Apocalipsis 1:4 - Nuevo Testamento Uwotjüja

⁴ Ttü Ju̧a̧, Asia rȩjȩnä̧ kka̧kuä̧tü̧, kko̧ro̧mü̧ttü̧nü̧ todäre igresia wotürü te'äusä: Wȩnȩ juiyü, adiwä juei ukuturu kka̧ pä'üsä. Jitä'i̧nä̧ kkü̧, mo̧'i̧nä̧ kki̧nü̧, pä'ejita'anü̧'i̧nä̧ i̧chä̧kua̧ ja̧'wa̧ta̧nü̧ kko̧ro̧mü̧ttü̧nü̧ ta̧ju̧ wotü uruwo dȩä̧kä̧ ä'ka jo̧mȩ kka̧kuä̧tü̧ epíritu-tu̧ru̧'i̧nä̧ kku̧nä̧rü̧ ȩmi̧nä̧u̧ kuätukua'attü,

TÄ̧DO Ä̧CUÄ̧ I̧HUȨNȨ

⁴ Ttö, Juan, ko̧ro̧mö̧ttö̧nö̧ todäre iglesias ruhuärö, Asia rȩjȩnä̧ ka̧cuä̧tö̧rö̧ huȩyu̧tu̧sä̧. Dios ucuturu ppädäcua'a̧nö̧. Ja̧'hua̧ta̧nö̧ adiu kä̧cuä̧huä̧'i̧nä̧ iyäcua'a̧nö̧. Chutä jitä'inä kö̧. Täbocö'inä ki̧nö̧. Yodoji'inä ö̧jä̧cua̧. Ja̧'hua̧ta̧nö̧ ko̧ro̧mö̧ttö̧nö̧ ta̧ju̧nu̧ espíritus chutä ö̧'o̧mȩ ä'ca ka̧cuä̧tö̧'i̧nä̧, ucuturu ppättädäcua'a̧nö̧.

Apocalipsis 1:4 Iomraidhean Croise

San Juan 1:1

Ä̧kuo̧mȩnä̧tä̧ päi'ünä̧ kki̧na̧'a̧ i̧wȩnȩmä̧; ja̧'wa̧ta̧nü̧ i̧wȩnȩmä̧ Dio-kutä kki̧na̧'a̧ ja̧'wa̧ta̧nü̧ i̧wȩnȩmä̧ Dio ji̧na̧'a̧.

Hechos 19:10

Ja̧'wa̧nü̧ ji'äwinü̧ todäre años jo̧mȩnä̧ ja̧'wa̧nü̧ ja̧'a̧ttü̧ Asia rȩjȩnä̧ kka̧kuä̧tü̧mä̧ o'katoi'ünä̧ ä̧ju̧kui̧nä̧tü̧, judío-ttü'i̧nä̧, judío pokotüttü'i̧nä̧, griego-ttü'i̧nä̧, jü̧nä̧, Tu̧ru̧wa̧ Jesú i̧wȩnȩmä̧.

Hechos 2:9

Partos tti̧wȩnȩnä̧'i̧nä̧, medos tti̧wȩnȩnä̧'i̧nä̧, Elam ttü̧ja̧ tti̧wȩnȩnä̧'i̧nä̧; Mesopotamia ttü̧ja̧ tti̧wȩnȩnä̧'i̧nä̧, Judea ttü̧ja̧ tti̧wȩnȩnä̧'i̧nä̧, Capadocia ttü̧ja̧ tti̧wȩnȩnä̧'i̧nä̧, Ponto ttü̧ja̧ tti̧wȩnȩnä̧'i̧nä̧, Asia ttü̧ja̧ tti̧wȩnȩnä̧'i̧nä̧,

Romanos 1:7

Ukutu Roma-nä̧ kka̧kuä̧tü̧ o'katoi'ünä̧, Dio surojü juiyünä̧ ku̧jä̧tu̧kua̧ pä'ü pojopü ȩmi̧nä̧u̧ru̧ pä'üsä: Jä'o Dio ja̧'wa̧ta̧nü̧ Tu̧ru̧wa̧ Jesucrito iyü adiwä juei wȩnȩ juiyü kkä̧tu̧kua̧ku̧ pä'üsä.

1 Corintios 1:3

Tü̧tä̧mü̧ mi̧nä̧ Ttä'o Dio ja̧'wa̧ta̧nü̧ Tu̧ru̧wa̧ Jesucrito jä'o Dio rettü ppädütä ja̧'wa̧ta̧nü̧ yo̧mȩtȩnä̧ eseäkuäwätä kkä̧tu̧kua̧ku̧ pä'ätüjä̧.

