Apocalipsis 19:2 - Nuevo Testamento Uwotjüja

² Isopäi'ünä̧ Jua̧u̧ adiwomȩnä̧ jȩü̧mä̧, jueünä̧tä̧, isopäi'ünä̧tä̧ ja̧'a̧; isopäi'ünä̧ kkidepä iyä'chäkuäu jȩpä̧'i̧jä̧ju̧, isaju büarümä̧ pi̧jä̧ ttü̧ja̧rü̧ surojuo'epinä̧ju̧ru̧mä̧; Dio umüwäyotü wa'ü ttikuinü̧ mikuäwächünä̧, juäjuru ro̧'ȩpä̧ji̧ Dio-mä̧.»

TÄ̧DO Ä̧CUÄ̧ I̧HUȨNȨ

² Chutä iso päi'önä jȩpö̧, jueönä ro̧'ȩpö̧ ttö̧ja̧rö̧. Jahuäju mä̧nä̧ ruhuaju, juruhuajuru, suronä jȩja̧'a̧ttö̧, pi̧jä̧nä̧ ka̧cuä̧tö̧rö̧ surojuo'epinäjuru, ro̧'ȩpi̧nö̧. Dios umöhuäyotö 'corupätti'inömä, micuä päi'önä ro̧'ȩpi̧nö̧ jahuäjuru.

Apocalipsis 19:2 Iomraidhean Croise

Apocalipsis 15:3

Ja̧'wa̧nü̧ ja̧'a̧, jua̧u̧nä̧tä̧ 'porü ra̧'i̧nä̧tü̧, Dio u̧mü̧wä̧ya̧ Moisé Dio-rü ra̧wi̧nü̧'i̧nä̧ ja̧'wa̧ta̧nü̧ oweja mü̧ä̧ya̧ jü̧nä̧ wa̧rü̧ ra̧wi̧nü̧mä̧, pa̧'a̧nü̧ o'ä'chü: «Tu̧ru̧wa̧ Dio o'kajuiyünä̧ kkujuru kku̧nä̧rü̧ kuaditäwämä̧, adiwä juei, rü̧ȩnä̧ jü̧tä̧ ja̧'a̧; ku̧mä̧nä̧mä̧ isopäi'ünä̧tä̧, jueünä̧tä̧ jä̧mä̧ ja̧'a̧, surojü jui'ätü ttu̧ru̧wa̧ Rey-jä̧ ukumä̧.

Apocalipsis 18:20

Jua̧u̧ ütawiyä topü eseäkuäwätukui, ukutu mo̧ro̧jä̧nä̧ kka̧kuä̧tü̧'i̧nä̧; ja̧'wa̧ta̧nü̧ ukutu surojü jui'ätü'i̧nä̧, apótore wotü'i̧nä̧, profeta wotü'i̧nä̧, isopäi'ünä̧ Dio-mä̧, jua̧u̧ ütawiyä tä̧bo̧tü̧mä̧, ukuturu adiu ppä'ädü jȩa̧'a̧, jua̧u̧mä̧.

Apocalipsis 18:3

Ja̧'wa̧ta̧nü̧ ruwäkuiyä pa̧ja̧ku̧nä̧, juäjutäku kkü̧ä̧nä̧wo̧tü̧rü̧ eseäkuäwinä̧tü̧; Ja̧'wa̧ta̧nü̧tä̧ pi̧jä̧nä̧ttü̧ ruwotü'i̧nä̧ jȩpi̧nä̧tü̧, «Pi̧jä̧ttü̧ ruwotümä̧ juäjuttütä ruwotü juo'inä̧tü̧, pä̧wä̧rü̧jü̧, ttidepä weü ȩmü̧, iso juottepa pä'ümä̧.»

Apocalipsis 6:10

Juätümä̧ pä̧i̧ku̧nä̧ wopinä̧tü̧: «Dio ukumä̧ o'kajuiyünä̧ ju̧ru̧wa̧jä̧, surojü'i̧nä̧ jui̧'a̧jä̧, 'kuäopünä̧ jueü wȩnȩtä̧ ukuokujä̧.» ¿Ujuturu kuä'äu ikuinä̧tü̧rü̧mä̧ ti̧yȩnü̧tä̧ pärokua'aku mikuämä̧ jȩ'kuä̧kua'a̧jä̧ttü̧? ¿Ti̧yȩnü̧tä̧ ku̧tä̧bo̧tä̧kuä̧u̧jä̧ttü̧?