Apocalipsis 19:6 - Nuevo Testamento Uwotjüja

⁶ Ja̧'wa̧ta̧nü̧ ttü̧ja̧ rekuätü tti̧wȩnȩ rä̧mi̧pa̧'a̧, däyä tawipa'a, ku'upä kürüächa'a jä̧'i̧nü̧'a̧nü̧ ä̧ju̧kui̧nü̧sä̧. Juätümä̧ pä'inä̧tü̧: «¡Aleluya! Isopäi'ünä̧ Tu̧ru̧wa̧, o'kajuiyünä̧ ju̧ru̧wa̧ Dio ja̧'a̧ täkü kkä̧mä̧dü̧ ruwo we'ümä̧.

TÄ̧DO Ä̧CUÄ̧ I̧HUȨNȨ

⁶ Koro huȩnȩ'i̧nä̧, ttö̧ja̧ recuätö ttucuocu'a̧nö̧, rö̧ȩnä̧ ajehuiyä'inä ucuocu'a̧nö̧, cu'upä'inä pä̧i̧cu̧nä̧ cöröächa'a ucuocu'a̧nö̧ ä̧ju̧cui̧nö̧sä̧. Ja̧u̧ huȩnȩ päina'a: ¡Aleluya! Tu̧ru̧hua̧ Tä̧do̧ ä̧cua̧ Dios, o'ca juiyönä ju̧ru̧hua̧mä̧, täcö hue'ö.

Apocalipsis 19:6 Iomraidhean Croise

San Mateo 6:13

Ja̧'wa̧ta̧nü̧ äwettä kka̧kuä̧mü̧ toatü pä'ümä̧ kuȩpä̧tü̧, ja̧u̧ ja̧jü̧ jueimä̧ su̧ro̧pa̧ttü̧ rätopächünä̧tä̧ ppä'äditü. [Isopäi'ünä̧ Mo̧ro̧ kki̧ä̧mü̧nä̧ o'kajuiyünä̧tä̧ ukú kujurutä, kuruwotä, ukú ru̧wa̧ wekutä ja̧'a̧. Amén.]

Apocalipsis 1:15

Ü̧jä̧pi̧yä̧mä̧ Bro̧ce pättü jäwättü, kkuwü ikuäwa'a säruwä'inü̧'a̧nü̧ kkä̧dȩpi̧na̧'a̧; ja̧'wa̧ta̧nü̧ i̧wȩnȩmä̧ ajiya rü̧ȩnä̧ tawipa'a rä̧mi̧pä̧'i̧nü̧'a̧nü̧ rä̧mi̧pi̧na̧'a̧.

Apocalipsis 1:8

«Ttütäsä ä̧kuo̧mȩnä̧'i̧nä̧, rüjinä̧'i̧nä̧ wa̧mä̧,» pä'ü Tu̧ru̧wa̧ Dio-mä̧, täbokü'i̧nä̧ kki̧nü̧mä̧, jitä'i̧nä̧ kkü̧mä̧, ja̧'wa̧ta̧nü̧ yodoji'i̧nä̧ i̧chä̧kua̧mä̧, o'kajuiyünä̧tä̧ ujuru kku̧nä̧rü̧mä̧.

Apocalipsis 12:10

Ja̧'wa̧nü̧ päi'omȩnä̧, mo̧ro̧jä̧ra̧'a̧ttü̧ pä̧i̧ku̧nä̧ rä̧mi̧pa̧'a̧ ä̧ju̧kui̧nü̧sä̧: Täkü surojüttü kki̧'i̧kuä̧mä̧ rȩbȩä̧kuä̧wa̧'a̧, Tu̧ru̧wa̧ ujuru'i̧nä̧, uruwo weü'i̧nä̧ ja̧'wa̧ta̧nü̧ Crito uruwo weü'i̧nä̧, jü̧nä̧; jua'amä̧, täkü rä'epü iku yawokui'a'attü tawaruwä tü̧jä̧wa̧tü̧rü̧ suronä̧ pä'ä'chi'enü̧rü̧, mo̧ro̧'i̧nä̧, yodo'i̧nä̧ 'kuäopünä̧tä̧ suronä̧ pä'inü̧rü̧, Tä'o Dio ä'ka jo̧mȩttü̧.

Apocalipsis 14:2

Ja̧'wa̧ta̧nü̧ ä̧ju̧kui̧nü̧sä̧, mo̧ro̧jä̧ra̧'a̧ttü̧ ajiya rü̧ȩnä̧ tawipa'a jä̧'i̧nü̧'a̧nü̧'i̧nä̧ ja̧'wa̧ta̧nü̧ ku'upä rü̧ȩnä̧ kuäwa'a jä̧'i̧nü̧'a̧nü̧'i̧nä̧ rä̧mi̧pa̧'a̧; arpa pättü 'poräwä isotü ttu'pora'a 'kua̧rü̧nä̧'i̧nä̧ rä̧mi̧pi̧na̧'a̧.

Apocalipsis 19:1

Jua̧u̧ 'kuäopäji o'ka'a, mo̧ro̧jä̧ra̧'a̧ttü̧ ttü̧ja̧ rekuätü pä̧i̧ku̧nä̧ wotta'a ä̧ju̧kui̧nü̧sä̧: «¡Aleluya! ra̧wä̧pi̧jü̧ttü̧ kki̧'i̧kuä̧'i̧nä̧, uruwo'i̧nä̧ ja̧'wa̧ta̧nü̧ ujuru'i̧nä̧ tü̧ä̧nä̧wa̧ Dio jäwätä ja̧'a̧,

Apocalipsis 19:4

Ja̧'wa̧ta̧nü̧ Veintikuatro-nü̧ wotü a̧ci̧a̧nu̧tu̧'i̧nä̧, pa̧ja̧kuä̧nü̧ wotü a̧'kua̧rä̧tü̧'i̧nä̧ rȩjȩbü päi'ünä̧ ja̧rȩyu̧ pä'i'ü, Dio uruwo deäkänä̧ pü̧rü̧ eseäkuäwinätü̧. Pa̧'a̧nü̧ pä'ünü̧: «¡Amȩ́! ¡Aleluya!» jü̧nä̧.

Apocalipsis 21:22

Ütawiyänä̧mä̧, Dio-rü ukuokuäkuäwodemä̧ topokü pinü̧sä̧, Dio-rü ukuokuäkuäwodemä̧ Chutä Tu̧ru̧wa̧, Dio o'kajuiyünä̧ ju̧ru̧wa̧, oweja mü̧ä̧ya̧ jü̧nä̧ wa̧ ja̧'a̧ttü̧.

Apocalipsis 4:5

Juȩnȩ ruwo deäkä kko̧mȩttü̧ räopina̧'a̧, rä̧mi̧pü̧'i̧nä̧, ku'upä ürowü'inä̧, ku'upä kürüächü'i̧nä̧, jü̧nä̧; ja̧'wa̧ta̧nü̧ juȩnȩ, ruwo deäkä ä'ka jo̧mȩmä̧, kko̧ro̧mü̧ttü̧nü̧ todäre jo̧mȩnä̧ ra̧pa̧ra̧ o̧yu̧ kuoina̧'a̧, jua̧u̧mä̧ kko̧ro̧mü̧ttü̧nü̧ todäre jo̧mȩnä̧, Dio isotü epíritu-tu̧ ji̧na̧'a̧.

Apocalipsis 6:1

Jua̧u̧nü̧ o'ka'a topinü̧sä̧, oweja mü̧ä̧ya̧ jü̧nä̧ wa̧mä̧ kko̧ro̧mü̧ttü̧nü̧ todäre sello jü̧ttü̧, ä̧kuo̧mȩnä̧ sello bawepomȩnä̧, pa̧ja̧kuä̧nü̧ wotü a̧'kua̧rä̧tü̧ttü̧ ya̧tȩ i̧wȩnȩ rä̧mi̧pi̧na̧'a̧, ku'upä kürüächa'a 'kua̧rü̧nä̧: ¡poku ichi'i!, jü̧nä̧.

Apocalipsis 8:5

Ja̧'wa̧nü̧ ja̧'a̧ á̧gȩ-mä̧ incienso pättü a̧mȩu̧ ȩko̧'ta̧ ȩmo̧po̧'ü̧, altar wä̧mȩttü̧ okurä isäsa ȩni̧nü̧ su̧'pȩ päi'ünä̧, ȩnä̧ji̧'ka̧ rȩjȩra̧'a̧ do'opü ikuomȩnä̧; dina̧na̧ päi'a'attü, wottü'i̧nä̧ rä̧mi̧pa̧'a̧ttü̧, ku'upä'i̧nä̧ ürowa'attü, rȩjȩ'i̧nä̧ ttü̧ȩpi̧na̧'a̧.