Apocalipsis 8:12 - Nuevo Testamento Uwotjüja

¹² Ja̧'wa̧ta̧nü̧ pa̧ja̧kuä̧nü̧ päi'ünä̧ á̧gȩ trompeta ppüomȩnä̧, mo̧ro̧ kkä̧wa̧'i̧nä̧, yodó kkä̧wa̧'i̧nä̧ ja̧'wa̧ta̧nü̧ si̧ri̧'kü̧'i̧nä̧, a̧'u̧ku̧nä̧tä̧ ttü̧ji̧pü̧nä̧ surojuoächina̧'a̧. Ja̧'wa̧nü̧ päi'omȩnä̧ na̧wi̧'o̧mȩnä̧, mo̧ro̧'i̧nä̧, yodo'i̧nä̧ a̧'u̧ku̧nä̧tä̧ kka̧kui̧pi̧na̧'a̧ adiumä̧.

TÄ̧DO Ä̧CUÄ̧ I̧HUȨNȨ

¹² Ka̧ra̧ ángel, pa̧ja̧cuä̧nö̧ päi'önä, öäre trompeta ppö'inö. Ppöomenä, mo̧ro̧ kä̧hua̧'i̧nä̧, yodo kä̧hua̧'i̧nä̧, si̧ri̧'cö̧'i̧nä̧ ju'tomecutä surojuo'ächinätö. Ja̧'hua̧nö̧ surojuottächomenä, yoröiso yo̧i̧na̧'a̧ ttitejädoca'attö. Ja̧'hua̧ta̧nö̧ mo̧ro̧'i̧nä̧, yodo'inä ju'tomecutä, a̧'u̧cua̧'a̧tä̧ yoröiso tejädocotö pi̧nä̧tö̧.

Apocalipsis 8:12 Iomraidhean Croise

San Mateo 24:29

Usurä ttȩmä̧wä̧ji̧ mo̧ro̧mä̧ beipächi'a'anä̧, yotäku mo̧ro̧ kkä̧wa̧mä̧ na̧wi̧'ä̧kua̧ ja̧'wa̧ta̧nü̧ yodó kkä̧wa̧'i̧nä̧ na̧wi̧'ä̧kua̧'a̧, si̧ri̧'kü̧'i̧nä̧ mo̧ro̧jä̧ttü̧ ttattäwächäkuotü ja̧'wa̧ta̧nü̧ mo̧ro̧jä̧nä̧ttü̧ ujuru'i̧nä̧ ttü̧ȩpä̧kua̧'a̧.

San Mateo 27:45

Kkä̧wa̧ jueü kkü̧rü̧, pi̧jä̧ o'kajuiyünä̧ yo̧ä̧i̧ja̧'a̧mä̧, ni̧pä̧ro̧mȩ las tres-bü päi'ünä̧, yo̧i̧na̧'a̧.

San Marcos 13:24

Ja̧'wa̧nü̧ ja̧'a̧nä̧ ji̧yȩnü̧ mo̧ro̧ usurä ttȩmä̧u̧ o'ka'a päi'omȩnä̧; kkä̧wa̧mä̧ na̧wi̧'ä̧kua̧'a̧ ja̧'wa̧ta̧nü̧ yodó kkä̧wa̧'i̧nä̧ kkȩdȩpo̧ka̧'a̧ jä̧kua̧'a̧.

San Marcos 15:33

Ja̧'wa̧nü̧ ja̧'a̧mä̧, kkä̧wa̧ jueü kkü̧rü̧ päia'a pi̧jä̧ o'kajuiyünä̧ yo̧i̧'i̧na̧'a̧, ni̧pä̧ro̧mȩ las tres-bü päi'ünä̧.

San Lucas 21:25

Ja̧'wa̧ta̧nü̧ mo̧ro̧ kkä̧wa̧nä̧'i̧nä̧, yodó kkä̧wa̧nä̧'i̧nä̧, si̧ri̧'kü̧nä̧'i̧nä̧, ttu̧wo̧juö̧nä̧ i̧jȩkuä̧kua̧'a̧; ja̧'wa̧ta̧nü̧ pi̧jä̧ rȩjȩnä̧ttü̧ ttü̧ja̧mä̧ ttajuäkuäwäkuotü, rü̧ä̧ aje ppawa'a ä̧ju̧ku̧ yettekue'äkuotü.

