, Tu̧ru̧wa̧ Jesucrito surojüttü kki̧'ä̧kuä̧wä̧ i̧yä̧kuȩ tta̧kuä̧rä̧tu̧ku̧'i̧nä̧, jü̧nä̧.

1 Tesalonicenses 4:9

Ttawaruwärü eseu repeäkuäwä tü'kü chi̧wȩyu̧ta̧ pä'ümä̧ rekuä rü̧jo̧ka̧'a̧, jua'amä̧, Chuttutä Dio-ttü ku̧wo̧jui̧'i̧nä̧tu̧kua̧'a̧ttü̧ ttawaruwärü eseu repeäkuäwämä̧.

2 Tesalonicenses 1:3

Chi̧jä̧wa̧tü̧, 'kuäopünä̧tä̧ Dio-rümä̧ teseu'anü̧ ja̧'a̧, ukutunä̧mä̧; isopäi'ünä̧ kua̧'kua̧ ku̧wȩnä̧rä̧tu̧ku̧mä̧ yabokutä rü̧ä̧cha̧'a̧ ja̧'wa̧ta̧nü̧ ujutu ya̧ku̧nä̧ kkorotürü teseäkuäumä̧ yabokutä rü̧ä̧cha̧'a̧.

1 Timoteo 1:14

Ja̧'wa̧nü̧ ja̧'a̧ttü̧ Dio-mä̧ rü̧ä̧nä̧ repe'ümä̧ suronä̧ jȩchä̧'i̧jü̧'i̧nä̧ jȩpü̧ iku, Jesucrito-nä̧tä̧ tta̧'kua̧ wȩnä̧rä̧kuä̧wä̧'i̧nä̧ eseu repeäkuäwä'i̧nä̧ iyinä̧ku̧sä̧.

1 Timoteo 1:5

Ja̧'wa̧ta̧nü̧ pi̧yȩ weäwä wȩnȩttü̧ i̧rȩbȩwa̧ päümä̧, tta̧mi̧so'ki surojü juiyo'kittü kkorotünü̧ku̧ eseäkuäwä'i̧nä̧, adiwomȩnä̧ amükuädäkuäwä'i̧nä̧, isopäi'ünä̧ tta̧'kua̧ wȩnä̧rä̧kuä̧wä̧'i̧nä̧ räopa pä'ü ja̧'a̧.

Filemón 1:5

ukú Tu̧ru̧wa̧ Jesucrito-rü kua̧'kua̧ ku̧wȩnä̧rü̧'i̧nä̧ ja̧'wa̧ta̧nü̧ o'katoi'ünä̧ tawaruwä tü̧jä̧wa̧tü̧rü̧ eseu repekua'a'i̧nä̧ chä̧ju̧kua̧'a̧ttü̧.

Hebreos 6:10

Isopäi'ünä̧ Dio-mä̧ suronä̧ jȩä̧kuä̧wä̧ i̧sa̧mä̧kü̧ ja̧'a̧ttü̧, Chutä i̧mi̧ eseu, jȩ'kuä̧'i̧jä̧tu̧ku̧mä̧ ja̧'wa̧ta̧nü̧ umüwäyotü ȩmi̧nä̧u̧rü̧ ppäkuädä'ijätuku'i̧nä̧, yabonü̧ jitä jȩ'kuä̧tu̧ku̧'i̧nä̧ yorisotä u̧ni̧chi'okü.

1 Pedro 1:22

Jitä ukutumä̧ isopäi'ünä̧ wȩnȩ kukuotätukuomȩttü̧, kuawaruwärü kua̧'kua̧pü̧nü̧ kuesewätukua pä'ü tükü i̧kui̧nä̧u̧jä̧. Ja̧'wa̧nü̧ jo̧mȩttü̧ ukutumä̧ kkorotüku kua̧mi̧'iso'kituku surojü juiyünä̧, kujurutuku'i̧nä̧ o'kajuiyünä̧ kuesewätuku'anü̧ ja̧'a̧.

1 Juan 3:17

Isopäi'ünä̧, yotüte ttiäre pärätä kku̧nä̧rä̧tü̧, tta̧wa̧ru̧wa̧ tti̧jä̧wa̧rü̧ rekuä rü̧ja̧'a̧ totta'anä̧; jua̧u̧ru̧ re ttü̧jü̧ juiyüttümä̧, ¿Toku kkä̧kua̧'a̧jä̧ttü̧, tta̧mi̧so'kinä̧mä̧, Dio eseu repeü jäwämä̧?

1 Juan 4:21

Ja̧'wa̧ta̧nü̧ Jua̧u̧mä̧ pi̧yȩ jȩpü̧ kkä̧kuä̧wä̧ weinä̧u̧jä̧: «Dio-rü eseu repe'ümä̧, a̧wa̧ru̧wa̧ i̧jä̧wa̧rü̧'i̧nä̧ eseu repe'i,» jü̧nä̧.