Apocalipsis 1:11 - Nuevo Testamento Uwotjüja

¹¹ i̧wȩnȩ rä̧mi̧pü̧nä̧ pä'ümä̧, pä'inü̧: «Ukú to'kumä̧ wȩyu̧tu̧ we'í, kko̧ro̧mü̧ttü̧ todärenü̧ jü̧ igresia wotürü, Asia rȩjȩnä̧ kka̧kuä̧tü̧rü̧: Éfeso-ra̧'a̧'i̧nä̧, Esmirna-ra̧'a̧'i̧nä̧, Pégamo-ra̧'a̧'i̧nä̧, Tiatira-ra̧'a̧'i̧nä̧, Sadira̧'a̧'i̧nä̧, Firadefia-ra̧'a̧'i̧nä̧ ja̧'wa̧ta̧nü̧ Laodicea-ra̧'a̧'i̧nä̧,» jü̧nä̧.

TÄ̧DO Ä̧CUÄ̧ I̧HUȨNȨ

¹¹ Ttörö päina'a: —Ttömä ä'canä'inä, röjinä'inä ru̧hua̧sä̧. O'ca juiyönä juiyäi'inä. beipächomenä'inä ru̧hua̧sä̧. O'ca juiyönä tocu'umä huȩyu̧ti̧ cuyäru'tänä. Cui̧huȩyu̧tä̧ji̧ o'ca'a Asia rȩjȩnä̧ ka̧cuä̧tö̧rö̧ ko̧ro̧mö̧ttö̧nö̧ todäre iglesias ruhuärö huȩyu̧tu̧ hue'i. Efeso ötahuiyära̧'a̧'i̧nä̧, Esmirna ötahuiyära̧'a̧'i̧nä̧, Pérgamo ötahuiyära̧'a̧'i̧nä̧, Tiatira ötahuiyära̧'a̧'i̧nä̧, Sardis ötahuiyära̧'a̧'i̧nä̧, Filadelfia ötahuiyära̧'a̧'i̧nä̧, Laodicea ötahuiyära̧'a̧'i̧nä̧, huȩyu̧tu̧ hue'i.

Apocalipsis 1:11 Iomraidhean Croise

Hechos 16:14

Ja̧'wa̧nü̧ ja̧'a̧, yajute Lidia pä'ü mi̧kuaju; púrpura pättü iyäwä isaju, Tiatira ütawiyä ttü̧ja̧saju, Dio-rü esetä'ijäju juȩnȩ ä̧ju̧kuä̧rü̧ pinä̧ju̧, Pauru jiäwa'a. Juäjuru kka̧mi̧so'ki ba'epinü̧ Tu̧ru̧wa̧mä̧, Pauru jiwa'a adiu kkä̧ju̧kua̧ pä'ü.

Hechos 18:24

Ja̧'wa̧nü̧ ja̧'a̧, ya̧tȩ judío i̧sa̧ Aporo pä'ü mi̧kua̧, Alejandría ütawiyä i̧sa̧ Éfeso ütawiyänä̧ rȩbȩwi̧nü̧, ukuokuäkuäwä wo̧jua̧ ja̧'wa̧ta̧nü̧ Wȩyu̧kuä̧ Wȩnȩ'i̧nä̧ rü̧ȩnä̧ adiu wo̧jua̧.

Hechos 20:17

Pauru-mä̧, Mileto ütawiyänä̧ kkä̧nü̧, Éfeso ütawiyä igresia-ttü tturuwotürü jittäwäja pä'ü we'inü̧.

1 Corintios 15:32

Éfeso ütawiyättümä̧ de'a isotü pä̧i̧kuä̧tü̧ jä̧'i̧nü̧'a̧nü̧ wotü ttü̧ja̧ku̧ rowäwinü̧sä̧ ja̧'wa̧nü̧ ja̧'a̧nä̧, isopäi'ünä̧ wa'ü ikuinä̧tü̧ ttoächäkuäwokü jü̧ttü̧mä̧, ¿däjetä chȩmi̧na̧'a̧jä̧ttü̧? jua̧u̧nu̧mä̧ kkorotü pättä'ijü̧'a̧kuä̧ jȩtä̧tu̧kua̧: kuä̧nü̧ jü̧nä̧tä̧, au jü̧nä̧tä̧ jȩtä̧tu̧kua̧, täkü yo̧i̧mo̧ro̧mä̧ 'korujuotächäkua'attü̧.

1 Corintios 16:8

Ja̧'wa̧nü̧ ja̧'a̧nä̧ Éfeso ütawiyänä̧tä̧ chü̧jä̧kua̧sä̧ pentecostés mo̧ro̧bü päi'ünä̧.

