Efesios 1:14 - Nuevo Testamento Uwotjüja

¹⁴ Ujuturu Dio iya päinü̧mä̧ Jua̧u̧ Epíritu-nä̧ todepätüjä̧, o'katoi'ünä̧ ukutu u̧mü̧wä̧yotürü rä'epü ikuomȩbü päi'ünä̧. Ja̧'wa̧nü̧ jo̧mȩttü̧ Dio ü̧rü̧ä̧ esewätüjä̧.

TÄ̧DO Ä̧CUÄ̧ I̧HUȨNȨ

¹⁴ Espíritu Santorö iyinödo ujuturu, iso päi'önä yodoji iyä̧cuȩ'i̧nä̧, i̧yä̧cua̧ ujuturu tu̧huo̧jua̧ pä'ö. Ja̧u̧ iya pä'inö Dios, chutä i̧tti̧mö̧rö̧ surojöttö ejädö icu cädö o'ca'a. Ja̧'hua̧ta̧nö̧ Dios adihuä i̧sa̧ ja̧'a̧ttö̧ ja̧u̧ru̧ tesehuäcua'a̧nö̧.

Efesios 1:14 Iomraidhean Croise

San Lucas 21:28

Ja̧'wa̧nü̧ pi̧yȩ kka̧kuä̧ma̧'a̧ topümä̧, esewächi'ü ku kä'epätukui, isopäi'ünä̧ täkü ukuturu ȩmü̧ ichümä̧ tü'küpächü.

Hechos 20:28

Ja̧'wa̧nü̧ ja̧'a̧ttü̧ to̧pä̧rä̧kuä̧u̧ kka̧kuä̧tu̧kui̧, Epíritu Sa̧tu̧ igresia-nä̧ pató-tü̧ päi'ünä̧ tta̧kuä̧rä̧tu̧kua̧ pä'ü iyina̧'a̧mä̧, Tu̧ru̧wa̧ ukuojanä̧ i̧mi̧täwina̧'a̧ttü̧.

Hechos 20:32

Ja̧'wa̧nü̧ ja̧'a̧ttü̧ chawaruwä chü̧jä̧wa̧tü̧ Dio u̧mü̧nä̧ wedipä̧u̧jä̧ ja̧'wa̧ta̧nü̧ rettü iyipinü̧ i̧wȩnȩnä̧. Jua̧u̧tä̧tä̧ ja̧'a̧ Epíritu jäwänä̧ buojuokuätukunä̧ ppä̧dä̧kua̧mä̧ ja̧'wa̧ta̧nü̧ Chutä ȩmi̧nä̧u̧ o'katoi'ünä̧rü̧ chi̧yä̧kua̧sä̧ pä'inü̧, iyümä̧.

Romanos 8:23

Suro, pi̧jä̧ jäwätämä̧ usurä ȩmä̧wo̧ka̧'a̧, ujutu Epíritu Sa̧tu̧rü̧ kku̧nä̧rä̧tü̧mä̧ usurä ȩmä̧wä̧tü̧jä̧, Dio i̧yä̧kuȩmä̧ tȩmä̧kuo̧tü̧ ta'anä̧. Jakuänä̧mä̧ amükuä̧rä̧tü̧jä̧ Dio i̧tti̧mü̧ päi'ünä̧ jo̧mȩnü̧ ȩmä̧kuȩ mo̧ro̧.

1 Corintios 1:30

Ja̧'wa̧nü̧ ja̧'a̧nä̧, Chutä Dio-tä ja̧'a̧ ukuturu Jesucrito-ku ji̧nä̧ ji̧yȩtȩ päi'ünä̧ jȩpi̧nü̧mä̧ ja̧'wa̧nü̧ jȩpü̧ Crito-nä̧mä̧ wo̧juä̧wä̧ kkü̧nä̧, adiwomȩnä̧ jȩä̧kuä̧wä̧ kkü̧nä̧, 'kȩ'ȩpü̧ ȩmä̧wo̧tü̧ jü̧nä̧'i̧nä̧ ja̧'wa̧ta̧nü̧ mitäu ȩmi̧nä̧u̧ jü̧nä̧'i̧nä̧, jȩi̧nä̧u̧jä̧.

2 Corintios 1:22

ja̧'wa̧ta̧nü̧ Jua̧u̧tä̧tä̧, sello-nä̧ jȩpü̧ u̧ju̧ni̧nä̧u̧jä̧, Chutä isotü ta pä'ümä̧: Ja̧'wa̧nü̧ jȩpü̧mä̧ Epíritu Sa̧tu̧rü̧ iyinä̧u̧jä̧ ta̧mi̧ iso'kinä̧.

2 Corintios 5:5

Ja̧'wa̧ta̧nü̧ pi̧yȩ pätetü jȩpi̧nü̧mä̧ Dio-tä ja̧'a̧, Epíritu Sa̧tu̧rü̧ iyinä̧u̧jä̧ jueünä̧ ukuokua'attü.

Gálatas 4:6

Ja̧'wa̧nü̧, täkü i̧tti̧mü̧ ta'attü̧ Dio-mä̧ i̧tti̧ a̧'kua̧rü̧ i̧sa̧ Epíritu-ru we'inü̧ ta̧mi̧'iso'kinä̧: jua̧u̧ Epíritu ja̧'a̧, ¡Abbá! ¡Chä'o! pä'ü wopümä̧.

Efesios 1:11

Ja̧'wa̧ta̧nü̧ Crito-nä̧mä̧, Chutä iäre tȩma̧ pä'ü ä'kojitä päi'ünä̧ ü'ojo'inä̧u̧jä̧, Chutä o'kajuiyünä̧ jȩpü̧ ja̧'a̧ttü̧, churutä pä̧wä̧rü̧jo̧mȩnä̧tä̧.

Efesios 1:12

Dio-mä̧ pä̧wä̧rü̧ji̧nä̧ku̧, ä̧kuo̧mȩnä̧mä̧ ujutu judío, Crito-rü ta̧'kua̧ tu̧wȩnä̧ri̧ya̧rü̧ pä'ü, chutä ujuru u̧ju̧nä̧ra̧'a̧ttü̧ tesewiyarü pä'ü.

Efesios 4:30

Epíritu Sa̧tu̧rü̧ a̧'kua̧ tta̧wȩpü̧nä̧mä̧ jȩ'kuä̧tu̧kuä̧, jua̧u̧nä̧tä̧ sello tatta'a jä̧'i̧nü̧'a̧nü̧ jȩpü̧ u̧ju̧ni̧nä̧u̧jä̧, ji̧yȩnü̧ mo̧ro̧ surojüttü rä'epü ikuomȩnä̧ u̧wo̧jua̧ pä'ü.

1 Pedro 2:9

Ja̧'wa̧nü̧ ja̧'a̧nä̧ ukutumä̧ ya̧tȩ i̧tti̧mü̧ jü̧nä̧ ü'ojo'inä̧u̧jä̧, ru̧wa̧ Rey-rü ppädärä̧kuä̧wä̧ i̧sa̧ sacerdote jü̧nä̧'i̧nä̧, pi̧jä̧ ruwäkuiyä ttü̧ja̧ surojü jui'ätü jü̧nä̧'i̧nä̧, Dio aditäwä adiwäjuei jikuäwätukua pä'ü, yo̧mȩttü̧ rä'epü iku i̧tȩya̧u̧ra̧'a̧ku̧ wopinü̧rü̧.