Apocalipsis 2:10 - Nuevo Testamento Uwotjüja

¹⁰ Usurä kuȩmä̧wä̧kuȩmä̧ yekuekuätukuä. Äwettämä̧ ukututtü yotüterü kärenä̧ra̧'a̧ 'chuttädünä̧ jȩä̧kua̧, kka̧kuä̧mü̧ toätukuaku pä'ü ja̧'wa̧ta̧nü̧ to̧mü̧rȩ mo̧ro̧ jo̧mȩnä̧ usurä kuȩmä̧wä̧kuo̧tü̧jä̧. Wa'ü kuikuomȩbü päi'ünä̧, kua̧mi̧ 'ki'ächi'ü kkä̧wi̧ ja̧'wa̧nü̧ jo̧mȩnä̧ a̧'kua̧rä̧kuä̧wä̧ premio pättü chi̧yä̧kua̧jä̧.

TÄ̧DO Ä̧CUÄ̧ I̧HUȨNȨ

¹⁰ Koronö ubara ttucuhuä̧cuȩmä̧ amöcuädö, yecuhuecuä'. Korotörö, ucututtu, ähuettämä cärenä ö̧tä̧cua̧, cuami 'qui'ächi'ö cu̧ja̧cuä̧tu̧cua̧ pä'ö. To̧mö̧rȩ mo̧ro̧ jo̧mȩnä̧, ubara ttucuhuäcuotöjä. Ja̧'hua̧nö̧ ja̧'a̧nä̧ hua'ö cuicuome jubö päi'önä, adiunätä kä̧nö̧ cue'ächi. Ja̧u̧nu̧ micuä päi'önä chi̧yä̧cua̧jä̧ kä̧cuä̧huä̧ i'co.

Apocalipsis 2:10 Iomraidhean Croise

San Mateo 10:22

Ttü chi̧mi̧ jäwänä̧mä̧, o'katoi'ünä̧tä̧ tta̧mi̧suru tottäkuä̧u̧jä̧; ja̧'wa̧nü̧ ja̧'a̧nä̧ rüjí mo̧ro̧bü päi'ünä̧ a̧mi̧ 'ki'ächi'ü ü̧jü̧ttü̧mä̧, jua̧u̧tä̧tä̧ jä̧kua̧'a̧ ü̧ji̧pä̧kua̧mä̧.

San Mateo 10:28

Ja̧'wa̧ta̧nü̧ kuidepätuku kuä'ü ikurumä̧ yekuekuätukuä, jua̧u̧mä̧ kua̧'kua̧rü̧mä̧ kuä'ü ikuokü; ji̧nä̧somä̧ kua̧'kua̧rü̧ kuä'ü ikuru, kuidepä okurä beipokaränä̧ kuä'ü ikurütä ye'ekuätukui.

San Mateo 24:13

Ja̧'wa̧nü̧ ja̧'a̧nä̧ pi̧jä̧ beipächomȩbü päi'ünä̧, a̧mi̧ 'ki'ächi'ü kkü̧mä̧ ra̧wä̧pi̧jü̧ttü̧mä̧ ü̧ji̧pä̧kua̧,

San Marcos 13:13

Ja̧'wa̧ta̧nü̧ ttü jäwänä̧mä̧, o'katoi'ünä̧ tta̧mi̧ suru tottäkuä̧u̧jä̧; ja̧'wa̧nü̧ ja̧'a̧nä̧ rüjí mo̧ro̧ päi'ünä̧ a̧mi̧ 'ki'ächi'ü kkü̧tä̧ jä̧kua̧'a̧ ra̧wä̧pi̧jü̧ttü̧ ttü̧ji̧pä̧kuo̧tü̧mä̧.

San Marcos 8:35

Ja̧'wa̧nü̧ ja̧'a̧ttü̧ ya̧tȩ a̧'kua̧rü̧ ü̧ji̧pa̧ pä'ümä̧, toe'ächä̧kua̧; ja̧'wa̧nü̧ ja̧'a̧nä̧ ttü jäwänä̧, a̧'kua̧rü̧ to'e'ächümä̧, a̧'kua̧rü̧mä̧ ü̧ji̧pä̧kua̧.

San Lucas 21:12

Ja̧'wa̧nü̧ ja̧'a̧nä̧ pi̧yȩ 'kuäopäkua'a ä'kanä̧mä̧, 'chuttädätukuaku pä'ü ttusäkuä̧u̧jä̧. Ja̧'wa̧ta̧nü̧ sinagoga odewiyära̧'a̧ ttȩpä̧kuä̧u̧jä̧ jua'attü kärenä̧ ku̧'ä̧tu̧ku̧nä̧ wetta pä'ü, ruwotü ttä'ka jo̧mȩ'i̧nä̧ ttȩpä̧kuo̧tü̧jä̧ ttü chi̧mi̧ jäwänä̧mä̧.

