Apocalipsis 7:2 - Nuevo Testamento Uwotjüja

² Ja̧'wa̧ta̧nü̧ kka̧ra̧ á̧gȩ-rü̧, kkä̧wa̧ räopa'akuttü, kkü̧ Dio üäre sello pättü pȩjä̧ku̧ icha'a topinü̧sä̧; Jua̧u̧mä̧ kkorotü pa̧ja̧kuä̧nü̧ wotü á̧gȩrȩ-rü pä̧i̧ku̧nä̧ wopinü̧, pi̧jä̧nä̧'i̧nä̧, rü̧ä̧ duboranä̧'i̧nä̧ surojuottepa pä'ü ttujuru i̧yä̧wi̧'i̧nä̧u̧ru̧:

TÄ̧DO Ä̧CUÄ̧ I̧HUȨNȨ

² Ja̧'hua̧ta̧nö̧ ka̧ra̧ ángel kä̧hua̧ räopa'attö icha'a topinösä. Ja̧u̧ ángel Dios kö̧ öäre sello ru̧nä̧ri̧nö̧. Ja̧u̧ ángel i̧huȩnȩnä̧ pä̧icu̧nä̧ huopinö korotö pa̧ja̧cuä̧nö̧ ángelesrö pi̧jä̧nä̧'i̧nä̧, dubora rö̧oranä'inä suronä jȩtta̧ pä'ö, ttujuru ȩmi̧nä̧tö̧rö̧. Ja̧u̧ pä'inö:

Apocalipsis 7:2 Iomraidhean Croise

San Mateo 16:16

Päomȩnä̧, Simón Peduru-mä̧ päinä̧ku̧: —Ukumä̧, Crito-jä̧, a̧'kua̧rü̧ kkä̧ku̧ Dio weinä̧ku̧.

San Mateo 26:63

Ja̧'wa̧nü̧ pä'anä̧ Jesú-mä̧ ädätokoku, sacerdote ttu̧ru̧wa̧mä̧ jua̧u̧ru̧ pä'inü̧: —Dio kkü̧ i̧mi̧nä̧ wedäkujä̧, isopäi'ünä̧ Dio i̧tti̧ Jesucrito kuttümä̧ jikuäwatü pä'üsä.

San Juan 6:27

Ku̧kuȩtu̧ku̧ beipächünä̧mä̧ kuaditätukuä, jua̧u̧ ja̧jü̧jueimä̧ kuäkuäwä beipächokü, kkä̧kuä̧wä̧ i'ko iyinü̧tä̧ aditätukui. Ja̧'wa̧nü̧ jü̧ ja̧'a̧, kuäkuäwä ubo I̧tti̧ ukuturu i̧yä̧kuȩmä̧, isopäi'ünä̧ Jua̧u̧nä̧ pätetü u̧ju̧ni̧na̧'a̧ttü̧, Jä'o Dio-mä̧.

2 Corintios 1:22

ja̧'wa̧ta̧nü̧ Jua̧u̧tä̧tä̧, sello-nä̧ jȩpü̧ u̧ju̧ni̧nä̧u̧jä̧, Chutä isotü ta pä'ümä̧: Ja̧'wa̧nü̧ jȩpü̧mä̧ Epíritu Sa̧tu̧rü̧ iyinä̧u̧jä̧ ta̧mi̧ iso'kinä̧.

Efesios 1:13

Ja̧'wa̧ta̧nü̧ Jua̧u̧nä̧tä̧ ukutumä̧ jueü wȩnȩ'i̧nä̧, surojüttü kki̧'ä̧kuä̧wä̧'i̧nä̧, kuä̧ju̧kui̧nä̧tu̧kua̧'a̧ttü̧ ja̧'wa̧ta̧nü̧ jua̧u̧ru̧tä̧ kuesetinä̧tu̧kua̧'a̧ttü̧, Epíritu Sa̧tu̧nä̧ sello-nä̧ i̧nȩpü̧ ttüta'a jä̧'i̧nü̧'a̧nü̧ jȩi̧nä̧u̧jä̧, päinü̧'a̧kuä̧.

Efesios 4:30

Epíritu Sa̧tu̧rü̧ a̧'kua̧ tta̧wȩpü̧nä̧mä̧ jȩ'kuä̧tu̧kuä̧, jua̧u̧nä̧tä̧ sello tatta'a jä̧'i̧nü̧'a̧nü̧ jȩpü̧ u̧ju̧ni̧nä̧u̧jä̧, ji̧yȩnü̧ mo̧ro̧ surojüttü rä'epü ikuomȩnä̧ u̧wo̧jua̧ pä'ü.

1 Tesalonicenses 1:9

Isopäi'ünä̧ o'katoi'ünä̧ ukuokuätü, ujuturu tichäja'a adiu jȩ'kui̧nä̧tu̧ku̧mä̧, ja̧'wa̧ta̧nü̧ ji'äwätü ku̧ä̧nä̧wa̧tu̧ku̧ tta̧'kua̧juä̧ tätäwä'karü kuesetinä̧tu̧kua̧'a̧, jaropi'ü Dio a̧'kua̧rü̧rü̧, jueü wȩnȩ i̧sa̧rü̧ kuesetinä̧tu̧kua̧'a̧'i̧nä̧.

