Apocalipsis 9:1 - Nuevo Testamento Uwotjüja

¹ Ji̧mü̧tȩ jäwä i̧sa̧ á̧gȩ üäre trompeta ppüomȩnä̧, mo̧ro̧jä̧ra̧'a̧ttü̧ pi̧jä̧ra̧'a̧ku̧ ma̧'ä̧ji̧ siri'korü topinü̧sä̧; jua̧u̧ru̧, dȩa̧'a̧ku̧ 'kuȩya̧ppa̧ jäjú rejú llawi iyäwi'ina̧'a̧.

TÄ̧DO Ä̧CUÄ̧ I̧HUȨNȨ

¹ Ka̧ra̧ ángel, ji̧mö̧tȩ ru̧hua̧ päi'önä, öäre trompeta ppö'inö. Ppöomenä, ya̧tȩ siri'comä mo̧ro̧jä̧ra̧'a̧ttö̧ pi̧jä̧cu̧ ma̧'ö̧rö̧ topinösä. Ja̧u̧ siri'comä ttiyinäcu reju, yoröiso beipocoju llave.

Apocalipsis 9:1 Iomraidhean Croise

San Lucas 10:18

Pättiyäku, Jesú-mä̧ päinä̧u̧: —Ttümä̧ topinü̧sä̧, Satanás-rü̧, ku'upä ürowa'a jä̧'i̧nü̧'a̧nü̧, mo̧ro̧jä̧ra̧'a̧ttü̧ ma̧'ä̧chü̧ juiächa'a.

San Lucas 8:31

Ja̧'wa̧ta̧nü̧ rü̧ȩnä̧, Jesú-ru ajuäkuäwinü̧, dȩa̧'a̧ku̧ 'kuȩya̧ppa̧ jä̧ju rejura̧'a̧ we'ü iku juiyatü pä'ü.

Romanos 10:7

Ja̧'wa̧nü̧ jü̧ juiyüttü'i̧nä̧ ¿dí jä̧kua̧'a̧jä̧ttü̧ wa'are rejura̧'a̧ i̧mȩyȩwä̧kua̧mä̧? —Jua̧u̧ pä'ümä̧, Crito-rü wa'inä̧tü̧ ttü̧'kä̧tȩttü̧ ttoächa pä'ütä päwä ja̧'a̧.

Apocalipsis 1:18

ja̧'wa̧ta̧nü̧ jitämä̧ a̧'kua̧rü̧sä̧, ya'utenä̧mä̧ 'korujuo'ächinü̧sä̧; ja̧'wa̧nü̧ ji̧na̧'a̧nä̧ jitämä̧, mo̧ro̧ kki̧ä̧mü̧nä̧ kkü̧sä̧. Ja̧'wa̧ta̧nü̧ wa'are ujuru u̧wä̧mȩnä̧ wa̧sä̧, chujurumä̧.

Apocalipsis 1:20

Ku̧wo̧jui̧pü̧ juiyünä̧ jä̧ji̧, chu̧wo̧jua̧'a̧ku̧nä̧ 'chu̧dä̧rä̧jä̧u̧ kko̧ro̧mü̧ttü̧nü̧ ta̧ju̧ si̧ri̧'ko̧tü̧ päjätümä̧; kko̧ro̧mü̧ttü̧nü̧ tokäre tȩya̧u̧ kku̧nä̧wä̧ okä oro okä jä̧ji̧'i̧nä̧ jü̧nä̧mä̧, pi̧yȩ ja̧'a̧: Kko̧ro̧mü̧ttü̧nü̧ ta̧ju̧ si̧ri̧'kü̧ päjätümä̧, kko̧ro̧mü̧ttü̧nü̧ todäre igresia-ttü á̧gȩrȩ-rü päteta'a; ja̧'wa̧ta̧nü̧ kko̧ro̧mü̧ttü̧nü̧ tokäre tȩya̧u̧ kku̧nä̧wä̧ okä jä̧ji̧mä̧, kko̧ro̧mü̧ttü̧nü̧ todäre igresia-rü päteta'a.

Apocalipsis 11:7

Ja̧'wa̧nü̧ ja̧'a̧ ji'äu kättädü o'ka'amä̧, 'kuȩya̧ppa̧nü̧ jä̧ju rejuttü rä'opü i̧sa̧ Betia pättäkumä̧ juätuku ürowäwä̧kua̧, juätüttü'i̧nä̧ abo 'kuä'o'ü, kuä'ü i̧kuä̧kuä̧u̧.