San Juan 12:25

A̧'kua̧rü̧ repe'äkuäumä̧, toe'ächä̧kua̧; ja̧'wa̧nü̧ ja̧'a̧nä̧, pi̧jä̧ttü̧ a̧'kua̧rü̧ repe'äkuäwokümä̧, kkä̧kuä̧wä̧ i'kora̧'a̧ wa'adü kku̧nu̧.

San Juan 13:2

Ttu̧kuȩ ttukuomȩttü̧, äwettämä̧, täkü Juda Icariote, Simón i̧tti̧ a̧mi̧so'kinä̧, Jesú-ru iyü ikua pä'ü jȩpü̧ ü̧jü̧nä̧ ja̧'a̧ ji̧na̧'a̧.

San Juan 13:27

Juä̧si̧ kuä̧nü̧ kädüta'anü̧, yotäku Juda Icariote-rü Satanás-mä̧, a̧mi̧so'kinä̧ do'ächi'inü̧. —Ja̧'wa̧nü̧ ji̧yä̧ku̧ Jesú-mä̧ päinä̧ku̧: Jȩ'kua̧ päkuäjimä̧, jitätä jȩpi̧.

Hechos 20:24

Ja̧'wa̧nü̧ ja̧'a̧nä̧, cha̧'kua̧rü̧mä̧ ukuo te'äwoküsä, Chu̧ru̧wa̧ttü̧ chȩmi̧nü̧ chaditäwä, eseunu̧ kädäda pä'ütä amükuädüsä, Dio rettü iyinü jareü wȩnȩ ji'äunu̧.

Hechos 21:13

Pauru-mä̧ adätinä̧u̧jä̧: —¿Tta̧'a̧nü̧ pä'ü ajuäkuäwätüjä̧ttü̧, ttü'i̧nä̧ cha̧'kua̧ tta̧dȩku̧nä̧? Ttümä̧ Jerusarȩ́-ra̧'a̧ttü̧mä̧, suro ttü̧nü̧'kattütämä̧ pä'oküsä, Tu̧ru̧wa̧ Jesú i̧mi̧nä̧mä̧ wa'ü'i̧nä̧ chikua pä'üsä.

1 Corintios 9:25

O'katoi'ünä̧ järeäkuäwättü tti̧rȩbȩwa̧ pä'ätümä̧, o'kajuiyütä ro̧'ȩkuä̧tü̧; isopäi'ünä̧, surojuoächü corona pättü ttȩma̧ pä'ü ja̧'a̧nä̧; ujutumä̧ corona pättü surojuoächokü tȩmä̧kuo̧tü̧jä̧.

Efesios 2:2

Mo̧ täbokümä̧ jua̧u̧nä̧tä̧ kue'ächinä̧tü̧jä̧, pi̧jä̧nä̧ isoppanä̧ we'ü wea'akutä. Epíritu jü̧nä̧ uwäpokü jua̧u̧mä̧ jitä'i̧nä̧ ukuotokotürü we'ü.

Efesios 6:12

Isopäi'ünä̧ ujutumä̧, pi̧jä̧ ttü̧ja̧ jü̧'a̧nü̧ ttidepä'i̧nä̧, ttiwe'kiyu'i̧nä̧ kku̧nä̧rä̧tu̧ku̧mä̧ rowäwokotüjä̧, pärokua'aku ruwo we'ätuku, ttujuru kku̧nä̧rä̧tu̧ku̧, ja̧'wa̧ta̧nü̧ pi̧jä̧ttü̧ yo̧ä̧jä̧nä̧ we'ätuku, epíritu wotü suropätü mo̧ro̧jä̧nä̧ we'ätuku rowäwätüjä̧.

Santiago 1:12

Surojü kka̧kuä̧mȩ'a̧'a̧nä̧ ujuruku a̧mi̧ 'ki'ächi'ümä̧ eseäkuäwä u̧ju̧nä̧rä̧kua̧, jua'amä̧ ja̧u̧ 'kuä'o'ü jo̧mȩnü̧ pä'i'ümä̧ Dio rȩpȩä̧u̧ru̧ premio pättü chiyäkua̧sä̧ päinü̧ kkä̧kuä̧wä̧ i'ko ȩmä̧kua̧'a̧ttü̧.

1 Pedro 5:4

Ja̧'wa̧nü̧tä̧ chutä pató ichomȩnä̧mä̧, ukutumä̧ ukuo corona kuȩmä̧kuo̧tü̧jä̧, ja̧u̧ corona-mä̧ yoriso joächächokü jä̧kuȩ.

