Efesios 1:13 - Nuevo Testamento Uwotjüja

¹³ Ja̧'wa̧ta̧nü̧ Jua̧u̧nä̧tä̧ ukutumä̧ jueü wȩnȩ'i̧nä̧, surojüttü kki̧'ä̧kuä̧wä̧'i̧nä̧, kuä̧ju̧kui̧nä̧tu̧kua̧'a̧ttü̧ ja̧'wa̧ta̧nü̧ jua̧u̧ru̧tä̧ kuesetinä̧tu̧kua̧'a̧ttü̧, Epíritu Sa̧tu̧nä̧ sello-nä̧ i̧nȩpü̧ ttüta'a jä̧'i̧nü̧'a̧nü̧ jȩi̧nä̧u̧jä̧, päinü̧'a̧kuä̧.

TÄ̧DO Ä̧CUÄ̧ I̧HUȨNȨ

¹³ Ucutu adihuä iso päi'önä huȩnȩ, suronä jȩttö̧ jȩpö̧ icu huȩnȩ ä̧ju̧cu̧, Cristorö cuesetätucuomenä, ja̧u̧cu̧ ji̧nä̧ yo̧mȩtȩnä̧ chutä i̧tti̧mö̧ päcuhui'ätucua pä'ö hueinä̧u̧jä̧, Espíritu Santonä iya päinö ta'anö.

Efesios 1:13 Iomraidhean Croise

San Lucas 11:13

Isopäi'ünä̧ ukutumä̧ suropätü kuätükua'anä̧'i̧nä̧, kui̧tti̧mü̧tu̧ku̧ru̧mä̧ adiwäjueitä iyä'ijätüjä̧. Juȩnȩ abonä̧nü̧ wa̧ ja̧'a̧ttü̧, Kuä'otuku Dio mo̧ro̧jä̧ ru̧wa̧mä̧, Epíritu Sa̧tu̧rü̧ jäkuepätukuomenä̧mä̧ i̧yä̧kuä̧u̧jä̧.

San Lucas 24:49

Ja̧'wa̧ta̧nü̧ Chä'o ukuturu iya päinü̧ wȩdä̧kua̧sä̧; ja̧'wa̧nü̧ ja̧'a̧nä̧, ji̧nä̧ Jerusarȩ́ ütawiyänä̧tä̧ ku̧ja̧kuä̧tu̧kua̧jä̧, mo̧ro̧jä̧ra̧'a̧ttü̧ kujurutuku 'ka̧tä̧wi̧'o̧mȩbü päi'ünä̧.

San Juan 1:17

Isopäi'ünä̧ weäwä wȩnȩmä̧ Moisé-nä̧ iyäwi'ina̧'a̧ttü̧; ja̧'wa̧nü̧ ja̧'a̧nä̧ re ü̧jü̧mä̧, isopäi'ünä̧ wȩnȩmä̧ Jesucrito-nä̧tä̧ ichina̧'a̧.

San Juan 14:26

Ja̧'wa̧nü̧ ja̧'a̧nä̧, ppädäkuäwä i̧sa̧, Epíritu Sa̧tu̧, ttü chi̧mi̧nä̧, Chä'o weäkutä jä̧kua̧'a̧, o'kajuiyünä̧ u̧wo̧juȩtä̧kua̧mä̧ ja̧'wa̧ta̧nü̧ o'kajuiyünä̧ chukuokuinü̧ ku̧ni̧chi'ätuku juiyünä̧ jȩä̧kua̧mä̧.

San Juan 15:26

Ja̧'wa̧nü̧ ja̧'a̧nä̧, ppädäkuäwä i̧sa̧, Chä'ottü wedäku, isopäi'ünä̧ jueünä̧ i̧sa̧ Epíritu, Chä'ottü ichomȩnä̧tä̧, jä̧kua̧'a̧ ttü chütü'kü jiäwäkua'amä̧.

San Juan 3:33

Ja̧'wa̧nü̧ ja̧'a̧nä̧, ya̧tȩ Jua̧u̧ru̧ esetümä̧, Dio-mä̧ Jueü wȩnȩ ja̧'a̧ pä'ü wo̧jui̧'ü̧.