Apocalipsis 17:8

Jua̧u̧ i̧sa̧ büó betia to'kuäjäkumä̧, ya̧tȩ kki̧nü̧ ja̧'a̧ ja̧'wa̧nü̧ ja̧'a̧nä̧ jitämä̧ täkü kko̧kü̧; ja̧'wa̧nü̧ ja̧'a̧nä̧, rȩjȩku̧ 'kuȩya̧ppa̧nü̧ ja̧'a̧ttü̧ räopä̧kua̧, jo̧mȩnü̧ kuä'ü ikuäwarü pä'ü. Pi̧jä̧ ttü̧ja̧, pi̧jä̧ uwäbeinomȩttü̧ kkä̧mä̧dü̧, kkä̧kuä̧wä̧ kuyäru'tänä̧ tti̧mi̧pi̧yä̧ jui'ätümä̧, jua̧u̧ i̧sa̧ büó betia, täbokü kki̧nü̧ ja̧'a̧nä̧, jitämä̧ kko̧kü̧rü̧, ja̧'wa̧ta̧nü̧ ü̧jä̧kua̧rü̧ topü, to̧o̧ to̧ttä̧rä̧kuo̧tü̧, jua̧u̧ru̧ topü.»

Apocalipsis 20:1

Ya̧tȩ á̧gȩ-rü̧, mo̧ro̧jä̧ra̧'a̧ttü̧ i̧mȩyȩwa̧'a̧ topinü̧sä̧, dȩa̧'a̧ 'kuȩya̧ppa̧nü̧ ja̧'a̧ llawiku'i̧nä̧, kärenä̧sa̧ rü̧ä̧sa̧ u̧mü̧nä̧ 'chu̧ä̧rä̧nü̧.

Apocalipsis 20:10

Jua̧u̧ äwettä, juätürü yaparewinü̧rü̧mä̧, okurä rü̧a̧rä azufre pättü jueittü kuoaränä̧ do'opü ikuinä̧ku̧, i̧sa̧ büó betia'i̧nä̧, ya̧pa̧rȩwa̧ profeta'i̧nä̧ ttü̧'ȩja̧ränä̧; Juorümä̧ usurä ttȩmä̧wä̧kuo̧tü̧, mo̧ro̧'i̧nä̧, yodo'i̧nä̧ kki̧ä̧mü̧nä̧tä̧.

Apocalipsis 6:13

Ja̧'wa̧ta̧nü̧ mo̧ro̧jä̧ si̧ri̧'kü̧mä̧ pi̧jä̧ra̧'a̧ku̧ ma̧'ä̧chi̧nä̧tü̧, higuera pättü dauttü, rü̧ȩnä̧ kkä̧rü̧'ko̧wo̧mȩnä̧ u̧wä̧ju̧ ttawäwächa'a jä̧'i̧nü̧'a̧nü̧.

Apocalipsis 8:10

Ja̧'wa̧ta̧nü̧ wä̧mȩtukuä päi'ünä̧ á̧gȩ trompeta ppüomȩnä̧, mo̧ro̧jä̧ra̧'a̧ttü̧ ya̧tȩ siri'ko büó, okurä kuoa'a jä̧'i̧nü̧'a̧nü̧ kuoa'a ma̧'i̧nü̧; ma̧o̧mȩnä̧ ajewiyä räopomȩ'i̧nä̧, ajewiyänä̧'i̧nä̧ ma̧'i̧nü̧, o'kajuiyünä̧ pä'a pä'ümä̧ a̧'u̧ku̧nä̧tä̧ juiyünä̧.

Apocalipsis 8:12

Ja̧'wa̧ta̧nü̧ pa̧ja̧kuä̧nü̧ päi'ünä̧ á̧gȩ trompeta ppüomȩnä̧, mo̧ro̧ kkä̧wa̧'i̧nä̧, yodó kkä̧wa̧'i̧nä̧ ja̧'wa̧ta̧nü̧ si̧ri̧'kü̧'i̧nä̧, a̧'u̧ku̧nä̧tä̧ ttü̧ji̧pü̧nä̧ surojuoächina̧'a̧. Ja̧'wa̧nü̧ päi'omȩnä̧ na̧wi̧'o̧mȩnä̧, mo̧ro̧'i̧nä̧, yodo'i̧nä̧ a̧'u̧ku̧nä̧tä̧ kka̧kui̧pi̧na̧'a̧ adiumä̧.

Apocalipsis 8:2

Ja̧'wa̧nü̧ ja̧'a̧ topinü̧sä̧, kko̧ro̧mü̧ttü̧nü̧ ta̧ju̧ á̧gȩrȩ-rü, Dio ä'kajo̧mȩ kka̧kuä̧tü̧rü̧; juätürü iyäwi'ina̧'a̧ yotukunä̧rü̧ ji̧yȩtȩ trompeta pünä̧.

Apocalipsis 9:2

Ja̧'wa̧nü̧ ja̧'a̧ juäju 'kuȩya̧ppa̧ jäjú bawepomȩnä̧, rü̧ȩnä̧ kuoä'u iso'uttü käepä'inü̧'a̧nü̧ isoppa käepina̧'a̧; ja̧'wa̧nü̧ käepomȩnä̧ mo̧ro̧ kkä̧wa̧'i̧nä̧, juättoppa'i̧nä̧ yo̧i̧'i̧na̧'a̧.