Apocalipsis 12:3 - Nuevo Testamento Uwotjüja

³ Juȩnȩ o'komȩnä̧ mo̧ro̧jä̧ra̧'a̧ttü̧ kkoro i̧jȩkuä̧chi̧na̧'a̧: Ya̧tȩ dragó̧ pättäku büó, tu̧'a̧, kko̧ro̧mü̧ttü̧nü̧ todäre jo̧mȩnä̧ kku̧nä̧rü̧ upiyämä̧, ä̧ja̧wi̧yä̧ okämä̧ to̧mü̧rȩ jäwä okä kku̧nä̧rü̧ ja̧'wa̧ta̧nü̧ jiyute u piyänä̧mä̧ ji̧yȩtȩ corona pättü u'uttäwä wȩnä̧ri̧nü̧.

TÄ̧DO Ä̧CUÄ̧ I̧HUȨNȨ

³ Ja̧u̧nu̧ o'ca'a, koro juäi'inä i̧jȩcui̧na̧'a̧ mo̧ro̧jä̧nä̧. Koro hua̧ i̧sa̧, ojuo da'ä jä̧'i̧nö̧'a̧nö̧ hua̧, tu̧'hua̧mä̧, uhuiyä'inä ko̧ro̧mö̧ttö̧nö̧ todäre, u i̧sä̧juä̧'i̧nä̧ tomöre jähuä ppöttähuä koro unä'inä, koro unä'inä huȩnä̧rö̧ i̧jȩcui̧nö̧.

Apocalipsis 12:3 Iomraidhean Croise

Apocalipsis 12:1

Mo̧ro̧jä̧ra̧'a̧ttü̧ i̧jȩkuä̧chi̧na̧'a̧: mo̧ro̧ kkä̧wa̧nä̧ juä'okui'äju o'kaju, isaju büa, kki̧jä̧pi̧yä̧ dȩa̧'a̧ kku̧nä̧ri̧nä̧ju̧ yodó kkä̧wa̧rü̧. Ja̧'wa̧ta̧nü̧ kkunä̧ kku̧nä̧ri̧nä̧ju̧ corona pättü kku'uttäwänä̧ doce-nü̧ si̧ri̧'ko̧tü̧rü̧mä̧.

Apocalipsis 12:13

Ja̧'wa̧nü̧ dragó̧ pättäkumä̧ pi̧jä̧ra̧'a̧ku̧, kki'opü ikuäjäku wo̧jui̧'ü̧mä̧, ru'i'inü isaju kki̧tti̧rü̧ o'kaju juo'inä̧ju̧ru̧.

Apocalipsis 12:17

Ja̧'wa̧nü̧ weyeku, jua̧u̧ dragó̧ pättäkumä̧, juäjuru a̧mi̧ surächi'äku; rowäu 'chi̧nü̧ kkorotü juäju kki̧tti̧mü̧rü̧, Dio i̧wȩnȩ esetü ukuotätürü ja̧'wa̧ta̧nü̧ Jesú jiäwinü̧nä̧ esetü 'chä̧tü̧rü̧.

Apocalipsis 12:4

Jua̧u̧ iwiribünä̧ iwi'kuo'ächomȩnä̧ mo̧ro̧jä̧nä̧ttü̧ si̧ri̧'kü̧mä̧ rekuätü juatächi'ü, pi̧jä̧ra̧'a̧ku̧ ma̧'ä̧mi̧nä̧tü̧. Ja̧'wa̧nü̧ ja̧'a̧ dragó̧ pättäkumä̧, isaju kkä'ka jo̧mȩ kkä̧mä̧di̧nü̧, o'kaju juojomȩnä̧, ji̧'chi̧cha̧wa̧rü̧ ukui'a pä'ü.

Apocalipsis 12:7

Ja̧'wa̧nü̧ päi'omȩnä̧, mo̧ro̧jä̧ra̧'a̧ttü̧ kurä kki̧na̧'a̧: Miguel pä'ü mi̧kua̧ umüwäyotü á̧gȩrȩ-ku̧ rowäwinä̧tü̧ dragó̧ pä'ü mi̧kua̧rü̧; jua̧u̧'i̧nä̧ umüwäyotü á̧gȩrȩ-ku̧ ppä'ädäkuäu rowäwinü̧.

Apocalipsis 12:9

Ja̧'wa̧nü̧ ja̧'a̧ttü̧, jua̧u̧ dragó̧ pä'ü mi̧kua̧, mo̧ täbokü ä̧ka̧ pinü̧, äwettä, satanás, pättäku pi̧jä̧ o'kajuiyünä̧ yapareumä̧, umüwäyotü á̧gȩrȩ-ku̧ pi̧jä̧ rȩjȩra̧'a̧ kki'opü ikuinä̧u̧.

Apocalipsis 13:1

Rü̧ä̧ aje rȩba̧ jäyoto kkä̧mä̧dü̧ tochomȩnä̧, ya̧tȩ i̧sa̧ büorü topinü̧sä̧, kko̧ro̧mü̧ttü̧nü̧ todäre jo̧mȩnä̧ u piyä kku̧nä̧rü̧rü̧ ja̧'wa̧ta̧nü̧ ä̧ja̧wi̧yä̧ okämä̧ to̧mü̧rȩ jäwä okä jo̧mȩnä̧ kku̧nä̧rü̧rü̧.

