Apocalipsis 13:2 - Nuevo Testamento Uwotjüja

² Pide i̧sa̧ büó tochinä̧ku̧mä̧ Büó Yäwi 'kua̧ri̧nü̧; ü̧jä̧pi̧yä̧mä̧ aje yäwi ü̧jä̧pü̧ jä̧'i̧nü̧'a̧nü̧ winü̧ ja̧'wa̧ta̧nü̧ ämä̧ Jojochäyu ä 'kua̧ri̧nü̧. Dragó̧ pättäkumä̧ rü̧ȩnä̧ ujuru'i̧nä̧, uruwo'i̧nä̧, ukuo'i̧nä̧ iyinü̧ jua̧u̧ru̧.

TÄ̧DO Ä̧CUÄ̧ I̧HUȨNȨ

² Ja̧u̧ pä̧i̧cua̧ i̧sa̧mä̧, tochäjäcumä yähui ta'anö hui̧nö̧. Ö̧jä̧pi̧yä̧mä̧ oso ta'anö hui̧nö̧. Ä'inä león ta'anö hui̧nö̧. Ja̧u̧ ojuo da'ä jä̧'i̧nö̧'a̧nö̧ hua̧mä̧ ja̧u̧ pä̧i̧cua̧ i̧sa̧rö̧ ujuru'inä, i̧dȩä̧cä̧'i̧nä̧, rö̧ȩnä̧ hueähuä'inä iyinäcu.

Apocalipsis 13:2 Iomraidhean Croise

2 Timoteo 4:17

Ja̧'wa̧nü̧ ja̧'a̧nä̧ chu̧ru̧wa̧tä̧ ji̧na̧'a̧ chujuru'i̧nä̧ iyü ppä'ädinü̧mä̧, o'katoi'ünä̧ judío pokotü surojüttü kki̧'i̧kuä̧ wȩnȩ jidäwa ttä̧ju̧kua̧ päümä̧. Ja̧'wa̧nü̧ jȩpü̧tä̧ Chü̧ä̧nä̧wa̧mä̧ mü̧yä̧wi̧tü̧ ttä jakuättü rä'epü ikuinä̧ku̧sä̧.

1 Pedro 5:8

Wo̧juȩku̧nä̧ amükuädätü jü̧nä̧ to̧pä̧rä̧kuä̧u̧ kka̧kuä̧tu̧kui̧, isopäi'ünä̧ kua̧bo̧i̧ya̧tu̧ku̧ äwettämä̧, mü yäwi durupä̧rü̧ jä̧'i̧nü̧'a̧nü̧ ya̧tȩrü̧ ukui'a pä'ü usú kue'ächü.

Apocalipsis 12:13

Ja̧'wa̧nü̧ dragó̧ pättäkumä̧ pi̧jä̧ra̧'a̧ku̧, kki'opü ikuäjäku wo̧jui̧'ü̧mä̧, ru'i'inü isaju kki̧tti̧rü̧ o'kaju juo'inä̧ju̧ru̧.

Apocalipsis 12:15

Jua̧u̧ dragó̧ pättäkumä̧, juäju kko'komȩ jo̧mȩ, änä̧ ajiya räo'ünä̧ jȩpi̧nü̧ aje päi'ünä̧, juoto aje juatädi'aju pä'ü.

Apocalipsis 12:9

Ja̧'wa̧nü̧ ja̧'a̧ttü̧, jua̧u̧ dragó̧ pä'ü mi̧kua̧, mo̧ täbokü ä̧ka̧ pinü̧, äwettä, satanás, pättäku pi̧jä̧ o'kajuiyünä̧ yapareumä̧, umüwäyotü á̧gȩrȩ-ku̧ pi̧jä̧ rȩjȩra̧'a̧ kki'opü ikuinä̧u̧.

Apocalipsis 13:12

Ä̧kuo̧mȩnä̧ i̧sa̧ büó betia-ttü uruwo ȩmi̧nü̧ pinü̧, jua̧u̧ weütä aditinü̧. Pi̧jä̧ ttü̧ja̧rü̧mä̧, ä̧kuo̧mȩnä̧ i̧sa̧ büó betia-rü ttiwe'kiyunä̧ pȩjä̧mü̧ tteseäkuäwünä̧ jȩpi̧nü̧. Täkü toe'ü'anü̧ ji̧nä̧tta, üttamä̧ wawächinä̧ku̧ pinü̧.

