Apocalipsis 22:18 - Nuevo Testamento Uwotjüja

¹⁸ O'katoi'ünä̧ pi'tänä̧ wȩyu̧kua̧'a̧ pȩjü̧ 'kuäopä̧kuȩ pä'ü jittäwinü̧ ä̧ju̧kuä̧tü̧rü̧mä̧, pi̧yȩ ji'äusä: Ya̧tȩ pi'tä kuyäru'tänä̧ ji̧yȩtȩ yabonü̧ i̧wȩyu̧tü̧ttü̧mä̧, Dio-mä̧ pi'tänä̧ wȩyu̧kua̧'a̧ pȩjü̧ usurä ȩmä̧kuä̧wä̧ttü̧ i'chächü i̧yä̧kua̧.

TÄ̧DO Ä̧CUÄ̧ I̧HUȨNȨ

¹⁸ O'ca toi'önä pi̧yȩ cuyäru'tänä, Dios i̧huȩnȩ huȩyu̧cuä̧mä̧ ä̧ju̧cuä̧tö̧rö̧ pa̧'a̧nö̧ pä'ösä Ya̧tȩ pi̧yȩ cuyäru päö abo 'cuäo'önä i̧huȩyu̧tu̧ttu̧mä̧, Dios huȩä̧cua̧ ja̧u̧ru̧ pi̧yȩ cuyäru'tänä huȩyu̧cuä̧ji̧mä̧, surojö 'cuäoparö pä'ö.

Apocalipsis 22:18 Iomraidhean Croise

San Mateo 15:13

Pättäku ädätinä̧u̧: —O'kajuiyünä̧tä̧ Chä'o mo̧ro̧jä̧ ru̧wa̧ u̧ju̧no̧kü̧ oi ji̧nü̧mä̧, ujukäkättü kkä̧mä̧dü̧ ke'opü i̧kuä̧wä̧kuȩ.

Efesios 4:17

Ja̧'wa̧nü̧ ja̧'a̧ttü̧ ukuturu pä'üsä, Tu̧ru̧wa̧ i̧mi̧nä̧ jä'epünü̧: täkü, ukutumä̧ Dio-rü esetokotü ttü̧jü̧'a̧nü̧mä̧ ku̧ja̧kuä̧tu̧kuä̧, juätümä̧ ttamu̧kuäda'akutä surojü jȩpü̧ kka̧kuä̧tü̧,

1 Tesalonicenses 4:6

Kuawaruwä kui̧jä̧wa̧tü̧rü̧mä̧ kuyaparewätukuä; jitäwä'ijüta'anü̧ Tu̧ru̧wa̧ Dio-mä̧ rü̧ȩnä̧ usurä ttȩmä̧u̧nä̧ ro̧ȩpä̧kua̧ ja̧'wa̧nü̧ jȩpä̧tü̧rü̧mä̧.

Apocalipsis 1:3

Pi̧yȩ 'kuäopä̧kuȩ wȩnȩ topü ukuokurumä̧ ja̧'wa̧ta̧nü̧ ä̧ju̧ku̧ ukuotätürümä̧, rü̧ȩnä̧ eseäkuäwä kka̧'a̧, täkü jua̧u̧ 'kuäopä̧kuȩ mo̧ro̧mä̧ tü'kü ja̧'a̧ttü̧.

Apocalipsis 15:1

Ja̧'wa̧ta̧nü̧ topinü̧sä̧, mo̧ro̧jä̧nä̧ kkoro rü̧ȩnä̧ jü̧ adiwä juäi i̧jȩkuä̧cha̧'a̧: kko̧ro̧mü̧ttü̧ ta̧ju̧nü̧ wotü á̧gȩrȩ-tü̧; juätümä̧ kko̧ro̧mü̧ttü̧ todäre jäwä rüjí mo̧ro̧ usurä ȩmä̧kuä̧wä̧kuȩku̧ kka̧kui̧nä̧tü̧; jua̧u̧nä̧tä̧ Dio ü̧ra̧wä̧rü̧mä̧ jo̧mȩnü̧ beipächäkua'a ji̧na̧'a̧.

Apocalipsis 15:6

Juode Dio ü̧jo̧dettü, jitü sietenü̧ wotü á̧gȩrȩ rä'ekuinä̧tü̧, sietenü̧ jü̧ usurä ȩmä̧kuä̧wä̧ 'chu̧'ä̧rä̧nü̧. Lino o̧ta̧ teü, kkä̧dȩpü̧nä̧ jü̧ 'ka̧tä̧wi̧nä̧tü̧ ja̧'wa̧ta̧nü̧ tta̧mü̧kanä̧mä̧ isäya oro-ttü adikuäya rü̧nä̧ri̧nä̧tü̧.

