Apocalipsis 17:6 - Nuevo Testamento Uwotjüja

⁶ Ja̧'wa̧nü̧ ja̧'a̧nä̧, juȩnȩ o'komȩnä̧ topinüsä̧, juäju isaju tä̧jä̧mä̧cha̧'a̧, Dio i̧tti̧mü̧'i̧nä̧, Jesú i̧mi̧nä̧ wa'ü ikuätü'i̧nä̧, totte'äkuäwomȩnä̧. Ja̧'wa̧nü̧, juäjuru ja̧'a̧ topü, to̧o̧ to̧pä̧ri̧nü̧sä̧.

TÄ̧DO Ä̧CUÄ̧ I̧HUȨNȨ

⁶ Ja̧u̧nu̧ o'ca'a, jahuäju isaju Dios i̧tti̧mö̧ ttucuoja'inä, Jesús i̧huȩnȩ ji'äu kä̧nö̧ hua'ö icuinätö ttucuoja'inä kahuäja'attö, tä̧jä̧ma̧'a̧ topinösä. Ja̧'hua̧nö̧ tochomenä, ye'ö to̧pä̧ri̧nö̧sä̧.

Apocalipsis 17:6 Iomraidhean Croise

San Juan 2:10

pä'inü̧: —O'katoi'ünä̧tä̧ ä̧kuo̧mȩnä̧mä̧, vino isoya adiwäjuei isoyamä̧ iyä'ijätü, ttä̧tȩpä̧jä̧u̧ jo̧mȩnü̧ au kättädü o'ka'atä, täkü vino isoya suräjuei isoyamä̧ ttaja pä'ü. Ja̧'wa̧nü̧ ja̧'a̧nä̧ ukumä̧, adiwäjuei vino isoya jitäbü päi'ünä̧ wa'adü kkü̧nä̧ji̧jä̧.

Hechos 22:20

Ja̧'wa̧ta̧nü̧ uku kui̧wȩnȩ jiäkuäwä i̧sa̧ Esteba̧-rü̧ kuä'ü ttikuomȩ'i̧nä̧, kki̧nü̧sä̧, kuä'ü ttikua'a ppä̧'ä̧dä̧rü̧ ja̧'wa̧ta̧nü̧ kuä'ü ikuätü ttiärȩti̧yu̧'i̧nä̧ tta̧'ä̧ri̧nü̧sä̧.

Apocalipsis 12:11

Ja̧'wa̧ta̧nü̧ tawaruwä ti̧jä̧wa̧tü̧mä̧ abó 'kuätto'inä̧ku̧, oweja mü̧ä̧ya̧ jü̧nä̧ wa̧ ukuoja erinoyanä̧ ja̧'wa̧ta̧nü̧ jittäwinü̧ wȩnȩnä̧; wa'ü ttikua'anä̧'i̧nä̧, ye'ekuokotü pinä̧tü̧, jua'a yaboku, wä̧i̧nä̧ wa'ü ttikuatä pä'inä̧tü̧.

Apocalipsis 13:15

Dio-mä̧ ja̧'a̧tä̧ topinü̧ ä̧kuo̧mȩnä̧ i̧sa̧ büó betia pinü̧rü̧, juȩnȩ o'komȩnä̧ i̧sa̧mä̧ a̧'kua̧rü̧ iya pä'ü jȩa̧'a̧nä̧, i̧wȩnȩ ukuokuiyarü pä'ü. Jua̧u̧ ä̧kuo̧mȩnä̧ i̧sa̧, a̧'kua̧juä̧ isä'ka pä̧mä̧dü̧ esewokotürümä̧ kuä'äu ttikunä̧ we'inü̧.

Apocalipsis 13:7

Ja̧'wa̧ta̧nü̧ Dio i̧tti̧mü̧rü̧ kurä rowäwuö kkȩdü̧ ikua'anä̧'i̧nä̧ ja̧'a̧tä̧ toinä̧ku̧. Ja̧'wa̧ta̧nü̧ ukuo iyäwi'inä̧ku̧ ttü̧ja̧ tti̧wȩnȩ pünä̧, ttidepiyu pünä̧, tti̧rȩjä̧ pünä̧ wea pä'ü'i̧nä̧.

Apocalipsis 16:6

Isopäi'ünä̧ juätümä̧, ukú kui̧tti̧mü̧ surojü jui'ätürü, ja̧'wa̧ta̧nü̧ profeta winä̧tü̧rü̧'i̧nä̧ kuä'äu ikuinä̧tü̧, ja̧'wa̧nü̧ jȩtti̧nü̧ta'anü̧; ttukuoja ttawuönä̧ jȩ'kuä̧u̧.»

Apocalipsis 2:13

Ukú ku̧jo̧mȩmä̧ chu̧wo̧juä̧ku̧jä̧, äwettä uruwo dȩä̧kä̧nä̧ weomȩ ku̧ja̧'a̧mä̧. Ja̧'wa̧nü̧ ja̧'a̧nä̧ Ttü chi̧mi̧ 'kiyünä̧ 'chu̧'ä̧rä̧kuä̧u̧jä̧, ttürü ukuotürü Antipa-rü, kuä'ü ttikuinü̧ mo̧ro̧'i̧nä̧, 'kiyünä̧ kki̧nü̧jä̧, juȩnȩmä̧ satanás-mä̧ ü̧ja̧'a̧nä̧.