San Juan 6:27

Ku̧kuȩtu̧ku̧ beipächünä̧mä̧ kuaditätukuä, jua̧u̧ ja̧jü̧jueimä̧ kuäkuäwä beipächokü, kkä̧kuä̧wä̧ i'ko iyinü̧tä̧ aditätukui. Ja̧'wa̧nü̧ jü̧ ja̧'a̧, kuäkuäwä ubo I̧tti̧ ukuturu i̧yä̧kuȩmä̧, isopäi'ünä̧ Jua̧u̧nä̧ pätetü u̧ju̧ni̧na̧'a̧ttü̧, Jä'o Dio-mä̧.

Hechos 1:4

Ja̧'wa̧ta̧nü̧ umüwäyotü apótore-ku pä̧mä̧dä̧ji̧'ka̧ päinä̧u̧: Jerusarȩ́-ttü̧mä̧ dükuekuächätukuä, Chä'o iya päinü̧ iyätukuaku, —Ttü jidäwa'a kuä̧ju̧kui̧nä̧tu̧ku̧ta̧'a̧nü̧ 'kuäopäkua'a;

Hechos 13:26

Chawaruwä chi̧jä̧wa̧tü̧, Abraha̧ i̧tti̧mü̧ isotürü ja̧'wa̧ta̧nü̧ ukutu Dio-rü ukuotätürü ja̧'a̧tȩ'ü̧ ja̧'a̧, pi̧yȩ ra̧wä̧pi̧jü̧ttü̧ kki̧'i̧kuä̧ wȩnȩmä̧.

Hechos 2:33

Ja̧'wa̧nü̧ jȩpü̧, Dio-mä̧ mo̧ro̧jä̧ra̧'a̧ ȩpü̧, ujuru uruwo iyü u̧wo̧jua̧'a̧ku̧nä̧ ütinä̧ku̧; Epíritu Sa̧tu̧rü̧ ȩmi̧nü̧'ka̧ ujuturu'i̧nä̧ iyäjä̧u̧jä̧, jitä to'kuätukumä̧.

Romanos 1:16

Isopäi'ünä̧ jareü wȩnȩ ji'äumä̧ dä'ä ttu'oküsä, jua̧u̧mä̧ surojüttü kki̧'ä̧kuä̧wä̧ Dio ujuru ja̧'a̧ttü̧ esetätürümä̧, ä̧kuo̧mȩnä̧mä̧ judío-rü'i̧nä̧, judío pokotürü'i̧nä̧, jü̧nä̧.

Romanos 4:11

Isopäi'ünä̧ Abraha̧-mä̧ circuncisión pättüjuei jȩtti̧nä̧ku̧, Dio-rü, churutä a̧'kua̧ u̧wȩnä̧rä̧jä̧ku̧, sello jä̧'i̧nü̧'a̧nü̧ ttu̧wo̧jua̧rü̧ pä'ütä. Ja̧'wa̧nü̧ jo̧mȩnä̧ Abraha̧-mä̧, pärowächinü̧ o'katoi'ünä̧ Dio-rü tta̧'kua̧ wȩnä̧rä̧tü̧mä̧ ttä'o jü̧nä̧tä̧, circuncisió̧-mä̧ jȩttä̧kuä̧wo̧ka̧'a̧nä̧. Ja̧'wa̧nü̧ ja̧'a̧ttü̧ Dio-mä̧ adiu jȩpä̧tü̧ jü̧nä̧tä̧ to̧ä̧u̧.

Romanos 6:17

Ja̧'wa̧nü̧ ja̧'a̧nä̧ Dio-rü esewätüjä̧, ä'kojimä̧ surojü jȩä̧kuä̧wä̧tä̧ umüwäyotü kuinä̧tu̧kua̧'a̧mä̧, kua̧mi̧'iso'kituku o'kajuiyünä̧ kukuotätukua'attü̧, kkä̧kuä̧wä̧ kuesetinä̧tu̧ku̧nä̧.

2 Corintios 1:22

ja̧'wa̧ta̧nü̧ Jua̧u̧tä̧tä̧, sello-nä̧ jȩpü̧ u̧ju̧ni̧nä̧u̧jä̧, Chutä isotü ta pä'ümä̧: Ja̧'wa̧nü̧ jȩpü̧mä̧ Epíritu Sa̧tu̧rü̧ iyinä̧u̧jä̧ ta̧mi̧ iso'kinä̧.

