Apocalipsis 13:3 - Nuevo Testamento Uwotjüja

³ Jua̧u̧ i̧sa̧ büó ú jiyutenä̧mä̧, ya̧tȩ kuäina̧'a̧ 'kua̧ri̧nü̧, 'koru päi'a pä'ü ja̧'wa̧nü̧ ja̧'a̧nä̧ juȩnȩ toe'ächa pä'ü kuäino̧mȩmä̧ wawächächina̧'a̧ ji̧na̧'a̧; ja̧'wa̧nü̧ jo̧mȩnä̧ pi̧jä̧ ttü̧ja̧ o'katoi'ünä̧ eseäkuäu jua̧u̧ i̧sa̧ büó betia pättäku o'ka'anä̧ 'chi̧nä̧tü̧.

TÄ̧DO Ä̧CUÄ̧ I̧HUȨNȨ

³ Ja̧u̧ pä̧i̧cua̧ i̧sa̧ u ji'ute cuä'ö tticuäja'a jä̧'i̧nö̧'a̧nö̧ ji̧na̧'a̧. Ja̧'hua̧nö̧ ja̧'a̧nä̧ cuä'ö tticuäja'a adiu päi'inäcu. Ja̧'hua̧nö̧ päi'omenä, o'ca toi'önä pi̧jä̧ ttö̧ja̧ to̧ttä̧ro̧mȩnä̧, ja̧u̧ o'ca'anä 'chi̧nä̧tö̧.

Apocalipsis 13:3 Iomraidhean Croise

San Lucas 2:1

Ji̧yȩnü̧ pä̧nä̧ Césa Augusto ru̧wa̧ pä̧nü̧ ttü̧ja̧ o'katoi'ünä̧rü̧ we'inü̧ tti̧mi̧ tti̧wȩyu̧kuä̧kuä̧wa̧ pä'ü.

San Juan 12:19

Ja̧'wa̧nü̧ ji̧yä̧u̧ fariseo wotümä̧ pä'äkuäwinä̧tü̧: Täkü topätukui, jȩ'kuä̧tu̧ku̧ juiyünä̧ wotüjä̧. Ttü̧ja̧mä̧ jua̧u̧ru̧tä̧ rü̧ȩnä̧ esetätü.

Hechos 8:13

Ja̧'wa̧nü̧ ja̧'a̧, Simón'i̧nä̧ esetü iku bautizo jȩpä̧kuä̧wä̧ji̧'ka̧, Felipe-ku kue'ächü, to̧o̧ to̧pä̧ri̧nü̧, jȩtto̧kü̧ juei rü̧ȩnä̧ jȩi̧yä̧ku̧.

Apocalipsis 13:12

Ä̧kuo̧mȩnä̧ i̧sa̧ büó betia-ttü uruwo ȩmi̧nü̧ pinü̧, jua̧u̧ weütä aditinü̧. Pi̧jä̧ ttü̧ja̧rü̧mä̧, ä̧kuo̧mȩnä̧ i̧sa̧ büó betia-rü ttiwe'kiyunä̧ pȩjä̧mü̧ tteseäkuäwünä̧ jȩpi̧nü̧. Täkü toe'ü'anü̧ ji̧nä̧tta, üttamä̧ wawächinä̧ku̧ pinü̧.

Apocalipsis 13:14

Pide i̧sa̧ büó betia-mä̧ ttü̧ja̧ rekuätürü yaparewinü̧, ä̧kuo̧mȩnä̧ i̧sa̧ büó betia ujuru iyinü̧nä̧. Jua̧u̧nü̧ o'ka'a ä̧kuo̧mȩnä̧ i̧sa̧ büó betia pinü̧ a̧'kua̧juä̧ isä'ka aditü kku̧ni̧nü̧, kurodättü toe'inomȩ ji̧no̧mȩmä̧ ü̧ji̧pi̧na̧'a̧ ji̧na̧'a̧.

Apocalipsis 17:10

Juätüttü, ruwotü ji̧mü̧tȩnü̧ wotümä̧, täkü ma̧'ä̧chi̧nä̧tü̧; juätüttü ya̧tȩtä̧ ja̧'a̧ jitä we'ümä̧ ja̧'wa̧ta̧nü̧ kka̧ra̧mä̧ ji̧nä̧ ichokü. Ja̧'wa̧nü̧ ja̧'a̧nä̧ jua̧u̧ ichomȩnä̧mä̧, rekuomä̧ we'okü jä̧kua̧.

Apocalipsis 17:11

I̧sa̧ büó betia ä̧kuo̧mȩnä̧ ü̧ji̧na̧'a̧nä̧, jitä kko̧kü̧ päjimä̧, juätü kko̧ro̧mü̧ttü̧nü̧ ta̧ju̧ ruwotü päjätü i̧sa̧ ja̧'a̧. Pä'äjita'anü̧ ruwo we'ü i̧chä̧kua̧, kko̧ro̧mü̧ttü̧nü̧ wäbodäkuä päi'ünä̧ ja̧'wa̧nü̧ ja̧'a̧nä̧, jo̧mȩnü̧, ya'utekutä si'epü ikuäwä̧kua̧.»

Apocalipsis 17:13

Pitü to̧mü̧rȩ jo̧mȩnä̧ wotü ruwotümä̧ ji̧nä̧ ji̧yȩtȩnä̧ amükuädätü ja̧'wa̧nü̧ ja̧'a̧ttü̧ i̧sa̧ büó betia-rü uruwo ttiyäkuotü.

Apocalipsis 17:17

Jua'amä̧, Dio-mä̧ churutä pä̧wä̧rü̧jo̧mȩnä̧, juätü to̧mü̧rȩ ruwä ruwotü tta̧mi̧ iso'kinä̧ wea'attü̧ ja̧'wa̧nü̧ jȩttü̧nä̧ iyinä̧u̧: Ji̧nä̧ ji̧yȩtȩnä̧ amükuädü i̧sa̧ büorü uruwo ttiya pä'ü. Ja̧'wa̧nü̧ jo̧mȩnä̧, i̧sa̧ büorü ttukuotäkuotü, Dio amükuädinü̧ jo̧mȩnü̧ päi'ünä̧.

Apocalipsis 17:6

Ja̧'wa̧nü̧ ja̧'a̧nä̧, juȩnȩ o'komȩnä̧ topinüsä̧, juäju isaju tä̧jä̧mä̧cha̧'a̧, Dio i̧tti̧mü̧'i̧nä̧, Jesú i̧mi̧nä̧ wa'ü ikuätü'i̧nä̧, totte'äkuäwomȩnä̧. Ja̧'wa̧nü̧, juäjuru ja̧'a̧ topü, to̧o̧ to̧pä̧ri̧nü̧sä̧.

Apocalipsis 17:8

Jua̧u̧ i̧sa̧ büó betia to'kuäjäkumä̧, ya̧tȩ kki̧nü̧ ja̧'a̧ ja̧'wa̧nü̧ ja̧'a̧nä̧ jitämä̧ täkü kko̧kü̧; ja̧'wa̧nü̧ ja̧'a̧nä̧, rȩjȩku̧ 'kuȩya̧ppa̧nü̧ ja̧'a̧ttü̧ räopä̧kua̧, jo̧mȩnü̧ kuä'ü ikuäwarü pä'ü. Pi̧jä̧ ttü̧ja̧, pi̧jä̧ uwäbeinomȩttü̧ kkä̧mä̧dü̧, kkä̧kuä̧wä̧ kuyäru'tänä̧ tti̧mi̧pi̧yä̧ jui'ätümä̧, jua̧u̧ i̧sa̧ büó betia, täbokü kki̧nü̧ ja̧'a̧nä̧, jitämä̧ kko̧kü̧rü̧, ja̧'wa̧ta̧nü̧ ü̧jä̧kua̧rü̧ topü, to̧o̧ to̧ttä̧rä̧kuo̧tü̧, jua̧u̧ru̧ topü.»