Apocalipsis 19:7 - Nuevo Testamento Uwotjüja

⁷ Rü̧ȩnä̧ teseäkuäwätukuarü, jua̧u̧tä̧ jäwätä ja̧'a̧, tesewarü pä'ümä̧; oweja mü̧ä̧ya̧ jü̧nä̧ wa̧ ü'käu mo̧ro̧ rȩbȩä̧kuä̧wa̧'a̧. Irekua ȩmä̧kua̧ju̧mä̧, jo̧mȩnü̧tä̧ kkä̧ju̧:

TÄ̧DO Ä̧CUÄ̧ I̧HUȨNȨ

⁷ Tesehuätucuaja. Eseäcuähuä suhuädi'önä tucuocuaja. Chutä Corderomä irecuarö ȩmä̧cuo̧mȩ päi'a'a. Irecuamä täcö jo̧mȩ päi'önä kä̧ju̧.

Apocalipsis 19:7 Iomraidhean Croise

San Mateo 1:20

Ja̧'wa̧nü̧ jȩa̧ pä'ü amükuädä'cha'a, ä'a'a jakuänä̧ Jä'o Dio wȩ'ä̧wa̧ á̧gȩ u̧'kuo̧ti̧nä̧ i̧jȩku̧ päinä̧ku̧: Uku Dawi i̧tti̧ José-mä̧, yekuekuoka'a María-rü kuirekua päi'ünä̧ ȩmi̧; jua'a muchaju juojäja'amä̧ Epíritu Sa̧tu̧ a̧'kua̧ iweye ja̧'a̧.

San Mateo 22:2

Mo̧ro̧jä̧ Ru̧wa̧ weomȩmä̧ ya̧tȩ ru̧wa̧ rey i̧tti̧ ü'käu pä'käri jȩi̧nü̧'a̧nü̧ ja̧'a̧.

San Lucas 12:36

Ja̧'wa̧ta̧nü̧ ukutumä̧, yotüte ttu̧ru̧wa̧ pä'kärira̧'a̧ttü̧ icha'a ja̧'a̧, ichi'ü woomȩnä̧ jo̧mȩnü̧ battepa pä'ü, tta̧ttä̧ra̧jü̧'a̧nü̧ tta̧'a̧rä̧tu̧kui̧.

San Juan 3:29

Ya̧tȩ irekuarü ȩmo̧mȩttü̧, irekuarü repe'ü kkü̧mä̧ kkirekuotä ja̧'a̧; ja̧'wa̧nü̧ ja̧'a̧nä̧ kkirekuo a̧wa̧ru̧wa̧mä̧, ippeyänä̧ kkä̧nü̧, suro i̧wȩnȩtä̧ ä̧ju̧ku̧'i̧nä̧ eseu. Ja̧'wa̧nü̧ jü̧ta̧'a̧nü̧, ttü cheseumä̧ jo̧mȩnü̧ päi'äkusä.

2 Corintios 11:2

Isopäi'ünä̧ ukuturu, rü̧ȩnä̧ repedünä̧ jȩi̧nä̧ku̧sä̧ Dio-mä̧. Jua'amä̧ Crito-rü jueünä̧tä̧ kukuotätukua pä'üsä; yajute kkirekuorü kkȩmä̧kua̧'a̧ ä'kanä̧, churutä a̧mü̧kuä̧rü̧ kukuota'a jä̧'i̧nü̧ta̧'a̧nü̧.

Efesios 5:23

Isopäi'ünä̧ kkirekuomä̧, isaju kku ja̧'a̧, Crito-rü igresia u jä̧'i̧jü̧'a̧nü̧. Ja̧'wa̧ta̧nü̧ jättäpäyotürü ra̧wä̧pi̧jü̧ttü̧ ppä'ädümä̧ jua̧u̧ Crito-tä ja̧'a̧.

Efesios 5:32

Pi̧yȩmä̧ rü̧ȩnä̧ jeruwuö wȩnȩ ja̧'a̧nä̧, Crito ütü'kütä, igresia ütü'kütä ukuokusä.

Filipenses 3:3

Isopäi'ünä̧ circuncisión pättü jȩpä̧kuä̧wo̧tü̧mä̧ ujututä ja̧'a̧, Epíritu-nä̧ Tä'o Dio-rü esewätütä ja̧'wa̧nü̧ jȩpü̧ Crito Jesú-nä̧ eseäkuäwätüjä̧, tidepä jäwänä̧ ukuo tetäwoka'a.

Apocalipsis 11:13

Jua̧u̧ hora-nä̧, rȩjȩ tti̧ȩpo̧mȩnä̧ pparächi'ina̧'a̧ ja̧'wa̧nü̧ päi'omȩnä̧ ütawiyä suropäi'ina̧'a̧, ttü̧ja̧mä̧ siete mil-nü̧ jo̧mȩnä̧ to'e'inä̧tü̧. Ja̧'wa̧nü̧ ja̧'a̧nä̧ to'e'okotümä̧ rü̧ȩnä̧ ye'ü, Dio mo̧ro̧jä̧ ru̧wa̧rü̧ eseäkuäwinä̧tü̧.

Apocalipsis 19:9

Ja̧'wa̧nü̧ ja̧'a̧ á̧gȩ-mä̧ päinä̧ku̧sä̧: «Wȩyu̧ti̧: Eseäkuäwä kka̧'a̧, jua̧u̧ oweja mü̧ä̧ya̧ jü̧nä̧ wa̧ ü'käu pä'kärinä̧ i̧'cha̧ pä'ü ä̧tȩkuo̧tü̧rü̧mä̧.» Yabonü̧ päinä̧ku̧sä̧: «Pi̧yȩ ja̧'a̧ Dio i̧wȩnȩ, jueü wȩnȩmä̧.»

Apocalipsis 21:2

Ja̧'wa̧ta̧nü̧ ttü Ju̧a̧-mä̧ topinü̧sä̧, surojü juiyü ütawiyä, jareünä̧ Jerusarȩ́, mo̧ro̧jä̧ Dio ü̧jo̧mȩttü̧ mȩyȩwä̧ja̧'a̧. Yajute kkirekuorü kkü'käwa pä'ü kkü̧'ka̧tä̧wi̧'a̧'a̧ jä̧'i̧nü̧'a̧nü̧.

Apocalipsis 21:9

Ja̧'wa̧ta̧nü̧ kko̧ro̧mü̧ttü̧nü̧ ta̧ju̧ wotü á̧gȩrȩ-ttü̧ ya̧tȩ, kko̧ro̧mü̧ttü̧nü̧ to̧'ta̧rȩ copa o̧'ta̧, kko̧ro̧mü̧ttü̧nü̧ todäre jo̧mȩnä̧ rüjí mo̧ro̧ usurä ȩmä̧kuä̧wä̧ su̧'pȩnü̧ ȩka̧'a̧, 'chu̧ä̧rä̧nü̧ ichi'ü, päinä̧ku̧sä̧: «ichi'i poku, oweja mü̧ä̧ya̧ jü̧nä̧ wa̧ ü'käwäkuajuru, chi̧jȩpa̧ku̧.»