Apocalipsis 16:5 - Nuevo Testamento Uwotjüja

⁵ Jua̧u̧nü̧ o'ka'a ajiyanä̧ ujuru kku̧nä̧rü̧ á̧gȩ pä'a ä̧ju̧kui̧nü̧sä̧: «Chu̧ru̧wa̧, ukumä̧ adiwomȩnä̧ jȩä̧kuä̧wä̧ i̧sa̧jä̧, Dio surojü jui̧'a̧jä̧, jitä'i̧nä̧ kkü̧jä̧, mo̧'i̧nä̧ kki̧nü̧jä̧,

TÄ̧DO Ä̧CUÄ̧ I̧HUȨNȨ

⁵ Ja̧u̧nu̧ o'ca'a, chutä ángel ajiya u̧ru̧hua̧ pi̧nö̧mä̧ päa'a ä̧ju̧cui̧nö̧sä̧. Pä'inö: —Tu̧ru̧hua̧ Dios, adihuä i̧sa̧mä̧, jitä'inä kö̧, pä'äji'inä ki̧nö̧mä̧, ja̧'hua̧nö̧ ro̧'ȩpö̧ jȩcu̧'o̧mȩnä̧, adiunätä jȩpö̧jä̧.

Apocalipsis 16:5 Iomraidhean Croise

San Juan 17:25

Chä'o, adiwomȩnä̧ jȩä̧kuä̧wä̧ i̧sa̧jä̧, pi̧jä̧ ttü̧ja̧mä̧ ukurumä̧ ttu̧wo̧juo̧ko̧ku̧jä̧ ja̧'wa̧nü̧ ja̧'a̧nä̧ ttümä̧ chu̧wo̧juä̧ku̧jä̧ ja̧'wa̧ta̧nü̧ pitü'i̧nä̧ wo̧jui̧'i̧nä̧tü̧, ukú ttürü wekuina̧'a̧mä̧.

Romanos 2:5

Ja̧'wa̧nü̧ ja̧'a̧nä̧, surojü käkuädi'ätukuoka'a, yaboku jarodi'ü jȩ'kuä̧tu̧ku̧ttü̧mä̧ Dio-mä̧ ukuturu ro̧ȩpä̧kuȩmä̧ yabonü̧ rü̧ä̧dä̧kua̧. Rüjí mo̧ro̧ päi'omȩnä̧ o'katoi'ünä̧rü̧ suronä̧ jȩtti̧nü̧ttü̧'i̧nä̧, adiu jȩtti̧nü̧ttü̧'i̧nä̧, jȩtti̧nü̧'a̧kuä̧ Dio-mä̧ pä'ü u̧ju̧nä̧kuä̧u̧,

Romanos 3:5

(Ttü̧ja̧sa̧ jü̧nä̧tä̧ pädäu̧jä̧) Dio adiwomȩnä̧ jȩü̧mä̧ ujutu suronä̧ jȩti̧yä̧ku̧, a̧mi̧ surächi'äku ro̧ȩpo̧mȩnä̧ i̧jȩkuä̧cha̧'a̧. ¿Ja̧'wa̧nü̧ ro̧ȩpo̧mȩnä̧, Dio-mä̧ suronä̧ jȩpü̧ pätäkua'a tä̧jí̧?

Apocalipsis 1:4

Ttü Ju̧a̧, Asia rȩjȩnä̧ kka̧kuä̧tü̧, kko̧ro̧mü̧ttü̧nü̧ todäre igresia wotürü te'äusä: Wȩnȩ juiyü, adiwä juei ukuturu kka̧ pä'üsä. Jitä'i̧nä̧ kkü̧, mo̧'i̧nä̧ kki̧nü̧, pä'ejita'anü̧'i̧nä̧ i̧chä̧kua̧ ja̧'wa̧ta̧nü̧ kko̧ro̧mü̧ttü̧nü̧ ta̧ju̧ wotü uruwo dȩä̧kä̧ ä'ka jo̧mȩ kka̧kuä̧tü̧ epíritu-tu̧ru̧'i̧nä̧ kku̧nä̧rü̧ ȩmi̧nä̧u̧ kuätukua'attü,

Apocalipsis 1:8

«Ttütäsä ä̧kuo̧mȩnä̧'i̧nä̧, rüjinä̧'i̧nä̧ wa̧mä̧,» pä'ü Tu̧ru̧wa̧ Dio-mä̧, täbokü'i̧nä̧ kki̧nü̧mä̧, jitä'i̧nä̧ kkü̧mä̧, ja̧'wa̧ta̧nü̧ yodoji'i̧nä̧ i̧chä̧kua̧mä̧, o'kajuiyünä̧tä̧ ujuru kku̧nä̧rü̧mä̧.

