Apocalipsis 1:2 - Nuevo Testamento Uwotjüja

² Ja̧'wa̧nü̧ ji̧na̧'a̧ttü̧ jua̧u̧ Ju̧a̧-mä̧ toinü̧mä̧ jueünä̧tä̧ ji'äwinü̧, Dio Jesucrito-nä̧ jiäwinü̧ wȩnȩmä̧.

TÄ̧DO Ä̧CUÄ̧ I̧HUȨNȨ

² Chutä Juan, o'ca juiyönä toinömä, iso päi'önä huȩnȩ ji'äu huȩyu̧ti̧nö̧do. Pi̧yȩ huȩnȩ Dioscu, Jesucristocu jittähua'a ä̧ju̧cu̧ huȩyu̧ti̧nö̧do.

Apocalipsis 1:2 Iomraidhean Croise

San Juan 1:32

Ja̧'wa̧ta̧nü̧ Ju̧a̧-mä̧ pä'inü̧: Epíritu Sa̧tu̧rü̧ topinü̧sä̧, unuku 'kua̧ra̧ mo̧ro̧jä̧ra̧'a̧ttü̧ mȩyȩwi̧'ü̧, Jua̧u̧nä̧ ü̧jä̧mä̧da̧'a̧.

San Juan 12:17

Ja̧'wa̧nü̧ ja̧'a̧, ttü̧ja̧mä̧: Jesú, Rázaru-rü woomȩnä̧ wa'are idorättü ttoächa'a tottäji ji'äwinä̧tü̧.

San Juan 19:35

Pi̧yȩ topinü̧mä̧, ji'äu, jua̧u̧ jiäumä̧ isopäi'ünä̧tä̧ ja̧'a̧; jua̧u̧mä̧ isopäi'ünä̧ ji̧yä̧ku̧ jiäu, ukutu'i̧nä̧ kuesetätukua pä'ü.

San Juan 21:24

Pide u̧wo̧juȩtä̧u̧ttü̧ ya̧tȩ ji̧na̧'a̧, pi̧yȩ tü'kü ji'äu kkä̧nü̧'i̧nä̧ wȩyu̧ti̧nü̧mä̧ ja̧'wa̧nü̧ ja̧'a̧ttü̧ ujutumä̧ wo̧juä̧tü̧jä̧ jua̧u̧ jiäumä̧ isopäi'ünä̧tä̧ ja̧'a̧ pä'ü.

San Juan 3:11

Isopäi'ünä̧ pädäkujä̧, ujutumä̧ tu̧wo̧juö̧nä̧ ukuokuätüjä̧ ja̧'wa̧ta̧nü̧ totinü̧tä̧ ji'äwätüjä̧ ja̧'wa̧nü̧ ja̧'a̧nä̧ ukutumä̧ jitäu esetokotüjä̧.

Hechos 22:15

Ja̧'wa̧nü̧ ja̧'a̧ttü̧, ukumä̧ jua̧u̧ ütü'kü, pi̧jä̧ ttü̧ja̧rü̧ o'katoi'ünä̧ ji̧kuä̧wä̧kua̧jä̧, to'kuäji'i̧nä̧, kuä̧ju̧kuä̧ji̧'i̧nä̧, jü̧nä̧.

Hechos 26:16

Ja̧'wa̧nü̧ ja̧'a̧nä̧, ä̧rä̧mi̧'i̧, ttü chu̧mü̧wä̧ya̧ päi'ünä̧ kua pä'ü chi̧jȩkuä̧ku̧jä̧ ja̧'wa̧ta̧nü̧ jitä ttü chütü'kü to'ku'i̧nä̧, juȩnȩ o'komȩnä̧ chi̧jȩpä̧kuȩ'i̧nä̧ jikuäwäkua'anü̧.

Hechos 4:20

Isopäi'ünä̧ ujutu totinü̧mä̧ ja̧'wa̧ta̧nü̧ tä̧ju̧kui̧nü̧mä̧ tä̧ppü̧ti̧'a̧ pä'ümä̧ juiya'a.

1 Corintios 1:6

Täkü, Crito jiäwinü̧ wȩnȩmä̧ ukututtümä̧ 'kiyünä̧ rü̧ä̧chi̧na̧'a̧.

1 Corintios 2:1

Ja̧'wa̧nü̧ ja̧'a̧ttü̧ chawaruwä chi̧jä̧wa̧tü̧, Dio ütü'kü ji'äu chi̧wä̧chi̧nü̧mä̧, adiu a̧'kua̧ku̧nä̧ aditü ikumä̧ ji'äwokü pinü̧sä̧.

1 Juan 1:1

Ä̧kuo̧mȩnä̧tä̧ päi'ünä̧ kki̧nü̧, jua̧u̧nu̧tä̧ päi'ünä̧ ä̧ju̧kui̧nä̧tü̧jä̧, ti'ärenä̧'i̧nä̧ topinä̧tü̧jä̧, tu̧mü̧nä̧'i̧nä̧ mȩ'i̧nä̧tü̧jä̧, jua̧u̧ kkä̧kuä̧wä̧ wȩnȩ jitäumä̧,

1 Juan 4:14

Ja̧'wa̧ta̧nü̧ ujutujä̧ topinä̧tü̧ ta'attü̧, Jä'o Dio-mä̧, I̧tti̧rü̧ pi̧jä̧ra̧'a̧, surojüttü rä'epü ikua pä'ü we'inü̧, pä'ü ji'äwätümä̧.

3 Juan 1:12

O'katoi'ünä̧, Demetrio ütü'kü adiu ukuokuätü ja̧'wa̧ta̧nü̧ jua̧u̧ jȩpü̧ ü̧jü̧ttü̧ wo̧juä̧tü̧jä̧ isopäi'ünä̧ ja̧'a̧ pä'ü. Ja̧'wa̧ta̧nü̧ ujutu'i̧nä̧ jua̧u̧ adiu jȩü̧mä̧, adiutä ukuokuätüjä̧, jua̧u̧ tukuokumä̧ jueü wȩnȩtä̧ ja̧'a̧ pä'ü wo̧jua̧jä̧.

Apocalipsis 1:11

i̧wȩnȩ rä̧mi̧pü̧nä̧ pä'ümä̧, pä'inü̧: «Ukú to'kumä̧ wȩyu̧tu̧ we'í, kko̧ro̧mü̧ttü̧ todärenü̧ jü̧ igresia wotürü, Asia rȩjȩnä̧ kka̧kuä̧tü̧rü̧: Éfeso-ra̧'a̧'i̧nä̧, Esmirna-ra̧'a̧'i̧nä̧, Pégamo-ra̧'a̧'i̧nä̧, Tiatira-ra̧'a̧'i̧nä̧, Sadira̧'a̧'i̧nä̧, Firadefia-ra̧'a̧'i̧nä̧ ja̧'wa̧ta̧nü̧ Laodicea-ra̧'a̧'i̧nä̧,» jü̧nä̧.

Apocalipsis 1:19

Ja̧'wa̧nü̧ ja̧'a̧ttü̧, to'kuäjimä̧ wȩyu̧ti̧: Jitä 'kuäopü'i̧nä̧ ja̧'wa̧ta̧nü̧ yodoji 'kuäopä̧kuȩ'i̧nä̧, jü̧nä̧.

Apocalipsis 1:9

Ttü, Ju̧a̧, Crito-nä̧ ku̧jä̧wa̧tu̧ku̧ wa̧, ukutu jü̧ta̧'a̧nü̧ Dio weü jäwänä̧ usurä ȩmä̧kuä̧wä̧ i̧sa̧, Jesucrito a̧mi̧ 'ki'ächi'ü jäwänä̧ wa̧sä̧. Pamo pä̧ttä̧sa̧ kkä'ko i̧sä̧sa̧nä̧; Dio i̧wȩnȩ jäwänä̧ ja̧'wa̧ta̧nü̧ Jesucrito jäwänä̧ ttȩpi̧nä̧ku̧ kkä̧nü̧,

Apocalipsis 12:11

Ja̧'wa̧ta̧nü̧ tawaruwä ti̧jä̧wa̧tü̧mä̧ abó 'kuätto'inä̧ku̧, oweja mü̧ä̧ya̧ jü̧nä̧ wa̧ ukuoja erinoyanä̧ ja̧'wa̧ta̧nü̧ jittäwinü̧ wȩnȩnä̧; wa'ü ttikua'anä̧'i̧nä̧, ye'ekuokotü pinä̧tü̧, jua'a yaboku, wä̧i̧nä̧ wa'ü ttikuatä pä'inä̧tü̧.

Apocalipsis 12:17

Ja̧'wa̧nü̧ weyeku, jua̧u̧ dragó̧ pättäkumä̧, juäjuru a̧mi̧ surächi'äku; rowäu 'chi̧nü̧ kkorotü juäju kki̧tti̧mü̧rü̧, Dio i̧wȩnȩ esetü ukuotätürü ja̧'wa̧ta̧nü̧ Jesú jiäwinü̧nä̧ esetü 'chä̧tü̧rü̧.

Apocalipsis 20:4

Ja̧'wa̧ta̧nü̧ topinü̧sä̧, ruwo dȩä̧ki̧yä̧nä̧, adiwomȩnä̧ ruwo wetta pä'ü weäwi̧'i̧nä̧u̧ ttü̧'ȩja̧'a̧. Ja̧'wa̧ta̧nü̧ topinü̧sä̧, jitürü'i̧nä̧, Jesú-ru ttukuotomȩnä̧, Dio i̧wȩnȩ ttukuotomȩnä̧ ttu piyä 'kui'ü tti̧kui̧nä̧u̧rü̧'i̧nä̧. Juätümä̧ i̧sa̧ büó betia a̧'kua̧juä̧ isä'kanä̧'i̧nä̧, weinü̧'a̧kuä̧; tti'änä̧'i̧nä̧, ttu̧mü̧nä̧'i̧nä̧ ttütatü pä'ü we'äwokotü pinä̧tü̧ ji̧na̧'a̧. Juätümä̧ pä'äjita'anü̧ a̧'kua̧ri̧'ä̧ja̧'kotü̧, Crito-ku mil años jo̧mȩnä̧ ruwo we'inä̧tü̧.

Apocalipsis 22:21

Tu̧ru̧wa̧ Jesú repeümä̧ 'kuäopünä̧tä̧ ppädätukuaku pä'üsä.

Apocalipsis 6:9

Ja̧'wa̧ta̧nü̧ oweja mü̧ä̧ya̧ jü̧nä̧ wa̧ ji̧mü̧tȩ jäwä sello bawepomȩnä̧, Altar pättomȩ dȩa̧'a̧ku̧ kka̧kuä̧tü̧rü̧ topinü̧sä̧, Dio i̧wȩnȩ jittäwiyä̧u̧, weinü̧nä̧ ttü̧ja̧kui̧yä̧u̧ kuä'äu ttikuinä̧u̧ru̧.