Biblia Todo Logo
Bìoball air-loidhne

- Sanasan -




Apocalipsis 10:1 - Nuevo Testamento Uwotjüja

1 Kka̧ra̧ á̧gȩ-rü̧ ujuruku mo̧ro̧jä̧ra̧'a̧ttü̧ i̧mȩyȩwa̧'a̧ topinü̧sä̧, kkä̧rü̧'koppa jakuänä̧; unä̧mä̧ wäyurobü kki̧na̧'a̧. I'ämä̧ kkä̧wa̧ 'kua̧ri̧nü̧ ja̧'wa̧ta̧nü̧ i̧jä̧pi̧yä̧mä̧ okurä 'kua̧ri̧na̧'a̧.

Faic an caibideil Dèan lethbhreac

TÄ̧DO Ä̧CUÄ̧ I̧HUȨNȨ

1 Ja̧'hua̧ ja̧'a̧ttö̧ ka̧ra̧ ángel ju̧ru̧hua̧mä̧, mo̧ro̧jä̧ra̧'a̧ttö̧ i̧mȩyȩhua̧'a̧ topinösä. Ja̧u̧mä̧ ajiya isoppanä juä'opäcuähuinö. U huämenä huäyärobö ku̧nä̧ri̧nö̧. Ö'ämä mo̧ro̧ kä̧hua̧ ta'anö tȩa̧hui̧na̧'a̧. Öjahuiyä'inä koro juäi 'quiyö juäi isä'ca ocurä cuoa'a jä̧'i̧nö̧'a̧nö̧ hui̧nö̧.

Faic an caibideil Dèan lethbhreac




Apocalipsis 10:1
28 Iomraidhean Croise  

Jua'attümä̧, juätü ttä'ka jo̧mȩttü̧ Jesú-mä̧ pärowächi'inü̧, i'ämä̧ kkä̧wa̧ jä̧'i̧nü̧'a̧nü̧ kkä̧dȩpi̧na̧'a̧ ja̧'wa̧ta̧nü̧ ü̧'ka̧tä̧wä̧ta̧mä̧ tei'ina̧'a̧ tȩya̧u̧ jä̧'i̧nü̧'a̧nü̧tä̧.


Ja̧'wa̧nü̧ päi'omȩnä̧, ubo I̧tti̧rü̧ ajiya isoppanä̧ uruwoku, ujuruku icha'a tottäkuotü.


Ja̧'wa̧nü̧ chi̧'cha̧'a̧ jakuänä̧, ¡ru̧wa̧ rey!, mä̧nä̧ kkä'kottü, kkä̧wa̧ jueü kkü̧rü̧ päia'a, mo̧ro̧jä̧ra̧'a̧ttü̧ tȩya̧u̧ kkȩdȩ'i̧na̧'a̧, kkä̧wa̧ttü̧'i̧nä̧ abonä̧nü̧ tȩya̧u̧ topinü̧sä̧, ujutumä̧ jakuätä päti'ünä̧.


¡Crito-mä̧ ajiya isoppanä̧ i̧chä̧kua̧! O'katoi'ünä̧ tottä̧kua̧, Churutä dakuodänä̧ ta'inä̧tü̧'i̧nä̧ tottä̧kua̧; Ja̧'wa̧ta̧nü̧ o'katoi'ünä̧ pi̧jä̧ ttü̧ja̧mä̧ jua̧u̧ru̧ topü ttajuäkuäwäkuotü. Ja̧'wa̧nü̧ ji̧yä̧u̧. Amȩ́.


Jua̧u̧ 'kuäopäji o'ka'a, kka̧ra̧ á̧gȩ mo̧ro̧jä̧ra̧'a̧ttü̧ i̧mȩyȩwi̧'a̧'a̧ topinü̧sä̧; jua̧u̧mä̧ rü̧ȩnä̧ ukuo kku̧nä̧ri̧nü̧, i̧tȩya̧u̧ttü̧ pi̧jä̧nä̧mä̧ tȩya̧wi̧na̧'a̧.


Ja̧'wa̧nü̧ ja̧'a̧, ya̧tȩ á̧gȩ ju̧ru̧wa̧ ido'ki, trigo kkäräwä ido'ki jä̧'i̧nü̧'a̧nü̧ jo'ki kä'epo'ü, rü̧ä̧ ajenä̧ iku pä'inü̧: «Ukurumä̧, pa̧'a̧nü̧ dȩa̧'ku̧ do'opü ikuäwäkuomȩjä̧, Babironia, ütawiyä rü̧o̧mȩmä̧, ja̧'wa̧nü̧ jü̧ o'ka'a, yorisotä pä'äjita'anü̧mä̧ toäkuäwokome jä̧kuo̧mȩjä̧.


Ya̧tȩ á̧gȩ-rü̧, mo̧ro̧jä̧ra̧'a̧ttü̧ i̧mȩyȩwa̧'a̧ topinü̧sä̧, dȩa̧'a̧ 'kuȩya̧ppa̧nü̧ ja̧'a̧ llawiku'i̧nä̧, kärenä̧sa̧ rü̧ä̧sa̧ u̧mü̧nä̧ 'chu̧ä̧rä̧nü̧.


Ju̧ä̧kä̧nä̧ pü̧mä̧ diamante pättü ido'ki jä̧'i̧nü̧'a̧nü̧, rubí iso'ki ido'ki jä̧'i̧nü̧'a̧nü̧'i̧nä̧ winü̧; ja̧'wa̧ta̧nü̧ uruwo deäkä jäyänä̧mä̧ wäyurobü kki̧na̧'a̧, emerada pättü ido'ki tejäda'a jä̧'i̧nü̧'a̧nü̧;


Ja̧'wa̧ta̧nü̧ topinü̧sä̧ ya̧tȩ á̧gȩ ju̧ru̧wa̧ pä̧i̧ku̧nä̧ woa'a: ¿Díjä̧ttü̧ kuyäru'tä to̧rä̧dä̧kuä̧wä̧'tä bawepü'anü̧ wa̧mä̧ ja̧'wa̧ta̧nü̧ jua̧u̧ sello pättü jȩpü̧ iku'anü̧ wa̧mä̧?


Jua̧u̧ o'komȩ päi'omȩ tochomȩnä̧, ya̧tȩ mo̧ro̧jä̧nä̧ á̧gȩ ko̧'ä̧rü̧ pä̧i̧ku̧nä̧ woa'a ä̧ju̧kui̧nü̧sä̧: «¡Isottü̧, isottü̧, ukutu pi̧jä̧ ttü̧ja̧we, kkorotü wä̧mȩtukuä á̧gȩrȩ ji̧nä̧ trompeta ppütta pä'ü juiya'a!» pä'inü̧.


Lean sinn:

Sanasan


Sanasan