Apocalipsis 13:4

Ja̧'wa̧nü̧ ja̧'a̧ i̧sa̧ büó betia pättäkuru, uruwo'i̧nä̧, dragó̧ pättäku uruwo iyini̧yä̧u̧ betia pättäkuru eseäkuäwinä̧tü̧: «¿Ditäjä̧ttü̧ pide betia pättäku jü̧'a̧nü̧ wa̧mä̧, dítä jä̧ttü̧ jua̧u̧ku̧ ürowäwuö'anü̧ wa̧mä̧?», pä'ü.

Apocalipsis 16:10

Ja̧'wa̧ta̧nü̧ ji̧mü̧tȩ jäwä päi'ünä̧ wa̧ á̧gȩ üäre copa i̧so̧'ta̧ to'inü̧, i̧sa̧ büó betia uruwo dȩä̧kä̧nä̧; toomȩnä̧ jua̧u̧ uruwomä̧ yo̧ü̧nä̧tä̧ päi'ina̧'a̧. Ttü̧ja̧mä̧, rü̧ȩnä̧ ba̧ra̧wä̧u̧ tti̧nȩnä̧ yü̧yü̧pä̧kuä̧wi̧nä̧tü̧.

Apocalipsis 17:12

To̧mü̧rȩ jäwä u okä to'kuäjimä̧, to̧mü̧rȩ jäwä ruwo wȩttä̧kuȩ ja̧'a̧ ja̧'wa̧nü̧ ja̧'a̧nä̧, jitämä̧ ji̧nä̧ we'okotü ja̧'a̧; ja̧'wa̧nü̧ ja̧'a̧nä̧, tturuwo iyäwi'äkuä̧u̧, suro ya'ute hora-tä, jua̧u̧ i̧sa̧ büó betia-ku yo̧mȩtȩnä̧.

Apocalipsis 19:20

I̧sa̧ büó betia-rü 'chu'ädümä̧, jua̧u̧tä̧ku̧ yo̧mȩtȩnä̧ profeta yapareu, jȩtto̧kü̧ juei jȩpü̧, i̧sa̧ büó weü rütä'chü kkä̧nü̧ ja̧'wa̧ta̧nü̧ a̧'kua̧juä̧ isä'kanä̧ ttiwe'kiyunä̧ pȩjä̧mü̧ tteseunä̧ jȩpi̧nü̧rü̧'i̧nä̧ 'chu'ädinä̧tü̧. Pitü ta̧ju̧mä̧ tta̧'kua̧ra̧'a̧nä̧ do'opü ikuinä̧u̧, okurä rü̧a̧ränä̧, azufre pättünä̧ kuoaränä̧.

Apocalipsis 2:13

Ukú ku̧jo̧mȩmä̧ chu̧wo̧juä̧ku̧jä̧, äwettä uruwo dȩä̧kä̧nä̧ weomȩ ku̧ja̧'a̧mä̧. Ja̧'wa̧nü̧ ja̧'a̧nä̧ Ttü chi̧mi̧ 'kiyünä̧ 'chu̧'ä̧rä̧kuä̧u̧jä̧, ttürü ukuotürü Antipa-rü, kuä'ü ttikuinü̧ mo̧ro̧'i̧nä̧, 'kiyünä̧ kki̧nü̧jä̧, juȩnȩmä̧ satanás-mä̧ ü̧ja̧'a̧nä̧.

Apocalipsis 20:2

Ja̧'wa̧nü̧ ja̧'a̧ jua̧u̧ á̧gȩ-mä̧ dragó̧ pättäkuru, täbokü ä̧ka̧ pinü̧ pättäkuru, chutä äwettä, satanás-rü̧ 'chu'ädü mil años jo̧mȩnä̧ kä̧rȩnä̧sa̧nä̧ nü̧'kü rütinü̧.