2 Corintios 1:2

Ukuturumä̧ Tü̧ä̧nä̧wa̧ Dio, Tu̧ru̧wa̧ Jesucrito iyinü, eseäkuäwä'i̧nä̧, wȩnȩ juiyünä̧ kkä̧kuä̧wä̧'i̧nä̧ ku̧ju̧nä̧rä̧tu̧kua̧ pä'ätüjä̧.

Hebreos 13:8

Jesucrito-mä̧ pärowächokü: ni̧po̧'i̧nä̧, jitä mo̧ro̧'i̧nä̧, yodoji'i̧nä̧ 'kuäopünä̧tä̧ wa̧.

Santiago 1:17

O'kajuiyünä̧ adiwäjuei'i̧nä̧, jueü jäwä'i̧nä̧ ujuturu iyümä̧ ju'tojuttü ichü ja̧'a̧, Dio mo̧ro̧jä̧ jäwä aditinü̧ttü̧. Dio-mä̧ 'kuäopünä̧tä̧ chutä ja̧'a̧: ja̧u̧nä̧mä̧ 'kä̧u̧nä̧'i̧nä̧, yo̧ü̧'i̧nä̧ juiya'a.

Apocalipsis 1:1

Dio-mä̧ Jesucrito-rü iyinü̧, umüwäyotürü jitätä ja̧'a̧ 'kuäopä̧kuȩ wȩnȩ i̧jȩpa̧ pä'ü. Ja̧'wa̧nü̧ jo̧mȩttü̧ Jesucrito-mä̧ Ju̧a̧-rü̧ ji'äwinü̧, ya̧tȩ u̧mü̧wä̧ya̧ á̧gȩ-nä̧,

Apocalipsis 1:11

i̧wȩnȩ rä̧mi̧pü̧nä̧ pä'ümä̧, pä'inü̧: «Ukú to'kumä̧ wȩyu̧tu̧ we'í, kko̧ro̧mü̧ttü̧ todärenü̧ jü̧ igresia wotürü, Asia rȩjȩnä̧ kka̧kuä̧tü̧rü̧: Éfeso-ra̧'a̧'i̧nä̧, Esmirna-ra̧'a̧'i̧nä̧, Pégamo-ra̧'a̧'i̧nä̧, Tiatira-ra̧'a̧'i̧nä̧, Sadira̧'a̧'i̧nä̧, Firadefia-ra̧'a̧'i̧nä̧ ja̧'wa̧ta̧nü̧ Laodicea-ra̧'a̧'i̧nä̧,» jü̧nä̧.

Apocalipsis 1:17

Ja̧'wa̧nü̧ topümä̧, 'korupä'i'ätü 'kua̧rü̧nä̧ ü̧jä̧pi̧yä̧ kkada'ka ma̧'ä̧mi̧nü̧sä̧. Ja̧'wa̧nü̧ pädi'iyäku, u̧wo̧jua̧'a̧ku̧nä̧ i̧sä̧mü̧ u̧mü̧nä̧ mȩ'ü̧, päinä̧ku̧sä̧: —Yekuekuä; ttümä̧ ä̧kuo̧mȩnä̧tä̧ päi'ünä̧ kki̧nü̧sä̧ ja̧'wa̧ta̧nü̧ rüjí mo̧ro̧bü päi'ünä̧ chü̧jä̧kua̧sä̧,

Apocalipsis 1:20

Ku̧wo̧jui̧pü̧ juiyünä̧ jä̧ji̧, chu̧wo̧jua̧'a̧ku̧nä̧ 'chu̧dä̧rä̧jä̧u̧ kko̧ro̧mü̧ttü̧nü̧ ta̧ju̧ si̧ri̧'ko̧tü̧ päjätümä̧; kko̧ro̧mü̧ttü̧nü̧ tokäre tȩya̧u̧ kku̧nä̧wä̧ okä oro okä jä̧ji̧'i̧nä̧ jü̧nä̧mä̧, pi̧yȩ ja̧'a̧: Kko̧ro̧mü̧ttü̧nü̧ ta̧ju̧ si̧ri̧'kü̧ päjätümä̧, kko̧ro̧mü̧ttü̧nü̧ todäre igresia-ttü á̧gȩrȩ-rü päteta'a; ja̧'wa̧ta̧nü̧ kko̧ro̧mü̧ttü̧nü̧ tokäre tȩya̧u̧ kku̧nä̧wä̧ okä jä̧ji̧mä̧, kko̧ro̧mü̧ttü̧nü̧ todäre igresia-rü päteta'a.

Apocalipsis 1:8

«Ttütäsä ä̧kuo̧mȩnä̧'i̧nä̧, rüjinä̧'i̧nä̧ wa̧mä̧,» pä'ü Tu̧ru̧wa̧ Dio-mä̧, täbokü'i̧nä̧ kki̧nü̧mä̧, jitä'i̧nä̧ kkü̧mä̧, ja̧'wa̧ta̧nü̧ yodoji'i̧nä̧ i̧chä̧kua̧mä̧, o'kajuiyünä̧tä̧ ujuru kku̧nä̧rü̧mä̧.