Efesios 1:1

Ttü Pauru, Dio üjü'komȩnä̧, Jesucrito-mä̧ apóto jü̧nä̧ weinä̧ku̧ cha'attü, Éfeso ütawiyä ttü̧ja̧rü̧ te'äusä, Jesucrito-rü esetätü, surojü jui'ätürü.

Colosenses 2:1

Ja̧'wa̧ta̧nü̧ ku̧wo̧juä̧tu̧kua̧ pä'üsä, ukutu jäwänä̧ usurä chȩmä̧u̧'i̧nä̧, ja̧'wa̧ta̧nü̧ Laodicea-nä̧ kka̧kuä̧tü̧rü̧ usurä chȩmä̧u̧'i̧nä̧, ja̧'wa̧ta̧nü̧ kkorotü ttürü jerupätürü'i̧nä̧ o'katoi'ünä̧rü̧.

1 Timoteo 1:3

Macedonia rȩjȩra̧'a̧ 'chä̧nü̧ kkä̧nü̧ jidäwinü̧ta'anü̧, ukumä̧ Éfeso ütawiyänä̧tä̧ kkä̧wi̧, yapare wȩnȩ ttü̧wo̧juȩta̧'a̧ku̧,

Apocalipsis 1:17

Ja̧'wa̧nü̧ topümä̧, 'korupä'i'ätü 'kua̧rü̧nä̧ ü̧jä̧pi̧yä̧ kkada'ka ma̧'ä̧mi̧nü̧sä̧. Ja̧'wa̧nü̧ pädi'iyäku, u̧wo̧jua̧'a̧ku̧nä̧ i̧sä̧mü̧ u̧mü̧nä̧ mȩ'ü̧, päinä̧ku̧sä̧: —Yekuekuä; ttümä̧ ä̧kuo̧mȩnä̧tä̧ päi'ünä̧ kki̧nü̧sä̧ ja̧'wa̧ta̧nü̧ rüjí mo̧ro̧bü päi'ünä̧ chü̧jä̧kua̧sä̧,

Apocalipsis 1:19

Ja̧'wa̧nü̧ ja̧'a̧ttü̧, to'kuäjimä̧ wȩyu̧ti̧: Jitä 'kuäopü'i̧nä̧ ja̧'wa̧ta̧nü̧ yodoji 'kuäopä̧kuȩ'i̧nä̧, jü̧nä̧.

Apocalipsis 1:2

Ja̧'wa̧nü̧ ji̧na̧'a̧ttü̧ jua̧u̧ Ju̧a̧-mä̧ toinü̧mä̧ jueünä̧tä̧ ji'äwinü̧, Dio Jesucrito-nä̧ jiäwinü̧ wȩnȩmä̧.

Apocalipsis 1:20

Ku̧wo̧jui̧pü̧ juiyünä̧ jä̧ji̧, chu̧wo̧jua̧'a̧ku̧nä̧ 'chu̧dä̧rä̧jä̧u̧ kko̧ro̧mü̧ttü̧nü̧ ta̧ju̧ si̧ri̧'ko̧tü̧ päjätümä̧; kko̧ro̧mü̧ttü̧nü̧ tokäre tȩya̧u̧ kku̧nä̧wä̧ okä oro okä jä̧ji̧'i̧nä̧ jü̧nä̧mä̧, pi̧yȩ ja̧'a̧: Kko̧ro̧mü̧ttü̧nü̧ ta̧ju̧ si̧ri̧'kü̧ päjätümä̧, kko̧ro̧mü̧ttü̧nü̧ todäre igresia-ttü á̧gȩrȩ-rü päteta'a; ja̧'wa̧ta̧nü̧ kko̧ro̧mü̧ttü̧nü̧ tokäre tȩya̧u̧ kku̧nä̧wä̧ okä jä̧ji̧mä̧, kko̧ro̧mü̧ttü̧nü̧ todäre igresia-rü päteta'a.

Apocalipsis 1:4

Ttü Ju̧a̧, Asia rȩjȩnä̧ kka̧kuä̧tü̧, kko̧ro̧mü̧ttü̧nü̧ todäre igresia wotürü te'äusä: Wȩnȩ juiyü, adiwä juei ukuturu kka̧ pä'üsä. Jitä'i̧nä̧ kkü̧, mo̧'i̧nä̧ kki̧nü̧, pä'ejita'anü̧'i̧nä̧ i̧chä̧kua̧ ja̧'wa̧ta̧nü̧ kko̧ro̧mü̧ttü̧nü̧ ta̧ju̧ wotü uruwo dȩä̧kä̧ ä'ka jo̧mȩ kka̧kuä̧tü̧ epíritu-tu̧ru̧'i̧nä̧ kku̧nä̧rü̧ ȩmi̧nä̧u̧ kuätukua'attü,

