Apocalipsis 14:13 - Nuevo Testamento Uwotjüja

¹³ Ja̧'wa̧ta̧nü̧ mo̧ro̧jä̧ra̧'a̧ttü̧ ya̧tȩ i̧wȩnȩ rä̧mi̧pa̧'a̧ ä̧ju̧kui̧nü̧sä̧: «Pi̧yȩ wȩyu̧ti̧: Eseäkuäwä kkä̧kua̧'a̧ porü yaboku, tu̧ru̧wa̧ku̧ todeunä̧ 'korujuo'ächätürü.» «A̧, iweye ja̧'wa̧ta̧nü̧ jä̧kua̧'a̧ pä'ü Epíritumä̧, juätümä̧ ttaditäwättü 'kuä'ächi'ü ttü̧'ä̧mä̧dä̧kuo̧tü̧, ttaditäwämä̧ juätütäku kkä̧kua̧'a̧.»

TÄ̧DO Ä̧CUÄ̧ I̧HUȨNȨ

¹³ Ja̧'hua̧ ja̧'a̧ ya̧tȩ i̧huȩnȩ mo̧ro̧jä̧ra̧'a̧ttö̧ ttörö ucuocua'a ä̧ju̧cui̧nö̧sä̧. Ttörö päina'a: —Pi̧yȩ huȩyu̧ti̧. “Jitä mo̧ro̧ kä̧mä̧dö̧, o'ca toi'önä Tu̧ru̧hua̧rö̧ esetö kä̧nö̧ 'corupätti'omenä, ttesehuäcuotö”. “Ja̧u̧mä̧ iso päi'önä ja̧'a̧,” päa'a Espíritumä. Ttaditähuättö 'cuättächi'äcuotö. Ttaditinö'inä jahuätöcu ttȩpä̧cuo̧tö̧.

Apocalipsis 14:13 Iomraidhean Croise

Apocalipsis 20:6

¡Eseäkuäwä kka̧'a̧ ä̧kuo̧mȩnä̧ jäwänä̧ tto'ächinä̧tü̧rü̧, juätümä̧ surojüttü 'kȩ'ȩpü̧ ȩmi̧nü̧nä̧ todepätü ja̧'a̧!; yȩnȩta̧'a̧nü̧ wa'ü ttikumä̧, juätürümä̧ rü̧jä̧mo̧ko̧u̧ ttäkuotü; pärokua'aku Dio'i̧nä̧, Crito'i̧nä̧ umüwäyotü sacerdote jü̧nä̧tä̧ ttäkuotü ja̧'wa̧ta̧nü̧ jua̧u̧tä̧ku̧ mil años jo̧mȩnä̧ ruwo wettäkuotü.

1 Tesalonicenses 5:10

Jesucrito-tä ji̧na̧'a̧ ujutu jäwänä̧ 'korujuo'ächinü̧mä̧, 'korujuotächaja pä'ü'i̧nä̧, ta̧'kua̧ra̧ja̧ pä'ü'i̧nä̧, chutäku tü̧ja̧kua̧ pä'ü.

1 Tesalonicenses 4:16

Chutä Tu̧ru̧wa̧tä̧ mo̧ro̧jä̧ra̧'a̧ttü̧ i̧wȩnȩku̧ we'ünü̧, Á̧gȩrȩ-tü̧ ttu̧ru̧wa̧ i̧wȩnȩku̧ ja̧'wa̧ta̧nü̧ Dio we'äwotü ttiäre trompeta rä̧mi̧pü̧nä̧ i̧mȩyȩwä̧kua̧. Ja̧'wa̧nü̧ päi'omȩnä̧, Crito-nä̧ 'korujuo'ächinä̧tü̧mä̧, ä̧kuo̧mȩnä̧ ttottächipäkuotü;

1 Corintios 15:58

Ja̧'wa̧nü̧ ja̧'a̧ttü̧, chawaruwä chi̧jä̧wa̧tü̧, kua̧mi̧'ki'ächi'ü yaboku tätukui, yabonü̧, 'kuäopünä̧tä̧ Tu̧ru̧wa̧ aditäwä aditü; Tu̧ru̧wa̧nä̧ adikuämä̧ yaparemä̧ adikuokü pä'ü.