Apocalipsis 19:20

I̧sa̧ büó betia-rü 'chu'ädümä̧, jua̧u̧tä̧ku̧ yo̧mȩtȩnä̧ profeta yapareu, jȩtto̧kü̧ juei jȩpü̧, i̧sa̧ büó weü rütä'chü kkä̧nü̧ ja̧'wa̧ta̧nü̧ a̧'kua̧juä̧ isä'kanä̧ ttiwe'kiyunä̧ pȩjä̧mü̧ tteseunä̧ jȩpi̧nü̧rü̧'i̧nä̧ 'chu'ädinä̧tü̧. Pitü ta̧ju̧mä̧ tta̧'kua̧ra̧'a̧nä̧ do'opü ikuinä̧u̧, okurä rü̧a̧ränä̧, azufre pättünä̧ kuoaränä̧.

Apocalipsis 20:10

Jua̧u̧ äwettä, juätürü yaparewinü̧rü̧mä̧, okurä rü̧a̧rä azufre pättü jueittü kuoaränä̧ do'opü ikuinä̧ku̧, i̧sa̧ büó betia'i̧nä̧, ya̧pa̧rȩwa̧ profeta'i̧nä̧ ttü̧'ȩja̧ränä̧; Juorümä̧ usurä ttȩmä̧wä̧kuo̧tü̧, mo̧ro̧'i̧nä̧, yodo'i̧nä̧ kki̧ä̧mü̧nä̧tä̧.

Apocalipsis 20:15

Jua'atä do'opü ikuinä̧u̧, kkä̧kuä̧wä̧ kuyäru'tänä̧ tti̧mi̧ jui'ätürümä̧.

Apocalipsis 22:10

Ja̧'wa̧ta̧nü̧ päinä̧ku̧sä̧: «Pi'tänä̧ wȩyu̧kua̧'a̧ pȩjü̧ 'kuäopä̧kuȩ wȩnȩmä̧ kuä̧ppü̧ti̧'ä̧, täkü 'kuäopä̧kuȩ mo̧ro̧mä̧ tü'küwächa'a.

Apocalipsis 22:16

«Ttü, Jesú-mä̧, chu̧mü̧wä̧ya̧ á̧gȩ-rü̧ we'äjisä pi̧yȩ o'kajuiyünä̧ igresia ttü̧ja̧rü̧ jidäwa pä'ü. Ttütä ja̧'a̧ Dawi-ttü ichäkuäwa̧ kkada'ka jü̧nä̧ wa̧mä̧, pä'ü mo̧ro̧ juomȩnä̧ siri'ko tejäda'a jä'i̧nü̧'a̧nü̧.»

Apocalipsis 22:7

«¡Jitätä ja̧'a̧ku̧ chichäkua̧sä̧! ¡Eseäkuäwä kka̧'a̧ pi'tä kuyäru'tänä̧ wȩyu̧tu̧ rütäwä 'kuäopä̧kuȩ pä'ü jittäwinü̧ esetürümä̧!»

Apocalipsis 22:9

Ja̧'wa̧nü̧ jȩchi̧yä̧ku̧ jua̧u̧mä̧ päinä̧ku̧sä̧: «Ja̧'wa̧nü̧mä̧ jȩ'kuä̧, ttü'i̧nä̧ Dio u̧mü̧wä̧ya̧sä̧, uku jü̧ta̧'a̧nü̧, uku ku̧jä̧wa̧tü̧ profeta wotü jü̧ta̧'a̧nü̧ ja̧'wa̧ta̧nü̧ o'katoi'ünä̧ pi'tä kuyäru'tänä̧ wȩyu̧kua̧'a̧ pȩjü̧ ukuotätü jü̧ta̧'a̧nü̧ wa̧sä̧. Dio-rütä esewi.»

Apocalipsis 3:14

«Ja̧'wa̧ta̧nü̧ Laodicea-ra̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: Pa̧'a̧nü̧ pä'ü Amȩ́-mä̧, jueünä̧tä̧, isopäi'ünä̧tä̧ ukuokumä̧, ä̧kuo̧mȩnä̧ Dio uwäbe'inü̧'i̧nä̧ kki̧nü̧mä̧, pi̧yȩ pä'ü.