Apocalipsis 1:8

«Ttütäsä ä̧kuo̧mȩnä̧'i̧nä̧, rüjinä̧'i̧nä̧ wa̧mä̧,» pä'ü Tu̧ru̧wa̧ Dio-mä̧, täbokü'i̧nä̧ kki̧nü̧mä̧, jitä'i̧nä̧ kkü̧mä̧, ja̧'wa̧ta̧nü̧ yodoji'i̧nä̧ i̧chä̧kua̧mä̧, o'kajuiyünä̧tä̧ ujuru kku̧nä̧rü̧mä̧.

Apocalipsis 10:4

Ja̧'wa̧nü̧ kko̧ro̧mü̧ttü̧nü̧ rä̧mi̧po̧mȩnä̧, chi̧wȩyu̧ta̧ pä'inü̧sä̧; ja̧'wa̧nü̧ ja̧'a̧nä̧ mo̧ro̧jä̧ra̧'a̧ttü̧ rä̧mi̧pi̧na̧'a̧: «Kui̧wȩyu̧tä̧ kko̧ro̧mü̧ttü̧nü̧ todäre jo̧mȩnä̧ rä̧mi̧pä̧ji̧mä̧, dajütä kku̧ni̧,» jü̧nä̧.

Apocalipsis 14:13

Ja̧'wa̧ta̧nü̧ mo̧ro̧jä̧ra̧'a̧ttü̧ ya̧tȩ i̧wȩnȩ rä̧mi̧pa̧'a̧ ä̧ju̧kui̧nü̧sä̧: «Pi̧yȩ wȩyu̧ti̧: Eseäkuäwä kkä̧kua̧'a̧ porü yaboku, tu̧ru̧wa̧ku̧ todeunä̧ 'korujuo'ächätürü.» «A̧, iweye ja̧'wa̧ta̧nü̧ jä̧kua̧'a̧ pä'ü Epíritumä̧, juätümä̧ ttaditäwättü 'kuä'ächi'ü ttü̧'ä̧mä̧dä̧kuo̧tü̧, ttaditäwämä̧ juätütäku kkä̧kua̧'a̧.»

Apocalipsis 19:9

Ja̧'wa̧nü̧ ja̧'a̧ á̧gȩ-mä̧ päinä̧ku̧sä̧: «Wȩyu̧ti̧: Eseäkuäwä kka̧'a̧, jua̧u̧ oweja mü̧ä̧ya̧ jü̧nä̧ wa̧ ü'käu pä'kärinä̧ i̧'cha̧ pä'ü ä̧tȩkuo̧tü̧rü̧mä̧.» Yabonü̧ päinä̧ku̧sä̧: «Pi̧yȩ ja̧'a̧ Dio i̧wȩnȩ, jueü wȩnȩmä̧.»

Apocalipsis 2:1

Éfeso-ra̧'a̧ igresia tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: u̧wo̧jua̧'a̧ku̧nä̧ u̧mü̧nä̧ kko̧ro̧mü̧ttü̧nü̧ ta̧ju̧ wotü si̧ri̧'kü̧rü̧ 'chu̧'ä̧rü̧mä̧ ja̧'wa̧ta̧nü̧ kko̧ro̧mü̧ttü̧nü̧ tokäre tȩya̧u̧ kku̧nä̧wä̧ okä oro jäwä 'kä̧tȩnä̧ kue'ächümä̧ pa̧'a̧nü̧ pä'ü:

Apocalipsis 2:12

Pégamo-ra̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: kurodä päteku so̧dä tä̧o̧dä kku̧nä̧rü̧mä̧ pa̧'a̧nü̧ pä'ü:

Apocalipsis 2:18

Tiatira-ra̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: ü'äriyä'i̧nä̧ okurä jä̧'i̧nü̧'a̧nü̧ wa̧mä̧, ü̧jä̧pi̧yä'i̧nä̧ bro̧ce pättü säruwächi'ünä̧ jȩpü̧ ikuäwa'a jä̧'i̧nü̧'a̧nü̧ wa̧, Dio i̧tti̧mä̧, pa̧'a̧nü̧ pä'ü:

Apocalipsis 2:24

Ja̧'wa̧ta̧nü̧ ukutu, Tiatira-nä̧ kka̧kuä̧tü̧rü̧, juäju kku̧wo̧juȩtü̧nä̧ 'cho̧ko̧tü̧rü̧ ja̧'wa̧ta̧nü̧ kkorotü Sataná ü̧dä̧pä̧rȩ pättü ttu̧wo̧jui̧'a̧ pä'okotü pä'ijätürü, ji̧yȩtȩtä̧ we'üsä:

