Apocalipsis 13:11 - Nuevo Testamento Uwotjüja

¹¹ Jua̧u̧nü̧ o'ka'a topinü̧sä̧, kka̧ra̧ i̧sa̧ büó betia rȩjȩttü̧ rä'opürü. Ä̧ja̧ okä tokäre kku̧nä̧rü̧rü̧, oweja mü̧ä̧ya̧ 'kua̧rü̧nä̧ wa̧ ja̧'a̧nä̧ dragó̧ pättäku 'kua̧rü̧nä̧ ukuokuinü̧.

TÄ̧DO Ä̧CUÄ̧ I̧HUȨNȨ

¹¹ Ja̧u̧nu̧ o'ca'a, ka̧ra̧ pä̧i̧cua̧ i̧sa̧'i̧nä̧ pi̧jä̧ttö̧ räopa'a topinösä. Ja̧u̧ pä̧i̧cua̧ i̧sa̧mä̧ oveja i̧tti̧ ta'anö, todäre u i̧sä̧juä̧ ku̧nä̧ri̧nö̧. Ja̧'hua̧nö̧ ja̧'a̧nä̧ ojuo da'ä jä̧'i̧nö̧'a̧nö̧ hua̧ ucuocu'a̧nö̧ ucuocuinö.

Apocalipsis 13:11 Iomraidhean Croise

San Mateo 7:15

Profeta-tü̧ 'kua̧rü̧nä̧ jȩpä̧tü̧rü̧ tta̧'a̧rä̧kuä̧wä̧tu̧kui̧, oweja-tü̧ 'kua̧rü̧nä̧ 'ka̧tä̧wi̧'ü̧ ku̧jä̧tu̧kua̧'a̧ku̧ ichätürü, juätümä̧ jakuänä̧mä̧ ä̧wi̧ri̧tü̧ pä̧i̧kuä̧tü̧tä̧ wotü.

Romanos 16:18

Juätümä̧ Tu̧ru̧wa̧ Jesucrito-rü ukuotümä̧ jȩpo̧ko̧tü̧, pärokua'aku tta̧mü̧nä̧ jäwätä usú, tti̧wȩnȩmä̧ adiu ukuokuätü, tteseunä̧ jȩpü̧ jerupätürü yaparewätü, ttesetünä̧.

2 Tesalonicenses 2:4

Jua̧u̧ ttü̧ja̧sa̧mä̧ o'kajuiyünä̧ Dio jäwämä̧, ja̧'wa̧ta̧nü̧ chutä Dio-ku ji̧nä̧ ji̧yȩtȩ wotürümä̧ to'ija̧'a̧ku̧tä̧ wa̧. Ja̧'wa̧ta̧nü̧ Dio ojusodenä̧ do'ächi'ü chutä uruwo kku̧nä̧u̧ ja̧'wa̧ta̧nü̧ ttütäsä Dio-mä̧ pä'ü ji̧ä̧wä̧kua̧.

Apocalipsis 11:7

Ja̧'wa̧nü̧ ja̧'a̧ ji'äu kättädü o'ka'amä̧, 'kuȩya̧ppa̧nü̧ jä̧ju rejuttü rä'opü i̧sa̧ Betia pättäkumä̧ juätuku ürowäwä̧kua̧, juätüttü'i̧nä̧ abo 'kuä'o'ü, kuä'ü i̧kuä̧kuä̧u̧.

Apocalipsis 12:17

Ja̧'wa̧nü̧ weyeku, jua̧u̧ dragó̧ pättäkumä̧, juäjuru a̧mi̧ surächi'äku; rowäu 'chi̧nü̧ kkorotü juäju kki̧tti̧mü̧rü̧, Dio i̧wȩnȩ esetü ukuotätürü ja̧'wa̧ta̧nü̧ Jesú jiäwinü̧nä̧ esetü 'chä̧tü̧rü̧.

