Apocalipsis 5:5 - Nuevo Testamento Uwotjüja

⁵ Ja̧'wa̧nü̧ chajawiyäku, a̧ci̧a̧nu̧tu̧ttü̧ ya̧tȩ päinä̧ku̧sä̧: «Täkü yabonü̧mä̧ kuajuäwä, Judá isotü i̧sa̧, León pättäku, Dawi i̧tti̧mü̧ isotü i̧sa̧, surojü abo 'kuä'o'inü̧tä̧ ja̧'a̧ juä'tä kuyäru'tä ba'epü'i̧nä̧, kko̧ro̧mü̧ttü̧nü̧ todäre jo̧mȩnä̧ jü̧ sello pättü'i̧nä̧ jȩpü̧ i̧kuä̧kua̧mä̧.»

TÄ̧DO Ä̧CUÄ̧ I̧HUȨNȨ

⁵ Ja̧'hua̧ ja̧'a̧ ya̧tȩ anciano hua̧ ttörö pä'inö: —Juhua'a yabonö cuajuähuä'. Judá ttö̧ja̧ttö̧, León i̧sa̧mä̧, ru̧hua̧ David o'ca'a a̧hua̧ru̧hua̧ ujuruhuinö o'ca'a, sellos'inä jȩpö̧ icu, cuyäru'tä ba'epö i̧cuä̧cua̧.

Apocalipsis 5:5 Iomraidhean Croise

San Lucas 23:28

Ja̧'wa̧nü̧ wotta'a topü, Jesú-mä̧ päinä̧u̧: Jerusarȩ́ ütawiyä nä̧tü̧, ttünä̧mä̧ kuajuäkuäwätukuä. Kui̧tti̧mu̧tu̧ku̧nä̧tä̧ ja̧'wa̧ta̧nü̧ ukutunä̧tä̧ ajuäkuäwätukui.

San Lucas 7:13

Toomȩnä̧, Jesú-mä̧ rȩrü̧jä̧chi̧'ä̧ku̧, juäjuru pä'inü̧: —Täkü kuajuäwä.

San Lucas 8:52

Ja̧'wa̧nü̧ ja̧'a̧ o'katoi'ünä̧ juäjuru rettü ajuäkuäwinä̧tü̧. Ja̧'wa̧nü̧ ji̧yä̧ku̧, Jesú päinä̧u̧: —Kuajuäkuäwätukuä; ji̧'ki̧chawajumä̧, 'korujuo'ächokoju päjäju ja̧'a̧, suro ä'ütä ä'äju.

San Juan 20:13

Juätü jättepinä̧kua̧: —Isaju, ¿Tta̧'a̧nü̧ pä'ü kuajuäwa'ajä̧ttü̧? Pättäkua, pä'inä̧ju̧: —Chu̧ru̧wa̧rü̧ ȩmi̧pä̧jä̧'kotü, ttütäjomȩ'i̧nä̧ jerupü ajuäwäjusä.

Romanos 1:3

Jua̧u̧ wȩä̧kua̧mä̧ I̧tti̧, Tu̧ru̧wa̧ Jesucrito ji̧na̧'a̧, ü̧tä̧mü̧ttü̧mä̧ Dawi isotü i̧sa̧ pinü̧,

Romanos 15:12

Ja̧'wa̧ta̧nü̧ Isaía'i̧nä̧ wȩyu̧ti̧nü̧: «Isaí i̧tti̧mü̧ttü̧, räopä̧kua̧ judío pokotürü ttu̧ru̧wa̧ jü̧nä̧ wȩä̧kua̧mä̧; Judío pokotümä̧ jua̧u̧ru̧tä̧ tta̧ttä̧rä̧kuo̧tü̧.»

Hebreos 7:14

Ja̧'wa̧nü̧ ja̧'a̧, jo̧mȩnü̧ wo̧juä̧tü̧jä̧, Tu̧ru̧wa̧ Jesucrito-mä̧ Judá isotü i̧sa̧ pinü̧ pä'ümä̧ ja̧'wa̧nü̧ ja̧'a̧nä̧ Moisé-mä̧, sacerdote-tü̧ tütü'kü ukuokuomȩnä̧mä̧, pi̧yȩ jäwä jiäwinü̧mä̧ yoriso juiya'a.