Apocalipsis 2:8

Esmirna-ra̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: Ä̧kuo̧mȩnä̧tä̧ päi'ünä̧ kki̧nü̧mä̧, yodoji rüjí mo̧ro̧'i̧nä̧ ü̧jä̧kua̧mä̧, wa'ü'i̧nä̧ ikuina̧'a̧nä̧ tto'ächinü̧mä̧, pa̧'a̧nü̧ pä'ü:

Apocalipsis 21:5

Ja̧'wa̧nü̧ ja̧'a̧ uruwo dȩä̧kä̧nä̧ pü̧mä̧ pä'inü̧: «Ttümä̧ o'kajuiyünä̧ jareü jü̧nä̧tä̧ jȩpü̧sä̧.» Ja̧'wa̧ta̧nü̧ pä'inü̧: «Wȩyu̧ti̧; pi̧yȩmä̧ jueünä̧tä̧, isopäi'ünä̧tä̧ jü̧ ja̧'a̧.»

Apocalipsis 22:10

Ja̧'wa̧ta̧nü̧ päinä̧ku̧sä̧: «Pi'tänä̧ wȩyu̧kua̧'a̧ pȩjü̧ 'kuäopä̧kuȩ wȩnȩmä̧ kuä̧ppü̧ti̧'ä̧, täkü 'kuäopä̧kuȩ mo̧ro̧mä̧ tü'küwächa'a.

Apocalipsis 22:16

«Ttü, Jesú-mä̧, chu̧mü̧wä̧ya̧ á̧gȩ-rü̧ we'äjisä pi̧yȩ o'kajuiyünä̧ igresia ttü̧ja̧rü̧ jidäwa pä'ü. Ttütä ja̧'a̧ Dawi-ttü ichäkuäwa̧ kkada'ka jü̧nä̧ wa̧mä̧, pä'ü mo̧ro̧ juomȩnä̧ siri'ko tejäda'a jä'i̧nü̧'a̧nü̧.»

Apocalipsis 3:1

«Sadira̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: Epíritu-tu̧ kko̧ro̧mü̧ttü̧nü̧ ta̧ju̧ wotü Dio isotürü kku̧nä̧rü̧mä̧ ja̧'wa̧ta̧nü̧ kko̧ro̧mü̧ttü̧nü̧ ta̧ju̧ si̧ri̧'kü̧rü̧ kku̧nä̧rü̧mä̧ pa̧'a̧nü̧ pä'ü: Kuaditäwämä̧ o'kajuiyünä̧ wo̧jua̧sä̧, kui̧mi̧mä̧ a̧'kua̧rä̧tü̧ 'kua̧rü̧nä̧ kukuowa'anä̧ wa'ü kuikuina̧'a̧tä̧ wa̧jä̧.

Apocalipsis 3:14

«Ja̧'wa̧ta̧nü̧ Laodicea-ra̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: Pa̧'a̧nü̧ pä'ü Amȩ́-mä̧, jueünä̧tä̧, isopäi'ünä̧tä̧ ukuokumä̧, ä̧kuo̧mȩnä̧ Dio uwäbe'inü̧'i̧nä̧ kki̧nü̧mä̧, pi̧yȩ pä'ü.

Apocalipsis 3:4

Ja̧'wa̧nü̧ ja̧'a̧nä̧, juȩnȩ Sadinä̧ ttü̧'ka̧tä̧wä̧ti̧yu̧ iditäkuäwokotürü kku̧nä̧rü̧jä̧; ja̧'wa̧nü̧ ja̧'a̧ttü̧ juätümä̧ ttüku ttü̧'ka̧tä̧wä̧ti̧yu̧ teünä̧ 'ka̧tä̧wi̧'ü̧ kuettächäkuotü, juätümä̧ isó juo'epinä̧tü̧ ja̧'a̧ttü̧.

Apocalipsis 3:7

«Ja̧'wa̧ta̧nü̧ Firadefia-ra̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: Pa̧'a̧nü̧ pä'ü surojü jui̧'a̧mä̧ ja̧'wa̧ta̧nü̧ jueü wȩnȩ ukuokumä̧, ru̧wa̧ Dawi üäre yäwi kku̧nä̧rü̧mä̧, bawepomȩnä̧'i̧nä̧ ya̧tȩ'i̧nä̧ mü̧'ȩpü̧ juiyünä̧ wa̧mä̧ ja̧'wa̧ta̧nü̧ mü̧ȩpo̧mȩnä̧'i̧nä̧ ya̧tȩ'i̧nä̧ bawepü juiyünä̧ wa̧mä̧ pä'ü: