Apocalipsis 2:13 - Nuevo Testamento Uwotjüja

¹³ Ukú ku̧jo̧mȩmä̧ chu̧wo̧juä̧ku̧jä̧, äwettä uruwo dȩä̧kä̧nä̧ weomȩ ku̧ja̧'a̧mä̧. Ja̧'wa̧nü̧ ja̧'a̧nä̧ Ttü chi̧mi̧ 'kiyünä̧ 'chu̧'ä̧rä̧kuä̧u̧jä̧, ttürü ukuotürü Antipa-rü, kuä'ü ttikuinü̧ mo̧ro̧'i̧nä̧, 'kiyünä̧ kki̧nü̧jä̧, juȩnȩmä̧ satanás-mä̧ ü̧ja̧'a̧nä̧.

TÄ̧DO Ä̧CUÄ̧ I̧HUȨNȨ

¹³ O'ca juiyönä jȩcu̧'u̧ huo̧jua̧sä̧. Satanás ö̧jo̧mȩ cu̧ja̧'a̧ huo̧jua̧sä̧. Ja̧'hua̧ta̧nö̧ ja̧'a̧nä̧ adiunätä cue'ächöjä ttörö esetö huo̧jua̧sä̧. Ttörö yoröiso jaropi'ocöjä. Ttö chi̧huȩnȩ jiäcuähuä i̧sa̧ Antipasrö, Satanás ö̧jo̧mȩttö̧, ucutu cu̧'quȩtȩtu̧cu̧nä̧ ö̧jo̧mȩnä̧, cuä'ö tticuinö pä̧nä̧'i̧nä̧ jaropi'ocö pi̧nö̧jä̧.

Apocalipsis 2:13 Iomraidhean Croise

San Mateo 10:23

Ku̧jä̧tu̧ku̧ ütawiyättü suronä̧ jȩtta̧ pä'ü ttusomȩnä̧mä̧, kkoro ütawiyäku dükuekuätukuajä̧; isopäi'ünä̧ pä'üsä ukuturu, Irae ütawiyä jü̧'a̧kuä̧ o'kajuiyünä̧ jo̧mȩ päi'ünä̧mä̧ 'kuäkuopätukuoka'anä̧, ubo I̧tti̧mä̧ i̧chä̧kua̧.

San Mateo 24:9

Ja̧'wa̧nü̧ jo̧mȩnä̧ usurä kuȩmä̧wä̧tu̧ku̧nä̧ iyü tti̧kuä̧kuä̧u̧jä̧; ja̧'wa̧nü̧ jȩpü̧ kuä'äu iku, pi̧jä̧ ttü̧ja̧mä̧ o'katoi'ünä̧ ttü jäwänä̧ ttüjü'koko̧u̧ kuäkuotüjä̧.

San Mateo 4:10

Päomȩnä̧, Jesú-mä̧ ädätinä̧ku̧: —Satanás täkü täi, wȩyu̧kuä̧ wȩnȩmä̧ pä'a: Ku̧ru̧wa̧ Dio-rütä kuiwe'kiyunä̧ mä̧'ä̧mü̧ esewirü ja̧'wa̧ta̧nü̧ Jua̧u̧ weütätä tukuota pä'ü ja̧'a̧.

San Lucas 21:17

Ja̧'wa̧ta̧nü̧ o'katoi'ünä̧, Ttü jäwänä̧mä̧ ttü̧jü̧'ko̧ko̧u̧ kuäkuotüjä̧.

Hechos 22:20

Ja̧'wa̧ta̧nü̧ uku kui̧wȩnȩ jiäkuäwä i̧sa̧ Esteba̧-rü̧ kuä'ü ttikuomȩ'i̧nä̧, kki̧nü̧sä̧, kuä'ü ttikua'a ppä̧'ä̧dä̧rü̧ ja̧'wa̧ta̧nü̧ kuä'ü ikuätü ttiärȩti̧yu̧'i̧nä̧ tta̧'ä̧ri̧nü̧sä̧.

Hechos 9:14

ja̧'wa̧ta̧nü̧ porü'i̧nä̧, sacerdote-tü̧ tturuwotü wettäjäku, ukuru esetätürü 'chu'chäu, kärenä̧ ttütatü pä'ü ȩpi̧ya̧tü̧ pä'ü.

1 Tesalonicenses 5:21

Kka̧kuä̧mü̧ topü adiwä jueitä jȩpä̧tu̧kui̧.

