Apocalipsis 20:3 - Nuevo Testamento Uwotjüja

³ Jua̧u̧ru̧ dȩa̧'a̧ku̧ 'kuȩya̧ppa̧nü̧ ja̧'a̧ku̧ do'opü ikuinä̧ku̧, äpate 'kiyünä̧ ppe'tädü kku̧nu̧, yabonü̧ ttü̧ja̧rü̧ üyapareu juiya pä'ü, mil años jo̧mȩnä̧. Jua̧u̧ 'kuäo'ü o'ka'a, pä'äjita'anü̧ ejädü i̧kuä̧kua̧, suro, a̧'u̧kua̧'a̧tä̧.

TÄ̧DO Ä̧CUÄ̧ I̧HUȨNȨ

³ Ja̧'hua̧nö̧ önö'cäji o'ca'a, jahuäju rejunä, yoröiso beipocojunä, do'opö icuinäcu. Ju̧huȩnȩ äpate 'quiyönä mö̧'ȩpi̧nö̧. Ja̧'hua̧nö̧ jȩinä̧cu̧ pi̧jä̧ ttö̧ja̧rö̧ yapareu jiäu juiya pä'ö ya'ute mil a̧'ȩ päi'ome jubö. Ya'ute mil a̧'ȩ o'ca'a, pä'äji ta'anö beometä ja̧u̧ru̧ rä'epö tticuäcuotö.

Apocalipsis 20:3 Iomraidhean Croise

San Mateo 24:24

Ja̧'wa̧ta̧nü̧ Crito i̧mi̧nä̧, profetas wotü tti̧mi̧nä̧ yaparewätü ttichäkuotü ja̧'wa̧nü̧ jȩpü̧ jȩtto̧kü̧ jä̧'i̧jü̧ jȩpä̧'chü̧, Dio ȩmi̧nä̧u̧ttü̧'i̧nä̧ ttesetünä̧ jȩttä̧kuo̧tü̧,

San Mateo 27:66

Ja̧'wa̧nü̧ wȩä̧jä̧u̧mä̧, wa'are rütäwomȩ i̧nä̧yunä̧ 'kiyünä̧ mü̧ȩkuä̧chü̧nä̧ mü̧'ȩpi̧nä̧tü̧; ja̧'wa̧ta̧nü̧ su̧ro̧da̧u̧ru̧'i̧nä̧ juä̧nȩtä̧ adiu to̧pä̧rü̧ tta̧ttä̧rü̧nä̧ we'ipinä̧tü̧.

San Marcos 4:15

Ja̧'wa̧ta̧nü̧, mä̧nä̧nä̧ ma̧ä̧chi̧nü̧ u̧wä̧ju̧ jä̧ji̧mä̧ wȩnȩkuä̧cha̧'a̧: Dio i̧wȩnȩ ttä̧ju̧kua̧'a̧nä̧, ttä̧ju̧kuä̧ji̧ o'ka'a, tta̧mi̧ iso'kittü Satanás ichi'ü 'choipo'ächä̧u̧ru̧.

San Lucas 8:31

Ja̧'wa̧ta̧nü̧ rü̧ȩnä̧, Jesú-ru ajuäkuäwinü̧, dȩa̧'a̧ku̧ 'kuȩya̧ppa̧ jä̧ju rejura̧'a̧ we'ü iku juiyatü pä'ü.

2 Corintios 11:3

Ja̧'wa̧nü̧ ja̧'a̧nä̧, yedekunä̧ jä̧ku̧sä̧, Ewa-rü ä̧ka̧ üyaparewinü̧ta̧'a̧nü̧, ukutu'i̧nä̧ Crito-rü eseunu̧ kukuotätukuttü 'kä̧kui̧pä̧chä̧tu̧ku̧'a̧nü̧ ji̧yä̧ku̧.

2 Pedro 3:8

Chi̧jä̧wa̧tü̧, kkoromä̧, ku̧ni̧chi'ätukuä tu̧ru̧wa̧rü̧mä̧ ya'ute mo̧ro̧mä̧, mil-nü̧ du'o jo̧mȩnä̧ jä̧ku̧ ja̧'wa̧ta̧nü̧ mil-nü̧ du'omä̧ ya'ute mo̧ro̧tä̧.

Apocalipsis 12:9

Ja̧'wa̧nü̧ ja̧'a̧ttü̧, jua̧u̧ dragó̧ pä'ü mi̧kua̧, mo̧ täbokü ä̧ka̧ pinü̧, äwettä, satanás, pättäku pi̧jä̧ o'kajuiyünä̧ yapareumä̧, umüwäyotü á̧gȩrȩ-ku̧ pi̧jä̧ rȩjȩra̧'a̧ kki'opü ikuinä̧u̧.

Apocalipsis 13:14

Pide i̧sa̧ büó betia-mä̧ ttü̧ja̧ rekuätürü yaparewinü̧, ä̧kuo̧mȩnä̧ i̧sa̧ büó betia ujuru iyinü̧nä̧. Jua̧u̧nü̧ o'ka'a ä̧kuo̧mȩnä̧ i̧sa̧ büó betia pinü̧ a̧'kua̧juä̧ isä'ka aditü kku̧ni̧nü̧, kurodättü toe'inomȩ ji̧no̧mȩmä̧ ü̧ji̧pi̧na̧'a̧ ji̧na̧'a̧.

Apocalipsis 17:2

Juäjuku jȩpä̧kuä̧wä̧'chü̧ surojuo'ächinä̧tü̧ pi̧jä̧nä̧ttü̧ ruwotümä̧ ja̧'wa̧ta̧nü̧ pi̧jä̧ ttü̧ja̧mä̧, juäju kkawoya, vino isoya au ttidepä iyä'chäkuäu tä̧'ä̧mä̧kuäwi̧nä̧tü̧.»

Apocalipsis 17:8

Jua̧u̧ i̧sa̧ büó betia to'kuäjäkumä̧, ya̧tȩ kki̧nü̧ ja̧'a̧ ja̧'wa̧nü̧ ja̧'a̧nä̧ jitämä̧ täkü kko̧kü̧; ja̧'wa̧nü̧ ja̧'a̧nä̧, rȩjȩku̧ 'kuȩya̧ppa̧nü̧ ja̧'a̧ttü̧ räopä̧kua̧, jo̧mȩnü̧ kuä'ü ikuäwarü pä'ü. Pi̧jä̧ ttü̧ja̧, pi̧jä̧ uwäbeinomȩttü̧ kkä̧mä̧dü̧, kkä̧kuä̧wä̧ kuyäru'tänä̧ tti̧mi̧pi̧yä̧ jui'ätümä̧, jua̧u̧ i̧sa̧ büó betia, täbokü kki̧nü̧ ja̧'a̧nä̧, jitämä̧ kko̧kü̧rü̧, ja̧'wa̧ta̧nü̧ ü̧jä̧kua̧rü̧ topü, to̧o̧ to̧ttä̧rä̧kuo̧tü̧, jua̧u̧ru̧ topü.»

Apocalipsis 20:1

Ya̧tȩ á̧gȩ-rü̧, mo̧ro̧jä̧ra̧'a̧ttü̧ i̧mȩyȩwa̧'a̧ topinü̧sä̧, dȩa̧'a̧ 'kuȩya̧ppa̧nü̧ ja̧'a̧ llawiku'i̧nä̧, kärenä̧sa̧ rü̧ä̧sa̧ u̧mü̧nä̧ 'chu̧ä̧rä̧nü̧.