Apocalipsis 17:1 - Nuevo Testamento Uwotjüja

¹ Kko̧ro̧mü̧ttü̧nü̧ ta̧ju̧ wotüttü ya̧tȩ á̧gȩ, kko̧ro̧mü̧ttü̧nü̧ to̧'ta̧rȩ copa o̧'ta̧ 'chu̧ä̧rä̧nü̧ ichi'ü päinä̧ku̧sä̧: «Ichiwä, chi̧jȩpa̧ku̧ u̧mä̧tu̧ku̧ jȩpä̧'chä̧kuä̧wä̧'i̧jä̧ju̧ büarü, ajewiyä wä̧mȩ pä̧ju̧ru̧ usurä kkȩmä̧u̧nä̧ ro̧ȩkuä̧kuȩ.

TÄ̧DO Ä̧CUÄ̧ I̧HUȨNȨ

¹ Ja̧'hua̧ ja̧'a̧ ya̧tȩ jahuätö ko̧ro̧mö̧ttö̧nö̧ ta̧ju̧ ángeles, ko̧ro̧mö̧ttö̧nö̧ to̧'ta̧rȩ i̧so̧'ta̧ 'chu̧'ä̧rä̧tö̧ i̧sa̧, ttörö ichi'ö pä'inö: —Ichihuä. Yajute mä̧nä̧ ruhuajuru, rö̧ȩnä̧ suronä jȩpä̧ju̧ru̧, ajehuiyänä pä̧ju̧ru̧, ro̧ȩcuä̧ päi'önä, jahuäjuru 'cuäopä̧cuȩ chi̧jȩpa̧cu̧.

Apocalipsis 17:1 Iomraidhean Croise

San Lucas 24:32

Ja̧'wa̧nü̧ päi'i̧yä̧u̧ pä'äkuäwinä̧tü̧: —¿Isopäi'ünä̧, mä̧nä̧nä̧, wȩyu̧kuä̧ wȩnȩ ji'äwäya̧ ichomȩnä̧mä̧, ta̧mi̧ iso'ki barawäja'akuättü̧?

San Lucas 9:30

Ja̧'wa̧nü̧ päi'a'attü ttü̧ja̧ ta̧ju̧ chutäku ukuoku kka̧kui̧nä̧tü̧. Juätümä̧ Moisé'i̧nä̧, Elía'i̧nä̧ ji̧na̧'a̧;

Apocalipsis 1:1

Dio-mä̧ Jesucrito-rü iyinü̧, umüwäyotürü jitätä ja̧'a̧ 'kuäopä̧kuȩ wȩnȩ i̧jȩpa̧ pä'ü. Ja̧'wa̧nü̧ jo̧mȩttü̧ Jesucrito-mä̧ Ju̧a̧-rü̧ ji'äwinü̧, ya̧tȩ u̧mü̧wä̧ya̧ á̧gȩ-nä̧,

Apocalipsis 15:1

Ja̧'wa̧ta̧nü̧ topinü̧sä̧, mo̧ro̧jä̧nä̧ kkoro rü̧ȩnä̧ jü̧ adiwä juäi i̧jȩkuä̧cha̧'a̧: kko̧ro̧mü̧ttü̧ ta̧ju̧nü̧ wotü á̧gȩrȩ-tü̧; juätümä̧ kko̧ro̧mü̧ttü̧ todäre jäwä rüjí mo̧ro̧ usurä ȩmä̧kuä̧wä̧kuȩku̧ kka̧kui̧nä̧tü̧; jua̧u̧nä̧tä̧ Dio ü̧ra̧wä̧rü̧mä̧ jo̧mȩnü̧ beipächäkua'a ji̧na̧'a̧.

Apocalipsis 16:19

Ütawiyä rü̧o̧mȩmä̧ wäbodäkuä jo̧mȩnä̧ 'kä̧'chä̧wi̧pi̧na̧'a̧, ja̧'wa̧ta̧nü̧ pi̧jä̧nä̧ttü̧ ütawiyä kka̧ku̧mä̧ ma̧ä̧chi̧na̧'a̧; ja̧'wa̧nü̧ päi'a'attü, yȩnȩ ütawiyä rü̧o̧mȩ Babironia pättomȩ Dio-mä̧ amükuädi'inü̧, rü̧ȩnä̧ a̧mi̧ suräku, juȩnȩ usurä ttȩmä̧u̧nä̧ ü̧tä̧bo̧ta̧ pä'ü.

Apocalipsis 18:1

Jua̧u̧ 'kuäopäji o'ka'a, kka̧ra̧ á̧gȩ mo̧ro̧jä̧ra̧'a̧ttü̧ i̧mȩyȩwi̧'a̧'a̧ topinü̧sä̧; jua̧u̧mä̧ rü̧ȩnä̧ ukuo kku̧nä̧ri̧nü̧, i̧tȩya̧u̧ttü̧ pi̧jä̧nä̧mä̧ tȩya̧wi̧na̧'a̧.

Apocalipsis 19:2

Isopäi'ünä̧ Jua̧u̧ adiwomȩnä̧ jȩü̧mä̧, jueünä̧tä̧, isopäi'ünä̧tä̧ ja̧'a̧; isopäi'ünä̧ kkidepä iyä'chäkuäu jȩpä̧'i̧jä̧ju̧, isaju büarümä̧ pi̧jä̧ ttü̧ja̧rü̧ surojuo'epinä̧ju̧ru̧mä̧; Dio umüwäyotü wa'ü ttikuinü̧ mikuäwächünä̧, juäjuru ro̧'ȩpä̧ji̧ Dio-mä̧.»

Apocalipsis 19:9

Ja̧'wa̧nü̧ ja̧'a̧ á̧gȩ-mä̧ päinä̧ku̧sä̧: «Wȩyu̧ti̧: Eseäkuäwä kka̧'a̧, jua̧u̧ oweja mü̧ä̧ya̧ jü̧nä̧ wa̧ ü'käu pä'kärinä̧ i̧'cha̧ pä'ü ä̧tȩkuo̧tü̧rü̧mä̧.» Yabonü̧ päinä̧ku̧sä̧: «Pi̧yȩ ja̧'a̧ Dio i̧wȩnȩ, jueü wȩnȩmä̧.»

Apocalipsis 21:15

Ja̧'wa̧ta̧nü̧ á̧gȩ ttüku ukuokumä̧ nä̧yü̧na̧ oro isä̧na̧ 'chu̧'ä̧ri̧nü̧, ütawiyä'i̧nä̧, äpatiyä'i̧nä̧, tto'epü kku̧nä̧wäbä'i̧nä̧ pa̧ja̧ti̧nü̧ juä̧na̧nä̧.

Apocalipsis 21:9

Ja̧'wa̧ta̧nü̧ kko̧ro̧mü̧ttü̧nü̧ ta̧ju̧ wotü á̧gȩrȩ-ttü̧ ya̧tȩ, kko̧ro̧mü̧ttü̧nü̧ to̧'ta̧rȩ copa o̧'ta̧, kko̧ro̧mü̧ttü̧nü̧ todäre jo̧mȩnä̧ rüjí mo̧ro̧ usurä ȩmä̧kuä̧wä̧ su̧'pȩnü̧ ȩka̧'a̧, 'chu̧ä̧rä̧nü̧ ichi'ü, päinä̧ku̧sä̧: «ichi'i poku, oweja mü̧ä̧ya̧ jü̧nä̧ wa̧ ü'käwäkuajuru, chi̧jȩpa̧ku̧.»

Apocalipsis 4:1

Pi̧yȩ 'kuäopäji o'ka'a topinü̧sä̧, mo̧ro̧jä̧ äpate bawekuä̧nü̧ kka̧'a̧; i̧wȩnȩmä̧ ä̧kuo̧mȩnä̧ chä̧ju̧kuä̧ji̧tä̧, trompeta rä̧mi̧pa̧'a̧ 'kua̧rü̧nä̧, päinä̧ku̧sä̧: «Poku 'cha'ächi'i, pi̧yȩ o'komȩ päi'omȩ 'kuäopä̧kuȩ chi̧jȩpa̧ku̧.»