Apocalipsis 21:4 - Nuevo Testamento Uwotjüja

⁴ Dio-mä̧, juätü tti̧'chȩrȩ'i̧nä̧, jȩpü̧ i̧kuä̧kua̧; täkü wa'are'i̧nä̧ juiyäkua'a, 'chȩrȩ'i̧nä̧, barawä̧u̧ wottü'i̧nä̧; täkü ä̧kuo̧mȩnä̧ kka̧kui̧nü̧mä̧ 'kuäopina̧'a̧tä̧ ji̧na̧'a̧.»

TÄ̧DO Ä̧CUÄ̧ I̧HUȨNȨ

⁴ Ttajuähuomenä, Dios ttö'äre 'ca̧huä̧cua̧. Täcö 'corupäi'äcuähuä'inä, ajuäcuähuä'inä, tta̧'cua̧ tta̧huȩcuä̧cuä̧huä̧'i̧nä̧, ubara ttuhuähuä'inä juiyäcua'a. O'ca juiyönä pä'äji ka̧cui̧nö̧mä̧ 'cuäopina'a.

Apocalipsis 21:4 Iomraidhean Croise

San Mateo 24:35

Mo̧ro̧jä̧'i̧nä̧, pi̧jä̧ rȩjȩ'i̧nä̧ beipächa'anä̧, ttü chi̧wȩnȩmä̧ beipächokü jä̧kuȩ.

1 Corintios 15:26

Jua̧u̧nü̧ o'ka'a a̧bo̧i̧ya̧ o'komȩnä̧ si'epü i̧kuä̧kua̧mä̧ wa'are jä̧kua̧'a̧.

1 Corintios 7:31

Ja̧'wa̧ta̧nü̧ pi̧jä̧ jäwänä̧ eseäkuäwätümä̧, eseäkuäwokotü 'kua̧rü̧nä̧ kka̧kuä̧tu̧kui̧; isopäi'ünä̧ pi̧jä̧ jäwä totümä̧ beipächä̧kuȩ.

2 Corintios 5:17

Ja̧'wa̧nü̧ ja̧'a̧ttü̧, ya̧tȩ Crito-nä̧ ü̧jü̧ttü̧mä̧, jareünä̧ uwäbe'äkuäwa̧ ja̧'a̧. Täbo jäwä ji̧nü̧mä̧ 'kuäopina̧'a̧; o'kajuiyünä̧tä̧ jareünä̧ pärotü ikuäwätä ja̧'a̧.

2 Corintios 6:17

Ja̧'wa̧nü̧ ja̧'a̧ttü̧, Tu̧ru̧wa̧mä̧ pä'ü: «Juätüttümä̧ rä'opächü, 'kȩ'i̧pä̧chä̧tu̧kui̧, Surojümä̧ mȩkuä̧tu̧kuä̧, ja̧'wa̧nü̧ jȩ'kuä̧tu̧kuo̧mȩnä̧, Ttümä̧ chȩmä̧kuä̧u̧jä̧,»

Hebreos 12:27

Pa̧'a̧nü̧ päümä̧: «Ji̧nä̧ pä'äjita'anü̧ ya'utenä̧,» jua̧u̧ wo̧jui̧'ä̧tü̧jä̧, aditinü̧mä̧ ȩmü̧ ikuäwäkua'a pä'ü, pporächi'okü jäwä pärokuätä kki̧'i̧pü̧nä̧.

2 Pedro 3:10

Ja̧'wa̧nü̧ ja̧'a̧nä̧ Tu̧ru̧wa̧ u̧mo̧ro̧ päi'omȩnä̧mä̧ nä̧u̧kuä̧rä̧wä̧ i̧sa̧ 'kua̧rü̧nä̧ i̧chä̧kua̧. Ja̧'wa̧nü̧ päi'omȩnä̧ mo̧ro̧jä̧mä̧ rü̧ä̧nä̧ yettünä̧ päi'ünä̧ rä̧mi̧pü̧nä̧ jȩä̧chä̧kua'a, juä̧jä̧nä̧ rü̧jü̧'i̧nä̧ okurä kkuwü ikuomȩnä̧ to̧ȩ'ä̧chä̧kuȩ, ja̧'wa̧ta̧nü̧ rȩjȩ'i̧nä̧, o'kajuiyünä̧ juä̧jä̧nä̧ kka̧ku̧mä̧ kuo'ü i̧kuä̧kuȩ.

1 Juan 2:17

Isopäi'ünä̧ pi̧jä̧mä̧ ja̧'wa̧ta̧nü̧ pi̧jä̧ttü̧ kkü'kekumä̧ o'kajuiyütä beipächa'anä̧; Dio-rü pä̧wä̧rü̧jo̧mȩnä̧ kkü̧mä̧, 'kuäopünä̧tä̧ ü̧jä̧kua̧.

Apocalipsis 20:13

Ja̧'wa̧ta̧nü̧ rü̧ä̧ aje'i̧nä̧, juotottü to'e'ächinä̧tü̧rü̧ ppa̧wä̧di̧na̧'a̧; ja̧'wa̧ta̧nü̧ wa'are'i̧nä̧, wa'are rejuwiyä'i̧nä̧ jua̧u̧nä̧ wa'inä̧tü̧rü̧ ppa̧wä̧di̧na̧'a̧; ja̧'wa̧nü̧ ja̧'a̧mä̧ yotukunä̧ jȩtti̧nü̧'a̧kuä̧ päwi'inä̧u̧.

Apocalipsis 20:14

Juȩnȩ o'komȩnä̧, wa'are'i̧nä̧, wa'are weü'i̧nä̧ okurä rü̧a̧rära̧'a̧ do'opü ikuinä̧u̧. Pi̧yȩku̧mä̧, yȩnȩta̧'a̧nü̧ wa'ü ikuäwä jä̧kua̧'a̧.

Apocalipsis 21:1

Jua̧u̧nü̧ o'ka'a mo̧ro̧jä̧ ja̧rȩä̧jä̧'i̧nä̧, rȩjȩ ja̧rȩä̧jä̧'i̧nä̧ topinü̧sä̧; täkü ä̧kuo̧mȩnä̧ mo̧ro̧jä̧ ji̧nä̧jä̧mä̧, ä̧kuo̧mȩnä̧ rȩjȩ ji̧nä̧jä̧mä̧ juiyina̧'a̧ ja̧'wa̧ta̧nü̧ rü̧ä̧ aje'i̧nä̧ täkü juiyina̧'a̧.

Apocalipsis 22:3

Ja̧'wa̧ta̧nü̧ juȩnȩmä̧ surojümä̧ juiyäkua'a. Ütawiyänä̧mä̧ Dio'i̧nä̧, oweja mü̧ä̧ya̧'i̧nä̧ tti̧dȩä̧kä̧tä̧ kkä̧kua̧'a̧ ja̧'wa̧ta̧nü̧ umüwäyotütä 'kuäopünä̧ tteseäkuäwä̧kua̧.

Apocalipsis 7:17

Jua'amä̧ oweja mü̧ä̧ya̧ wa̧mä̧, ruwo deäkänä̧ pü̧mä̧, Ttu̧ru̧wa̧ pató ja̧'a̧ttü̧, Jua̧u̧tä̧tä̧ ȩpä̧kuä̧u̧ ajiya kkä̧kuä̧wä̧ kkoya beipokomȩku̧mä̧, ja̧'wa̧ta̧nü̧ Dio-tä tti̧'chȩrȩja 'ka̧wä̧kua̧mä̧.