Apocalipsis 19:9

Ja̧'wa̧nü̧ ja̧'a̧ á̧gȩ-mä̧ päinä̧ku̧sä̧: «Wȩyu̧ti̧: Eseäkuäwä kka̧'a̧, jua̧u̧ oweja mü̧ä̧ya̧ jü̧nä̧ wa̧ ü'käu pä'kärinä̧ i̧'cha̧ pä'ü ä̧tȩkuo̧tü̧rü̧mä̧.» Yabonü̧ päinä̧ku̧sä̧: «Pi̧yȩ ja̧'a̧ Dio i̧wȩnȩ, jueü wȩnȩmä̧.»

Apocalipsis 21:5

Ja̧'wa̧nü̧ ja̧'a̧ uruwo dȩä̧kä̧nä̧ pü̧mä̧ pä'inü̧: «Ttümä̧ o'kajuiyünä̧ jareü jü̧nä̧tä̧ jȩpü̧sä̧.» Ja̧'wa̧ta̧nü̧ pä'inü̧: «Wȩyu̧ti̧; pi̧yȩmä̧ jueünä̧tä̧, isopäi'ünä̧tä̧ jü̧ ja̧'a̧.»

Apocalipsis 6:11

Ja̧'wa̧nü̧ pättomȩnä̧, yotükupünä̧rü̧ iyäwi'ina̧'a̧ ttü̧'ka̧tä̧wä̧ti̧yu̧ teü ja̧'wa̧ta̧nü̧ jitütä jü̧ta̧'a̧nü̧ wa'ü ikuätü, ttawaruwä ttü̧jä̧wa̧tü̧ wotürü, número pa̧ja̧kuä̧cho̧mȩbü päi'ünä̧ yabonä̧nü̧ tta̧ttä̧ri̧pa̧ pä'ü päwi'ina̧'a̧.

2 Corintios 5:8

Ja̧'wa̧nü̧ ja̧'a̧ttü̧, teseäkuäwätukua pi̧yȩ tidepä ikuipü; pärokuänä̧ Tu̧ru̧wa̧ku̧tä̧ tü̧ja̧kua̧ päta'attü̧.

Apocalipsis 16:17

Ja̧'wa̧ta̧nü̧ kko̧ro̧mü̧ttü̧nü̧ todäre päi'ünä̧ wa̧ á̧gȩ üäre copa i̧so̧'ta̧ juätoppanä̧ to'inü̧; ja̧'wa̧nü̧ toomȩnä̧ mo̧ro̧jä̧ Dio ü̧jo̧de, uruwo dȩä̧kä̧ttü̧ ya̧tȩ i̧wȩnȩ pä̧i̧ku̧nä̧ rä̧mi̧pi̧na̧'a̧: «Täkü jo̧mȩnü̧ päia'a.»

1 Tesalonicenses 4:14

Isopäi'ünä̧ Jesucrito-mä̧ 'korujuo'ächäji̧'ka̧mä̧, tto'ächinü̧ pä'ü tesetüttümä̧. Dio-mä̧ ja̧'wa̧ta̧nü̧ tto̧ä̧dä̧kua̧ Jesú-ru esetü kkä̧nü̧ 'korujuo'ächinä̧tü̧rü̧mä̧.

1 Corintios 15:18

Ja̧'wa̧nü̧ jü̧ttü̧mä̧, Crito-rü esetätü 'korujuo'ächinä̧tü̧'i̧nä̧ totte'ächina̧'a̧tä̧ ja̧'a̧.

Romanos 14:8

Ja̧'wa̧nü̧ ja̧'a̧ttü̧, ta̧'kua̧ro̧mȩnä̧'i̧nä̧, Tu̧ru̧wa̧rü̧ pä̧wä̧rü̧jo̧mȩnä̧tä̧ a̧'kua̧rä̧tü̧jä̧; ja̧'wa̧ta̧nü̧ 'korujuotächomȩnä̧'i̧nä̧, Tu̧ru̧wa̧rü̧ pä̧wä̧rü̧jo̧mȩnä̧tä̧ 'korujuo'ächätüjä̧. Ja̧'wa̧nü̧ ja̧'a̧ttü̧, ta̧'kua̧ra̧ja̧ pä'ü'i̧nä̧, 'korujuotächaja pä'ü'i̧nä̧, Tu̧ru̧wa̧ttü̧tä̧ todepätüjä̧.