Apocalipsis 1:9

Ttü, Ju̧a̧, Crito-nä̧ ku̧jä̧wa̧tu̧ku̧ wa̧, ukutu jü̧ta̧'a̧nü̧ Dio weü jäwänä̧ usurä ȩmä̧kuä̧wä̧ i̧sa̧, Jesucrito a̧mi̧ 'ki'ächi'ü jäwänä̧ wa̧sä̧. Pamo pä̧ttä̧sa̧ kkä'ko i̧sä̧sa̧nä̧; Dio i̧wȩnȩ jäwänä̧ ja̧'wa̧ta̧nü̧ Jesucrito jäwänä̧ ttȩpi̧nä̧ku̧ kkä̧nü̧,

Apocalipsis 16:5

Jua̧u̧nü̧ o'ka'a ajiyanä̧ ujuru kku̧nä̧rü̧ á̧gȩ pä'a ä̧ju̧kui̧nü̧sä̧: «Chu̧ru̧wa̧, ukumä̧ adiwomȩnä̧ jȩä̧kuä̧wä̧ i̧sa̧jä̧, Dio surojü jui̧'a̧jä̧, jitä'i̧nä̧ kkü̧jä̧, mo̧'i̧nä̧ kki̧nü̧jä̧,

Apocalipsis 2:12

Pégamo-ra̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: kurodä päteku so̧dä tä̧o̧dä kku̧nä̧rü̧mä̧ pa̧'a̧nü̧ pä'ü:

Apocalipsis 2:18

Tiatira-ra̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: ü'äriyä'i̧nä̧ okurä jä̧'i̧nü̧'a̧nü̧ wa̧mä̧, ü̧jä̧pi̧yä'i̧nä̧ bro̧ce pättü säruwächi'ünä̧ jȩpü̧ ikuäwa'a jä̧'i̧nü̧'a̧nü̧ wa̧, Dio i̧tti̧mä̧, pa̧'a̧nü̧ pä'ü:

Apocalipsis 2:8

Esmirna-ra̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: Ä̧kuo̧mȩnä̧tä̧ päi'ünä̧ kki̧nü̧mä̧, yodoji rüjí mo̧ro̧'i̧nä̧ ü̧jä̧kua̧mä̧, wa'ü'i̧nä̧ ikuina̧'a̧nä̧ tto'ächinü̧mä̧, pa̧'a̧nü̧ pä'ü:

Apocalipsis 22:16

«Ttü, Jesú-mä̧, chu̧mü̧wä̧ya̧ á̧gȩ-rü̧ we'äjisä pi̧yȩ o'kajuiyünä̧ igresia ttü̧ja̧rü̧ jidäwa pä'ü. Ttütä ja̧'a̧ Dawi-ttü ichäkuäwa̧ kkada'ka jü̧nä̧ wa̧mä̧, pä'ü mo̧ro̧ juomȩnä̧ siri'ko tejäda'a jä'i̧nü̧'a̧nü̧.»

Apocalipsis 22:8

Ttü, Ju̧a̧-mä̧, pi̧yȩ jäwä topü'i̧nä̧ topinü̧sä̧, ä̧ju̧ku̧'i̧nä̧ ä̧ju̧kui̧nü̧sä̧. Ja̧'wa̧nü̧ topü'i̧nä̧ topäji̧'ka̧, ä̧ju̧ku̧'i̧nä̧ ä̧ju̧kuä̧ji̧'ka̧mä̧, á̧gȩ ttürü i̧jȩpä̧ji̧ ä'ka jo̧mȩ chiwe'kiyunä̧ ma̧'ä̧mi̧nü̧sä̧, chesewarü pä'ü.

Apocalipsis 3:1

«Sadira̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: Epíritu-tu̧ kko̧ro̧mü̧ttü̧nü̧ ta̧ju̧ wotü Dio isotürü kku̧nä̧rü̧mä̧ ja̧'wa̧ta̧nü̧ kko̧ro̧mü̧ttü̧nü̧ ta̧ju̧ si̧ri̧'kü̧rü̧ kku̧nä̧rü̧mä̧ pa̧'a̧nü̧ pä'ü: Kuaditäwämä̧ o'kajuiyünä̧ wo̧jua̧sä̧, kui̧mi̧mä̧ a̧'kua̧rä̧tü̧ 'kua̧rü̧nä̧ kukuowa'anä̧ wa'ü kuikuina̧'a̧tä̧ wa̧jä̧.

Apocalipsis 3:14

«Ja̧'wa̧ta̧nü̧ Laodicea-ra̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: Pa̧'a̧nü̧ pä'ü Amȩ́-mä̧, jueünä̧tä̧, isopäi'ünä̧tä̧ ukuokumä̧, ä̧kuo̧mȩnä̧ Dio uwäbe'inü̧'i̧nä̧ kki̧nü̧mä̧, pi̧yȩ pä'ü.

Apocalipsis 3:7

«Ja̧'wa̧ta̧nü̧ Firadefia-ra̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: Pa̧'a̧nü̧ pä'ü surojü jui̧'a̧mä̧ ja̧'wa̧ta̧nü̧ jueü wȩnȩ ukuokumä̧, ru̧wa̧ Dawi üäre yäwi kku̧nä̧rü̧mä̧, bawepomȩnä̧'i̧nä̧ ya̧tȩ'i̧nä̧ mü̧'ȩpü̧ juiyünä̧ wa̧mä̧ ja̧'wa̧ta̧nü̧ mü̧ȩpo̧mȩnä̧'i̧nä̧ ya̧tȩ'i̧nä̧ bawepü juiyünä̧ wa̧mä̧ pä'ü:

Apocalipsis 4:5

Juȩnȩ ruwo deäkä kko̧mȩttü̧ räopina̧'a̧, rä̧mi̧pü̧'i̧nä̧, ku'upä ürowü'inä̧, ku'upä kürüächü'i̧nä̧, jü̧nä̧; ja̧'wa̧ta̧nü̧ juȩnȩ, ruwo deäkä ä'ka jo̧mȩmä̧, kko̧ro̧mü̧ttü̧nü̧ todäre jo̧mȩnä̧ ra̧pa̧ra̧ o̧yu̧ kuoina̧'a̧, jua̧u̧mä̧ kko̧ro̧mü̧ttü̧nü̧ todäre jo̧mȩnä̧, Dio isotü epíritu-tu̧ ji̧na̧'a̧.

Apocalipsis 4:8

Juätü pa̧ja̧kuä̧nü̧ wotü a̧'kua̧rä̧tü̧ ya̧ku̧nä̧mä̧, kko̧ro̧mü̧ttü̧nü̧ ya'ute jo̧mȩnä̧ ttujuabiyämä̧ kku̧nä̧ri̧nä̧tü̧, ttü'äriyämä̧ wä̧mȩnä̧'i̧nä̧ jakuänä̧'i̧nä̧ o'kajuiyünä̧tä̧ kka̧kui̧nä̧u̧. Juätümä̧ mo̧ro̧'i̧nä̧, yodo'i̧nä̧ kättädi'oka'a 'kuäopünä̧tä̧ ra̧'i̧nä̧tü̧: Sa̧tu̧ wa̧, Sa̧tu̧ wa̧ Tu̧ru̧wa̧mä̧, Dio o'kajuiyünä̧tä̧ ju̧ru̧wa̧mä̧, «Jua̧u̧tä̧tä̧ ja̧'a̧ 'kuäopünä̧tä̧ kki̧nü̧mä̧, jitä'i̧nä̧ kkü̧mä̧, yodoji'i̧nä̧ i̧chä̧kua̧mä̧.»

Apocalipsis 5:6

Ja̧'wa̧nü̧ ja̧'a̧, ruwo dȩä̧kä̧'i̧nä̧, pa̧ja̧kuä̧nü̧ wotü a̧'kua̧rä̧tü̧'i̧nä̧, a̧ci̧a̧nu̧tu̧'i̧nä̧ ttü̧'kä̧tȩ kkä'ko ü̧ja̧'a̧ topinü̧sä̧, ya̧tȩ oweja mü̧ä̧ya̧ mikuäwächünä̧ kuä'ü ttikuinä̧ku̧, 'kua̧rü̧nä̧ wa̧ ü̧ja̧'a̧. Jua̧u̧mä̧ ä̧ja̧wi̧yä̧ okämä̧ kko̧ro̧mü̧ttü̧nü̧ tokäre jo̧mȩnä̧ kki̧nä̧ku̧ ja̧'wa̧ta̧nü̧ ü'äriyämä̧ kko̧ro̧mü̧ttü̧nü̧ torere jo̧mȩnä̧ kki̧nä̧ku̧, juätütä ji̧na̧'a̧ kko̧ro̧mü̧ttü̧nü̧ ta̧ju̧ jo̧mȩnä̧ Dio isotü epíritu-tu̧ pi̧jä̧ra̧'a̧ o'kajuiyünä̧ wȩi̧nä̧u̧mä̧.

Apocalipsis 8:2

Ja̧'wa̧nü̧ ja̧'a̧ topinü̧sä̧, kko̧ro̧mü̧ttü̧nü̧ ta̧ju̧ á̧gȩrȩ-rü, Dio ä'kajo̧mȩ kka̧kuä̧tü̧rü̧; juätürü iyäwi'ina̧'a̧ yotukunä̧rü̧ ji̧yȩtȩ trompeta pünä̧.