Efesios 1:11 - Nuevo Testamento Uwotjüja

¹¹ Ja̧'wa̧ta̧nü̧ Crito-nä̧mä̧, Chutä iäre tȩma̧ pä'ü ä'kojitä päi'ünä̧ ü'ojo'inä̧u̧jä̧, Chutä o'kajuiyünä̧ jȩpü̧ ja̧'a̧ttü̧, churutä pä̧wä̧rü̧jo̧mȩnä̧tä̧.

TÄ̧DO Ä̧CUÄ̧ I̧HUȨNȨ

¹¹ Ja̧'hua̧ta̧nö̧ ujutu Cristorö tesetomenä, Dios ȩmi̧nä̧u̧jä̧ pi̧jä̧ juiyäi'inä, ujutu'inä iyä̧cuȩ tȩma̧ pä'ö. Ja̧u̧ o'ca juiyönä 'cuäopa'a chutä amöcuädö pä̧huä̧ rö̧jo̧mȩnä̧.

Efesios 1:11 Iomraidhean Croise

Hechos 13:48

Pi̧yȩ pätta'a ä̧ju̧ku̧, judío pokotümä̧ rü̧ȩnä̧ eseäkuäwinä̧tü̧, Tu̧ru̧wa̧ i̧wȩnȩmä̧; Ja̧'wa̧ta̧nü̧ kkä̧kuä̧wä̧ i'ko tteseta pä'ü wotümä̧ esetinä̧tü̧.

Hechos 2:23

Ja̧'wa̧nü̧ wa̧rü̧, aboja̧'a̧nä̧ ukuokuäkuäu jȩpü̧ iyü ikú, kuä'ü ikuinä̧tü̧jä̧, ü̧jo̧kä̧nü̧ toe'ächünä̧, suronä̧ jȩpä̧tü̧ ttu̧mü̧nä̧.

Hechos 20:27

Isopäi'ünä̧ Dio amükuädinü̧mä̧, yedekuoka'a o'kajuiyünä̧ ji'äwinü̧sä̧.

Hechos 20:32

Ja̧'wa̧nü̧ ja̧'a̧ttü̧ chawaruwä chü̧jä̧wa̧tü̧ Dio u̧mü̧nä̧ wedipä̧u̧jä̧ ja̧'wa̧ta̧nü̧ rettü iyipinü̧ i̧wȩnȩnä̧. Jua̧u̧tä̧tä̧ ja̧'a̧ Epíritu jäwänä̧ buojuokuätukunä̧ ppä̧dä̧kua̧mä̧ ja̧'wa̧ta̧nü̧ Chutä ȩmi̧nä̧u̧ o'katoi'ünä̧rü̧ chi̧yä̧kua̧sä̧ pä'inü̧, iyümä̧.

Hechos 26:18

tti'äre bakuepa pä'ü, yo̧ü̧ttü̧ tȩya̧u̧ku̧ tti'ärowächa pä'ü; Satanás ujuruttü Dio-ku tti'ärowächa pä'ü; suronä̧ jȩttä̧'i̧ja̧'a̧, jua̧u̧ jȩpü̧ chi̧kuä̧u̧, tta̧'kua̧ wȩnä̧kuä̧wä̧ ttüttü tȩmä̧kua̧'a̧nü̧, surojü jui'ätü jü̧nä̧tä̧.

Hechos 4:28

Ja̧'wa̧nü̧ ja̧'a̧nä̧, juätü jȩttü̧mä̧ suro uku ku̧wo̧juo̧mȩnä̧ amükuädü ku̧ju̧ni̧nü̧tä̧ 'kuäopa'a.

Romanos 11:34

Ja̧'wa̧nü̧ ja̧'a̧ttü̧ ¿Ditäjä̧ttü̧ Tu̧ru̧wa̧ amükuädü wo̧jui̧'i̧nü̧mä̧? ja̧'wa̧ta̧nü̧ ¿Ditä ja̧'a̧jä̧ttü̧ jua̧u̧ Dio-rü ro̧'ȩpä̧rä̧'i̧jü̧mä̧? pä'a Wȩyu̧kuä̧ wȩnȩ.

Romanos 8:17

Ja̧'wa̧nü̧ i̧tti̧mü̧ ta'amä̧, iya päinü̧mä̧ tiäremä̧ tȩmä̧kuo̧tü̧jä̧ ja̧'wa̧ta̧nü̧ Crito üäremä̧ ujutu'i̧nä̧ tüäre ja̧'a̧, chutäku usurä tȩmä̧u̧ttü̧mä̧, chutäku uruwonä̧ iyäwi'äkuä̧u̧jä̧.