Apocalipsis 13:2

Pide i̧sa̧ büó tochinä̧ku̧mä̧ Büó Yäwi 'kua̧ri̧nü̧; ü̧jä̧pi̧yä̧mä̧ aje yäwi ü̧jä̧pü̧ jä̧'i̧nü̧'a̧nü̧ winü̧ ja̧'wa̧ta̧nü̧ ämä̧ Jojochäyu ä 'kua̧ri̧nü̧. Dragó̧ pättäkumä̧ rü̧ȩnä̧ ujuru'i̧nä̧, uruwo'i̧nä̧, ukuo'i̧nä̧ iyinü̧ jua̧u̧ru̧.

Apocalipsis 13:4

Ja̧'wa̧nü̧ ja̧'a̧ i̧sa̧ büó betia pättäkuru, uruwo'i̧nä̧, dragó̧ pättäku uruwo iyini̧yä̧u̧ betia pättäkuru eseäkuäwinä̧tü̧: «¿Ditäjä̧ttü̧ pide betia pättäku jü̧'a̧nü̧ wa̧mä̧, dítä jä̧ttü̧ jua̧u̧ku̧ ürowäwuö'anü̧ wa̧mä̧?», pä'ü.

Apocalipsis 15:1

Ja̧'wa̧ta̧nü̧ topinü̧sä̧, mo̧ro̧jä̧nä̧ kkoro rü̧ȩnä̧ jü̧ adiwä juäi i̧jȩkuä̧cha̧'a̧: kko̧ro̧mü̧ttü̧ ta̧ju̧nü̧ wotü á̧gȩrȩ-tü̧; juätümä̧ kko̧ro̧mü̧ttü̧ todäre jäwä rüjí mo̧ro̧ usurä ȩmä̧kuä̧wä̧kuȩku̧ kka̧kui̧nä̧tü̧; jua̧u̧nä̧tä̧ Dio ü̧ra̧wä̧rü̧mä̧ jo̧mȩnü̧ beipächäkua'a ji̧na̧'a̧.

Apocalipsis 16:13

Ja̧'wa̧ta̧nü̧ dragó̧ pä'ü'i̧nä̧ pättäku, i̧sa̧ büó betia pä'ü'i̧nä̧ pättäku ja̧'wa̧ta̧nü̧ yapareäkuäwä i̧sa̧ profeta pä'ü'i̧nä̧ pättäku ättü rätta'a topinü̧sä̧, wä̧mȩtukuä epíritu-tu̧ suropätü wa̧jü̧ 'kua̧rü̧nä̧ wotü.

Apocalipsis 17:12

To̧mü̧rȩ jäwä u okä to'kuäjimä̧, to̧mü̧rȩ jäwä ruwo wȩttä̧kuȩ ja̧'a̧ ja̧'wa̧nü̧ ja̧'a̧nä̧, jitämä̧ ji̧nä̧ we'okotü ja̧'a̧; ja̧'wa̧nü̧ ja̧'a̧nä̧, tturuwo iyäwi'äkuä̧u̧, suro ya'ute hora-tä, jua̧u̧ i̧sa̧ büó betia-ku yo̧mȩtȩnä̧.

Apocalipsis 17:16

Ja̧'wa̧ta̧nü̧ to̧mü̧rȩ jäwä u okä to'kuäji'i̧nä̧, i̧sa̧ büorü to'kuäji'i̧nä̧, kkidepä iyä'chäkuäwäjuru kkü'kü jui'ü, kkiäre o'kajuiyünä̧ 'chottipäkuaju. Kkü̧'ka̧tä̧wä̧ta̧ jȩpü̧ iku, kkidepä ttukui'äkuaju ja̧'wa̧nü̧ jȩpü̧ okurära̧'a̧ do'opü ttikuäkuaju.

Apocalipsis 17:7

Ja̧'wa̧nü̧ to̧chä̧ri̧yä̧ku̧, á̧gȩ-mä̧ päinä̧ku̧sä̧: «¿Tta̧'a̧nü̧ pä'ü, to̧o̧ to̧'kuä̧ra̧'a̧jä̧ttü̧? juäju kkütü'kü ttieruwuö jidäwäkujä̧, ja̧'wa̧ta̧nü̧ juäjuru ȩpü̧ i̧sa̧ büó betia u piyä kko̧ro̧mü̧ttü̧nü̧ toyure kku̧nä̧rü̧mä̧, u okä to̧mü̧rȩ jäwä okä kku̧nä̧rü̧mä̧ pa̧'a̧nü̧ ja̧'a̧.

Apocalipsis 19:12

Ü'äriyämä̧ okurä jä̧'i̧nü̧'a̧nü̧ kuo'inü̧, Unä̧tä̧ rü̧ȩnä̧ corona pättü u'uttäwä wȩnä̧ri̧nü̧ ja̧'wa̧ta̧nü̧ ji̧yȩtȩ i̧mi̧ chutätä u̧wo̧juö̧ wȩyu̧kua̧'a̧ rü̧tä̧ri̧nü̧.

Apocalipsis 20:2

Ja̧'wa̧nü̧ ja̧'a̧ jua̧u̧ á̧gȩ-mä̧ dragó̧ pättäkuru, täbokü ä̧ka̧ pinü̧ pättäkuru, chutä äwettä, satanás-rü̧ 'chu'ädü mil años jo̧mȩnä̧ kä̧rȩnä̧sa̧nä̧ nü̧'kü rütinü̧.