1 Timoteo 5:8

Ja̧'wa̧ta̧nü̧ chutä a̧mü̧nä̧ jäwä a̧'kua̧ roekuoka'a, yabonä̧ awaruwärü'i̧nä̧ ppä'ädokümä̧ a̧'kua̧ u̧wȩnä̧rü̧ ä̧ppü̧tä̧rü̧, ja̧'wa̧nü̧ wa̧mä̧ esetokotüttü'i̧nä̧ abonä̧nü̧ wa̧.

2 Timoteo 1:13

Pi̧yȩ wȩnȩ ttü chu̧wo̧juȩto̧mȩnä̧ ttüttü ku̧wo̧jui̧'i̧nü̧'a̧kuä̧ täi, ja̧'wa̧ta̧nü̧ Jesucrito ppädinü̧ tta̧'kua̧ wȩnä̧rä̧kuä̧wä̧nä̧'i̧nä̧, eseäkuäwänä̧'i̧nä̧ kkä̧wi̧.

2 Timoteo 2:12

Usurä tȩmä̧u̧ ta̧mi̧ 'kitächi'üttümä̧, ujutu'i̧nä̧ chutäku ruwo wetäkuotü̧jä̧; Täppü̧tä̧rü̧ttü̧mä̧, chutä'i̧nä̧ ji̧yȩta̧'a̧kuä̧ ä̧ppü̧tä̧rä̧kuä̧u̧jä̧;

Hebreos 10:23

Käkuädi'ätukuoka'a kka̧kuä̧tu̧kui̧ kua̧'kua̧ wȩnä̧rü̧nü̧ Tesetinü̧ pätünä̧mä̧, isopäi'ünä̧ Dio ujuturu iya päinü̧mä̧, i̧yä̧kua̧.

Hebreos 3:6

Ja̧'wa̧nü̧ ja̧'a̧nä̧ Crito-mä̧, Dio I̧tti̧ ja̧'a̧, Chutä ojusode tta̧wä̧rä̧kuä̧wä̧ i̧sa̧, juodemä̧ ujututä ja̧'a̧. Ja̧'wa̧ta̧nü̧ ujutumä̧ juätütä isotüjä̧ isopäi'ünä̧ eseunu̧ ta̧mi̧ 'ki'ächi'ü ti̧'chü̧ttü̧mä̧, surojüttü kki̧'ä̧kuä̧wä̧ tȩmä̧kuo̧tü̧jä̧.

Santiago 2:7

¿Juätütämä̧ jo̧ka̧ jä̧'i̧ja̧'a̧ tu̧ru̧wa̧ adiwä i̧mi̧nä̧ ukuturu jä'epinü̧rü̧ suronä̧ ukuokuä'ijätümä̧?

Apocalipsis 1:5

Ja̧'wa̧ta̧nü̧ Jesucrito, jueü wȩnȩ jiäkuäwä i̧sa̧, wa'inä̧tü̧ttü̧ ä̧kuo̧mȩnä̧ tto'ächinü̧ ja̧'wa̧ta̧nü̧ pi̧jä̧ ruwotü'i̧nä̧ ttu̧wä̧mȩnä̧ wa̧ ȩmi̧nä̧u̧jä̧. Jua̧u̧tä̧ ja̧'a̧ ujuturu repe'ü, suronä̧ jȩtü̧'i̧nä̧ ukuojanä̧ tükü ikuinü̧mä̧.

Apocalipsis 11:3

Ja̧'wa̧nü̧ ja̧'a̧ttü̧ wȩdä̧kua̧sä̧, ttü chütü'kü ji'äwätü ta̧ju̧ru̧, wäbodäkuä año ja̧'a̧nä̧, kkoro año ju'to jo̧mȩnä̧, ajuäkuäu 'ka̧tä̧kuä̧wä̧ 'ka̧tä̧wä̧tü̧rü̧.

Apocalipsis 12:11

Ja̧'wa̧ta̧nü̧ tawaruwä ti̧jä̧wa̧tü̧mä̧ abó 'kuätto'inä̧ku̧, oweja mü̧ä̧ya̧ jü̧nä̧ wa̧ ukuoja erinoyanä̧ ja̧'wa̧ta̧nü̧ jittäwinü̧ wȩnȩnä̧; wa'ü ttikua'anä̧'i̧nä̧, ye'ekuokotü pinä̧tü̧, jua'a yaboku, wä̧i̧nä̧ wa'ü ttikuatä pä'inä̧tü̧.

