Apocalipsis 11:11 - Nuevo Testamento Uwotjüja

¹¹ Ja̧'wa̧nü̧ ja̧'a̧nä̧, Dio-mä̧ wäbodäkuä mo̧ro̧ o'ka'a, ji̧yȩtȩ mo̧ro̧ kkä'ko päi'omȩnä̧ tta̧'kua̧ri̧'ü̧nä̧ jȩi̧nä̧u̧, ja̧'wa̧nü̧ jo̧mȩnä̧ ä̧rä̧mi̧'ü̧ kka̧kui̧nä̧tü̧; ja̧'wa̧nü̧ ji̧yä̧u̧, o'katoi'ünä̧ juätürü topätümä̧ rü̧ȩnä̧ ye'inä̧tü̧.

TÄ̧DO Ä̧CUÄ̧ I̧HUȨNȨ

¹¹ Ja̧'hua̧nö̧ ja̧'a̧nä̧ huäbodäcuä mo̧ro̧ o'ca'a, koro mo̧ro̧ kä̧hua̧ jueö kö̧rö̧ päi'omenä, Dios pä'äji ta'anö ttöädinä̧u̧, pä'äji ta'anö ttö̧ja̧cua̧ pä'ö. O'ca toi'önä ja̧'hua̧nö̧ tottomenä, juiyo rö̧ȩnä̧ ye'ecuinätö.

Apocalipsis 11:11 Iomraidhean Croise

Hechos 5:11

Ja̧'wa̧nü̧ päi'äja'amä̧ o'katoi'ünä̧ Jesucrito-rü esetätümä̧ ja̧'wa̧ta̧nü̧ kkorotü pi̧yȩ 'kuäopäji ä̧ju̧ku̧mä̧, rü̧ȩnä̧ ye'inä̧tü̧.

Hechos 5:5

Pi̧yȩ pä'a ä̧ju̧ku̧, Ananía-mä̧ 'koru pä'i'ü ma̧'i̧nü̧. Ja̧'wa̧nü̧ päi'omȩnä̧ o'katoi'ünä̧ pi̧yȩ ä̧ju̧ku̧ rü̧ȩnä̧ ye'inä̧tü̧.

Romanos 8:11

Isopäi'ünä̧ Jesú-ru wa'arettü tto'ädinü̧ Epíritu ukutunä̧ ü̧jo̧mȩnä̧mä̧, ukutu kuidepätuku wa'are jäwä'i̧nä̧ tto̧ä̧dä̧kua̧, chutä a̧'kua̧rü̧ i̧sa̧ Epíritu ukutunä̧ ü̧ja̧'a̧ttü̧.

Romanos 8:2

Isopäi'ünä̧ Epíritu weäwä wȩnȩ, Crito Jesú-nä̧ tta̧'kua̧rü̧ iyümä̧, ukuotäkuäwokü weü wȩnȩttü̧'i̧nä̧, wa'arettü'i̧nä̧ rä'epü ikuinä̧ku̧sä̧.

Apocalipsis 11:13

Jua̧u̧ hora-nä̧, rȩjȩ tti̧ȩpo̧mȩnä̧ pparächi'ina̧'a̧ ja̧'wa̧nü̧ päi'omȩnä̧ ütawiyä suropäi'ina̧'a̧, ttü̧ja̧mä̧ siete mil-nü̧ jo̧mȩnä̧ to'e'inä̧tü̧. Ja̧'wa̧nü̧ ja̧'a̧nä̧ to'e'okotümä̧ rü̧ȩnä̧ ye'ü, Dio mo̧ro̧jä̧ ru̧wa̧rü̧ eseäkuäwinä̧tü̧.

Apocalipsis 11:9

Wäbodäkuä mo̧ro̧ 'kuäo'ünä̧ kkoro mo̧ro̧ ju'to mo̧ro̧ jo̧mȩnä̧, ttü̧ja̧ kkara'a ruwä'i̧nä̧, kkorotü isotü'i̧nä̧, kkoro ukuokuätü'i̧nä̧, kkoro rȩjȩ'i̧nä̧, juätürü ttu'tura'anä̧mä̧ ja̧'a̧tä̧mä̧ tottokäkuotü.