Apocalipsis 4:8 - Nuevo Testamento Uwotjüja8 Juätü pa̧ja̧kuä̧nü̧ wotü a̧'kua̧rä̧tü̧ ya̧ku̧nä̧mä̧, kko̧ro̧mü̧ttü̧nü̧ ya'ute jo̧mȩnä̧ ttujuabiyämä̧ kku̧nä̧ri̧nä̧tü̧, ttü'äriyämä̧ wä̧mȩnä̧'i̧nä̧ jakuänä̧'i̧nä̧ o'kajuiyünä̧tä̧ kka̧kui̧nä̧u̧. Juätümä̧ mo̧ro̧'i̧nä̧, yodo'i̧nä̧ kättädi'oka'a 'kuäopünä̧tä̧ ra̧'i̧nä̧tü̧: Sa̧tu̧ wa̧, Sa̧tu̧ wa̧ Tu̧ru̧wa̧mä̧, Dio o'kajuiyünä̧tä̧ ju̧ru̧wa̧mä̧, «Jua̧u̧tä̧tä̧ ja̧'a̧ 'kuäopünä̧tä̧ kki̧nü̧mä̧, jitä'i̧nä̧ kkü̧mä̧, yodoji'i̧nä̧ i̧chä̧kua̧mä̧.» Faic an caibideilTÄ̧DO Ä̧CUÄ̧ I̧HUȨNȨ8 Jahuätö pa̧ja̧cuä̧nö̧ isotö a̧'cua̧rä̧tö̧ ka̧ra̧'i̧nä̧, ka̧ra̧'i̧nä̧ ko̧ro̧mö̧ttö̧nö̧ ya'ute ttujuabiyä ku̧nä̧ri̧nä̧tö̧. Ttujuabiyänä, huämenä'inä, dȩa̧'a̧'i̧nä̧, ttö'äriyä rö̧ȩnä̧ ku̧nä̧ri̧nä̧tö̧. Yodo'inä, mo̧ro̧'i̧nä̧ cättädoca'a pä'ätö: Adihuä I̧sa̧, Adihuä I̧sa̧, Adihuä I̧sa̧ Tu̧ru̧hua̧, Dios o'ca juiyönä ju̧ru̧hua̧mä̧, täbocö'inä ki̧nö̧mä̧, jitä'inä kö̧mä̧, yodoji'inä ö̧jä̧cua̧mä̧. Faic an caibideil |
Apocalipsis 4:8
42 Iomraidhean Croise
Ttü Ju̧a̧, Asia rȩjȩnä̧ kka̧kuä̧tü̧, kko̧ro̧mü̧ttü̧nü̧ todäre igresia wotürü te'äusä: Wȩnȩ juiyü, adiwä juei ukuturu kka̧ pä'üsä. Jitä'i̧nä̧ kkü̧, mo̧'i̧nä̧ kki̧nü̧, pä'ejita'anü̧'i̧nä̧ i̧chä̧kua̧ ja̧'wa̧ta̧nü̧ kko̧ro̧mü̧ttü̧nü̧ ta̧ju̧ wotü uruwo dȩä̧kä̧ ä'ka jo̧mȩ kka̧kuä̧tü̧ epíritu-tu̧ru̧'i̧nä̧ kku̧nä̧rü̧ ȩmi̧nä̧u̧ kuätukua'attü,
Okurä isoppa usurä ttȩmä̧u̧nä̧ juoppamä̧ 'kuäopünä̧ mo̧ro̧ ji̧nü̧'a̧kuä̧ 'chawädina̧'a̧, i̧sa̧ büó betia-rü esetinä̧tü̧rü̧mä̧, jua̧u̧ a̧'kua̧juä̧ isä'kanä̧ ttiwe'kiyunä̧ pä̧mä̧dü̧ esewinätü̧rü̧mä̧ ja̧'wa̧ta̧nü̧ jua̧u̧ i̧mi̧ rutäwinä̧tü̧rü̧mä̧ mo̧ro̧'i̧nä̧, yodo'i̧nä̧ 'kuäopünä̧tä̧ usurä ttȩmä̧wä̧kuo̧tü̧.»
Juätümä̧ jareü ji̧yȩtȩ ra̧'i̧nä̧tü̧, ruwo dȩä̧kä̧ ä'ka jo̧mȩttü̧ ja̧'wa̧ta̧nü̧, pa̧ja̧kuä̧nü̧ wotü a̧'kua̧rä̧tü̧ ttä'kattü'i̧nä̧ ja̧'wa̧ta̧nü̧ A̧ci̧a̧nu̧tu̧ ttä'kattü'i̧nä̧, jü̧nä̧. Jua̧u̧ ra̧ttü̧mä̧ ya̧tȩ'i̧nä̧ ttu̧wo̧jui̧pü̧ juiyünä̧ ji̧na̧'a̧, suro ciento cuarenta y cuatro mil jo̧mȩnä̧ wotü, pi̧jä̧ra̧'a̧ttü̧ surojüttü kka̧kui̧pi̧nä̧tü̧tä̧ wo̧jui̧nä̧tü̧ jua̧u̧mä̧.
Ja̧'wa̧nü̧ ja̧'a̧, jua̧u̧nä̧tä̧ 'porü ra̧'i̧nä̧tü̧, Dio u̧mü̧wä̧ya̧ Moisé Dio-rü ra̧wi̧nü̧'i̧nä̧ ja̧'wa̧ta̧nü̧ oweja mü̧ä̧ya̧ jü̧nä̧ wa̧rü̧ ra̧wi̧nü̧mä̧, pa̧'a̧nü̧ o'ä'chü: «Tu̧ru̧wa̧ Dio o'kajuiyünä̧ kkujuru kku̧nä̧rü̧ kuaditäwämä̧, adiwä juei, rü̧ȩnä̧ jü̧tä̧ ja̧'a̧; ku̧mä̧nä̧mä̧ isopäi'ünä̧tä̧, jueünä̧tä̧ jä̧mä̧ ja̧'a̧, surojü jui'ätü ttu̧ru̧wa̧ Rey-jä̧ ukumä̧.
Ättümä̧ kurodä so̧o̧dä räopinä̧ku̧, juodänä̧ o'katoi'ünä̧ pi̧jä̧ ttü̧ja̧rü̧ ȩma̧ pä'ü ji̧na̧'a̧. Jua̧u̧mä̧ rü̧ȩnä̧ ujuruku wȩä̧kua̧. Ja̧'wa̧ta̧nü̧ jua̧u̧tä̧ jä̧kua̧'a̧ uwa i̧'kuȩ'kuä̧kua̧mä̧ uwa isoya räopächünä̧, Dio o'kajuiyünä̧ ju̧ru̧wa̧ rü̧ȩnä̧ ü̧ra̧wä̧ro̧ya räopächü wȩnȩkuä̧cha̧'a̧ jua̧u̧mä̧.
«Ja̧'wa̧ta̧nü̧ Firadefia-ra̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: Pa̧'a̧nü̧ pä'ü surojü jui̧'a̧mä̧ ja̧'wa̧ta̧nü̧ jueü wȩnȩ ukuokumä̧, ru̧wa̧ Dawi üäre yäwi kku̧nä̧rü̧mä̧, bawepomȩnä̧'i̧nä̧ ya̧tȩ'i̧nä̧ mü̧'ȩpü̧ juiyünä̧ wa̧mä̧ ja̧'wa̧ta̧nü̧ mü̧ȩpo̧mȩnä̧'i̧nä̧ ya̧tȩ'i̧nä̧ bawepü juiyünä̧ wa̧mä̧ pä'ü:
Ja̧'wa̧nü̧ ja̧'a̧, ruwo dȩä̧kä̧'i̧nä̧, pa̧ja̧kuä̧nü̧ wotü a̧'kua̧rä̧tü̧'i̧nä̧, a̧ci̧a̧nu̧tu̧'i̧nä̧ ttü̧'kä̧tȩ kkä'ko ü̧ja̧'a̧ topinü̧sä̧, ya̧tȩ oweja mü̧ä̧ya̧ mikuäwächünä̧ kuä'ü ttikuinä̧ku̧, 'kua̧rü̧nä̧ wa̧ ü̧ja̧'a̧. Jua̧u̧mä̧ ä̧ja̧wi̧yä̧ okämä̧ kko̧ro̧mü̧ttü̧nü̧ tokäre jo̧mȩnä̧ kki̧nä̧ku̧ ja̧'wa̧ta̧nü̧ ü'äriyämä̧ kko̧ro̧mü̧ttü̧nü̧ torere jo̧mȩnä̧ kki̧nä̧ku̧, juätütä ji̧na̧'a̧ kko̧ro̧mü̧ttü̧nü̧ ta̧ju̧ jo̧mȩnä̧ Dio isotü epíritu-tu̧ pi̧jä̧ra̧'a̧ o'kajuiyünä̧ wȩi̧nä̧u̧mä̧.
Ja̧'wa̧nü̧ ja̧'a̧ pa̧ja̧kuä̧nü̧ wotü a̧'kua̧rä̧tü̧ ttü̧'kä̧tȩttü̧ rä̧mi̧pa̧'a̧ ä̧ju̧kui̧nü̧sä̧: «suro, trigo-mä̧ ji̧yȩtȩ kiru-tä pa̧ja̧kuä̧chä̧kua̧'a̧, ya'ute mo̧ro̧ mikuämä̧ ja̧'wa̧ta̧nü̧ wäbodäkuä kiru-tä pa̧ja̧kuä̧chä̧kua̧'a̧ cebada-mä̧, ya'ute mo̧ro̧ mikuämä̧; ja̧'wa̧nü̧ ja̧'a̧nä̧ aceite mikuä'i̧nä̧, vino mikuä'i̧nä̧ jua'a yabonü̧mä̧ 'chakuädätukuä.»
Sanasan