Hechos 2:20

Mo̧ro̧ kkä̧wa̧'i̧nä̧ yo̧i̧'ä̧kua̧'a̧, yodó kkä̧wa̧'i̧nä̧ ttukuoja 'kua̧rü̧nä̧ kuokuäkua'a, Tu̧ru̧wa̧ ichü adiu jȩä̧kuȩ, ukuo mo̧ro̧ ä'kanä̧mä̧.

2 Corintios 4:4

Ja̧'wa̧nü̧ ja̧'a̧ttü̧, esetokotürümä̧, pi̧jä̧nä̧ttü̧ ttü̧ä̧nä̧wa̧mä̧ ttu̧wo̧juö̧ juiyünä̧ ä̧to̧dü̧ ikuinä̧u̧, jareü wȩnȩ i̧tȩya̧u̧ Crito üadiwä kkä̧dȩpü̧ juiyatü pä'ü, jua̧u̧mä̧ Dio a̧'kua̧juä̧ ja̧'a̧ttü̧.

Apocalipsis 12:4

Jua̧u̧ iwiribünä̧ iwi'kuo'ächomȩnä̧ mo̧ro̧jä̧nä̧ttü̧ si̧ri̧'kü̧mä̧ rekuätü juatächi'ü, pi̧jä̧ra̧'a̧ku̧ ma̧'ä̧mi̧nä̧tü̧. Ja̧'wa̧nü̧ ja̧'a̧ dragó̧ pättäkumä̧, isaju kkä'ka jo̧mȩ kkä̧mä̧di̧nü̧, o'kaju juojomȩnä̧, ji̧'chi̧cha̧wa̧rü̧ ukui'a pä'ü.

Apocalipsis 16:10

Ja̧'wa̧ta̧nü̧ ji̧mü̧tȩ jäwä päi'ünä̧ wa̧ á̧gȩ üäre copa i̧so̧'ta̧ to'inü̧, i̧sa̧ büó betia uruwo dȩä̧kä̧nä̧; toomȩnä̧ jua̧u̧ uruwomä̧ yo̧ü̧nä̧tä̧ päi'ina̧'a̧. Ttü̧ja̧mä̧, rü̧ȩnä̧ ba̧ra̧wä̧u̧ tti̧nȩnä̧ yü̧yü̧pä̧kuä̧wi̧nä̧tü̧.

Apocalipsis 6:12

Ja̧'wa̧ta̧nü̧ topinü̧sä̧, oweja mü̧ä̧ya̧ jü̧nä̧ wa̧ kko̧ro̧mü̧ttü̧nü̧ jü̧ sello bawepomȩnä̧, rü̧ȩnä̧ ttü̧ȩpa̧'a̧ttü̧ rȩjȩ pparächi'a'a. Ja̧'wa̧ta̧nü̧ mo̧ro̧ kkä̧wa̧mä̧, wa'ü tti̧kui̧yä̧u̧ ajuäu ttü̧'ka̧tä̧wä̧ta̧ jä̧'i̧nü̧'a̧nü̧ idikuächi'ina̧'a̧; ja̧'wa̧ta̧nü̧ yodó kkä̧wa̧mä̧ ttukuoja jä̧'i̧nü̧'a̧nü̧ jä̧ttä̧pä̧ya̧ pärowächinü̧.

Apocalipsis 9:15

Ja̧'wa̧nü̧ ja̧'a̧ttü̧, juätü pa̧ja̧kuä̧nü̧ A̧gȩrȩ-mä̧ ejädü ikuinä̧u̧, pi̧jä̧nä̧ kka̧kuä̧tü̧ ttü̧ja̧rü̧ o'katoi'ünä̧ päi'a pä'ümä̧ a̧'u̧ku̧nä̧tä̧ juiyünä̧ päi'ünä̧ kuä'äu ttikua pä'ü. Jua'amä̧, ä̧tȩkuä̧nä̧ jua̧u̧ hora päi'omȩnä̧, mo̧ro̧ päi'omȩnä̧, kkä̧wa̧ päi'omȩnä̧ ja̧'wa̧ta̧nü̧ año päi'omȩnä̧ pätetü u̧ju̧ni̧nä̧u̧ ji̧na̧'a̧.

Apocalipsis 9:18

Pi̧jä̧ ttü̧ja̧mä̧, o'katoi'ünä̧ päi'a pä'ümä̧ a̧'u̧ku̧nä̧tä̧ toünä̧ jo̧mȩnä̧ to'e'inä̧tü̧ jua̧u̧ okurättümä̧, jua̧u̧ okurä isoppattümä̧ ja̧'wa̧ta̧nü̧ jua̧u̧ azufre pättüttümä̧.