San Lucas 16:9

Isopäi'ünä̧ ukuturu pä'üsä: Pi̧jä̧ jäwä pärätä adiwä juei jo̧kü̧nä̧, kuawaruwätukuru ku̧ju̧nä̧rä̧tu̧kua̧ usätukui, jua̧u̧ beipächomȩnä̧, mo̧ro̧jä̧nä̧ i'ko kko̧mȩttü̧ ttȩmä̧tu̧kua̧ku̧.

San Mateo 3:17

Ja̧'wa̧nü̧ päi'omȩnä̧, mo̧ro̧jä̧ra̧'a̧ttü̧ i̧wȩnȩ ji̧yȩtȩ rä̧mi̧pi̧na̧'a̧: «Pidemä̧ chi̧tti̧ rü̧ȩnä̧ rȩni̧'a̧, jua̧u̧ru̧ juiyo eseusä.»

Apocalipsis 11:19

Ja̧'wa̧nü̧ ja̧'a̧ Dio-rü ukuokuäkuäwode, mo̧ro̧jä̧ra̧'a̧ttü̧ bawekuächomȩnä̧, Aca pä̧tto̧ka̧ esekuino̧ka̧mä̧, tottünä̧ i̧jȩkuä̧chi̧na̧'a̧. Ja̧'wa̧nü̧ päi'omȩnä̧ ku'upä rowinü̧, tti̧wȩnȩ rä̧mi̧pi̧na̧'a̧, rü̧ȩnä̧ kürüina̧'a̧, rȩjȩ ttü̧ȩpa̧'a̧ttü̧ pparächina̧'a̧ ja̧'wa̧ta̧nü̧ rü̧ȩnä̧ ajiya jamara ma̧i̧na̧'a̧.

Apocalipsis 11:15

Kko̧ro̧mü̧ttü̧nü̧ todäre á̧gȩ iäre trompeta ppüomȩnä̧, mo̧ro̧jä̧ra̧'a̧ttü̧ pä̧i̧ku̧nä̧ rä̧mi̧pi̧na̧'a̧: «Täkü rȩbȩä̧kuä̧wa̧'a̧, pi̧jä̧nä̧ Tu̧ru̧wa̧ Dio'i̧nä̧, weinä̧ku̧'i̧nä̧ ruwotü jü̧nä̧ wettü mo̧ro̧ ja̧'wa̧nü̧ ja̧'a̧ttü̧ mo̧ro̧ kki̧ä̧mü̧nä̧ wettäkuotü.»

Apocalipsis 10:4

Ja̧'wa̧nü̧ kko̧ro̧mü̧ttü̧nü̧ rä̧mi̧po̧mȩnä̧, chi̧wȩyu̧ta̧ pä'inü̧sä̧; ja̧'wa̧nü̧ ja̧'a̧nä̧ mo̧ro̧jä̧ra̧'a̧ttü̧ rä̧mi̧pi̧na̧'a̧: «Kui̧wȩyu̧tä̧ kko̧ro̧mü̧ttü̧nü̧ todäre jo̧mȩnä̧ rä̧mi̧pä̧ji̧mä̧, dajütä kku̧ni̧,» jü̧nä̧.

Apocalipsis 2:1

Éfeso-ra̧'a̧ igresia tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: u̧wo̧jua̧'a̧ku̧nä̧ u̧mü̧nä̧ kko̧ro̧mü̧ttü̧nü̧ ta̧ju̧ wotü si̧ri̧'kü̧rü̧ 'chu̧'ä̧rü̧mä̧ ja̧'wa̧ta̧nü̧ kko̧ro̧mü̧ttü̧nü̧ tokäre tȩya̧u̧ kku̧nä̧wä̧ okä oro jäwä 'kä̧tȩnä̧ kue'ächümä̧ pa̧'a̧nü̧ pä'ü:

Filipenses 2:17

Ja̧'wa̧ta̧nü̧ chukuoja sacrificio jü̧nä̧, altar pättomȩ tta̧'kua̧ wȩnä̧rü̧ ofrenda jü̧nä̧ ririäkuäwächünä̧ jȩtta̧ja̧ pä'ü'i̧nä̧, esewajüsä ukutu kua̧'kua̧ ku̧wȩnä̧rä̧tu̧ku̧ ukutuku chesewa pä'üsä.