Apocalipsis 11:17

Pa̧'a̧nü̧ pä'ünü̧: Chu̧ru̧wa̧ Dio, o'kajuiyünä̧ ju̧ru̧wa̧jä̧, ukumä̧ kkü̧jä̧, mo̧ro̧ kki̧ä̧mü̧nä̧tä̧ kki̧nü̧jä̧. Ukuru esewätüjä̧, kujuru i̧jȩpü̧, ruwo wekua'attü̧, pi̧jä̧ rȩjȩnä̧.

Apocalipsis 16:4

Ja̧'wa̧ta̧nü̧ wäbodäkuänä̧ päi'ünä̧ wa̧ á̧gȩ üäre copa i̧so̧'ta̧ ajewiyänä̧'i̧nä̧, ajewiyä räopomȩ'i̧nä̧ to'inü̧; ja̧'wa̧nü̧ toomȩnä̧ ajiyamä̧ ttukuojatä pärowächi'ina̧'a̧.

Apocalipsis 16:7

Ja̧'wa̧ta̧nü̧ altar pättomȩttü̧, rä̧mi̧pa̧'a̧ ä̧ju̧kui̧nü̧sä̧: «A̧ Chu̧ru̧wa̧, isopäi'ünä̧, ukumä̧ adiwomȩnä̧ jȩpü̧jä̧, Dio o'kajuiyünä̧ kujuru kku̧nä̧rü̧ kua'attü̧, isopäi'ünä̧tä̧, jueünä̧tä̧ jȩpü̧jä̧.»

Apocalipsis 19:2

Isopäi'ünä̧ Jua̧u̧ adiwomȩnä̧ jȩü̧mä̧, jueünä̧tä̧, isopäi'ünä̧tä̧ ja̧'a̧; isopäi'ünä̧ kkidepä iyä'chäkuäu jȩpä̧'i̧jä̧ju̧, isaju büarümä̧ pi̧jä̧ ttü̧ja̧rü̧ surojuo'epinä̧ju̧ru̧mä̧; Dio umüwäyotü wa'ü ttikuinü̧ mikuäwächünä̧, juäjuru ro̧'ȩpä̧ji̧ Dio-mä̧.»

Apocalipsis 4:8

Juätü pa̧ja̧kuä̧nü̧ wotü a̧'kua̧rä̧tü̧ ya̧ku̧nä̧mä̧, kko̧ro̧mü̧ttü̧nü̧ ya'ute jo̧mȩnä̧ ttujuabiyämä̧ kku̧nä̧ri̧nä̧tü̧, ttü'äriyämä̧ wä̧mȩnä̧'i̧nä̧ jakuänä̧'i̧nä̧ o'kajuiyünä̧tä̧ kka̧kui̧nä̧u̧. Juätümä̧ mo̧ro̧'i̧nä̧, yodo'i̧nä̧ kättädi'oka'a 'kuäopünä̧tä̧ ra̧'i̧nä̧tü̧: Sa̧tu̧ wa̧, Sa̧tu̧ wa̧ Tu̧ru̧wa̧mä̧, Dio o'kajuiyünä̧tä̧ ju̧ru̧wa̧mä̧, «Jua̧u̧tä̧tä̧ ja̧'a̧ 'kuäopünä̧tä̧ kki̧nü̧mä̧, jitä'i̧nä̧ kkü̧mä̧, yodoji'i̧nä̧ i̧chä̧kua̧mä̧.»

Apocalipsis 6:10

Juätümä̧ pä̧i̧ku̧nä̧ wopinä̧tü̧: «Dio ukumä̧ o'kajuiyünä̧ ju̧ru̧wa̧jä̧, surojü'i̧nä̧ jui̧'a̧jä̧, 'kuäopünä̧ jueü wȩnȩtä̧ ukuokujä̧.» ¿Ujuturu kuä'äu ikuinä̧tü̧rü̧mä̧ ti̧yȩnü̧tä̧ pärokua'aku mikuämä̧ jȩ'kuä̧kua'a̧jä̧ttü̧? ¿Ti̧yȩnü̧tä̧ ku̧tä̧bo̧tä̧kuä̧u̧jä̧ttü̧?