Apocalipsis 13:2

Pide i̧sa̧ büó tochinä̧ku̧mä̧ Büó Yäwi 'kua̧ri̧nü̧; ü̧jä̧pi̧yä̧mä̧ aje yäwi ü̧jä̧pü̧ jä̧'i̧nü̧'a̧nü̧ winü̧ ja̧'wa̧ta̧nü̧ ämä̧ Jojochäyu ä 'kua̧ri̧nü̧. Dragó̧ pättäkumä̧ rü̧ȩnä̧ ujuru'i̧nä̧, uruwo'i̧nä̧, ukuo'i̧nä̧ iyinü̧ jua̧u̧ru̧.

Apocalipsis 14:12

¡Pȩnȩ́ jä̧kua̧'a̧ surojüttü 'kȩ'ȩpü̧ ikuinä̧u̧, Dio-rü ukuotätü ja̧'wa̧ta̧nü̧ Jesú-ru tta̧'kua̧ wȩnä̧rä̧tü̧ tta̧mi̧ 'kittächi'a'a i̧jȩkuä̧chä̧kuo̧mȩmä̧!

Apocalipsis 17:14

Juätümä̧ ttürowäwäkuotü, oweja mü̧ä̧ya̧ jü̧nä̧ wa̧ku̧; ja̧'wa̧nü̧ ja̧'a̧nä̧ jua̧u̧mä̧, umüwäyotüku abo 'kuäo'ä̧kua̧; jua'amä̧ ukuo isotü'i̧nä̧ ttu̧ru̧wa̧ ja̧'a̧ttü̧ ja̧'wa̧ta̧nü̧ ruwotü'i̧nä̧ ttu̧ru̧wa̧ ja̧'a̧ttü̧. Jua̧u̧ku̧ kka̧kuä̧tü̧mä̧ woinä̧u̧tä̧, ȩmi̧nä̧u̧tä̧, ukuotätütä jä̧kua̧'a̧.

Apocalipsis 17:6

Ja̧'wa̧nü̧ ja̧'a̧nä̧, juȩnȩ o'komȩnä̧ topinüsä̧, juäju isaju tä̧jä̧mä̧cha̧'a̧, Dio i̧tti̧mü̧'i̧nä̧, Jesú i̧mi̧nä̧ wa'ü ikuätü'i̧nä̧, totte'äkuäwomȩnä̧. Ja̧'wa̧nü̧, juäjuru ja̧'a̧ topü, to̧o̧ to̧pä̧ri̧nü̧sä̧.

Apocalipsis 2:2

Ttümä̧ ukú kuaditäwämä̧ o'kajuiyünä̧ wo̧jua̧sä̧, usurä kuȩmä̧u̧'i̧nä̧, kua̧mi̧ 'ki'ächi'ü kui̧'chü̧'i̧nä̧, jü̧nä̧; ja̧'wa̧ta̧nü̧ surojünä̧ jȩpä̧tü̧rü̧ kuju'kokü'i̧nä̧ wo̧jua̧sä̧. Ja̧'wa̧ta̧nü̧ Apótore-jä̧ pä'ü yaparewätürü, kka̧kuä̧mü̧ topü ku̧wo̧juö̧'i̧nä̧ wo̧jua̧sä̧.

Apocalipsis 3:11

Jitätä ja̧'a̧ku̧ chi̧chä̧kua̧sä̧; ku̧ju̧nä̧rü̧mä̧ tta̧'ä̧rä̧kuä̧u̧ kku̧nä̧ri̧, ya̧tȩ'i̧nä̧ kuiäre premio pättü 'chottipü juiyäkua'anü̧.

Apocalipsis 3:3

Ja̧'wa̧nü̧ ja̧'a̧ttü̧ amükuädi, ä̧ju̧ku̧ ku̧wo̧jui̧'i̧nü̧mä̧; amükuädü kku̧nu̧, surojü kä'ädi'i. Ja̧'wa̧nü̧ ja̧'a̧nä̧ to̧'kuä̧rä̧kuä̧u̧ juiyüttümä̧, ya̧tȩ nä̧u̧kuä̧rä̧kuä̧wä̧ i̧sa̧ jä̧'i̧nü̧'a̧nü̧, ukuru topü chichäkua̧sä̧ kuieruwäkuäwa'anä̧.