Romanos 8:28

Ja̧'wa̧ta̧nü̧ wo̧juä̧tü̧jä̧, Dio-rü repe'ü esewätürümä̧ o'kajuiyünä̧tä̧ adiu ppä̧dä̧u̧ pä'ü, churutä pä̧wä̧rü̧jo̧mȩnä̧ woinä̧u̧ru̧mä̧.

Romanos 8:29

Isopäi'ünä̧ ä'kanä̧ u̧wo̧jui̧nä̧u̧ru̧mä̧, ä'kojitä jȩpü̧ u̧ju̧ni̧nä̧u̧ I̧tti̧ jü̧ta̧'a̧nü̧ juottächa pä'ü, jua̧u̧ru̧mä̧ juätümä̧ ttä'kanä̧ ttubüo jü̧nä̧tä̧ jä̧kua̧'a̧nü̧.

Romanos 8:30

Ja̧'wa̧nü̧ ä'kanä̧ jo̧mȩnü̧ jȩi̧nä̧u̧ru̧mä̧, juätürütä wopinü̧; juätü woinä̧u̧ru̧mä̧, adiwä isotütä päi'ünä̧ pärotü ikuinä̧u̧; ja̧'wa̧ta̧nü̧ adiwä isotütä päi'ünä̧ ü'ärotinä̧u̧ru̧mä̧ chutä üadiwä iyinä̧u̧.

Romanos 9:11

(Jua'amä̧ ji̧nä̧ uwäpächü juiyäi ji̧na̧'a̧, ji̧nä̧ adiu'i̧nä̧, surojü'i̧nä̧ jȩü̧ juiyäi, jua'amä̧ Dio amükuädü ȩmi̧nü̧'a̧kuä̧ ja̧ pä'ü ji̧na̧'a̧, jȩpü̧ ttü̧jü̧ttü̧mä̧ jo̧ka̧'a̧ Dio amükuädü woü'akuä ja̧ pä'ü ja̧'a̧).

Gálatas 3:18

Isopäi'ünä̧ Dio ujuturu iya päinü̧mä̧, Moisé weäwä wȩnȩ ukuotätürütä iya päinü̧ttü̧mä̧, jua̧u̧nu̧mä̧, täkü mipponä̧mä̧ jo̧ka̧'a̧; ja̧'wa̧nü̧ ja̧'a̧nä̧ Abraha̧-rü̧mä̧ Dio-mä̧ chi̧yä̧kua̧jä̧ päinü̧mä̧, mikuämä̧ jäepoka'atä chi̧yä̧kua̧jä̧ päinä̧ku̧.

Efesios 1:14

Ujuturu Dio iya päinü̧mä̧ Jua̧u̧ Epíritu-nä̧ todepätüjä̧, o'katoi'ünä̧ ukutu u̧mü̧wä̧yotürü rä'epü ikuomȩbü päi'ünä̧. Ja̧'wa̧nü̧ jo̧mȩttü̧ Dio ü̧rü̧ä̧ esewätüjä̧.

Efesios 1:18

Ja̧'wa̧ta̧nü̧ jädepomȩnä̧mä̧, kua̧mi̧so'kituku'i̧nä̧ bawekuächünä̧ i̧tȩya̧u̧ kkä̧dȩpa̧ pä'ü jä'epüsä, tta̧tä̧rä̧'i̧jü̧mä̧ ji̧yȩja̧ ja̧'a̧ tä̧jí̧ pä'ü kkä̧nü̧ churutä esetätürü iäre i̧yä̧kuȩ ukuou'i̧nä̧ ku̧wo̧juä̧tu̧kua̧ pä'ü.

Efesios 1:5

Rü̧ȩnä̧ repea'attü̧, ä̧kuo̧mȩnä̧tä̧ päi'ünä̧ pojopü u̧ju̧ni̧nä̧u̧jä̧, I̧tti̧ Jesucrito-nä̧ i̧tti̧mü̧ päi'ünä̧ ȩma̧tü̧ pä'ümä̧, churutä pä̧wä̧rü̧jo̧mȩnä̧.

Efesios 1:8

Dio-tä rü̧ȩnä̧ iyinä̧u̧jä̧ wo̧juȩku̧nä̧ o'kajuiyünä̧ u̧wo̧jua̧'a̧ttü̧.

Efesios 1:9

Dio yä̧wä̧i̧nä̧ ä'kojitä päi'ünä̧ amükuädinü̧mä̧, Crito-nä̧tä̧ tu̧wo̧jui̧pü̧nä̧ jȩi̧näu̧jä Churutä pä̧wä̧rü̧jo̧mȩnä̧.

Efesios 3:11

Pi̧yȩtä̧ ja̧'a̧, ä̧kuo̧mȩnä̧ttü̧tä̧ päi'ünä̧ Dio amükuädü u̧ju̧ni̧nü̧mä̧, ja̧'wa̧ta̧nü̧ jua̧u̧mä̧ Tu̧ru̧wa̧ Jesucrito-nä̧tä̧ iso juo'epinü̧.

Colosenses 1:12

Jä'o Dio-rü kuesewäkuotüjä̧, i̧tti̧mü̧rü̧ i̧yä̧kuȩ jäwä tȩya̧u̧ ruwo ȩmü̧.

Colosenses 3:24

Ukutumä̧ wo̧juä̧tü̧jä̧ Tu̧ru̧wa̧ mikuä i̧yä̧kuȩmä̧, i̧tti̧mü̧rü̧ iya päinü̧mä̧. Jua'amä̧ Crito-rü, Tu̧ru̧wa̧rü̧ ukuotü jȩta̧'a̧ttü̧.

Tito 2:14

Ja̧u̧ ji̧na̧'a̧ ujutunä̧ o'kajuiyünä̧ surojüttü rä'epü iku tükü ikua pä'ü wa'arera̧'a̧ iyäwinümä̧, ja̧'wa̧nü̧ jȩpü̧ chutä pojopü ȩmi̧nä̧u̧ päti'ünä̧ pärotinü̧, pojopü ȩmi̧nä̧u̧ adiunä̧ jȩä̧kuä̧wä̧ amükuädätü jü̧nä̧tä̧.

Tito 3:7

rü̧ȩnä̧ repeomȩttü̧, Dio-mä̧ ȩmi̧nä̧u̧jä̧ kkä̧kuä̧wä̧ i'ko tȩma̧ pä'ü iyinä̧u̧jä̧ tȩmä̧kuo̧tü̧jä̧ tta̧tä̧rä̧'i̧jü̧mä̧.

Hebreos 6:17

Ja̧'wa̧nü̧ ja̧'a̧ttü̧, iyäkuä̧u̧ru̧ Dio-mä̧ chi̧yä̧kua̧sä̧ päinü̧mä̧ pärowächü juiyünä̧ jueünä̧tä̧ iya pä'ü ukuokuinü̧, juramento pättünä̧ wȩnȩtü̧.

Santiago 2:5

Chawaruwä chü̧jä̧wa̧tü̧ pi̧yȩ adiu ä̧ju̧kuä̧tu̧kui̧: Dio-mä̧ pi̧jä̧nä̧ttü̧ usurä isotürü pojopü ȩmi̧nü̧ tta̧'kua̧ wȩnä̧rä̧kuä̧wä̧nä̧ ruwotü juotta pä'ü, ja̧'wa̧ta̧nü̧ eseu rȩpȩä̧u̧ru̧ Ru̧wa̧ Dio iäre ju'to uruwotü pätti'ünä̧, chi̧yä̧kua̧sä̧ päinü̧ ji̧nü̧ ttȩma̧ pä'ümä̧;

1 Pedro 1:4

Ja̧'wa̧ta̧nü̧ ukutu Dio mo̧ro̧jä̧nä̧ adiu jȩpü̧ u̧ju̧ni̧nü̧ toe'ächokü, joächächokü ju'to kuiäretuku päi'ünä̧ kuȩmä̧tu̧ku̧nä̧ jȩä̧kuä̧u̧jä̧.

1 Pedro 3:9

Surojünä̧mä̧ mikuämä̧ päkuätukuä, ja̧'wa̧ta̧nü̧ suronä̧ pä'chäkuäwänä̧'i̧nä̧, to'ija̧'a̧ku̧tä̧ adiwäjueitä iyätukui, ja̧'wa̧nü̧ ja̧'a̧ttü̧ Dio-mä̧ adiwäjuei kuȩmä̧tu̧kua̧ pä'ü woinä̧u̧jä̧.