2 Corintios 6:7

jueü wȩnȩnä̧ tü̧jo̧mȩnä̧'i̧nä̧, Dio ujurunä̧ tü̧jo̧mȩnä̧'i̧nä̧ ja̧'wa̧ta̧nü̧ ttu̧wo̧jua̧'a̧ku̧nä̧, ttieruwa'akunä̧, adiwomȩnä̧ tü̧ji̧pa̧ja̧ pä'ü'i̧nä̧ jueünä̧tä̧ jȩpä̧tü̧jä̧;

Gálatas 3:14

Ja̧'wa̧nü̧ ja̧'a̧ttü̧, Jesucrito-nä̧tä̧ Abraha̧-rü̧, Dio iya päinü̧ adiwä jueimä̧ judío pokotürü'i̧nä̧ rȩbȩä̧kuä̧wi̧na̧'a̧. Ja̧'wa̧nü̧ jo̧mȩttü̧, ta̧'kua̧ tu̧wȩnä̧ro̧mȩnä̧mä̧, Dio iya päinä̧ku̧ Epíritu Sa̧tu̧rü̧ ȩmä̧tü̧jä̧.

Efesios 4:21

isopäi'ünä̧ ukutumä̧ ä̧ju̧kui̧nä̧tü̧jä̧ Jua̧u̧ ütü'kümä̧ ja̧'wa̧ta̧nü̧ wo̧juä̧tü̧jä̧ jua̧u̧ weünä̧ kkä̧kuä̧wä̧, Jesú u̧wo̧juȩti̧nü̧mä̧.

Efesios 4:30

Epíritu Sa̧tu̧rü̧ a̧'kua̧ tta̧wȩpü̧nä̧mä̧ jȩ'kuä̧tu̧kuä̧, jua̧u̧nä̧tä̧ sello tatta'a jä̧'i̧nü̧'a̧nü̧ jȩpü̧ u̧ju̧ni̧nä̧u̧jä̧, ji̧yȩnü̧ mo̧ro̧ surojüttü rä'epü ikuomȩnä̧ u̧wo̧jua̧ pä'ü.

1 Tesalonicenses 2:13

Ja̧'wa̧nü̧ ja̧'a̧ttü̧, 'kuäopünä̧ Dio-rümä̧ eseunu̧ ukuokuätüjä̧. Jua'amä̧ Dio i̧wȩnȩ jitäwomȩnä̧ ttü̧ja̧ tti̧wȩnȩ 'kua̧rü̧nä̧ kuä̧ju̧kuä̧tu̧kuo̧ka̧'a̧, Dio i̧wȩnȩ jü̧nä̧tä̧, kuesetinä̧tu̧kua̧'a̧ttü̧, iweye ja̧'wa̧nü̧ ja̧'a̧tä̧mä̧. Jua̧u̧ wȩnȩtä̧ ja̧'a̧ isopäi'ünä̧ ukutu esetätünä̧ aditümä̧.

2 Timoteo 2:15

Dio ä'ka jo̧mȩ kui̧'chi̧'a̧ o'kajuiyünä̧ jȩpi̧, ya̧tȩ adikuä i̧sa̧ jo̧mȩnü̧ wa̧ dä'äkuokü, isopäi'ünä̧ wȩnȩtä̧ wo̧juȩtü̧ jä̧'i̧nü̧'a̧nü̧ jü̧nä̧.

2 Timoteo 2:19

Ja̧'wa̧nü̧ ja̧'a̧nä̧ Dio-mä̧ kkada'ka adiu 'kiyünä̧ 'chu̧ä̧ro̧mȩ jȩpü̧ kku̧ni̧nü̧, juȩnȩ wȩyu̧kuä̧mä̧ pä'a: Tü̧ä̧nä̧wa̧mä̧ chutäku todepätürü wo̧jua̧; ja̧'wa̧ta̧nü̧ «o'katoi'ünä̧ tü̧ä̧nä̧wa̧ i̧mi̧nä̧ jä'epätümä̧ surojüttü 'kȩ'i̧pä̧chi̧nä̧tü̧».

