Apocalipsis 20:9 - Nuevo Testamento Uwotjüja

⁹ Juätümä̧ pi̧jä̧ o'kajuiyünä̧ kue'ächinä̧tü̧, surojüttü 'kȩpi̧nä̧u̧ ttü̧ja̧kuo̧mȩ'i̧nä̧, chutä repeü ütawiyä'i̧nä̧ tto'epü jȩttä̧kuo̧tü̧. Ja̧'wa̧nü̧ jȩtta̧'a̧nä̧, Dio-mä̧ mo̧ro̧jä̧ra̧'a̧ttü̧ okurä mȩyewi̧'ü̧nä̧ jȩpü̧, kkuwü ikuäkuä̧u̧.

TÄ̧DO Ä̧CUÄ̧ I̧HUȨNȨ

⁹ Ja̧'hua̧ ja̧'a̧ttö̧ pi̧jä̧ rö̧omettö ichinätö. Dios umöhuäyotö ttö̧ja̧cuo̧mȩcu̧'i̧nä̧, ja̧u̧ ötahuiyäcu, Dios repeinomecu, u̧mi̧cu̧ isobö päi'önä ca̧ca̧cui̧pi̧nä̧tö̧. Ja̧'hua̧nö̧ ja̧'a̧nä̧ Dios mo̧ro̧jä̧ra̧'a̧ttö̧ ocurä hue'inö, jahuätörö o'ca toi'önä bettipächönä cuo'ö tticua pä'ö.

Apocalipsis 20:9 Iomraidhean Croise

San Lucas 17:29

Ja̧'wa̧nü̧ jȩtta̧'a̧nä̧, Lot-mä̧ Sodoma-ttü̧ rä'opächinü̧. Räopächa'anä̧ azufre pättüku, okuriyäku mo̧ro̧jä̧ra̧'a̧ttü̧ ma̧ä̧mo̧mȩnä̧ o'katoi'ünä̧tä̧ to'e'ächinä̧tü̧.

San Lucas 19:43

Isopäi'ünä̧, ukuturu rȩbȩä̧kuä̧wä̧kua̧'a̧ surojü mo̧ro̧, ukuturu 'chuttäda pä'ü, o'kajuiyünä̧ tto'epü ttu̧ju̧nu̧ mo̧ro̧.

San Lucas 21:20

Ja̧'wa̧nü̧ ja̧'a̧ttü̧, Jerusarȩ́ ütawiyä sobükuächünä̧ su̧ro̧do̧u̧ tto'epü ttu̧ju̧nü̧ttü̧mä̧, ku̧wo̧juä̧tu̧kua̧jä̧, täkü pi̧yȩ ütawiyämä̧ beipächa'a pä'ü.

San Lucas 9:54

Ja̧'wa̧nü̧ jȩtta̧'a̧ topü u̧wo̧juȩtä̧u̧mä̧, Sa̧ti̧a̧ku̧'i̧nä̧, Ju̧a̧'i̧nä̧ pä'inä̧tü̧: —Chu̧ru̧wa̧, ¿mo̧ro̧jä̧ra̧'a̧ttü̧ okurä ma̧ü̧nä̧ jȩta̧tü̧? [Elía jȩi̧nü̧ta'anü̧] Ya'utettü kuo'ü ttikua.

2 Tesalonicenses 1:8

Ro̧ȩpa̧ pä'ü i̧chä̧kua̧, Dio-rü ttu̧wo̧jui̧pa̧ pä'okotürü, ja̧'wa̧ta̧nü̧ ukuotokotürü adiwäjuei wȩnȩ Tu̧ru̧wa̧ Jesucrito ütü'kü.

Hebreos 13:13

Ja̧'wa̧nü̧ ji̧nü̧ta'anü̧, ujutu'i̧nä̧ jua̧u̧ ü̧jo̧mȩku̧ ti̧'cha̧ pä'ätukui, ttü̧ja̧kuo̧mȩ u̧mi̧ku̧; jua̧u̧ru̧ ji̧nü̧ta'anü̧ usurä tȩmä̧u̧nä̧ ya̧ttä̧wä̧'cha̧tü̧ pä'ü.

Apocalipsis 11:5

Ja̧'wa̧nü̧ ja̧'a̧ttü̧, juätürü ya̧tȩ suronä̧ jȩa̧ päüttümä̧, juätümä̧ ttänä̧ okurä kuoäkuäu̧, kuo'ü ttikunä̧ ttaboiyotürümä̧, 'koru pätti'ünä̧'i̧nä̧, jü̧nä̧tä̧.

Apocalipsis 13:13

Ttü̧ja̧ ttä'kattü, jȩtto̧kü̧ ja̧jü̧ juei, bäreu jȩpi̧nü̧, mo̧ro̧jä̧ra̧'a̧ttü̧ okurä pi̧jä̧ra̧'a̧ ma̧ü̧nä̧'i̧nä̧ jȩpi̧nü̧.