Apocalipsis 13:1

Rü̧ä̧ aje rȩba̧ jäyoto kkä̧mä̧dü̧ tochomȩnä̧, ya̧tȩ i̧sa̧ büorü topinü̧sä̧, kko̧ro̧mü̧ttü̧nü̧ todäre jo̧mȩnä̧ u piyä kku̧nä̧rü̧rü̧ ja̧'wa̧ta̧nü̧ ä̧ja̧wi̧yä̧ okämä̧ to̧mü̧rȩ jäwä okä jo̧mȩnä̧ kku̧nä̧rü̧rü̧.

Apocalipsis 13:17

Jua̧u̧ i̧sa̧ büó betia i̧mi̧'i̧nä̧, iäre número'i̧nä̧ jui̧'a̧ rütäwokürümä̧, mikuä pä'ü iya pä'ü'i̧nä̧, mitü'i̧nä̧ ȩmü̧ juiyünä̧tä̧ jȩpü̧ we'ü kku̧ni̧nü̧.

Apocalipsis 13:4

Ja̧'wa̧nü̧ ja̧'a̧ i̧sa̧ büó betia pättäkuru, uruwo'i̧nä̧, dragó̧ pättäku uruwo iyini̧yä̧u̧ betia pättäkuru eseäkuäwinä̧tü̧: «¿Ditäjä̧ttü̧ pide betia pättäku jü̧'a̧nü̧ wa̧mä̧, dítä jä̧ttü̧ jua̧u̧ku̧ ürowäwuö'anü̧ wa̧mä̧?», pä'ü.

Apocalipsis 16:13

Ja̧'wa̧ta̧nü̧ dragó̧ pä'ü'i̧nä̧ pättäku, i̧sa̧ büó betia pä'ü'i̧nä̧ pättäku ja̧'wa̧ta̧nü̧ yapareäkuäwä i̧sa̧ profeta pä'ü'i̧nä̧ pättäku ättü rätta'a topinü̧sä̧, wä̧mȩtukuä epíritu-tu̧ suropätü wa̧jü̧ 'kua̧rü̧nä̧ wotü.

Apocalipsis 17:6

Ja̧'wa̧nü̧ ja̧'a̧nä̧, juȩnȩ o'komȩnä̧ topinüsä̧, juäju isaju tä̧jä̧mä̧cha̧'a̧, Dio i̧tti̧mü̧'i̧nä̧, Jesú i̧mi̧nä̧ wa'ü ikuätü'i̧nä̧, totte'äkuäwomȩnä̧. Ja̧'wa̧nü̧, juäjuru ja̧'a̧ topü, to̧o̧ to̧pä̧ri̧nü̧sä̧.

Apocalipsis 17:8

Jua̧u̧ i̧sa̧ büó betia to'kuäjäkumä̧, ya̧tȩ kki̧nü̧ ja̧'a̧ ja̧'wa̧nü̧ ja̧'a̧nä̧ jitämä̧ täkü kko̧kü̧; ja̧'wa̧nü̧ ja̧'a̧nä̧, rȩjȩku̧ 'kuȩya̧ppa̧nü̧ ja̧'a̧ttü̧ räopä̧kua̧, jo̧mȩnü̧ kuä'ü ikuäwarü pä'ü. Pi̧jä̧ ttü̧ja̧, pi̧jä̧ uwäbeinomȩttü̧ kkä̧mä̧dü̧, kkä̧kuä̧wä̧ kuyäru'tänä̧ tti̧mi̧pi̧yä̧ jui'ätümä̧, jua̧u̧ i̧sa̧ büó betia, täbokü kki̧nü̧ ja̧'a̧nä̧, jitämä̧ kko̧kü̧rü̧, ja̧'wa̧ta̧nü̧ ü̧jä̧kua̧rü̧ topü, to̧o̧ to̧ttä̧rä̧kuo̧tü̧, jua̧u̧ru̧ topü.»