2 Timoteo 3:15

Amükuädi kua̧'u̧kuä̧'i̧ttü̧ kkä̧mä̧dü̧ wȩyu̧kuä̧ wȩnȩmä̧ wo̧jui̧pi̧nü̧jä̧, ukuru u̧wo̧juȩtü̧'a̧nü̧ jü̧mä̧ ja̧'wa̧ta̧nü̧ Jesucrito-nä̧ kua̧'kua̧ ku̧wȩnä̧ro̧mȩnä̧ surojüttü kki̧'i̧kuä̧ra̧'a̧ ukuru ȩpa̧'a̧nü̧ jü̧mä̧.

Tito 2:11

Ja̧'wa̧ta̧nü̧ Dio-mä̧ rȩrü̧jü̧nü̧ toü tü'kümä̧ i̧jȩpi̧nü̧, ttü̧ja̧ o'katoi'ünä̧rü̧ surojüttü ttü̧ji̧pü̧nä̧ ppä'ädü.

Hebreos 2:3

Rü̧ȩnä̧ jü̧ ra̧wä̧pi̧jü̧ttü̧ kki̧'i̧kuä̧'i̧nä̧ ja̧'a̧tä̧ tota'amä̧ ¿toku tü̧ja̧kui̧'ä̧kua̧'a̧jä̧ttü̧? Jua̧u̧mä̧ Chutä Tu̧ru̧wa̧ jiäwinü̧ o'ka'a, Jua̧u̧ru̧ ä̧ju̧kui̧nä̧tü̧'i̧nä̧ ji'äwinä̧tü̧.

Santiago 1:18

Chutämä̧, ja̧'wa̧nü̧tä̧ pä̧wä̧rü̧ji̧nä̧ku̧, isopäi'ünä̧ wȩnȩnä̧tä̧ kkä̧kuä̧wä̧ i'komä̧ iyinä̧u̧jä̧, uwäbe'inä̧u̧ttü̧ ä̧kuo̧mȩnä̧ u̧wä̧ju̧ wotüta pä'ümä̧.

Santiago 1:21

Ja̧'wa̧nü̧ ja̧'a̧ttü̧ o'kajuiyünä̧ surojü jȩ'kuä̧tu̧ku̧ttu̧'i̧nä̧, pi̧jä̧nä̧ttü̧ surojü rü̧ä̧chü̧ttü̧'i̧nä̧ kä'ädi'ü, Dio i̧wȩnȩ ukuru iyinü̧tä̧ esetü ukuo teäwäkuäwä juiyünä̧ ȩmi̧; jua̧u̧tä̧ jä̧kua̧'a̧ surojüttü'i̧nä̧ kua̧'kua̧rü̧ kki̧'i̧pü̧nä̧ jȩü̧mä̧.

1 Pedro 2:10

Ä'kojimä̧ yoriso ukutumä̧ awaruwä jü̧nä̧mä̧ wokotü pinä̧tü̧jä̧, ja̧'wa̧nü̧ ja̧'a̧nä̧ jitämä̧ Dio a̧wa̧ru̧wä̧jä̧; ä'kojimä̧ Dio rȩrü̧jü̧ tooko̧u̧ pinä̧tü̧jä̧, ja̧'wa̧nü̧ ja̧'a̧nä̧ jitämä̧ rȩrü̧jü̧ to̧ä̧u̧jä̧.

Apocalipsis 7:2

Ja̧'wa̧ta̧nü̧ kka̧ra̧ á̧gȩ-rü̧, kkä̧wa̧ räopa'akuttü, kkü̧ Dio üäre sello pättü pȩjä̧ku̧ icha'a topinü̧sä̧; Jua̧u̧mä̧ kkorotü pa̧ja̧kuä̧nü̧ wotü á̧gȩrȩ-rü pä̧i̧ku̧nä̧ wopinü̧, pi̧jä̧nä̧'i̧nä̧, rü̧ä̧ duboranä̧'i̧nä̧ surojuottepa pä'ü ttujuru i̧yä̧wi̧'i̧nä̧u̧ru̧: