Efesios 1:1 - Nuevo Testamento Uwotjüja

¹ Ttü Pauru, Dio üjü'komȩnä̧, Jesucrito-mä̧ apóto jü̧nä̧ weinä̧ku̧ cha'attü, Éfeso ütawiyä ttü̧ja̧rü̧ te'äusä, Jesucrito-rü esetätü, surojü jui'ätürü.

TÄ̧DO Ä̧CUÄ̧ I̧HUȨNȨ

¹ Ttö Pablo, Diosrö pä̧huä̧ rö̧jo̧mȩnä̧, Jesucristo huȩ'ä̧hua̧sä̧. Pi̧yȩ cuyäru huȩyu̧tu̧sä̧, Dios i̧tti̧mö̧rö̧, Cristo Jesúsru esetätörö, Efeso ötahuiyänä ka̧cuä̧tö̧rö̧.

Efesios 1:1 Iomraidhean Croise

San Lucas 16:10

A̧'u̧ku̧nä̧tä̧ ja̧ pä'ü'i̧nä̧, adiu tta̧'ä̧rü̧mä̧, rü̧ȩnä̧ jo̧mȩnä̧'i̧nä̧ adiu tta̧'ä̧rü̧; ja̧'wa̧ta̧nü̧ a̧'u̧ku̧nä̧tä̧ jo̧mȩnä̧ adiu tta̧'ä̧ro̧kü̧mä̧, rü̧ȩnä̧ jo̧mȩnä̧'i̧nä̧ adiu tta̧'ä̧ro̧kü̧ jä̧kua̧.

Hechos 16:15

Juäjumä̧, kkawaruwätäku Bautizo jȩttä̧jä̧kua̧ o'kaju, jäjepinä̧u̧jä̧: —Isopäi'ünä̧ Tu̧ru̧wa̧rü̧ ukuotäju päkuätukuttümä̧, chojusodera̧'a̧ kuä'ekuätukua ichätukui. Ja̧'wa̧nü̧ pä'ü kkojusodenä̧ tü̧ja̧kui̧'a̧ pä'ü jäjepinä̧u̧jä̧.

Hechos 18:19

Ja̧'wa̧nü̧ ja̧'a̧, Éfeso ütawiyänä̧ tti̧rȩbȩwi̧'ä̧ja̧'a̧, Pauru-mä̧ juätürü juȩnȩtä̧ kku̧ni̧pü̧, sinagoga isodera̧'a̧ 'chi̧nü̧, judío-ku ukuoku.

Hechos 18:21

te'äwi'ipütä päinä̧u̧: «Dio-rü pä̧wä̧rü̧jo̧mȩnä̧ jü̧ttü̧tä̧, pä'äjita'anü̧mä̧ do'ächü chichäkuä̧u̧jä̧,» jitämä̧ Jerusarȩ́-ra̧'a̧ pä'kärinä̧ chü̧ja̧ pä'ü jä̧ku̧sä̧. Pä'ipütä, Éfeso ütawiyära̧'a̧, woi'kanä̧ 'chi̧nü̧.

Hechos 9:13

Pä'ü weäku Ananía-mä̧ pä'inü̧: Chu̧ru̧wa̧, päkuäku ütü'kümä̧ rü̧ȩnä̧ ä̧ju̧kuä̧'i̧jü̧sä̧ ja̧'wa̧ta̧nü̧ Jerusarȩ́-ttü̧ uku kuȩmi̧nä̧u̧ru̧ suronä̧ jȩa̧'a̧'i̧nä̧ ä̧ju̧kuä̧'i̧jü̧sä̧;

Romanos 1:1

Ttü Pauru-mä̧, Jesucrito u̧mü̧wä̧ya̧ jü̧nä̧, apóto cha pä'ü, jareü wȩnȩ Dio jäwä ujuturu iyinü̧ jidäwiyarü pä'ü woinä̧ku̧sä̧.

Romanos 1:7

Ukutu Roma-nä̧ kka̧kuä̧tü̧ o'katoi'ünä̧, Dio surojü juiyünä̧ ku̧jä̧tu̧kua̧ pä'ü pojopü ȩmi̧nä̧u̧ru̧ pä'üsä: Jä'o Dio ja̧'wa̧ta̧nü̧ Tu̧ru̧wa̧ Jesucrito iyü adiwä juei wȩnȩ juiyü kkä̧tu̧kua̧ku̧ pä'üsä.

Romanos 8:1

Ja̧'wa̧nü̧ ja̧'a̧ttü̧, jitämä̧ ttidepä pä̧wä̧rü̧ja̧'a̧ku̧ tti̧'cho̧ka̧'a̧ Crito Jesú-nä̧ kka̧kuä̧tü̧rü̧mä̧, Epíritu-ru pä̧wä̧rü̧jo̧mȩnä̧ kka̧kuä̧tü̧rü̧mä̧ ro̧ȩkuä̧mä̧ juiyäkua'a.

1 Corintios 4:12

Tu̧mü̧nä̧ aditü usurä ȩmä̧wä̧tü̧jä̧; Ujuturu suronä̧ ja̧tü̧do pätta'anä̧, pärokua'akumä̧, adiu ja̧tü̧do pä'ütä pä'ätüjä̧; suronä̧ jȩtta̧tü̧ pä'ü ttusa'anä̧, ta̧mi̧ 'ki'ächi'ü kka̧kuä̧tü̧jä̧.

1 Corintios 4:17

Ja̧'wa̧nü̧ ja̧'a̧ttü̧ Timoteo-rü wedinä̧u̧jä̧, Chu̧ru̧wa̧nä̧ chi̧tti̧ ukuotä'ijü rȩni̧'a̧rü̧. Jua̧u̧tä̧ jiäwäkuä̧u̧jä̧ Crito-nä̧ jȩpü̧ chü̧jä̧'i̧jü̧ wȩnȩmä̧, kkoromȩ pünä̧, kkoro igresia pünä̧ chu̧wo̧juȩtä̧'i̧jü'a̧kuä̧.

2 Corintios 1:1

Ttü pauru, apóto jü̧nä̧ Jesucrito ȩmi̧nä̧ku̧, Dio-rü pä̧wä̧rü̧jo̧mȩnä̧ ja̧'wa̧ta̧nü̧ cha̧wa̧ru̧wa̧ chi̧jä̧wa̧ Timoteo-ku te'äwätüjä̧, Dio-rü esetätü Corinto ütawiyänä̧ kkä̧tü̧rü̧'i̧nä̧ ja̧'wa̧ta̧nü̧ Acaya rȩjȩnä̧ kka̧kuä̧tü̧rü̧'i̧nä̧ o'katoi'ünä̧rü̧.

Gálatas 1:1

Ttü Pauru, Apóto päi'ünä̧ wa̧, ttü̧ja̧ weäwänä̧'i̧nä̧, ttü̧ja̧nä̧'i̧nä̧ u̧ju̧no̧ko̧ku̧ pinü̧, Tu̧ru̧wa̧ Jesucrito-nä̧tä̧, jua̧u̧ru̧ wa'arettü tto'ädinü̧ Dio-tä weinä̧ku̧,

Gálatas 3:26

Ja̧'wa̧nü̧ ja̧'a̧ttü̧ ukutumä̧ o'katoi'ünä̧ Dio i̧tti̧mü̧jä̧, Crito Jesú-ru kua̧'kua̧ ku̧wȩnä̧rä̧tu̧kua̧'a̧mä̧.

Gálatas 3:28

Ja̧'wa̧nü̧ ja̧'a̧ttü̧, täkü toa'a judío'i̧nä̧, Grecia ttü̧ja̧'i̧nä̧, ttu̧wo̧juȩtä̧u̧ esclavo wotü'i̧nä̧, ttu̧ru̧wa̧ to'ätü'i̧nä̧, ubo'i̧nä̧, isaju'i̧nä̧, jü̧nä̧; isopäi'ünä̧ Crito Jesú-nä̧mä̧, ukutu o'katoi'ünä̧ ji̧nä̧ ya̧tȩ wotüjä̧.

Gálatas 3:9

Ja̧'wa̧nü̧ ja̧'a̧ttü̧, Abraha̧ ji̧nü̧ta'anü̧ tta̧'kua̧ wȩnä̧rä̧tü̧rü̧mä̧, jua̧u̧tä̧ku̧ ȩmä̧u̧.

Efesios 1:15

Ja̧'wa̧nü̧ jo̧mȩttü̧, ttümä̧, Tu̧ru̧wa̧ Jesú-ru kua̧'kua̧ ku̧wȩnä̧rä̧tu̧kua̧'a̧'i̧nä̧, ja̧'wa̧ta̧nü̧ Dio u̧mü̧wä̧yotürü eseu repe'ü jȩ'kuä̧tu̧kua̧'a̧'i̧nä̧ ä̧ju̧kui̧nü̧'ka̧,

Efesios 2:10

Ja̧'wa̧nü̧ ja̧'a̧ttü̧ Dio-tä aditinä̧u̧jä̧: Crito-nä̧tä̧ aditinä̧u̧jä̧ adiwä juei jȩpü̧ tü̧ja̧kua̧ pä'ü, ä'kojitä päi'ünä̧ amükuädü kku̧ni̧nü̧ jua̧u̧ jȩpü̧ tü̧ja̧kuä̧kuȩmä̧.

Efesios 2:13

Ja̧'wa̧nü̧ Dio-ttümä̧ otó kuinä̧tu̧kua̧'a̧nä̧, jitämä̧ tü'kü juo'ächinä̧tü̧jä̧ Crito Jesú ukuojanä̧tä̧.

Efesios 2:6

ja̧'wa̧ta̧nü̧ Crito-ku ttotächünä̧ jȩpü̧, Jua̧u̧tä̧ku̧tä̧ mo̧ro̧jä̧nä̧ tü̧'ä̧mä̧dü̧nä̧ jȩi̧nä̧u̧jä̧.

Efesios 6:21

Ttürü 'kuäopü'i̧nä̧, jȩchü̧'i̧nä̧ o'kajuiyünä̧ jiäwa pä'ü we'üsä ta̧wa̧ru̧wa̧ ti̧jä̧wa̧ repetäku Tíquico-rü, Tu̧ru̧wa̧ i̧wȩnȩ jueünä̧ adikuä i̧sa̧rü̧.

Colosenses 1:2

Crito-nä̧ te'äusä surojü jui'ätü, Colosa ütawiyättü esetätürü: tä'o Dio'i̧nä̧, tu̧ru̧wa̧ Jesucrito'i̧nä̧ umüwäyotü kuätukua'attü wȩnȩ juiyünä̧, eseäkuäwä kkü̧nä̧ ku̧jä̧tu̧kua̧ pä'ü.

Apocalipsis 17:14

Juätümä̧ ttürowäwäkuotü, oweja mü̧ä̧ya̧ jü̧nä̧ wa̧ku̧; ja̧'wa̧nü̧ ja̧'a̧nä̧ jua̧u̧mä̧, umüwäyotüku abo 'kuäo'ä̧kua̧; jua'amä̧ ukuo isotü'i̧nä̧ ttu̧ru̧wa̧ ja̧'a̧ttü̧ ja̧'wa̧ta̧nü̧ ruwotü'i̧nä̧ ttu̧ru̧wa̧ ja̧'a̧ttü̧. Jua̧u̧ku̧ kka̧kuä̧tü̧mä̧ woinä̧u̧tä̧, ȩmi̧nä̧u̧tä̧, ukuotätütä jä̧kua̧'a̧.

Apocalipsis 2:10

Usurä kuȩmä̧wä̧kuȩmä̧ yekuekuätukuä. Äwettämä̧ ukututtü yotüterü kärenä̧ra̧'a̧ 'chuttädünä̧ jȩä̧kua̧, kka̧kuä̧mü̧ toätukuaku pä'ü ja̧'wa̧ta̧nü̧ to̧mü̧rȩ mo̧ro̧ jo̧mȩnä̧ usurä kuȩmä̧wä̧kuo̧tü̧jä̧. Wa'ü kuikuomȩbü päi'ünä̧, kua̧mi̧ 'ki'ächi'ü kkä̧wi̧ ja̧'wa̧nü̧ jo̧mȩnä̧ a̧'kua̧rä̧kuä̧wä̧ premio pättü chi̧yä̧kua̧jä̧.

Apocalipsis 2:13

Ukú ku̧jo̧mȩmä̧ chu̧wo̧juä̧ku̧jä̧, äwettä uruwo dȩä̧kä̧nä̧ weomȩ ku̧ja̧'a̧mä̧. Ja̧'wa̧nü̧ ja̧'a̧nä̧ Ttü chi̧mi̧ 'kiyünä̧ 'chu̧'ä̧rä̧kuä̧u̧jä̧, ttürü ukuotürü Antipa-rü, kuä'ü ttikuinü̧ mo̧ro̧'i̧nä̧, 'kiyünä̧ kki̧nü̧jä̧, juȩnȩmä̧ satanás-mä̧ ü̧ja̧'a̧nä̧.