1 Pedro 5:8

Wo̧juȩku̧nä̧ amükuädätü jü̧nä̧ to̧pä̧rä̧kuä̧u̧ kka̧kuä̧tu̧kui̧, isopäi'ünä̧ kua̧bo̧i̧ya̧tu̧ku̧ äwettämä̧, mü yäwi durupä̧rü̧ jä̧'i̧nü̧'a̧nü̧ ya̧tȩrü̧ ukui'a pä'ü usú kue'ächü.

Apocalipsis 13:14

Pide i̧sa̧ büó betia-mä̧ ttü̧ja̧ rekuätürü yaparewinü̧, ä̧kuo̧mȩnä̧ i̧sa̧ büó betia ujuru iyinü̧nä̧. Jua̧u̧nü̧ o'ka'a ä̧kuo̧mȩnä̧ i̧sa̧ büó betia pinü̧ a̧'kua̧juä̧ isä'ka aditü kku̧ni̧nü̧, kurodättü toe'inomȩ ji̧no̧mȩmä̧ ü̧ji̧pi̧na̧'a̧ ji̧na̧'a̧.

Apocalipsis 13:2

Pide i̧sa̧ büó tochinä̧ku̧mä̧ Büó Yäwi 'kua̧ri̧nü̧; ü̧jä̧pi̧yä̧mä̧ aje yäwi ü̧jä̧pü̧ jä̧'i̧nü̧'a̧nü̧ winü̧ ja̧'wa̧ta̧nü̧ ämä̧ Jojochäyu ä 'kua̧ri̧nü̧. Dragó̧ pättäkumä̧ rü̧ȩnä̧ ujuru'i̧nä̧, uruwo'i̧nä̧, ukuo'i̧nä̧ iyinü̧ jua̧u̧ru̧.

Apocalipsis 13:7

Ja̧'wa̧ta̧nü̧ Dio i̧tti̧mü̧rü̧ kurä rowäwuö kkȩdü̧ ikua'anä̧'i̧nä̧ ja̧'a̧tä̧ toinä̧ku̧. Ja̧'wa̧ta̧nü̧ ukuo iyäwi'inä̧ku̧ ttü̧ja̧ tti̧wȩnȩ pünä̧, ttidepiyu pünä̧, tti̧rȩjä̧ pünä̧ wea pä'ü'i̧nä̧.

Apocalipsis 17:14

Juätümä̧ ttürowäwäkuotü, oweja mü̧ä̧ya̧ jü̧nä̧ wa̧ku̧; ja̧'wa̧nü̧ ja̧'a̧nä̧ jua̧u̧mä̧, umüwäyotüku abo 'kuäo'ä̧kua̧; jua'amä̧ ukuo isotü'i̧nä̧ ttu̧ru̧wa̧ ja̧'a̧ttü̧ ja̧'wa̧ta̧nü̧ ruwotü'i̧nä̧ ttu̧ru̧wa̧ ja̧'a̧ttü̧. Jua̧u̧ku̧ kka̧kuä̧tü̧mä̧ woinä̧u̧tä̧, ȩmi̧nä̧u̧tä̧, ukuotätütä jä̧kua̧'a̧.

Apocalipsis 2:13

Ukú ku̧jo̧mȩmä̧ chu̧wo̧juä̧ku̧jä̧, äwettä uruwo dȩä̧kä̧nä̧ weomȩ ku̧ja̧'a̧mä̧. Ja̧'wa̧nü̧ ja̧'a̧nä̧ Ttü chi̧mi̧ 'kiyünä̧ 'chu̧'ä̧rä̧kuä̧u̧jä̧, ttürü ukuotürü Antipa-rü, kuä'ü ttikuinü̧ mo̧ro̧'i̧nä̧, 'kiyünä̧ kki̧nü̧jä̧, juȩnȩmä̧ satanás-mä̧ ü̧ja̧'a̧nä̧.

Apocalipsis 2:9

Aditü usurä kuȩmä̧u̧mä̧ ja̧'wa̧ta̧nü̧ usurä i̧sa̧ wokü'i̧nä̧ (jua'akumä̧ ru̧wa̧ kua'anä̧) wo̧jua̧sä̧ ja̧'wa̧ta̧nü̧ judío-mä̧ ttoka'anä̧, ujutumä̧ judío-jä̧, ya̧'a̧wä̧'chü̧ pättü'i̧nä̧ ku̧wo̧jua̧'a̧mä̧ wo̧jua̧sä̧, Satanás-rü̧ ukuokuäkuäwode jü̧nä̧tä̧ wotü pä'ü.