Apocalipsis 17:3 - Nuevo Testamento Uwotjüja

³ Jua̧u̧nü̧ o'ka'a, Epíritumä̧ rȩbi̧yu̧ dȩ'a̧ra̧'a̧ ȩpi̧nä̧ku̧sä̧, jua'amä̧ visión pättünä̧. Juorü, yajute isaju i̧sa̧ büó tu̧'a̧ u̧wä̧mȩ kku̧wa̧'a̧ topinüsä̧, jua̧u̧mä̧ Dio-rü suronä̧ pä'ü ukuokuäkuäwä wȩyu̧kua̧'a̧ pȩji̧nä̧ku̧ jä̧ttä̧pä̧ya̧tä̧, u piyämä̧ kko̧ro̧mü̧ttü̧nü̧ toyure winü̧ ja̧'wa̧ta̧nü̧ u okämä̧ to̧mü̧rȩ jäwä jo̧mȩnä̧ kku̧nä̧ri̧nü̧.

TÄ̧DO Ä̧CUÄ̧ I̧HUȨNȨ

³ Ja̧u̧nu̧ o'ca'a, Espíritu Santo hueähuä 'cuo̧ti̧nä̧, ja̧u̧ ángel de'acu ȩpi̧nö̧ ttörö. Ju̧huȩnȩ yajute isaju, pä̧i̧cua̧ i̧sa̧ tu̧'hua̧rö̧ huä̧mä̧dä̧ju̧ru̧ topinösä. Ja̧u̧ pä̧i̧cua̧ i̧sa̧rö̧ Diosrö suronä päömä huȩyu̧cui̧na̧'a̧. Ja̧'hua̧ta̧nö̧ uhuiyä'inä ko̧ro̧mö̧ttö̧nö̧ toyure ku̧nä̧ri̧nö̧. U i̧sä̧juä̧'i̧nä̧ to̧mö̧rȩ jähuä ku̧nä̧ri̧nö̧.

Apocalipsis 17:3 Iomraidhean Croise

San Mateo 27:28

Juorümä̧ ü̧'ka̧tä̧wä̧ta̧ kko̧'ä̧dü̧ iku, tu̧wä̧ta̧ttü̧ 'ka̧tü̧ kkä̧nü̧

Hechos 8:39

Jua̧u̧ o'ka'a, ajettü ttu̧wä̧mi̧'i̧'o̧mȩnä̧, Epíritumä̧ Felipe-rü ȩmi̧pi̧nü̧ ja̧'wa̧nü̧ ja̧'a̧ttü̧ tookoku pinü̧, ja̧'wa̧nü̧ ja̧'a̧nä̧ Etiopía i̧sa̧mä̧ rü̧ȩnä̧ esewä̧ya̧ i̧wi̧nü̧.

2 Tesalonicenses 2:4

Jua̧u̧ ttü̧ja̧sa̧mä̧ o'kajuiyünä̧ Dio jäwämä̧, ja̧'wa̧ta̧nü̧ chutä Dio-ku ji̧nä̧ ji̧yȩtȩ wotürümä̧ to'ija̧'a̧ku̧tä̧ wa̧. Ja̧'wa̧ta̧nü̧ Dio ojusodenä̧ do'ächi'ü chutä uruwo kku̧nä̧u̧ ja̧'wa̧ta̧nü̧ ttütäsä Dio-mä̧ pä'ü ji̧ä̧wä̧kua̧.

Apocalipsis 1:10

Tu̧ru̧wa̧ u̧mo̧ro̧ ja̧'a̧, Epíritu Sa̧tu̧ jäwänä̧ chü̧ja̧'a̧ chaboja̧'a̧ku̧nä̧ttü̧ pä̧i̧ku̧nä̧ rä̧mi̧pi̧na̧'a̧ ä̧ju̧kui̧nü̧sä̧ trompeta jä̧'i̧nü̧'a̧nü̧,

Apocalipsis 12:14

Ja̧'wa̧nü̧ ja̧'a̧nä̧, juäjuru iyäwi'ina̧'a̧ tobäre kkujuabiyä bäreu pare ujuabiyä, jua̧u̧ dragó̧ pättäku ä'kattü otó kojächa pä'ü, rȩbi̧yu̧ dȩ'a̧ra̧'a̧ku̧, juäjurutä ja̧'a̧tȩ'ü̧ jȩpü̧ kku̧nä̧wo̧mȩku̧, juorü ttukuäje'aju pä'ü, wäbodäkuä año ja̧'a̧nä̧, kkoro ju'to jo̧mȩnä̧.

Apocalipsis 12:3

Juȩnȩ o'komȩnä̧ mo̧ro̧jä̧ra̧'a̧ttü̧ kkoro i̧jȩkuä̧chi̧na̧'a̧: Ya̧tȩ dragó̧ pättäku büó, tu̧'a̧, kko̧ro̧mü̧ttü̧nü̧ todäre jo̧mȩnä̧ kku̧nä̧rü̧ upiyämä̧, ä̧ja̧wi̧yä̧ okämä̧ to̧mü̧rȩ jäwä okä kku̧nä̧rü̧ ja̧'wa̧ta̧nü̧ jiyute u piyänä̧mä̧ ji̧yȩtȩ corona pättü u'uttäwä wȩnä̧ri̧nü̧.

Apocalipsis 12:6

Ja̧'wa̧nü̧ ja̧'a̧nä̧, juäju isajumä̧ rȩbi̧yu̧ dȩ'a̧ra̧'a̧ku̧ tü'ipächinä̧ju̧, Dio aditü u̧ju̧ni̧no̧mȩku̧ kku̧kuȩ iyü tta̧ttä̧ra̧ju̧, wäbodäkuä año ja̧'a̧nä̧ kkoro año ju'to jo̧mȩnä̧.

Apocalipsis 17:18

Isaju to'kuäjäkuamä̧, ukuo ütawiyärü ja̧'a̧, pi̧jä̧nä̧ttü̧ ruwotü ttu̧wä̧mȩnä̧ weü ütawiyä.

Apocalipsis 17:4

Juäju isajumä̧, púrpura pättü i̧sä̧ta̧, tu̧wä̧ta̧ 'ka̧tä̧wi̧nä̧ju̧, oro o'kittü'i̧nä̧, kkoro rü̧ȩnä̧ mikuäu, perlas pättüttü'i̧nä̧ a̧'kua̧tä̧kuä̧winä̧ju̧. Ja̧'wa̧ta̧nü̧ kku̧mü̧nä̧mä̧, oro-ttü a̧di̧kuo̧'ta̧ copa i̧so̧'ta̧ 'chu̧'ä̧ri̧nä̧ju̧, juo̧'ta̧ jakuämä̧ ȩki̧na̧'a̧ ttu̧su̧ro̧tü̧'i̧nä̧ ja̧'wa̧ta̧nü̧ ttidepä weü jȩpä̧'chä̧kuä̧u̧ kkä̧kuä̧wä̧'i̧nä̧, jü̧nä̧;

Apocalipsis 18:12

Oro-ttü'i̧nä̧, pärätättü'i̧nä̧, ido'kiyä rü̧ȩnä̧ mikuäuttü'i̧nä̧, ido'kiyä perlas pättü o'kittü'i̧nä̧, pü̧jä̧ti̧yu̧ adiwä juei lino pättüttü'i̧nä̧, púrpura pättüttü'i̧nä̧, seda pättüttü'i̧nä̧, tuwuöttü'i̧nä̧; o'kajuiyütä dauwiyä a̧mȩu̧ttü̧'i̧nä̧; marfil pättüttü'i̧nä̧, dauwiyä rü̧ȩnä̧ mikuäuttü'i̧nä̧, bronce pättüttü'i̧nä̧, kuoräuttü'i̧nä̧ ja̧'wa̧ta̧nü̧ mármol pättü ido'kiyättü'i̧nä̧;

Apocalipsis 18:16

Pa̧'a̧nü̧ pättäkuotü: «¡Isottü̧, isoó, uku ütawiyä rü̧i̧no̧mȩjä̧! lino pättü adiwäjuei i̧sä̧ta̧ttü̧, púrpura pättü tuwuttü, escarlata pättüttü, oro-ttü ja̧'wa̧ta̧nü̧ ido'kiyä adiwä jueittü, adiu a̧'kua̧ku̧ o'kittü, 'ka̧tä̧wi̧'ü̧ kki̧nü̧jä̧, ukú ütawiyämä̧.

Apocalipsis 21:10

Ja̧'wa̧nü̧ ja̧'a̧, epíritu jäwänä̧ i̧jȩkuä̧cho̧mȩnä̧, á̧gȩ-mä̧ mü̧ä̧'ka rü̧ä̧'ka ju'toju jä'kara̧'a̧ ȩpi̧nä̧ku̧sä̧, ȩpä̧ji̧'ka̧mä̧ i̧jȩpi̧nä̧ku̧sä̧ surojü juiyü Jerusarȩ́ ütawiyä, mo̧ro̧jä̧ Dio ü̧jo̧mȩttü̧ mȩyȩwa̧'a̧.

Apocalipsis 4:2

Ja̧'wa̧nü̧ päi'omȩnä̧ Epíritu jäwänä̧ chü̧ja̧'a̧ttü̧, mo̧ro̧jä̧nä̧ ji̧yȩtȩ ruwo dȩä̧kä̧ jȩpü̧ kku̧nä̧wa̧'a̧ topinü̧sä̧, ju̧wä̧kä̧ ruwo dȩä̧kä̧nä̧ ya̧tȩ pi̧nü̧.