San Lucas 16:25

Päomȩnä̧ Abraha̧-mä̧ ädätinä̧ku̧: Chi̧tti̧ amükuädi, kua̧'kua̧rä̧i̧mä̧ adiu eseu kki̧nü̧jä̧. Ja̧'wa̧ta̧nü̧ Rázaru-mä̧ surojü usurä ȩmä̧u̧ ü̧ja̧'a̧nä̧. Jitämä̧, pä̧ro̧kua̧ eseu kkü̧, uku usurä kuȩmä̧wa̧'a̧nä̧.

Apocalipsis 1:11

i̧wȩnȩ rä̧mi̧pü̧nä̧ pä'ümä̧, pä'inü̧: «Ukú to'kumä̧ wȩyu̧tu̧ we'í, kko̧ro̧mü̧ttü̧ todärenü̧ jü̧ igresia wotürü, Asia rȩjȩnä̧ kka̧kuä̧tü̧rü̧: Éfeso-ra̧'a̧'i̧nä̧, Esmirna-ra̧'a̧'i̧nä̧, Pégamo-ra̧'a̧'i̧nä̧, Tiatira-ra̧'a̧'i̧nä̧, Sadira̧'a̧'i̧nä̧, Firadefia-ra̧'a̧'i̧nä̧ ja̧'wa̧ta̧nü̧ Laodicea-ra̧'a̧'i̧nä̧,» jü̧nä̧.

1 Corintios 15:20

Ja̧'wa̧nü̧ jü̧'a̧nü̧ ja̧'a̧nä̧, Crito-mä̧ wa'arettü ttoächina̧'a̧tä̧ ja̧'a̧. Jua̧u̧tä̧ ji̧na̧'a̧ ä̧kuo̧mȩnä̧ i̧sa̧ jü̧nä̧ wa'arettü tto'ächinü̧mä̧.

1 Timoteo 5:24

Yotukunä̧ surojü jȩttü̧mä̧ ro̧ttȩpä̧kua̧'a̧ ä'kanä̧ wäjuönä̧ tottünä̧ i̧jȩkua̧'a̧, ja̧'wa̧nü̧ ja̧'a̧nä̧ kkoronü̧mä̧ täkü rekuo mo̧ro̧ o'ka'atä i̧jȩkuä̧cha̧'a̧.

1 Timoteo 5:25

Ja̧'wa̧nü̧ jü̧ ta̧'a̧nü̧ adiwä jueimä̧ jü̧ttü̧'i̧nä̧ i̧jȩkua̧'a̧; ja̧'wa̧ta̧nü̧ adiwäjuei jo̧kü̧mä̧ 'kuäopünä̧tä̧mä̧ dajawä̧ru̧mä̧ kko̧kü̧ jä̧kuȩ.

Apocalipsis 2:7

Ä̧ju̧kuä̧kuä̧wä̧ kku̧nä̧rü̧mä̧, Dio i̧sa̧ Epíritu igresia wotürü jiäu ä̧ju̧kui̧: Pi̧yȩ Isó juo'epürümä̧, kkä̧kuä̧wä̧ dauttü ukua pä'ü chi̧yä̧kua̧, Dio ü̧jo̧mȩ paraíso pättomȩ kkä'ko kkäittü.

Apocalipsis 22:17

Ja̧'wa̧nü̧ päomȩnä̧ Epíritu sa̧tu̧'i̧nä̧, oweja mü̧ä̧ya̧ irekua'i̧nä̧ pä'inä̧tü̧: «¡Ichi!» Ja̧'wa̧nü̧ pätta'a ä̧ju̧kuä̧tü̧'i̧nä̧, pä'inä̧tü̧: «¡Ichi!» Ja̧'wa̧ta̧nü̧ awa a̧di̧rü̧ja̧ku̧mä̧, ichi; ja̧'wa̧ta̧nü̧ awa pä̧wä̧rü̧jä̧ku̧mä̧, kkä̧kuä̧wä̧ ajiyattü mipponä̧tä̧ awi.