Apocalipsis 1:1

Dio-mä̧ Jesucrito-rü iyinü̧, umüwäyotürü jitätä ja̧'a̧ 'kuäopä̧kuȩ wȩnȩ i̧jȩpa̧ pä'ü. Ja̧'wa̧nü̧ jo̧mȩttü̧ Jesucrito-mä̧ Ju̧a̧-rü̧ ji'äwinü̧, ya̧tȩ u̧mü̧wä̧ya̧ á̧gȩ-nä̧,

Apocalipsis 22:16

«Ttü, Jesú-mä̧, chu̧mü̧wä̧ya̧ á̧gȩ-rü̧ we'äjisä pi̧yȩ o'kajuiyünä̧ igresia ttü̧ja̧rü̧ jidäwa pä'ü. Ttütä ja̧'a̧ Dawi-ttü ichäkuäwa̧ kkada'ka jü̧nä̧ wa̧mä̧, pä'ü mo̧ro̧ juomȩnä̧ siri'ko tejäda'a jä'i̧nü̧'a̧nü̧.»

Apocalipsis 3:21

Surojü abo 'kuä'o'ü iso juo'epürümä̧, ttütäku churuwo dȩä̧kä̧nä̧ ü̧'ä̧mä̧dü̧nä̧ wȩdä̧kua̧sä̧, Ttütä'i̧nä̧ surojü abo 'kuä'o'inü̧'ka̧, Chä'o uruwo dȩä̧kä̧nä̧ chü̧'ä̧mä̧di̧nü̧ta̧'anü̧.

Apocalipsis 4:10

Veintikuatro-nü̧ wotü a̧ci̧a̧nu̧tu̧mä̧, ruwo deäkänä̧ pü̧rü̧, mo̧ro̧ kki̧ä̧mü̧nä̧ kkü̧rü̧ ttiwe'kiyunä̧ pȩjä̧mä̧kuä̧u̧ esewinä̧tü̧, ttünä̧ kka̧ku̧ püttäwä corona pättü'i̧nä̧, uruwo deäkä ä'ka jo̧mȩ iku pä'inä̧tü̧:

Apocalipsis 4:4

Ja̧'wa̧ta̧nü̧ topinü̧sä̧ juäkä, ruwo deäkä jäyänämä̧, kkoro ruwo dȩä̧ki̧yä̧ kka̧kua̧'a̧ veintikuatro-nü̧ jo̧mȩnä̧, jua̧u̧ okänä̧mä̧ Veintikuatro-nü̧ wotü A̧ci̧a̧nu̧tu̧, pȩji̧nä̧tü̧, ttü̧'ka̧tä̧wä̧ti̧yu̧ te'ätü, ttünä̧mä̧ oro jäwä corona pättü wȩnä̧rä̧tü̧.

Apocalipsis 5:4

Ja̧'wa̧nü̧ juä'tä, kuyäru'tä ba'epü'anü̧'i̧nä̧, toü'anü̧'i̧nä̧, ukuoku'anü̧'i̧nä̧ wa̧mä̧ toiyäku rü̧ȩnä̧ ajuäwinü̧sä̧.

Apocalipsis 6:1

Jua̧u̧nü̧ o'ka'a topinü̧sä̧, oweja mü̧ä̧ya̧ jü̧nä̧ wa̧mä̧ kko̧ro̧mü̧ttü̧nü̧ todäre sello jü̧ttü̧, ä̧kuo̧mȩnä̧ sello bawepomȩnä̧, pa̧ja̧kuä̧nü̧ wotü a̧'kua̧rä̧tü̧ttü̧ ya̧tȩ i̧wȩnȩ rä̧mi̧pi̧na̧'a̧, ku'upä kürüächa'a 'kua̧rü̧nä̧: ¡poku ichi'i!, jü̧nä̧.

Apocalipsis 7:13

Ja̧'wa̧nü̧ ja̧'a̧, a̧ci̧a̧nu̧tu̧ttü̧ ya̧tȩ ttürü jä'epü ä̧ju̧kui̧nü̧: «Jitüja ttü̧'ka̧tä̧wä̧ti̧yu̧ teü 'ka̧tä̧wä̧tü̧mä̧ ¿titü juo'otüjä̧ttü̧, torü ichinä̧tü̧jä̧ttü̧?»