2 Timoteo 2:19

Ja̧'wa̧nü̧ ja̧'a̧nä̧ Dio-mä̧ kkada'ka adiu 'kiyünä̧ 'chu̧ä̧ro̧mȩ jȩpü̧ kku̧ni̧nü̧, juȩnȩ wȩyu̧kuä̧mä̧ pä'a: Tü̧ä̧nä̧wa̧mä̧ chutäku todepätürü wo̧jua̧; ja̧'wa̧ta̧nü̧ «o'katoi'ünä̧ tü̧ä̧nä̧wa̧ i̧mi̧nä̧ jä'epätümä̧ surojüttü 'kȩ'i̧pä̧chi̧nä̧tü̧».

Hebreos 12:22

Ja̧'wa̧nü̧ ji̧nü̧ juei ukutumä̧, tü'küpächi'inä̧tü̧jä̧, Sión mü̧ä̧'kanä̧, Dio wa'okü ü̧jo̧mȩ ütawiyänä̧, mo̧ro̧jä̧ra̧'a̧ttü̧ Jerusarȩ́-nä̧ ja̧'wa̧ta̧nü̧ rekuätü á̧gȩrȩ, Dio-rü eseäkuäu ttü̧ka̧ka̧kuo̧mȩku̧,

Apocalipsis 1:3

Pi̧yȩ 'kuäopä̧kuȩ wȩnȩ topü ukuokurumä̧ ja̧'wa̧ta̧nü̧ ä̧ju̧ku̧ ukuotätürümä̧, rü̧ȩnä̧ eseäkuäwä kka̧'a̧, täkü jua̧u̧ 'kuäopä̧kuȩ mo̧ro̧mä̧ tü'kü ja̧'a̧ttü̧.

Apocalipsis 10:1

Kka̧ra̧ á̧gȩ-rü̧ ujuruku mo̧ro̧jä̧ra̧'a̧ttü̧ i̧mȩyȩwa̧'a̧ topinü̧sä̧, kkä̧rü̧'koppa jakuänä̧; unä̧mä̧ wäyurobü kki̧na̧'a̧. I'ämä̧ kkä̧wa̧ 'kua̧ri̧nü̧ ja̧'wa̧ta̧nü̧ i̧jä̧pi̧yä̧mä̧ okurä 'kua̧ri̧na̧'a̧.

Apocalipsis 10:4

Ja̧'wa̧nü̧ kko̧ro̧mü̧ttü̧nü̧ rä̧mi̧po̧mȩnä̧, chi̧wȩyu̧ta̧ pä'inü̧sä̧; ja̧'wa̧nü̧ ja̧'a̧nä̧ mo̧ro̧jä̧ra̧'a̧ttü̧ rä̧mi̧pi̧na̧'a̧: «Kui̧wȩyu̧tä̧ kko̧ro̧mü̧ttü̧nü̧ todäre jo̧mȩnä̧ rä̧mi̧pä̧ji̧mä̧, dajütä kku̧ni̧,» jü̧nä̧.

Apocalipsis 16:12

Ja̧'wa̧ta̧nü̧ kko̧ro̧mü̧ttü̧nü̧ päi'ünä̧ wa̧ á̧gȩ üäre copa i̧so̧'ta̧, Éufrate aje rü̧o̧tonä̧ to'inü̧; ja̧'wa̧nü̧ toomȩnä̧ juoto ajiya joi'ina̧'a̧, kkä̧wa̧ räopa'akuttü ichätü ruwotü 'kuättopa pä'ü.

Apocalipsis 5:2

Ja̧'wa̧ta̧nü̧ topinü̧sä̧ ya̧tȩ á̧gȩ ju̧ru̧wa̧ pä̧i̧ku̧nä̧ woa'a: ¿Díjä̧ttü̧ kuyäru'tä to̧rä̧dä̧kuä̧wä̧'tä bawepü'anü̧ wa̧mä̧ ja̧'wa̧ta̧nü̧ jua̧u̧ sello pättü jȩpü̧ iku'anü̧ wa̧mä̧?

Apocalipsis 8:3

Jua̧u̧nu̧ o'ka'a kka̧ra̧ á̧gȩ ichi'inü̧ oro i̧so̧'ta̧ 'chu̧ä̧rä̧nü̧, incienso pättü a̧mȩu̧ rü̧ȩnä̧ ȩnä̧wi̧'i̧na̧'a̧ juo̧'ta̧nä̧, altar pättomȩ ä'ka kku̧nä̧wi̧'i̧na̧'a̧, Dio i̧tti̧mü̧ Dio-rü ttukuokuku yo̧mȩtȩnä̧ ppächi'ünä̧ ujuwa pä'ü.

Apocalipsis 9:14

Ja̧'wa̧nü̧ ja̧'a̧ i̧wȩnȩmä̧, kkoromü̧ttü̧nü̧ ji̧yȩtȩ trompeta kku̧nä̧rü̧rü̧ pä'inü̧: Pa̧ja̧kuä̧nü̧ wotü á̧gȩrȩ-rü, aje rü̧o̧to Éufrate jäyä ti̧'ä̧dü̧ kku̧nä̧wo̧tü̧rü̧ kko̧'ä̧dü̧ ikui.

Apocalipsis 9:4

Juätürü weäwi'ina̧'a̧ pi̧jä̧nä̧ttü̧ isä'kua'i̧nä̧, ja̧'tu̧wü̧'i̧nä̧, dauwiyä'i̧nä̧ surojuottepü juiya pä'ü. Ja̧'wa̧nü̧ ja̧'a̧nä̧ Dio üäre sello tti'änä̧ jui'ätürü surojuottepa pä'ü weäwi̧'i̧nä̧u̧.